21/02/2026
විශ්රාම ලත් බුදදත් සොදුරු නියමුවාණනි,
පාසල් ආචාරධර්ම
පද්ධතියට ගරු කරමින්, ඉගෙනුම් - ඉගැන්වීම් ක්රියාවලිය තුළින් ද, ක්රීඩා හා විෂය සමගාමී ක්රියාකාරකම් මඟින් ද, විවිධ ව්යාපෘති ඔස්සේ ද සිසු දරු දැරියන්ගේ දැනුම, ආකල්ප හා කුසලතා සංවර්ධනය කරමින්,
පාසලේ අධ්යයන හා අනධ්යයන කාර්ය මණ්ඩලය වන අපගේ සැඟවුණු දක්ෂතා හඳුනාගෙන එම දක්ෂතා ඔප් නංවමින් පාසලේ සංවර්ධනයට ගැළපෙන නව ව්යාපෘති නිර්මාණය කරමින්, පාසල් සංවර්ධන කටයුතු හා විවිධ ප්රජා සේවා සඳහා අපගේ සක්රීය දායකත්වය ලබාගනිමින්,
පාසලේ භෞතික සම්පත් සංවර්ධනය කරමින්, අරමුදල් නිසි කළමනාකරණයෙන් පවත්වාගෙන යමින්, සමස්ත පාසල් ප්රජාවේ උන්නතිය වෙනුවෙන් ක්රියා කරමින්,
සමස්ත ගුරු පරපුරේ උන්නතිය වෙනුවෙන් මහා කැප කිරීම් කරමින්
අම්බලන්ගොඩ ප්රදේශයේ ප්රමුඛ පාසල් හතරක් අතර බුද්ධදත්ත ආදර්ශ විද්යාලයේ ගෞරවණීය පැවැත්ම තහවුරු කරමින්, ළමා ලොවට සුදුසු ආදර්ශ ප්රාථමික විද්යාලයක් ලෙස බුද්ධදත්ත විද්යාලය ගොඩනගන්නට මහත් කැපවීමකින් කටයුතු කළ
චන්ද්රසිරි ජසෙන්තුලියන නම් වූ මහා යුග පුරුෂයාගේ නොකිළිටි සේවය, අද අපි මහත් ගෞරවයෙන් සිහිපත් කරමු.
ඔබට උපහාර පිදීමට බලපිටිය මැන්ග්රෝව් හෝටලයේ දී මෙම උපහාර උළෙල පැවැත්වීමට ආදී බුද්ධදත්ත අධ්යයන හා අනධ්යයන කාර්ය මණ්ඩලය තීරණය කළෙමු.
ජ්යෙෂ්ඨ පුරවැසියකු ලෙසින් විශ්රාම දිවියට පියනගන අපගේ ආදරණීය මුල් ගුරුතුමනි, ඔබට දීර්ඝායුෂ සමගින් සතුට හා සුවය පිරි දිවියක් ගත කිරීමේ වාසනාව ලැබේවා!🙏
චිරං ජයතු ගුරු පියාණනි!
— ආදී බුද්ධදත්ත සොයුරු සොයුරියන් —
