Tamiltv News

Tamiltv News உலக தமிழர்களின் உண்மைக் குரல் News

28/10/2025

தற்போதைய பொலிஸ் மா அதிபரின் சில நடவடிக்கைகள் பெரிதும் அரசியல்மயமாகி காணப்படுகின்றன. சில விசாரணைகள் அரசியல் மற்றும் ஊடகக் காட்சிப்படுத்தல்களாக மாற்றப்பட்டுள்ளன. அரசாங்கத்தின் பிரச்சார கட்டமைப்பின் ஓர் தரப்பாக பொலிஸ் மா அதிபர் மாறிவிட்டார் என்பதை பாராளுமன்ற உறுப்பினர் ஜகத் விதான தொடர்பாக அவர் தெரிவித்த கருத்துக்கள் மூலம் தெட்டத் தெளிவாக தெரிகிறது என்று எதிர்க்கட்சித் தலைவர் சஜித் பிரேமதாச தெரிவித்தார்.

ஓர் மக்கள் பிரதிநிதியாக ஜகத் விதான பாராளுமன்றத்திற்கு உள்ளேயும் வெளியேயும் தனது கடமைகளைச் செய்யும் நடவடிக்கைகளுக்கு பொலிஸ் மா அதிபரின் கருத்துக்கள் கடுமையான சவாலை ஏற்படுத்தியுள்ளன. பொலிஸ் மா அதிபரின் தவறான கருத்துக்கள் காரணமாக, ஒரு குடிமகன் என்ற முறையிலும், பாராளுமன்ற உறுப்பினர் என்ற முறையிலும் ஜகத் விதானவின் சிறப்புரிமைகள் மீறப்பட்டுள்ளதாக குறிப்பிட்டுள்ளார்.

ஊடகங்களுக்கு இன்று இன்று (28) விசேட கருத்தை முன்வைத்து தெரிவிக்கும்போதே எதிர்க்கட்சித் தலைவர் சஜித் பிரேமதாச இவ்வாறு தெரிவித்துள்ளார்.

உயிர் அச்சுறுத்தல் காணப்படும் ஜகத் விதான, குறித்த அச்சுறுத்தல்கள் தொடர்பாக முறைப்பாட்டாளராக செயற்படும் போது அவரை குற்றவாளியாக அழைப்பதை வன்மையாக கண்டிக்கிறோம். பாதுகாப்பு வழங்குவது அரசியல்மயமாக்கப்பட்டுவிட்டதா அல்லது பாதுகாப்பை வழங்கும் பெரும் பொறுப்பை அரசியல்வாதிகள் தங்கள் கைகளில் எடுத்துள்ளனரா என்று கேள்வி எழுப்புகிறோம்.

ஜகத் விதான அவர்களது பாதுகாப்பு தொடர்பில் மிகவும் அவதானத்துடன் இருக்கிறோம். அரசாங்கம், பொலிஸ் மா அதிபர், சட்டம் மற்றும் ஒழுங்குக்குப் பொறுப்பான அமைச்சர் உள்ளிட்ட சகலரும் ஜகத் விதானாவின் பாதுகாப்பை உறுதி செய்து, அவரது உயிரைப் பாதுகாக்க வேண்டும் என்று எதிர்க்கட்சித் தலைவர் தெரிவித்தார்.

220 இலட்சம் குடிமக்களின் பாதுகாப்பை உறுதி செய்வது அரசாங்கத்தின் பொறுப்பாகும்.

220 இலட்சம் குடிமக்களுக்கு பாதுகாப்பைப் பெற்றுக் கொடுப்பதற்கு ஜனாதிபதி தலைமையிலான அரசாங்கம் பொறுப்பேற்க வேண்டும். உள்ளூராட்சி மன்ற உறுப்பினர்கள் (ஆண்,பெண்), தவிசாளர்கள், பாராளுமன்ற உறுப்பினர்கள் (ஆண்,பெண்) மற்றும் எதிர்க்கட்சி உறுப்பினர்களினது பாதுகாப்பு தொடர்பில் அதிக நடவடிக்கைகளை எடுக்க வேண்டும். பாராளுமன்ற உறுப்பினர்களின் பாதுகாப்பு குறித்து பொலிஸ் மா அதிபர் கவனம் செலுத்தி, சகல எதிர்க்கட்சி பாராளுமன்ற உறுப்பினர்களுக்கும் பாதுகாப்பைப் பெற்றுத் தருமாறு கோரிக்கை விடுக்கிறேன்.

