Ceylonqknews

Ceylonqknews News media

சம்மாந்துறை பைனன் ஆற்றுக்கட்டின் புனர்நிர்மாணப் பணிகள் ஆரம்பம்2023, 2024 வெள்ளத்தால் சேதமடைந்த பகுதி ரூ.14.96 மில்லியன் ...
07/09/2026

சம்மாந்துறை பைனன் ஆற்றுக்கட்டின் புனர்நிர்மாணப் பணிகள் ஆரம்பம்

2023, 2024 வெள்ளத்தால் சேதமடைந்த பகுதி ரூ.14.96 மில்லியன் செலவில் மீளமைப்பு

தில்சாத் பர்வீஸ்

சம்மாந்துறை பிரதேச செயலாளர் பிரிவுக்குட்பட்ட கல்லரிச்சல் பகுதியில், கடந்த 2023 மற்றும் 2024ஆம் ஆண்டுகளில் ஏற்பட்ட கடும் வெள்ளப்பெருக்கினால் சேதமடைந்த பைனன் ஆற்றுக்கட்டின் புனர்நிர்மாணப் பணிகள் நேற்று (06) ஆரம்பித்து வைக்கப்பட்டன.

தொய்யம் வட்டை அமைப்பின் தலைவர் மற்றும் அம்பாறை மாவட்ட பிரதம பொறியியலாளர் ஏ.எம். சாஹிர் தலைமையில் நடைபெற்ற இந்நிகழ்வில், அம்பாறை மாவட்ட கரையோர ஒருங்கிணைப்புக் குழுத் தலைவரும் பாராளுமன்ற உறுப்பினருமான ஏ. ஆதம்வாவா பிரதம அதிதியாகக் கலந்துகொண்டு புனர்நிர்மாணப் பணிகளை ஆரம்பித்து வைத்தார்.

கடந்த 2023 மற்றும் 2024ஆம் ஆண்டுகளில் ஏற்பட்ட பாரிய வெள்ளப்பெருக்கினால் பைனன் ஆற்றுக்கட்டு மற்றும் அதனை அண்டிய பகுதிகள் பெருமளவில் சேதமடைந்திருந்தன. இதனால் அப்பகுதியில் விவசாய நடவடிக்கைகளும் பாதிக்கப்பட்டிருந்தன.

இந்நிலையில், குறித்த ஆற்றுக்கட்டினை மீளமைத்து, எதிர்காலத்தில் ஏற்படக்கூடிய வெள்ளப்பெருக்கினால் விவசாய நிலங்களுக்கு ஏற்படும் பாதிப்புகளைத் தடுக்கவும், விவசாயிகளின் வாழ்வாதாரத்தைப் பாதுகாக்கவும் சுமார் 14.96 மில்லியன் ரூபா மதிப்பீட்டுச் செலவில் புனர்நிர்மாணப் பணிகள் முன்னெடுக்கப்படுகின்றன.

இதன்போது கருத்துத் தெரிவித்த பாராளுமன்ற உறுப்பினர் அபூபக்கர் ஆதம்பாவா, பைனன் ஆற்றுக்கட்டின் புனர்நிர்மாணப் பணிகள் நிறைவடைந்ததன் பின்னர், எதிர்காலத்தில் வெள்ளப்பெருக்கினால் ஏற்படும் பாதிப்புகளை கணிசமாகக் குறைக்க முடியும் எனவும், இதன் மூலம் அப்பகுதி விவசாயிகளின் விவசாய நடவடிக்கைகளுக்கு பாதுகாப்பான சூழலை ஏற்படுத்த முடியும் எனவும் தெரிவித்தார்.

மேலும், விவசாயிகளின் நீண்டகால தேவைகளை கருத்திற்கொண்டு நீர்ப்பாசன உட்கட்டமைப்புகளை வலுப்படுத்துவதற்கு தேவையான நடவடிக்கைகள் தொடர்ந்தும் முன்னெடுக்கப்படும் எனவும் அவர் குறிப்பிட்டார்.

