Laziya

19/12/2024

17/06/2024

ඔබ සැමට ආරාධනා.......

16/05/2024

අපිට ජිවිතයේ කවදාවත් කිසිම කෙනෙක් ගැන දැනුනෙ නැති හැහීමකින් පළමු වතාවට ඇස් දෙක ගැටුනාම ඇති වෙන දේ දැනගන්න කෙනෙක් අපිට හමුවෙනවා.ඒ අය දැක්කම නොදැනුවත්ව දෙන්නට දෙන්නා පොඩි හිනාවකින් (නිකන් හරියට ඒක වචන කරන්න බෑ.මං හිතනවා මෙක කියවන අයට ඒ හැහීම තේරෙනව කියලා) සංසිද්දියක් එතනදි වෙනවා.එතනින් පස්සේ ඒ රූපය පස්සෙම අපි ඇවිදිනවා.හැමදේම නැති කරගෙන ඒක විතරක් ඔලුවෙ වැඩ කරන්න ගන්නව.මතක තියාගන්න මේ හැමදේම වෙන්නෙ ජීවිතයට එකම එකපාරයි.කොහොමහරි අපි ඒ අයගෙ වචන අතරෙ පැටලෙන්න ගන්නවා.අතරමං වෙන්න ගන්නවා.ඒ අය එක්ක කාලය ගත කරනවා.දෙන්නටම නැතුවම බැරි අවස්තා එනවා.හදවත පිලිගත්තත් මොලය පිලිගන්න බැරි දේවල් වෙනවා..මේ හැමදේම නොදැනුවත්වම!

කාලය එක්ක දැනෙනවා අන්තිමට එතනින් එක්කෙනෙක්ට විතරක් දරාගන්න අමාරු අහිමිවීමේ වේදනාව.
"ගොඩක් ආදර කතා දිග හැරෙන්නෙ එහෙමයි නේද"
එහෙම දැනුන අය ඇත්තටම අපේ හිතෙන් යන්නේ අපේ ජීවිතය අවසන් වුන දවසට.අපි මේ අවසන් හුස්ම හෙලපු දවසට.සමහරවිට එහෙමත් නැති වෙන්න පුලුවන්.අපි ඒ අයගෙ මතක එක්කම ඒ අයව අරන් යනවත් ඇති.මම විශ්වාස කරනවා මෙ විශ්වයට හැමදේම දැනෙනවා..එහම දැනිලත් අපිව ඒ අය අතරම අතරමං කරන්න මොකක්ම හරි හේතුවක් ඇති.මොකක්ම හරි බලාපොරොත්තුවක් ඇති.මෙච්චර වේදනාවක් උදේ හවස දෙන්නෙ අපිට මොකක්ම හරි හේතුවක් ඇති...සමහර ගනුදෙනු ඉවර වෙන්නෙ නෑ.ආත්මයෙන් පස්සෙත් එව අපි එක්කම රැදෙනවා..හිමි වෙනවා අහිමි වෙනවා..ඒක තමයි මේ ලෝකේ පැවතීම.
"විශ්වාස කරන්න.හිමි වුන අහිමි වුන හැමෝම මේ එකම අහසක් යට ඉන්නවා.එයාල හුස්ම ගන්නව.එයාල හෙලපු හුස්ම මේ ලෝකේ කොහේ හරි සැරි සරනවා.එයාල ඉතිරි කරල ගිය හැමදේම කොහේ හෝ පවතිනවා.කාටවත් කවුරුත් නැති වෙලා නෑ"

"එ වගේම මං එකම හැගීමක් වෙනුවෙන් ගලපපු මේ වචනත් මම ගියපු දවසට ඉතුරුවෙලා තියේවී.ඉතින් මතක තියාගන්න එදාටත් මම ඔයා එක්ක ඉන්නවා"🦋♥️🍃