பொலிஸ் மா அதிபரின் கருத்தால் முறைப்பாட்டாளர் குற்றவாளியாக மாற்றப்பட்டுள்ளார்.

பல மாதங்களாக எழுத்துப்பூர்வ கோரிக்கைகள் நிறைவேற்றப்பட்டு வருவதால், பொலிஸ் மா அதிபருக்கு முறையான உத்தரவுகளும் அறிவுறுத்தல்களும் வழங்கப்படும் என்று நம்புகிறோம். ஜகத் விதான சிறந்த மக்கள் சேவைகளை ஆற்றி, மக்களால் தேர்ந்தெடுக்கப்பட்ட ஒருவராவார். அவரது பாதுகாப்பு தொடர்பில் அவதானம் செலுத்துவது நாட்டின் பாதுகாப்புத் தரப்புகளினது பொறுப்பாகும்.

பொலிஸ் தரப்பால் ஆற்ற வேண்டிய தமது கடமைகளையும் பொறுப்புக்களையும் சரியாக நிறைவேற்றப்படவில்லை. பொலிஸ் மா அதிபருக்கு கிடைக்கும் அறிக்கைகளை திரிபு படுத்த வேண்டாம் என்றும், முறைப்பாட்டாளர்களை குற்றவாளிகளாக மாற்ற வேண்டாம் என்றும் பொலிஸ் மா அதிபரைக் கேட்டுக் கொள்கிறேன் என மேலும் தெரிவித்துள்ளார்

போலிச் செய்தி குறித்த விளக்கம்..!​கானா ஊடகங்களில் வெளிவந்ததாக கூறப்பட்டு, தங்க வியாபாரத்தில் கலாநிதி எம்.எல்.ஏ.எம் ஹிஸ்ப...
28/10/2025

போலிச் செய்தி குறித்த விளக்கம்..!

​கானா ஊடகங்களில் வெளிவந்ததாக கூறப்பட்டு, தங்க வியாபாரத்தில் கலாநிதி எம்.எல்.ஏ.எம் ஹிஸ்புல்லாஹ் ஏமாற்றப்பட்டதாக பல ஊடகங்கள் செய்தி வெளியிட்டு வருகிறது.

அதில் கூறப்படும் தகவல்களை முற்றிலும் மறுக்கிறோம், அதில் எவ்விதமான உண்மைத்தன்மையும் இல்லை என்பதை உறுதிபட தெரிவித்துக்கொள்கிறோம்.

​உண்மையில், எம்.எல்.ஏ.எம் ஹிஸ்புல்லாஹ் அவர்கள் வியாபார நோக்கத்திற்காக சவூதி அரேபியாவை சேர்ந்த நண்பர்களுடன் கானா நாட்டிற்குச் சென்றிருந்தபோது, அங்கே சிலர் ஏமாற்ற முனைந்ததை அறிந்து உடனடியாக, இந்த ஏமாற்று நடவடிக்கை குறித்து பொலிஸில் முறைப்பாடு செய்யப்பட்டது.

அதனைத்தொடர்ந்து, ஏமாற்ற முனைந்த 11 பேரையும் பொலிசார் கைது செய்தார்கள்.

​இதனைத்தவிர, கலாநிதி ஹிஸ்புல்லாஹ் அவர்களுக்கும் இதற்கும் எந்த தொடர்பும் இல்லை என்பதை மீண்டும் உறுதிபட தெரிவித்துக்கொள்கிறோம்.

​அரசியல் நோக்கங்களுக்காகச் சில தகவல்கள் தவறாகவும், பிழையாகவும் பரப்பப்படுவதையிட்டு நாம் மிகுந்த வருத்தம் அடைகிறோம்.

​-- ஊடகப்பிரிவு

27/10/2025

உலகளாவிய பெருமைகொள்ளும் யாழ்ப்பாணம்: உலக சுற்றுலாப் பெருமை !

ஒரு நிலத்தின் பெருமை மீண்டும் உலகை எட்டுகிறது !

யாழ்ப்பாணத்தின் மண், நூற்றாண்டுகாலச் செழுமையான வரலாற்றின் வாசனையைக் கொண்டது. போரின் வடுக்கள் இருந்தாலும், அதன் ஆன்மா என்றும் உடையாதது. இத்தகைய வீரியம் மிக்கதொரு நிலம்தான் இப்போது சர்வதேசக் கவனத்தை ஈர்த்துள்ளது.

