News Review LK

03/06/2025

03/06/2025

Funny Kitten 🐈‍⬛ Wrestling 🤼

01/06/2025

01/06/2025

ශ්‍රී ලාංකිකයින් යනු ලොව කොතනකවත් නැති අමුතුම මිනිසුන් කොටසකි. පොදු සතුරාට එක්ව පහරදී ඔහු නැත්තටම නැති කිරීමට සමත් සේම (වසර තිහක යුද්ධය) පොදු මිතුරාට සහයෝගය දී ඔහුව ඉහලටම ඔසවා තැබීමට අනන්ත වෙහෙසක් දරන සහ එය කල හැකි පිරිසකි.

80 දශකයට පෙර රූපරාජිනී තරඟ යනු සංකර, විලිබිය නැති තරඟාවලියක් ලෙස පැවැත්වූ සහ අපේ රටේ සමාජයේ මුල් බැසගෙන තිබුනේ එයට සහභාගී වන ළමයින් ගන්නම දෙයක් නැතිවන බවය. එහෙත් එකල ජනප්‍රිය වූ "නාන ඇඳුම් අංශය" අද අහෝසි වී ඇති අතර ඒ සඳහා "අරමුණක් සහිත අලංකාරය" (beauty with a purpose) වැනි සමාජයේ යහපත උදෙසා එක් කල අංග ඇතුලත් කර ඇත. මෙවැනි අංග ඉදිරියේදී තව තවත් එකතුවනු ඇති අතර ශ්‍රී ලාංකිකයින් වන අප ලෝක රූපරාජිනි තරඟය හරියට හඳුනා ගත්තේ සහ උනන්දු වූයේ 72 වන, එනම් මෙවර තරඟාවලියෙනි.

ඒ ඇය නිසාය.

මෙම තරඟය විනිශ්චය කරන විනිශ්චය මණ්ඩලයේ තේරීම කුමක් වූවත් වෙනත් තරඟ කාරිනියන් කිසිවකුටත් වැඩිය ජාත්‍යන්තර සමාජ මාධ්‍ය නාලිකා වැඩිපුරම කතා කලේ ශ්‍රී ලංකාවෙන් ඉදිරිපත්වූ අනුදි ගැනය. ඇය එම තරඟාවලිය තුල ප්‍රවෘති මැවුවේ "සබ්බ පාපස්ස අකරනං" යන ගාථාවෙන් පටන් ගත් ඇයගේ ප්‍රථම කතාවය. එතැන් පටන් ඇයට ශ්‍රී ලාංකිකයින් වශයෙන් මිනිසුන් දුන් සහයෝගය පුදුම සහගත දෙයකි. 72 වන ලෝක රූ රැජින තරඟයේදී ගෝලීය බහුමාධ්‍ය අභියෝගයේ පළමු අනුශූරතාවය ඇය ලබාගත්තේ ලොවම මවිතයට පත් කරමිනි. ඒ මිලියන 1463ක ඉන්දියන් ජනතාව, ඉන්දියන් තරඟකාරියට දුන් සහයෝගය පරයා මිලියන 22 ක ආදරණිය මිනිසුන් ඇයට දුන් සහයෝගයයි. ඒ කලින් පැවැසූ පොදු මිතුරාට සහය දීමේ ගුණයය. ශ්‍රී ලාංකිකයින්ට ඇති මේ පොදු ගුණය අනෙක් ලොව කිසිම ජාතියකට වඩා අභිභවන්නේය. මෙතෙක් කිසිවකුට එය කළමනාකරණය කර ගැනීමට නොහැකි වී ඇති අතර එසේ කලානම් අපි ඉන්නේ සැමටම වඩා ඉදිරියෙනි. වසර දහස් ගණනක ඉතිහාසයේ ප්‍රෞඩත්වය එයට සාක්ෂි දරයි.