இந்நிகழ்வில் சம்மாந்துறை பிரதேச நீர்ப்பாசன பொறியியலாளர் ஆர். வேல்கஜன், கல்முனை பிராந்திய நீர்ப்பாசன பொறியியலாளர் ஏ.எம்.எம். ஹக்கீம், தேசிய மக்கள் சக்தியின் பிரதேச சபை உறுப்பினர் வை. நவாஸ், தேசிய மக்கள் சக்தியின் உறுப்பினர்கள், நீர்ப்பாசனத் திணைக்கள அதிகாரிகள் மற்றும் பிரதேச விவசாயிகள் உள்ளிட்ட பலர் கலந்துகொண்டனர்.

Show quoted text

காத்தான்குடி பேராளர் மாநாடு – ஒரு வரலாற்றுத் திருப்பம்காத்தான்குடி மீண்டும் ஒரு வரலாற்றை எழுதப் போகிறது!எதிர்வரும் 16ஆம்...
07/09/2026

காத்தான்குடி பேராளர் மாநாடு – ஒரு வரலாற்றுத் திருப்பம்
காத்தான்குடி மீண்டும் ஒரு வரலாற்றை எழுதப் போகிறது!

எதிர்வரும் 16ஆம் திகதி காத்தான்குடியில் நடைபெறவிருப்பது வெறுமனே ஸ்ரீலங்கா முஸ்லிம் காங்கிரஸ் கட்சியின் பேராளர் மாநாடு மாத்திரமல்ல.
இது முஸ்லிம் சமூகத்தின் அரசியல் எதிர்காலத்தைப் பற்றி ஆழமாக சிந்திக்கவும், புதிய அரசியல் பாதைக்கு வலுவான அடித்தளத்தை அமைக்கவும் போகும் ஒரு முக்கியமான வரலாற்று நிகழ்வாகும்.

காலத்தின் மாற்றங்களுக்கும், சமூகத்தின் எதிர்பார்ப்புகளுக்கும் ஏற்ப முஸ்லிம் சமூகத்தின் அரசியல் பயணம் புதிய பரிமாணத்தை அடைய வேண்டிய தேவை இன்று ஏற்பட்டுள்ளது.

அரசியல் என்பது வெறுமனே பதவிகளுக்காகவும் அதிகாரத்திற்காகவும் அல்ல. அது சமூகத்தின் உரிமைகளைப் பாதுகாப்பதற்கும், இளைஞர்களின் எதிர்காலத்தை உறுதிப்படுத்துவதற்கும், மக்களின் குரலை உரிய இடத்தில் வலிமையாக ஒலிக்கச் செய்வதற்குமான ஒரு பொறுப்பாகும்.

அந்த வகையில், 16ஆம் திகதி காத்தான்குடியில் கூடவிருக்கும் பேராளர் மாநாடு, முஸ்லிம் சமூகத்தின் அரசியல் பயணத்தில் ஒரு புதிய அத்தியாயத்தைத் திறக்கும் நிகழ்வாக அமைய வேண்டும்.

இது ஒரு மாநாடு மட்டுமல்ல…

இது ஒரு அரசியல் எழுச்சிக்கான அழைப்பு.
இது ஒரு புதிய நம்பிக்கைக்கான தொடக்கம்.
இது முஸ்லிம் சமூகத்தின் அரசியல் எதிர்காலத்தை வலுப்படுத்துவதற்கான ஒரு முக்கியமான தருணம்.

வரலாறு சில சந்தர்ப்பங்களில் மட்டுமே எழுதப்படுவதில்லை;
சரியான தருணத்தில் எடுக்கப்படும் சரியான முடிவுகளால் வரலாறு உருவாக்கப்படுகிறது.

அந்த வரலாற்றுத் தருணத்தை நோக்கி காத்தான்குடி தயாராகிறது.

16ஆம் திகதி — காத்தான்குடியில் இருந்து ஒரு புதிய அரசியல் பயணம் ஆரம்பமாகட்டும்!

Younus Razick
SLMC Youth Organizer – Nawalapitiya

04/09/2026

ஹிஸ்புல்லாஹ்வின் முதல் நிதியுதவி குறித்து வணக்கத்துக்குரிய பௌத்த பிக்கு நெகிழ்ச்சி..!