ஆம்! உலகிலேயே மிகவும் பிரபலமானதும், நம்பிக்கைக்குரியதுமான பயண வழிகாட்டி நிறுவனமான “த லோன்லி பிளானட்” (The Lonely Planet), 2026ஆம் ஆண்டில் உலகில் சென்று பார்க்க வேண்டிய சிறந்த 25 சுற்றுலாத் தலங்களில் ஒன்றாக யாழ்ப்பாணத்தைத் தெரிவு செய்து அறிவித்துள்ளது.

இந்தத் தெரிவு, இலங்கையின் வளமான கலாசார மற்றும் வரலாற்றுப் பாரம்பரியத்தை மீண்டும் ஒருமுறை உலக அரங்கில் அழுத்தமாகக் கோட்டிட்டுக் காட்டுகிறது. இது, சுற்றுலாத் துறையில் யாழ்ப்பாணத்தின் மீள் எழுச்சிக்குக் கிடைத்திருக்கும் மகத்தான அங்கீகாரம் ஆகும்.

மீண்டெழும் கலாச்சார மையம்
இலங்கையின் தனித்துவமான கலாசாரச் சுற்றுலாத் தலங்களில் யாழ்ப்பாணத்துக்குத் தனியிடம் உண்டு. அண்மைய ஆண்டுகளில், பல்லாயிரக்கணக்கான பார்வையாளர்களை இந்த நகரம் ஈர்க்கத் தொடங்கியுள்ளது. இதற்கு முக்கியக் காரணம், அதன் செழுமையான திராவிடக் கலாசாரம், அழகிய இந்து ஆலயங்கள், பிரம்மாண்டமான கோட்டைகள் மற்றும் சுவையான தனித்துவமான உணவுப் பண்பாடு ஆகியவை ஆகும்.

போர்க்காலச் சூழலுக்குப் பிறகு, இந்தப் பழம்பெருமை வாய்ந்த நகரம் மெதுவாகவும் உறுதியாகவும் மீண்டெழுந்துள்ளது. யாழ்ப்பாணத்தைத் தெரிவு செய்ததன் மூலம், இலங்கைத் தீவின் வளமான கலாசார மற்றும் வரலாற்றுப் பாரம்பரியத்தை மீண்டும் ஒருமுறை உலகுக்கு எடுத்துரைக்க ஒரு பொன்னான வாய்ப்பு கிடைத்துள்ளது.

பயண நிபுணர்களின் பார்வையில் யாழ்ப்பாணம்
'லோன்லி பிளானெட்' நிறுவனம், வரவிருக்கும் 2026ஆம் ஆண்டுக்கான சிறந்த பயண இடங்கள் மற்றும் அனுபவங்களின் பட்டியலைக் கொண்ட 'Lonely Planet’s Best in Travel 2026' எனும் புதிய வழிகாட்டிப் புத்தகத்தை வெளியிட்டுள்ளது. 1970 ஆம் ஆண்டு நிறுவப்பட்ட இந்த நிறுவனம், உலகளவில் 150 மில்லியனுக்கும் அதிகமான பயண வழிகாட்டி புத்தகங்களை விற்பனை செய்துள்ளதோடு, உலகின் மிக நம்பிக்கைக்குரிய பயண ஊடக நிறுவனங்களில் ஒன்றாகக் கருதப்படுகிறது.

பயண நிபுணர்கள் குழுவால் வழங்கப்பட்டுள்ள இந்தப் புதிய வழிகாட்டியில், யாழ்ப்பாணம் இடம்பெற்றிருப்பது சாதாரண விஷயமல்ல. இது, யாழ்ப்பாணத்தின் தனித்துவமான பயண அனுபவம், வரலாறு மற்றும் விருந்தோம்பல் ஆகியவற்றுக்குக் கிடைத்திருக்கும் அங்கீகாரமாகும்.

