17/12/2025
*العالمية*
من رئيس وأعضاء الهيئة الإدارية لرابطة مخاتير قضاء جبيل، شكرًا من القلب لكل المخاتير الأعزاء يلي شاركونا بالسهرة الأخوية يلي جمعتنا بمطعم "ب مهرين" – جبيل.
هاللقاء ما كان مجرد سهرة، كان لقاء عائلي جامع، فيه المحبة والصداقة والتفاهم. جو من الألفة والأخوة خيّم على السهرة، وكأنو الكل عائلة واحدة، عم تتشارك الهمّ والمسؤولية، وعم تشتغل بإيد وحدة لخدمة الناس.
رئيس رابطة المخاتير، المهندس كريستيان القصيفي، رحّب بجميع الزملاء، وشكرهم على حضورهم وتجاوبهم، وأكد إنو هالقاء لتعزيز التواصل بين المخاتير.
كما عرض القصيفي أبرز الإنجازات يلي عم تشتغل عليها الهيئة الإدارية، والخططات المستقبلية وخاصة بموضوع حقوق المخاتير، متابعة ملفات التعويضات، تحسين العلاقة مع الوزارات، والدفع باتجاه دعم دور المختار أكتر على الأرض.
وتخلّل السهرة قص قالب حلوى بمناسبة الأعياد المجيدة، بهجةً وتمنيًا بأن تحمل هذه الأعياد الخير والصحة والسلام لكل لبنان وأهله.
هاللقاء كان دليل إنو الرابطة قوية بأعضائها، ومتماسكة بمحبة كل مختار فيها.
إيد بإيد، منكمّل الطريق سوا، بخدمة الناس والرابطة.
https://chat.whatsapp.com/HzYNUSbwh2D1l65Am1opdr?mode=hqrt1