විදූ📝

🛑Noway Productions bounce back 🎥"නොමැකෙන නිමේශයක්" is released♥️ ✨Maybe this is your untold story…💫 👇 https://youtu.be/9YeK_MAZop4

23/03/2024

මේ ලෝකෙ සමහර මිනිස්සුන්ට විශ්වය විසින්ම ජීවිතේ එකපාරක් හෝ අයිතිවාසිකම් නැති ප්‍රේමයක් මුනගස්සනවා.දරාගැනීමට නොහැකි ආදරයක්,කිසිම අයිතියක්,නීතියක් හෝ ලිංගිකත්වය අතහැරල දාපු හිතින්ම අල්ලගත් අමුතු බැදීමක් ඔවුන් සතුව පවතිනවා..ඔවුන්ට කවාදාවත් ඔවුනොවුන් අමතක කල නොහැකියි.කෙතරම් උත්සහ කලද එය කල නොහැකියි.ඔව් ඔවුන් හිමි නොවුනත් අවසන් හුස්ම වනතෙක්ම ඔවුනොවුන්ට හිතින් ආදරය කරනවා.ඒක මහ අමුතු කතාවක්.

📝විදූ

17/03/2024

ඇත්තටම ආදරේ කියන්නේ
තමන් සතු කරගැනීමම නෙමෙයි,
තමන් සතු බව දැනෙන එකට...!

ඒකයි මං කියන්නේ,

"අත හැරීමක පවා අසීමිත ආද⁣රයක් තිබිය හැකි බව"...

හැබැයි හුගාක් අය ඒක දන්නෑ...

ඉතින් තාමත් ඔයා කියන්නේ,

"මිනිස්සුන්ට ආදරේ කරන්න අයිති වෙන්නම ඕනි කියලද".. ❤

17/03/2024

මට ඔයාව දැනුන තරම ඔයා දන්නවනන්
ඔයාට හිතෙයි ඔයා තමයි මේ ලෝකේ වැඩියෙන්ම ආදරේ ලබන මනුස්සයා කියලා. ඉතින් ප්‍රේමනීය මිනිසුනි,ඔබට කවරෙකුට උවද ප්‍රේම කල හැක .නමුත් කිසිදා ඔවුන් ගේ දෛවය වෙනස්කල නොහැක.එබැවින් ඒ ආදරය යලි වෙනත් කෙනෙක් කෙරෙහි නොදැනෙන සේ හදවතේම සියුම් තැන්හී මිහිදන් කරන්න.🥀🦋

විදූ🍃

09/11/2023

ඒත් යුමී සං, ඒක අපේ ලෝකෙද? පෘථිවිය නෙමෙයිද? අපි ඉන්න ග්‍රහලෝකෙ මිසක් වෙන වෙනම ලෝකවල ජීවත්වන අපිට අපි එකම ලෝකෙක ඉන්නවා කියන්න අයිතියක් තියෙනවද? මගේ ලෝකේ මේ යන්නේ සිසිරය.දරුණු විදියට සීතලයි.මම උණුහුමක් හොයන් යන ගමන්.තව කෙනෙකුගේ ලෝකයට දැනටමත් වසන්තය උදා වෙලා ඇති.එයා ඇත්තේ මල් සුවද හමන පාරක ඉර එළිය මැද ඇවිද යමින් වෙන්න ඇති.මේ ලෝකේ කී දෙනෙක් ඇතිද , හිම කැටි අහුරකට මල් කිණිත්තක් හුවමාරු කරගන්න බලාගෙන?

-මල් කිණිත්තක පුරාවෘත්තය-

13/10/2023

කාලෙකින් controversial බැණුම් අහන්න වෙන දෙයක් ලියන්න හිතුනා. අද ODEL එක ලඟ ඉන්නකොට කෙල්ලො තුන් දෙනෙක් හිටියා. 120ට නැගල මගෙ ලඟම තුන්දෙනා වාඩිවුන නිසා සංවාදෙ හොඳටම ඇහුනා. කතාකරේම සිංග්ලිශ්.