அவரது உரையில் சொல்கிறார்,

"இந்த இருமாடி கட்டிடத்தை, பல்கலைக்கழக மாணவர்கள் பலர் இங்கு தங்கியிருப்பதால் அவர்களுக்கு தங்குமிடம் வழங்க வேண்டும் என்பதற்காகவே நான் கட்டத் தொடங்கினேன். இதற்கு எனக்கு முதன்முதலில் உதவியவர் முன்னாள் முஸ்லிம் அமைச்சரான திரு. ஹிஸ்புல்லாஹ் ஆவார். அவர்தான் எனக்கு முதலில் 10 லட்சம் ரூபாய் வழங்கி உதவினார்.

-------------------------

வெல்லாவெளி பொலிஸ் பிரிவில் சோகம் - பாம்பின் விஷம் பட்டதாக சந்தேகிக்கப்படும் நாவல் பழத்தை உண்ட 11 வயதுச் சிறுவன் உயிரிழப்...
04/09/2026

வெல்லாவெளி பொலிஸ் பிரிவில் சோகம் - பாம்பின் விஷம் பட்டதாக சந்தேகிக்கப்படும் நாவல் பழத்தை உண்ட 11 வயதுச் சிறுவன் உயிரிழப்பு!

​
நிலத்தில் வீழ்ந்து கிடந்த, பாம்பின் விஷம் பட்டதாக சந்தேகிக்கப்படும் நாவல் பழத்தை உண்ட 11 வயதுடைய சிறுவன் ஒருவன் பரிதாபகரமாக உயிரிழந்த சம்பவம் நேற்று (03) மாலை இடம்பெற்றுள்ளது.

​மட்டக்களப்பு வெல்லாவெளி பொலிஸ் பிரிவிற்குட்பட்ட பாலையடிவட்டை பிரதேசத்தில் இச்சோக சம்பவம் நிகழ்ந்துள்ளதாக பொலிஸார் தெரிவித்தனர்.

​பாலையடிவட்டை வைத்தியசாலை வீதியைச் சேர்ந்தவரும், 37-ஆம் கிராமம் நவகிரி வித்யாலயத்தில் 6-ஆம் ஆண்டில் கல்வி கற்றுவந்தவருமான ரொ.சஞ்சீவ் (வயது 11) என்ற சிறுவனே இவ்வாறு உயிரிழந்தவராவார்.

​சம்பவம் குறித்து தெரியவருவதாவது:
​நேற்று மாலை சிறுவன் தனது வீட்டிற்கு முன்னால் உள்ள நாவல் மரத்தில் இருந்து நிலத்தில் வீழ்ந்து கிடந்த நாவல் பழத்தை எடுத்து உண்டுள்ளார்.

பழத்தை உண்ட சிறிது நேரத்திலேயே அச்சிறுவன் திடீரென மயங்கி வீழ்ந்துள்ளார்.

​இதனையடுத்து, உடனடியாக அவரை களுவாஞ்சிகடி ஆதார வைத்தியசாலைக்கு கொண்டு சென்று அனுமதித்த போதிலும், அவர் ஏற்கனவே உயிரிழந்துவிட்டதாக வைத்தியர்கள் தெரிவித்துள்ளனர்.

​நிலத்தில் வீழ்ந்து கிடந்த நாவல் பழத்தில் பாம்பின் விஷம் பட்டிருந்தமையினாலேயே அச்சிறுவன் உயிரிழந்திருக்கலாம் என பொலிஸாரின் ஆரம்பக்கட்ட விசாரணைகளில் இருந்து தெரியவந்துள்ளது.
​சடலம் தற்போது பிரேத பரிசோதனைக்காக வைக்கப்பட்டுள்ளதுடன், இது தொடர்பான மேலதிக விசாரணைகளை வெல்லாவெளி பொலிஸார் தீவிரமாக மேற்கொண்டு வருகின்றனர்.

(எஸ்.ரஞ்சன்)

தரம் 5 புலமைப்பரிசில் பரீட்சையில் 169 மாணவர்கள் சித்தி. திருக்கோவில் கல்வி வலயம் மீண்டும் சாதனை.! தரம் 5 புலமைப்பரிசில் ...
04/09/2026

தரம் 5 புலமைப்பரிசில் பரீட்சையில் 169 மாணவர்கள் சித்தி. திருக்கோவில் கல்வி வலயம் மீண்டும் சாதனை.!

