Itz Saqib

13/06/2018

ہم ہی کیوں کارِ اذیّت سے گُزارے جائیں
عشق مذہب ہے تو ایمان سے سارے جائیں

میں نہ یوسف نہ مرے ہجر میں رونے والی
مِثلِ یعقوب , کسی آنکھ کے تارے جائیں

یہ بھی ڈر ہے جو کسی پیڑ پہ پتھر پھینکوں
ساتھ پھل کے نہ کہیں گھونسلے سارے جائیں

ہم بھی ہیں کہف کی دیواروں سے لپٹی روحیں
یونہی سو کر نہ کہیں عمر گزارے جائیں

اور بھی نکھریں گے اعراب ِ وفا سے انجم
ہم پہ الفاظ محبت کے اُتارے جائیں

آصف انجم

13/06/2018

کئی دنوں سے مروت نہیں ہوئی مجھ سے
اُسے بھی کوئی شکایت نہیں ہوئی مجھ سے

بہت سے کام دکھاوے کے کر رہا تھا میں
خدا کا شکر عبادت نہیں ہوئی مجھ سے

نئے سرے سے محبت کی آرزو تھی مگر
نئے سرے سے محبت نہیں ہوئی مجھ سے

یہ لوگ اپنے عقیدے سے پیار کرتے ہیں
اسی لیے تو عقیدت نہیں ہوئی مجھ سے

میں ذمے دار ہوں تیری اداس آنکھوں کا
میں مانتا ہوں حفاظت نہیں ہوئی مجھ سے

تمام رات یونہی تِیلیاں جلاتا رہا
دِیا جلانے کی ہمت نہیں ہوئی مجھ سے

یہ اور بات تجھے درگزر کیا ورنہ
کسی کے ساتھ رعایت نہیں ہوئی مجھ سے.