අනුදි ශ්‍රී ලංකික ජනතාවට, විශේෂයෙන් ශ්‍රී ලංකික යොවුන් පරපුරට දුන් පණිවුඩය ලෝක රූපරාජිනියක් ජයග්‍රහණය කිරීමට වඩා අතිශය වැදගත්ය. ඒ ආගම, ජාතිය, සංකෘතිය සහ හර පද්දතීන් පිළිඹඳව මෙලෝ සසරක් නොදත්, ඒවා පයිසයකට මායිම් නොකරන, සංකර සිහින ලෝක වල සිටින නව යොවුන් පරපුරේ ඇස් හැර කල ඇයගේ ඉදිරිපත් කිරීමය.

ඇය ජයග්‍රහණය නොකලත් ඇයගේ මේ ඉදිරිපත් කිරීමේ ආකර්ශනීය බව, හෙළ සංස්කෘතියට, ආගමික දර්ශන වලට ඇය දුන් තැන, ඒ හරහා ලෝකය ඉදිරියේ අපේ රට තැබූ තැන, ඩොලර් බිලියන ගණනක් වියදම් කලත්, කල නොහැකි සංචාරක අලෙවිකරණ ව්‍යාපෘතියකි.

මෙම තරඟාවලිය ගැනද යමක් ප්‍රකාශ කල යුතුය. ප්‍රේක්ෂකයින් වන අපට එහි සුන්දර කොටස් පමණක් ප්‍රදර්ශනය කලත්, එහි ඇති කටුක, අමිහිරි, ආතතිය දරාගැනීමට නොහැකි අවස්ථා අපමණය. මෙම තරඟයට මිලියන ගණනින් ජනගහනයක් ඇති රටකින් ඉදිරිපත් වීමම, එම තරඟකාරියට තම රටේ ජනතාවගේ බලාපොරොත්තු හිස මත තබා ගැනීමේ භාරදූර වගකීමකි . අනිත් තරඟකරුවන්ගේ දක්ෂතා දැකීමෙන් එන සෘණාත්මක හැඟීම් පාලනය, දැඩි තරඟකාරීත්වය, ඉහල දක්ෂතා ඇති තරඟකාරියන් ඇසුරේ ඉන්නට සිදුවීම වැනි දේ තරඟ කාරිනියන්ගේ ආතතිය වැඩි වීමට ප්‍රධාන හේතුය. එංගලන්තය වැනි රටක තරඟකාරියක්, ඇය පසුව කුමක් කීවත් තරඟය මඟ දමා ගියේද එබැවිනි. විනිශ්චය මණ්ඩලයේ ලකුණු දීමේ නිර්ණායක ඔවුන් වසර ගණනක් අධ්‍යයනය කර ඒ අනුව තරඟකාරියන් පුහුණු කර ඇත. අප රට මෙම තරඟයක් සඳහා ඉදිරිපත්වීමට යම් මුදලක් වැය කරයි නම් එයට වඩා දහස් ගුණයක මුදලක් ඉන්දියාව ඇමරිකාව වැනි රටවල් වියදම් කර ඇත.එහෙත් ඔවුන්ටද අවස්ථාව අහිමි වී ඇත.

නමුත් ඒ සැමට වඩා වටිනාකමක් අනුදි ගුණසේකර නම් ශ්‍රී ලංකික දියණිය එයට එකතු කර ඇත. ඇය අප සාදරයෙන් පිළිගත යුතුව ඇති අතර ඇය ශ්‍රී ලාංකික සන්නාමයක් කිරීමට පියවර ගැනීම ඇගේ මෙන්ම රටේ යහපතටද හේතුවක් වනු ඇත.

ප්‍රසංග අල්විස්

31/05/2025

රටට කිරුල ගේන්න උදව් වෙන්න ෆේස්බුක් එකේ සුබපතල වැඩක් නෑ
මේ ලින්ක් වලින් ගිහින් කොමෙන්ට් කරන්න

https://www.facebook.com/profile.php?id=61567717695262&mibextid=ZbWKwL

31/05/2025

😂😂😂😂😂