தரம் 5 புலமைப்பரிசில் பரீட்சை பெறுபேறுகள் நேற்று (02.09.2026) புதன்கிழமை வெளியாகியுள்ள நிலையில் திருக்கோவில் கல்வி வலயம் இவ்வாண்டும் சிறப்பான முன்னேற்றத்தைப் பதிவு செய்துள்ளது.

2026ஆம் ஆண்டு தரம் 5 புலமைப்பரிசில் பரீட்சைக்கு திருக்கோவில் கல்வி வலயத்திற்குட்பட்ட 882 மாணவர்கள் தோற்றிய நிலையில், 810 மாணவர்கள் 70 மதிப்பெண்களுக்கு மேல் பெற்று 91.84 சதவீதத்தைப் பதிவு செய்துள்ளனர். மேலும், 169 மாணவர்கள் வெட்டுப்புள்ளிக்கு மேல் பெற்றுள்ளனர்.

கடந்த 2025ஆம் ஆண்டுடன் ஒப்பிடுகையில் இவ்வாண்டு பெறுபேறுகளில் குறிப்பிடத்தக்க முன்னேற்றம் ஏற்பட்டுள்ளது.

2025ஆம் ஆண்டு 818 மாணவர்கள் பரீட்சைக்குத் தோற்றியிருந்த நிலையில், 705 மாணவர்கள் மாத்திரமே 70 மதிப்பெண்களுக்கு மேல் பெற்று 86.19 சதவீதத்தைப் பதிவு செய்திருந்தனர். இவ்வாண்டு 70 மதிப்பெண்களுக்கு மேல் பெற்ற மாணவர்களின் எண்ணிக்கை 105 பேரால் அதிகரித்துள்ளது.

அதேவேளை, வெட்டுப்புள்ளிக்கு மேல் பெற்ற மாணவர்களின் எண்ணிக்கையும் கடந்த ஆண்டின் 124 இலிருந்து 169 ஆக அதிகரித்துள்ளது.

கோட்ட ரீதியாகப் பார்க்கும்போது, திருக்கோவில் கோட்டம் 93.32 சதவீதத்துடன் முன்னிலையில் உள்ளதுடன் பொத்துவில் கோட்டம் 91.72 சதவீதத்தையும், ஆலையடிவேம்பு கோட்டம் 90.23 சதவீதத்தையும் பதிவு செய்துள்ளன.

குறிப்பாக, திருக்கோவில் கோட்டத்தில் வெட்டுப்புள்ளிக்கு மேல் பெற்ற மாணவர்களின் எண்ணிக்கை கடந்த ஆண்டின் 57 இலிருந்து 90 ஆகவும், ஆலையடிவேம்பு கோட்டத்தில் 58 இலிருந்து 66 ஆகவும், பொத்துவில் கோட்டத்தில் 9 இலிருந்து 13 ஆகவும் அதிகரித்துள்ளது.

தொடர்ச்சியாக சிறப்பான பெறுபேறுகளைப் பதிவு செய்து வரும் திருக்கோவில் கல்வி வலயத்தின் தொடர்ச்சியாக சிறப்பான பெறுபேறுகளைப் பதிவு செய்து வரும் திருக்கோவில் கல்வி வலயத்தின் இம்முன்னேற்றம், வலயத்திற்குட்பட்ட ஆலையடிவேம்பு கோட்டம், திருக்கோவில் கோட்டம் மற்றும் பொத்துவில் கோட்டம் ஆகியவற்றில் பணியாற்றும் அதிபர்கள், ஆசிரியர்கள் மற்றும் மாணவர்கள் பெற்றோர்களின் அர்ப்பணிப்பு மற்றும் கூட்டு முயற்சிக்கு கிடைத்துள்ள வெற்றியாகக் கருதப்படுகிறது.

(எஸ்.ரஞ்சன்)

திருக்கோவில் கல்வி வலயம் வரலாற்றுச் சாதனை - வலயக் கல்விப் பணிப்பாளர் வாழ்த்து!2026 ஆம் ஆண்டு தரம் 5 புலமைப்பரிசில் பரீட்...
04/09/2026

திருக்கோவில் கல்வி வலயம் வரலாற்றுச் சாதனை - வலயக் கல்விப் பணிப்பாளர் வாழ்த்து!

