---၂၀၁၁ ခုနှစ်မှ စတင်၍ ပြည်တွင်း ပြည်ပရှိ စာနယ်ဇင်းများတွင် စတင် ရေးသားခဲ့သည်။
---၂၀၁၂ ခုနှစ်၊
ထိုင်းနိုင်ငံ၊ ချင်းမိုင် အခြေစိုက် MAP-Fm Radio ၏ "လုပ်သားအလင်းအိမ်" အစီ အစဉ်တွင် အသံလွှင့်ဆောင်းပါးများ တင် ဆက်ခဲ့သည်။ အလွတ်သတင်းထောက် အဖြစ်လည်း ရွှေ့ပြောင်းမြန်မာ အလုပ် သမားသတင်းများကို သတင်းအေဂျင်စီ များသို့ သတင်းအပုဒ်ရေ ၂၀၀ ကျော်ခန့် ပေးပို့ရေးသားခဲ့သည်။
---၂၀၁၃ ခုနှစ်၊
ပုဂ္ဂလိကသတင်းစာများ စတင်
ထုတ်ဝေ ခွင့်ရသည့်အချိန်တွင် ရန်ကုန်တိုင်းမ် နေ့စဉ် သတင်းစာ၌ သတင်းသုံးသပ် ဆောင်းပါးများ၊ အတွေးအမြင် ဆောင်းပါးများနှင့် သရော်စာများကို အဆက်မပြတ်ရေးသားခဲ့သည်။ "ဘဝသစ်" ရသစာပေမဂ္ဂဇင်း၊ "ဆဌမအာရုံ" မဂ္ဂဇင်း တို့တွင် ကဗျာများ၊ အက်ဆေးများ၊ ဆောင်းပါးနှင့် ဝတ္ထုတိုများ လစဉ်ရေးသားခဲ့သည်။
---၂၀၁၄ ခုနှစ်၊
နိုဝင်ဘာလတွင် ထွက်ရှိခဲ့သည့် "ကြက်တူရွေးဒီမိုကရေစီ" စာအုပ်မှာ ပထမဦးဆုံး လုံးချင်း ဖြစ်သည်။
---၂၀၁၁ ခုနှစ်မှ ၂၀၁၄ ခုနှစ် အတွင်း ထိုင်းနိုင်ငံ၊ အခြေစိုက် "ခေတ် လူများ၏မှတ်စု" လူငယ် စာပေဂျာနယ် ( အင်္ဂလိပ်-မြန်မာ နှစ်ဘာသာစလုံး) တွင် အယ်ဒီတာချုပ်အဖြစ် တာဝန်ယူ ဆောင် ရွက်ခဲ့သည်။ ဟောင်ကောင်တက္ကသိုလ် နှင့် ပူးပေါင်းပြီး မီဒီယာသင်တန်းများကို ထိုင်းနိုင်ငံ၊ မဲဆောက်မြို့ရှိ "ခေတ်လူများ ၏မှတ်စု" သင်တန်းကျောင်းတွင် စီစဉ် ဖွင့်လှစ်ပို့ချခဲ့ပြီး သုံးနှစ်အတွင်း သင်တန်း သား ၁၅၀ ကျော်ကို ဟောင်ကောင် တက္ကသိုလ်အသိအမှတ်ပြု သင်တန်းဆင်း လက်မှတ်များကို ချီးမြှင့်ခဲ့သည်။
---၂၀၁၅ ခုနှစ်တွင်
"ခေတ်လူများ၏မှတ်စု" စာပေတိုက်၏ အယ်ဒီတာအဖြစ် "ထီးတစ်လက်ရဲ့ ငါးပြားတန်ဦးနှောက်ပြခန်း" ၊ "ထာဝရ ရွှေဝါရောင်"၊ "ရွေးချယ်မှု၏တန်ဖိုး"၊ "ရွှေဝါရောင်လှိုင်း"၊ "ကြိုးတန်းပေါ်က ဘဝများ" အစရှိသည့် စာအုပ်များကို စီစဉ်တည်းဖြတ်ထုတ်ဝေခဲ့သည်။
---၂၀၁၅ ခုနှစ်
ဇူလိုင်လမှ စက်တင်ဘာလအတွင်း ဂျာမနီ၊ နယ်သာလန်၊ နော်ဝေ၊ ဆွီဒင်၊ ဒိန်းမတ်၊ အီတလီ၊ ဆိုဘေးနီးယား၊ ဆွစ်ဇာလန် နှင့် ပြင်သစ် အပါအဝင် ဥရောပ ၉ နိုင်ငံသို့ (၂)လ ကြာ လေ့လာရေးခရီးစဉ်အဖြစ် သွားရောက်ခဲ့ ပြီး ခရီးသွားဆောင်းပါးများကို Flower News အပတ်စဉ်ထုတ် သတင်းဂျာနယ် တွင် ရေးသားခဲ့သည်။
---၂၀၁၆ ခုနှစ်
အိုအေစစ် စာပေအနုပညာဂျာနယ်တွင် ရသဝတ္ထုတိုများ အပတ်စဉ် ရေးသား
ခဲ့သည်။
---၂၀၁၇ ခုနှစ်
"ကြောက်ခေတ်ရုပ်ကြွင်းများ" ဝတ္ထုတိုစု မှာ ဒုတိယမြောက်လုံးချင်း
ဖြစ်သည်။
လက်ရှိတွင် "ခေတ်လူများ၏မှတ်စု" စာပေတိုက်၏ စာအုပ်ထုတ်ဝေရေးတွင် အယ်ဒီတာအဖြစ် ဆောင်ရွက် လျှက်ရှိပြီး ပြည်တွင်းပြည်ပရှိ စာနယ်ဇင်းများတွင် လည်း စာပေများကို မပြတ်ရေးသား လျှက်ရှိသည်။