யாழ்ப்பாணத்துடன் இந்தப் பட்டியலில் இடம்பெற்றுள்ள உலகின் பிற முக்கியச் சுற்றுலாத் தலங்கள்:

பெரு, தென் அமெரிக்கா
யாழ்ப்பாணம், இலங்கை
மைனே, அமெரிக்கா
காடிஸ், ஸ்பெயின்
ரீயூனியன், ஆபிரிக்கா
போட்ஸ்வானா, ஆபிரிக்கா
கார்டகேனா, கொலம்பியா
பின்லாந்து, ஐரோப்பா
டிப்பரரி, அயர்லாந்து
மெக்சிகோ நகரம்
குவெட்சால்டெனாங்கோ, குவாத்தமாலா
பிரிட்டிஷ் கொலம்பியா, கனடா
சார்டினியா, இத்தாலி
லிபர்டேட், சாவோ பாலோ
உட்ரெக்ட், நெதர்லாந்து
பார்படாஸ், கரீபியன்
ஜெஜு-டோ, தென் கொரியா
வடக்கு தீவு, நியூசிலாந்து
தியோடர் ரூஸ்வெல்ட் தேசிய பூங்கா, வடக்கு டகோட்டா
குய் நோன், வியட்நாம்
சீம் ரீப், கம்போடியா
புகெட், தாய்லாந்து
இக்ரா-ஃபிளிண்டர்ஸ் மலைத்தொடர்கள் மற்றும் வெளிப்புறத் தீவு, தெற்கு அவுஸ்திரேலியா
துனிசியா, ஆபிரிக்கா
சொலமன் தீவுகள், ஓசியானியா

இந்தப் பட்டியல், ஒவ்வொரு இடத்திற்கும் வண்ணமயமான புகைப்படங்கள், கட்டுரைகள் மற்றும் உள்ளூர் மக்களின் பயண ஆலோசனைகளுடன் இணைக்கப்பட்டுள்ளது.

இந்தச் சர்வதேசத் தெரிவு, நாட்டை மிகவும் தனித்துவமான சுற்றுலாத் தலமாக நிலைநிறுத்த இலங்கை அரசாங்கம் மேற்கொண்டு வரும் முயற்சிகளுக்குப் பெரும் உந்துசக்தியாகவும், யாழ்ப்பாண மக்களுக்கான பெருமைமிகு தருணமாகவும் பார்க்கப்படுகிறது. யாழ்ப்பாணத்தின் வரலாற்றுச் சின்னங்கள், உணவு மற்றும் கலாசாரம் இனி உலகெங்கிலும் உள்ள பயணிகளின் விருப்பப்பட்டியலில் முதலிடத்தில் இருக்கும் என்பதில் சந்தேகமில்லை.

27/10/2025

வெலிகம பிரதேச சபை தலைவர் லசந்த விக்ரமசேகர கொலை: துபாய் உத்தரவின் பேரில் சுட்டதாக சந்தேகநபர் தகவல்

​வெலிகம பிரதேச சபை தலைவர் லசந்த விக்ரமசேகரவின் கொலையில் சம்பந்தப்பட்ட சந்தேகநபர் ஒருவர், கைது செய்யப்பட்டுள்ளார்.

​காவல்துறை பிறரின் கூற்றுப்படி, துப்பாக்கிச் சூடு நடத்துவதற்கான உத்தரவு துபாயில் இருந்து வந்ததாக அந்த சந்தேகநபர் கூறுயுள்ளார். அவர் வெளிநாட்டில் உள்ள ஒரு நபரிடமிருந்து கிடைத்த அறிவுறுத்தலின் பேரில் செயற்பட்டதாக காவல்துறையினரிடம் தெரிவித்துள்ளார்.

​விசேட காவல்துறை நடவடிக்கை ஒன்றைத் தொடர்ந்து மகரகமவில் வைத்து இந்த சந்தேகநபர் கைது செய்யப்பட்டார்.
​கொலையின் முழுமையான நோக்கம் மற்றும் இந்தத் தாக்குதலுடன் தொடர்புடைய கூடுதல் நபர்களை அடையாளம் காணும் நோக்கில் விசாரணைகள் தொடர்ந்து நடைபெற்று வருகின்றன.