2026 ஆம் ஆண்டு தரம் 5 புலமைப்பரிசில் பரீட்சை பெறுபேறுகளில் திருக்கோவில் கல்வி வலயம் வரலாற்றுச் சாதனையைப் பதிவு செய்துள்ளது.

இம்முறை 169 மாணவர்கள் வெட்டுப்புள்ளிகளுக்கு மேல் புள்ளிகளைப் பெற்று சாதனை படைத்துள்ளதுடன், 70 புள்ளிகளுக்கு மேல் பெற்ற மாணவர்களின் வீதம் 91.8 ஆக பதிவாகியுள்ளது. இம்மகத்தான சாதனையை முன்னிட்டு அம்பாறை மாவட்டம் திருக்கோவில் வலயக் கல்விப் பணிப்பாளர் இரா. உதயகுமார் அதிபர்கள், ஆசிரியர்கள், மாணவர்கள், பெற்றோர்கள் உள்ளிட்ட அனைவரையும் பாராட்டி வாழ்த்துச் செய்தியொன்றை வெளியிட்டுள்ளார்.

பெருமதிப்பிற்குரிய நமது வலயத்தின் அதிபர்களே, ஆசிரியர்களே

2026 ஆம் ஆண்டு வெளிவந்திருக்கும் தரம் 5 புலமைப் பரிசில் பரீட்சை பெறுபேறுகளின் படி திருக்கோவில் கல்வி வலயம் இதுவரை காணாத வரலாற்றுச் சாதனையை நீங்கள் சாதித்து இருக்கிறீர்கள் என்பதை பெரும் மகிழ்வோடு இவ்விடத்தில் பதிவு செய்கிறேன்.

169 மாணவச் செல்வங்கள் வெட்டுப் புள்ளிகளுக்கு மேல் பெற்று சாதனை படைத்திருக்கிறார்கள், 70 புள்ளிகளுக்கு மேல் பெற்ற மாணவர்களின் வீதம் 91,8 ஆக உள்ளது,

இது சாதாரண சாதனை அல்ல அபரிதமான உங்கள் அர்ப்பணிப்புக்கு முயற்சிக்கும் கிடைத்த வெற்றி
இதற்காக அரும்பாடுபட்ட ஆசிரியர் பெருந்தகைகளுக்கு தலை வணங்குகிறேன், அவர்களை வாழ்த்தி பாராட்டுவதோடு இதை சரியான முறையில் திட்டமிட்டு வழி நடத்திய அதிபர்களுக்கும் எனது நன்றியினை தெரிவித்துக் கொள்கிறேன்,

மேலும் இம் மகத்தான சாதனைக்கு பின்புலமா நின்று இரவு பகல் பாராது அரும்பணியாற்றிய நமது வலயத்தின் ஆரம்பக் கல்வி பிரிவிற்கான பிரதி கல்வி பணிப்பாளர் திரு அம்ஜத் கான் அவர்களுக்கும், கல்வி அபிவிருத்திக்கான பணிப்பாளர் ஜனாப் நசீர், பொது முகாமைத்துவ பணிப்பாளர் திரு. சுரனுதன்,கல்வி திட்டமிடல் நௌபடின், கல்வி நிர்வாக பணிப்பாளர் திரு.நபீஸ், கணக்காளர் திரு லிங்கேஸ்வரன், கோட்டக்கல்வி பணிப்பாளர்களான திரு கங்காதரன், திரு. செல்வம், திரு .T உதயகுமார், ஆரம்ப பிரிவு ஆசிரிய ஆலோசகர்களுக்கும் மற்றும் பாடசாலை மேம்பாட்டு அதிகாரிகள் அனைவருக்கும் எனது மனம் நிறைந்த நன்றிகளும் பாராட்டுகளும் உரித்தாகட்டும்,

வெட்டுப் புள்ளிகளுக்கு மேல் பெற்ற மாணவச் செல்வங்களுக்கும் 70 புள்ளிகளுக்கு மேல் பெற்று சித்தி அடைந்த மாணவச் செல்வங்களுக்கும் எனது பாராட்டுகளை தெரிவித்துக் கொள்கிறேன், இதற்காக உழைத்த பெற்றோர்களுக்கும் என் நன்றிகள் உரித்தாகட்டும்,

கல்வி உலகில் மகத்தான சாதனைகளை புரிந்து வருகின்ற உங்கள் அனைவரதும் சேவையும் ஆற்றலும் தொடர்ந்து பெருக வேண்டும் என்று இறைவனிடம் பிரார்த்தித்து
திருக்கோவில் கல்வி வலயம் மேலும் மேலும் சாதனைகள் படைக்கும் என்று நம்புகிறேன் .