03/06/2018

22/02/2018

خواب دکھاتی آنکھوں کو

رنگے ہاتھوں پکڑا جائے

22/02/2018

"چاند بھگوڑا" ایک دل کو چھو لینے والی تحریر پڑھیں
‏"فلسفے اور پہیلیوں سے پرے کی بات یہ ہے پتر_کہ یہ جو اولاد ہوتی ہے ناں چاند بھگوڑا ہوتی ہے تو جو آج مجھ پر جان دینے کی بات کرتا ہےناں_تو بھی چاند بھگوڑا ہے"
جانے یہ بات ابا نے مجھ سے کب کہی تھی مجھے چاہ کربھی یاد نہیں آرہا_آج ابا تو نہ رہے مگر ان کی یادیں میرے دل کی کھڑکیوں کی چٹخنیاں کھول رہی تھیں_ابا بڑے سیدھے اورنمانے سے تھے اماں فوت ہوئیں تو گاؤں بھر نے سمجھایا
‏"دوسری شادی کرلے"
ابا نے مجھے آنگن کی مٹی اٹھاتے دیکھا میں بھی انھیں دیکھ رہا تھا_
‏"میں اور میرا پتر ایک دوسرے کو کافی ہیں"
لوگوں نے سو بارکہا اورسو بارانکارہی سنا_
ابا لنگوٹ باندھے کپڑے دھوتے،روٹی پکاتے ،نوالے بنا بنا کرکھلاتے_
سچ کہوں تو ابا مجھے کبھی ابا لگے ہی نہیں وہ مجھے اماں جیسے لگے_
لوہار تھے لوہا گرم کرتے جو پگھلتا اور نئی شے میں ڈھلتا__جب ہوش نے آنکھ کھولی تو میں ابا کے سامنے جاکھڑا ہوا_
منہ پھاڑ کے کہہ دیا
‏"بڑا ہوکرلوہاربنوں گا"
سراٹھایا اور گھورا_
‏"وڈا آیا لوہار بنے گا"
میں نے غصے سے زمین پر ٹھوکرماری_
‏"زمین تیرے پیو کی نہیں جو غصہ دکھارہا ہے"
میں بکائن سے ٹیک لگائے کھڑا تھا_
‏"جانتا ہوں اللہ کی ہے"
ابا آگ کی بھٹی میں انگارے پلٹ رہے تھے مڑکرپوچھنے لگے_
‏"اوراللہ کس کا ہے؟"
میں نے بکائن کے ڈوڈے بھٹی میں اچھالے_ڈوڈے پھٹ گئے
‏"واصف رفیق کا ہے"
‏"واصف کون ہے؟"
‏"میں ہوں"
میں نے سینہ تان کرکہہ دیا_ابا نے مسکراہٹ داب لی "اوررفیق کون ہے؟"
‏"میرا پیو ہے"
اطمینان مجھ پرختم تھا_ابا اٹھے_مجھ تک آئے اور پیشانی چوم لی
‏"واصفے_رفیق تو لوہار ہے حلال کماتا ہے کام افضل ہے_مگر وقت دیکھ اب لوہار کے گھر لوہارپیدا نہیں ہوتا"
میں کچھ سمجھا اور کچھ نہ سمجھ سکا_
‏"بنوں گا تو لوہار"
ابا نے الٹے ہاتھ کا تھپڑ جڑدیا_میں اندھیرے جنگل روتا کرلاتا بھاگ گیا_
پیچھے پیچھے اباروتےکرلاتے مشعل تھامے آگئے_میں دبک گیا_تھک گئے اور چلاکربولے
‏"واصفے اگر دو منٹ ہور نہ باہر آیا تیرے پیو دی جند نکل جانڑی اے"
میں چوری سے آیا اور پیچھے سے لپٹ گیا_
ابا نے چٹاچٹ چوم ڈالا
‏"ہائے_میرا چاند بھگوڑا"
ابا کے کندھوں پر میں سوار تھا_پگڈنڈی پرجارہے تھے اور آسمان پر چاند کھڑا تھا_
‏"ابا چاند بھگوڑا کیا ہے؟"
‏"پتر_یہ جو چاند ہوتا ہے اسکو پل کا چین نہیں بھاگا بھاگا پھرتا ہے"
چند دن گزرے ابا ماسٹرجی کے پاس چھوڑ آئے_
‏"پڑھ لکھ کے بندہ بن جا"
‏"بندہ نئیں بننا" میں نے نفی میں سرہلایا_
‏"کیا بننا ہے؟"
‏"لوہار"
‏"جان سے ماردوں گا"
جانتے تھے مجھے جان کتنی پیاری ہے سو آنے کی دھمکی دے کرباغ وبہار ہوگئے_
میں ماسٹرجی سے پڑھتارہا_شعور آیا تو ابا سے کہہ دیا
‏"لوہے کا کام چھوڑدیں اس کام کی قدر نہیں"
ابا ہکا بکا رہ گئے_بولے بھی تو صرف اتنا کہ
‏"واصفے تو اتنا وڈا ہوگیا"
وقت بڑھا اور سب بدلتا گیا_میں پڑھنے شہرآگیا
یہاں آکردنگ رہ گیا موٹرگاڑیاں،سوٹڈ بوٹڈ لوگ،کانچ کے تھے_
اور میں کیا تھا ایک لوہارکا بیٹا_مجھے عجیب لگا_ابا سے کہہ دیا
‏"یہ کام چھوڑدیں مجھے شرم آتی ہے"
ابا پتھر میں ڈھل گئے_
‏"واصفے مجھے نہیں آتی"
‏"آپکو میری پرواہ نہیں"
ابا نے کچی دیوارکو تھاما تھا"چڑی کے بچے جتنا تھا_تیرا پاخانہ دھوتارہا،نہلاتارہا،کھلاتارہا_خود بھوکا سوگیا مگرقسم لے لے جو تجھے بھوکا سلایا ہو"
میں نے ابا کو نہیں دیکھا_
‏"ہر باپ ایسا کرتا ہے"
وہ روتے ہوئے آگے بڑھے اور آگ کی بھٹی توڑڈالی_انگارے بکھرگئے
‏"ہرباپ حلال نہیں کھلاتا"
ابا ننگے پیرتھے_انگاروں پر آگئے_تلوے جل گئے
‏"ہائے واصفے_تو تو واقعی چاند بھگوڑا نکلا"
میں واقعی چاند بھگوڑا تھا بھاگتارہا بھاگتارہا_
میں قبرستان میں بیٹھا تھا _میرا وجود خوشبووں سے مہک رہا تھا_ابا کی قبرپرہاتھ پھیرا جوابا سرگوشی ابھری
‏"ہرباپ حلال نہیں کھلاتا"
میرے بیٹے نے کندھے پرہاتھ رکھا تھا_
‏"یہ کس کی قبرہے؟"
میں بلک بلک کررودیا_
‏"ایک چاند بھگوڑا تھا یہ اسکے باپ کی قبر ہے"
سرگوشیاں اڑاڑ آتی رہیں_
‏"لوہارکے گھرلوہارپیدا نہیں ہوتا"
سچ تھا_آہ
‏"ہرباپ حلال نہیں کھلاتا"
یہ میرا سچ تھا_
چاند بھگوڑے کا سچ تھا!!!
تحریر_محسن علی شامی

16/02/2018

سمجھ سمجھ کر سمجھ کو سمجھے، سمجھ سمجھنا ہی اک سمجھ ہے
سمجھ سمجھ کر سمجھ کو نہ سمجھے میری سمجھ میں وہ نا سمجھ ہے!