போலித் தங்க மோசடி: இலங்கை எம்.பி.யை ஏமாற்றியதாக 11 பேருக்கு ஜாமீன்​கானா வின் ​அக்ராவில் உள்ள நீதிமன்றம் ஒன்று, போலித் தங...
27/10/2025

போலித் தங்க மோசடி: இலங்கை எம்.பி.யை ஏமாற்றியதாக 11 பேருக்கு ஜாமீன்
​
கானா வின் ​அக்ராவில் உள்ள நீதிமன்றம் ஒன்று, போலித் தங்க ஒப்பந்தம் மூலம் இலங்கை நாடாளுமன்ற உறுப்பினர் டாக்டர் முஹம்மது ஹிஸ்புல்லாவிடம் இருந்து 2 மில்லியன் அமெரிக்க டொலர்களை மோசடி செய்ததாகக் குற்றம் சாட்டப்பட்ட 11 பேருக்கு ஜாமீன் வழங்கியுள்ளது. இது குறித்து கானா ஊடகங்கள் செய்தி வெளியிட்டுள்ளன.

​குற்றம் சாட்டப்பட்ட பதினொருவருக்கும் தலா 500,000 கானா செடிகள் - Ghanaian Cedi (GHS) (சுமார் $33,000) ஜாமீன் தொகை விதிக்கப்பட்டது.

​சந்தேக நபர்கள் 2023-ஆம் ஆண்டில் சதி செய்து, அதிக அளவிலான தங்கத்தை வழங்க முடியும் என்று கூறி, இலங்கையின் கிழக்கு மாகாணத்தைச் சேர்ந்த நாடாளுமன்ற உறுப்பினரான டாக்டர் ஹிஸ்புல்லாவை மோசடி செய்ததாக வழக்கறிஞர்கள் நீதிமன்றத்தில் தெரிவித்தனர். பணத்தைப் பெற்ற பிறகு, அந்த குழுவினர் தங்கத்தை வழங்கத் தவறியதாகவும் குறிப்பிடப்படுகிறது.

​தேசிய பாதுகாப்பு நடவடிக்கையின் போது, சந்தேக நபர்கள் அக்ராவின் வெய்ஜா எஸ்.சி.சி பகுதியில் கடந்த அக்டோபர் 16-ஆம் தேதி கைது செய்யப்பட்டனர். அதிகாரிகள் தங்கமாக இருக்கலாம் என்று நம்பப்படும் இரண்டு மஞ்சள் உலோகப் பொருட்களை இவர்களிடமிருந்து கைப்பற்றினர். அவற்றின் உண்மைத்தன்மையைச் சரிபார்க்க ஆய்வகச் சோதனைகள் நடைபெற்று வருகின்றன.

​குற்றம் சாட்டப்பட்ட 11 பேர் மீதும் குற்றம் செய்யச் சதி செய்தல், பொய்ப் பிரதிநிதித்துவத்தின் மூலம் மோசடி செய்தல் மற்றும் மோசடி செய்ய முயற்சித்தல் ஆகிய பிரிவுகளின் கீழ் வழக்கு பதிவு செய்யப்பட்டுள்ளது. அவர்கள் நவம்பர் 20-ஆம் தேதி மீண்டும் நீதிமன்றத்தில் முன்னிலைப்படுத்தப்படுவார்கள்.

26/10/2025

ஐக்கிய மக்கள் சக்தியின் நாடாளுமன்ற உறுப்பினர் ஜகத் விதானவுக்கு எதிரான அச்சுறுத்தல் அரசியல் நோக்கம் கொண்டதல்ல என்றும், சட்டவிரோத வணிகங்கள் மற்றும் ஒழுங்கமைக்கப்பட்ட குற்றங்களில் ஈடுபட்டுள்ள நபர்களுடனான அவரது தொடர்புகளுடன் தொடர்புடையது என்றும் ஐஜிபி பிரியந்த வீரசூரிய கூறுகிறார்.விசாரணைகள் தொடரும் வரை எம்.பி.க்கு தற்காலிக போலீஸ் பாதுகாப்பு வழங்கப்பட்டுள்ளதாக அவர் மேலும் கூறினார்.

26/10/2025

12 வயதிற்குட்பட்ட சிறார்கள் நவீன கையடக்க தொலைபேசிகளை பயன்படுத்துவதற்குத் தடை விதிக்கப்படும் - அரசாங்கம்

வெலிகம பிரதேச சபைத் தலைவர் லசந்த விக்ரமசேகரவின் கொலையுடன் தொடர்புடைய பிரதான துப்பாக்கிதாரி என சந்தேகிக்கப்படும் நபர் மஹர...
26/10/2025

வெலிகம பிரதேச சபைத் தலைவர் லசந்த விக்ரமசேகரவின் கொலையுடன் தொடர்புடைய பிரதான துப்பாக்கிதாரி என சந்தேகிக்கப்படும் நபர் மஹரகமவில் கைது செய்யப்பட்டுள்ளதாக பொலிஸார் தெரிவித்தனர்.