உங்கள் அனைவருக்கும் என் நன்றிகள்

இரா.உதயகுமார்
வலயக்கல்வி பணிப்பாளர்
திருக்கோவில்.

(எஸ்.ரஞ்சன்)

🔸 ஸ்ரீலங்கா முஸ்லிம் காங்கிரஸ் பேராளர் மாநாட்டுக்கான ஏற்பாடுகள் குறித்து ஹிஸ்புல்லாஹ் எம்.பி. ஆராய்வு..!ஸ்ரீலங்கா முஸ்லி...
03/09/2026

🔸 ஸ்ரீலங்கா முஸ்லிம் காங்கிரஸ் பேராளர் மாநாட்டுக்கான ஏற்பாடுகள் குறித்து ஹிஸ்புல்லாஹ் எம்.பி. ஆராய்வு..!

ஸ்ரீலங்கா முஸ்லிம் காங்கிரஸின் ஸ்தாபகத் தலைவர் மர்ஹூம் அல்ஹாஜ் எம்.எச்.எம். அஷ்ரப் அவர்களின் நினைவு தினத்துடன் இணைந்ததாக, கட்சியின் பேராளர் மாநாடு எதிர்வரும் 16ஆம் திகதி நடைபெறவுள்ளது.

இதனையொட்டி, காத்தான்குடி ஹிஸ்புல்லாஹ் மண்டபத்தில் நடைபெறவுள்ள மாநாட்டிற்கான ஏற்பாடுகள் மற்றும் முன்னேற்பாடுகளை ஆராயும் வகையில், ஸ்ரீலங்கா முஸ்லிம் காங்கிரஸின் பிரதித்தலைவரும் பாராளுமன்ற உறுப்பினருமான கலாநிதி எம்.எல்.ஏ.எம். ஹிஸ்புல்லாஹ் அவர்கள் நேற்று (2) மண்டபத்திற்கு விஜயம் செய்தார்.

இதன்போது, காத்தான்குடி நகரசபை தவிசாளர் எஸ்.எச்.எம். அஸ்பர் அவர்களுடன் மாநாட்டிற்கான ஏற்பாடுகள் தொடர்பில் கலந்துரையாடியதுடன், முன்னெடுக்கப்பட்டு வரும் பணிகள் மற்றும் தேவையான நடவடிக்கைகள் குறித்தும் ஆராயப்பட்டது.

-- ஊடகப்பிரிவு

“அட்டாளைச்சேனை பிரதேசத்தின் அனர்த்தகால நாயகன் விருது – 2025-2026” 🏆 அண்மையில் அக்கரைப்பற்று மாநகர சபை கல்லாஜ் மண்டபத்தில...
01/09/2026

“அட்டாளைச்சேனை பிரதேசத்தின் அனர்த்தகால நாயகன் விருது – 2025-2026” 🏆

அண்மையில் அக்கரைப்பற்று மாநகர சபை கல்லாஜ் மண்டபத்தில் நடைபெற்ற Tamil Letter ஊடக நிறுவனத்தின் 10வது ஆண்டு நிறைவு விழாவில், அட்டாளைச்சேனை பிரதேச சபையின் கௌரவ மு.பிரதி தவிசாளரும் தற்போதைய உறுப்பினருமான பாறூக் நஜி அவர்களுக்கு “அட்டாளைச்சேனை பிரதேசத்தின் அனர்த்தகால நாயகன் - 2026” என்ற கௌரவ விருது வழங்கி கௌரவிக்கப்பட்டது.

கடந்த டித்வா அனர்த்த காலப்பகுதியில், அட்டாளைச்சேனை, பாலமுனை மற்றும் ஒலுவில் பகுதிகளில் பாதிக்கப்பட்ட மக்களின் தேவைகளை இரவு பகலாக நேரடியாக அறிந்து கொண்டு, அவர்களுக்குத் தேவையான உதவிகள், நிவாரணங்கள் மற்றும் அத்தியாவசிய சேவைகளை ஒருங்கிணைப்பதில் பாறூக் நஜி அவர்கள் அர்ப்பணிப்புடன் செயற்பட்டார்.

