27/05/2026
උතුරු මැද පළාතේ කෘෂිකර්ම, කර්මාන්ත, සංචාරක, ව්යාපාරික, සේවා හා අගය එකතු කිරීමේ අංශ ඒකාබද්ධව සංවර්ධනය කරමින් පළාතේ තිරසාර ආරථික වර්ධනයක් ඇති කිරීම, සේවා නියුක්තිය වැඩි කිරීම, ජනතාවගේ ආදායම් මට්ටම ඉහළ නැංවීම සහ ජාතික නිෂ්පාදනයට පළාතෙන් ලැබෙන දායකත්වය වැඩි කිරීම අරමුණුකොට උතුරු මැද පළාත් ඒකාබද්ධ ආර්ථික සංවර්ධන ව්යාපෘතියේ කටයුතු පිළිබද මූලික සාකච්ඡාවක් උතුරු මැද පළාත් ආණ්ඩුකාර වසන්ත ජිනදාස මහතාගේ ප්රධානත්වයෙන් ප්රධාන අමාත්යාංශ ශ්රවණාගාරයේ දී පැවැත්විණි.
ඉහත අරමුණ යටතේ වසර 03ක ව්යාපෘති කාලරාමුවක් තුල රුපියල් මිලියන 712 වැය කිරීමට යෝජිත අතර, පළාතේ පවතින සම්පත්, නිෂ්පාදන හැකියාවන්, සංචාරක හා මානව සම්පත් හා ව්යාපාරික හැකියාවන් එකිනෙකට සම්බන්ධ කරමින් ඒකාබද්ධ ආර්ථික වටිනාකම් දාමයක් නිර්මාණය කිරීම අපේක්ෂා කරයි.
කෘෂිකර්ම /පශු හා කෘෂි ව්යාපාර, කර්මාන්ත හා නිෂ්පාදන, සංචාරක හා ආගන්තුක සේව, සේවා අංශ, ව්යවසායකත්වය, අගය එකතු කිරීම හා අපනයන යන ප්රධාන සංවර්ධන අංශ මෙම ව්යාපෘතිය සදහා ඇතුලත්ව ඇත.
මෙම අවස්ථාවට ආණ්ඩුකාර පෞද්ගලික ලේකම් සමරතුංග හේරත්, සම්බන්ධීකරණ ලේකම් ආනන්ද රත්නායක, පළාත් ප්රධාන ලේකම් රංජන ජයසිංහ, ආණ්ඩුකාර ලේකම් නන්දන ගලබඩ ඇතුළු අමාත්යාංශ ලේකම්වරුන්, පොලොන්නරුව දිස්ත්රික් ලේකම් සුජන්ත ඒකනායක, නියෝජ්ය ප්රධාන ලේකම් (සැලසුම්) එන්.ජී. දයාරත්න, ක්රමසම්පාදන අධ්යක්ෂවරුන් වන දිල්රුක් රත්නායක සහ බංඩාර බුලත්සිංහල, රජරට විශ්ව විද්යාලයේ උපකුලපති පී.එම්.ආර්. ජයතිලක, ශ්රී ලංකා මහා බැංකුවේ ජ්යෙෂ්ඨ කළමණාකරු දුමින්ද දිසානායක ඇතුළු බැංකු නියෝජිතවරුන්, හෝටල් හිමියන්ගේ සංගමය, වාණිජ මණ්ඩලය, අපනයන සංවර්ධන මණ්ඩලයේ නිළධාරීන් ඇතුළු පිරිසක් එක්විය.