26/10/2025

பொலிஸாரின் ஆணையை மீறியமையால் நேற்று (25) இரத்மலானை பகுதியில் கைது செய்யப்பட்ட வேனின் சாரதி குறித்து பல தகவல்களை பொலிஸார் கண்டறிந்துள்ளனர்.

குறித்த சாரதி பல குற்றங்கள் தொடர்பாக மெதிரிகிரிய பொலிஸாரால் தேடப்படும் சந்தேகநபர் என்று பொலிஸ் ஊடகப் பேச்சாளர் உதவி பொலிஸ் அத்தியட்சகர் எஃப்.யு. வுட்லர் தெரிவித்துள்ளார்.

அவர் போதைப்பொருள் கடத்தலில் ஈடுபட்டுள்ளாரா அல்லது போதைப்பொருள் பாவனையில் ஈடுபட்டுள்ளாரா என்பதை அறிய விசாரணைகள் முன்னெடுக்கப்பட்டுள்ளன.

கைது செய்யப்பட்ட நபர் கல்கிரியாகம பகுதியைச் சேர்ந்த சுற்றுலாப் போக்குவரத்து சாரதியாக பணியாற்றியவர் என தெரியவந்துள்ளது.

இரத்மலானையில் உள்ள கொலுமடம சந்திக்கு அருகில் பொலிஸ் அதிகாரிகளின் ஆணையை மீறி சென்ற வேனை கல்கிஸ்ஸை பொலிஸார் துரத்திச் சென்று துப்பாக்கிச் சூடு நடத்தி நிறுத்தியிருந்தமை குறிப்பிடத்தக்கது

வெலிகம பிரதேச சபைத் தலைவர் லசந்த விக்ரமசேகரவின் இறுதிச் சடங்கில் கலந்து கொண்டு இறுதி அஞ்சலி செலுத்திய எதிர்க்கட்சித் தலை...
26/10/2025

வெலிகம பிரதேச சபைத் தலைவர் லசந்த விக்ரமசேகரவின் இறுதிச் சடங்கில் கலந்து கொண்டு இறுதி அஞ்சலி செலுத்திய எதிர்க்கட்சித் தலைவர் சஜித் பிரேமதாச, பொது இடத்தில் நடந்த கொலை "ஜனநாயகத்திற்கு ஒரு கொடிய அடி" என்று கூறினார்.

இந்தக் கொலையைக் கண்டித்த அவர், குடிமக்கள் அமைதியாக வாழும் உரிமையைப் பாதிப்பதோடு வளர்ந்து வரும் வன்முறை கலாச்சாரத்தின் ஒரு பகுதியாக இது இருப்பதாகக் கூறி, பாரபட்சமற்ற விசாரணையை வலியுறுத்தினார் - விக்ரமசேகர முன்னதாகவே போலீஸ் பாதுகாப்பைக் கோரியிருந்தார் என்பதையும் அவர் குறிப்பிட்டுள்ளார்.

26/10/2025

வெலிகம பிரதேச சபைத் தவிசாளர் லசந்த விக்ரமசேகர கொலையுடன் தொடர்புடையதாக சந்தேகிக்கப்படும் ஒரு பெண் உட்பட மூன்று சந்தேக நபர்கள் கெக்கிராவையில் கைது செய்யப்பட்டுள்ளனர்.-பொலிஸ் ஊடகப் பிரிவு

உலகளாவிய ரீதியில் ஒரு பில்லியன் இயங்குநிலை பயனாளர்களுடன் அலுவலகம் இன்றி, வீடுகளிலிருந்து பணியாற்றும்(Remote Work) 30 ஊழி...
26/10/2025

உலகளாவிய ரீதியில் ஒரு பில்லியன் இயங்குநிலை பயனாளர்களுடன் அலுவலகம் இன்றி, வீடுகளிலிருந்து பணியாற்றும்(Remote Work) 30 ஊழியர்களுடன் 30 பில்லியன் டொலர்கள் பெறுமதியான நிறுவனமாக Telegram செயலி காணப்படுவதாக அதன் ஸ்தாபகர் Pavel Durov தெரிவித்துள்ளார்.

Address

Batticaloa

Website

Alerts

Be the first to know and let us send you an email when Tamiltv News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category