அனர்த்தத்தால் பாதிக்கப்பட்ட மக்களுக்கு அவசர நேரத்தில் நேரடியாகக் களத்தில் நின்று உதவியதுடன், அவர்களின் அடிப்படைத் தேவைகளை உரிய தரப்பினரிடம் கொண்டு சென்று தீர்வுகளைப் பெற்றுக்கொடுப்பதில் அவர் மேற்கொண்ட பங்களிப்பு, மக்கள் மத்தியில் அவருக்கான நம்பிக்கையையும் நல்லெண்ணத்தையும் மேலும் வலுப்படுத்தியது.

அவரது இந்த மனிதநேயப் பணியையும், அர்ப்பணிப்பான சமூக சேவையையும், அனர்த்தகால களப்பணியையும் பாராட்டும் வகையில் Tamil Letter ஊடக நிறுவனத்தினால் இவ்விருது வழங்கப்பட்டது.

இவ்விருதினை தேசிய காங்கிரஸின் தேசிய தலைவரும், முன்னாள் அமைச்சரும், அக்கரைப்பற்று மாநகர முதல்வருமான கௌரவ ALM. அதாஉல்லா சேர் அவர்கள் தனது கரங்களால் பாறூக் நஜி அவர்களுக்கு வழங்கி கௌரவித்தார்.

“அனர்த்த காலத்தில் மக்களுடன் நிற்பதே உண்மையான மக்கள் சேவை.”

இந்த விருது, மக்களுக்கான அர்ப்பணிப்புடன் தொடரும் அவரது சமூகப் பயணத்திற்கு கிடைத்த ஒரு முக்கியமான அங்கீகாரமாகும்

சம்மாந்துறையில் திடீர் சுற்றிவளைப்பு: 10 மோட்டார் சைக்கிள்கள் கைப்பற்றல்தில்சாத் பர்வீஸ்சம்மாந்துறை பொலிஸாரால் இன்று (31...
01/09/2026

சம்மாந்துறையில் திடீர் சுற்றிவளைப்பு: 10 மோட்டார் சைக்கிள்கள் கைப்பற்றல்

தில்சாத் பர்வீஸ்

சம்மாந்துறை பொலிஸாரால் இன்று (31) மேற்கொள்ளப்பட்ட திடீர் சுற்றிவளைப்பு நடவடிக்கையின் போது, போக்குவரத்து சட்டங்களை மீறியமை மற்றும் பாதுகாப்புத் தலைக்கவசம் அணியாமல் மோட்டார் சைக்கிள்களை செலுத்தியமை உள்ளிட்ட குற்றச்சாட்டுகளின் பேரில் 10 மோட்டார் சைக்கிள்கள் கைப்பற்றப்பட்டுள்ளன.

அம்பாறை மாவட்ட பிரதிப்பொலிஸ் அத்தியட்சகர் சுஜித் வேதமுல்லவின் மேற்பார்வையில், சிரேஷ்ட பொலிஸ் அதிகாரி பிரியந்த பண்டார கஸ்தூரி ஆராச்சியின் ஆலோசனைக்கு அமைய, கல்முனை பிராந்திய உதவிப் பொலிஸ் அத்தியட்சகர் எம்.கே. இப்னு அசாரின் நெறிப்படுத்தலில், சம்மாந்துறை பொலிஸ் நிலைய பொறுப்பதிகாரி டபிள்யூ.ஏ.என். நிசாந்த பிரதீப் குமாரவின் நேரடி வழிகாட்டலில், சம்மாந்துறை பொலிஸ் நிலைய போக்குவரத்து பிரிவு பொலிஸாரினால் மேற்கொள்ளப்பட்ட திடீர் சோதனை நடவடிக்கையின் போது, போக்குவரத்து விதிமுறைகளை மீறியதுடன், பாதுகாப்புத் தலைக்கவசம் அணியாமல் மோட்டார் சைக்கிள்களை செலுத்தியவர்களுக்கு எதிராக சட்ட நடவடிக்கைகள் எடுக்கப்பட்டதுடன், 10 மோட்டார் சைக்கிள்களும் கைப்பற்றப்பட்டதாக பொலிஸார் தெரிவித்தனர்.

மேலும், போக்குவரத்து விதிமுறைகளை மீறுவோர் மற்றும் பாதுகாப்புத் தலைக்கவசம் அணியாமல் மோட்டார் சைக்கிள்களை செலுத்துவோருக்கு எதிராக தொடர்ச்சியாக சட்ட நடவடிக்கைகள் முன்னெடுக்கப்படும் எனவும் சம்மாந்துறை பொலிஸார் எச்சரித்துள்ளனர்.

தேசியப் பட்டியல் விவகாரம்: உண்மைக்குப் புறம்பான புரளிகள் வதந்திகளையிட்டு அலட்டிக் கொள்ளப் போவதில்லை என முஸ்லிம் காங்கி...
31/08/2026

தேசியப் பட்டியல் விவகாரம்:

உண்மைக்குப் புறம்பான புரளிகள்

வதந்திகளையிட்டு அலட்டிக் கொள்ளப் போவதில்லை என முஸ்லிம் காங்கிரஸ் தலைவர் ஹக்கீம் அறிவிப்பு

ஸ்ரீலங்கா முஸ்லிம் காங்கிரஸின் "தாருஸ் ஸலாம்" தலைமையகத்தில்,ஞாயிற்றுக்கிழமை(30) நடைபெற்ற உயர்பீட கூட்டத்தில் கட்சியின் தேசிய பட்டியல் விவகாரம் பற்றி ஆராயப்பட்டதாகவும், அதுபற்றி வாக்குவாதம் ஏற்பட்டதாகவும் குறிப்பிட்டு, விஷமத்தனமான வதந்திகள் பொறுப்பற்ற விதத்தில் சில சமூக வலைத்தளங்களாலும், தனிப்பட்ட நபர்களாலும்,பரப்பப்பட்டும், பகிரப்பட்டும் வருவதையிட்டு விசனம் தெரிவித்த கட்சியின் தலைவர்,பாராளுமன்ற உறுப்பினர் ரவூப் ஹக்கீம் அவற்றிற்காக அலட்டிக் கொள்ளப் போவதில்லை எனவும் தெரிவித்தார்.

ஞாயிற்றுக்கிழமை முற்பகல் நடைபெற்ற பிரஸ்தாப
உயர்பீடக் கூட்டத்தில் சமகால அரசியல் கள நிலைவரம், கட்சியின் புனரமைப்பு நடவடிக்கைகள், மறைந்த ஸ்தாபகத் தலைவர் முன்னாள் அமைச்சர் எம்.எச்.எம். அஷ்ரப் அவர்களின் 26 ஆவது நினைவு தின நிகழ்வு,பேராளர் மாநாடு என்பன பற்றியே கலந்துரையாடப்பட்டதாகவும்,கட்சியின் தேசிய பட்டியல் உறுப்பினர் பற்றி அதில் பேசப்படவில்லை என்றும் அவர் திட்டவட்டமாகக் கூறினார்.

காழ்ப்புணர்ச்சியின் காரணமாக,மக்கள் மத்தியில் தவறான அபிப்பிராயத்தை தோற்றுவிக்கும் சுயநல நோக்கோடு, அவ்வாறு சில சமூக வலைத்தளங்களாலும் ,தனி மனிதர்களாலும் புனையப்பட்டு, பகிரப்படும் புரளிகளையும்,வதந்திகளையும் அறவே நம்ப வேண்டாம் எனவும், தேசிய பட்டியல் உறுப்பினர் பதவி தொடர்பில் சரியான முடிவு உரிய நேரத்தில் மேற்கொள்ளப்படும் எனவும் முஸ்லிம் காங்கிரஸ் தலைவர் ஹக்கீம் நம்பிக்கை தெரிவித்தார்.

(ஸ்ரீலங்கா முஸ்லிம் காங்கிரஸ் ஊடகப் பிரிவு)

Address

Addalaichenai
Akkaraipattu
32350

Telephone

+94753330913

Website

Alerts

Be the first to know and let us send you an email when Ceylonqknews posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ceylonqknews:

Shortcuts

Share

Category