බාට දෙකක් දාපු මම දිහා බැලුවෙ නිකන් "What nonsense අනේ mood එකෙන්" 😬😬😬

"අනේ ඩාලින් ඒ top එකේ fabric එක හරි ගොඩේ"
"අර floor manager ට පිස්සු මෙයා, customer care කරන්නෙ එහෙමද? දෙකයි පණහෙ උන් ගත්තම ඔහොමමයි."
"ඒක නෙවි මවුන්ට් යමු අනේ කාලෙකින් යන්නත් බැරි වුනානෙ"

ඔය වගේ වදන් ගොඩයි. ඒවත් පුදුම හයියෙන් කියන්නෙ. ඒ අතරෙ එකියෙක්ට කෝල් එකක් ආව. "නෑ අම්මෙ එනව. බලන්නම්කො සිකුරාදට එන්න හිතන් ඉන්නෙ. හතෙර් බස් එක අල්ලගන්නත් එපැයි. නැත්නම් ඉතිං රන්නෙන් බහින්න වෙනවා wheel එකකට කීයක් ගනීද අප්පා"

ඒක ඇහුන මට මතක් වුනේ කාලෙකට කලින් මට පාටි එකකදි මුණ ගැහුන ගෑණු ලමයෙක්. පාටි එක තිබුනෙ Ozo Colombo. එයා sprite එකක් අරගෙන පොඩ්ඩ පොඩ්ඩ බිබී හිටිය. පට්ට චාම්. ලස්සන මැක්සියක් ඇඳල හිටියෙ. කොණ්ඩෙත් ගොතල. ගම් පළාතක කෙල්ලෙක් කියල කතාවට වැටුනා. "Hi!" කියල මම කතාව පටන් ගත්තා. එයත් "Hi" කියල මම ඇහුවා "Alumini එකේද?" කියලා.

"නෑ අයියෙ මම යාලුවෙක් එක්ක ආවෙ"

ඉතිං ඔහොම කතාකරගෙන යද්දි දැනගත්තා එයා දේවි බාලිකා ගියපු park road එකේ කෙල්ලෙක් කියල. කොහෙත්ම හිතන්නවත් බෑ.

ඉතිං අර බස් එකේ හයියෙන් කැඩිච්ච කඩ්ඩෙන් බෙරිහන් දීපු Veet කරල ග% එලියෙ දාගෙන ගියපු ගම් කිකිළියො තුන්දෙනා ගැන කළකිරුනා.

ගමේ ඉඳලා කොලොම්පුරේට ඇවිත් Cinnamon Garden එකෙන් Green Tea බීල Odel එකේ window shopping කරල රන්නෙන් බැහැල ගමට යන අන්තිම බස් එක අල්ලන්න දුවන කෙල්ලොත් ඉන්නව හැමතැනම. එයාල තමා party එකකට ගියාම Rice & Curry කන්නත් Folk and spoon හොයන්නෙ. කොළඹ ඉපදිලා තනි සිංහලෙන් කතාකරන CIS ඉගෙන ගත්ත මම දන්න කෙල්ලො ඉන්නවා ගමේ කඩේට ගිහින් ඇටයක් ඉතුරු නොවෙන්න බත් එකම කන අය.

මේකට කියන්නෙ HPD කියලා. එහෙම නැත්නම් Histrionic Personality Disorder. එයාල බලන්නෙ තමන්ගෙ ආවේනිකත්වයෙන් මිදිලා Classy Attitude එකක් මවාපාන්න. එයාල තමා Lunch එකකට ගිහින් බඩගිනි වුනත් බත් ටිකක් ඉතුරු කරන්නෙ. බස් එකේ එහා සීට් එකේ දුප්පත් අම්ම කෙනෙක් වාඩිවුනාම මූණ ඇඹුල් වෙන්නෙ. බස් එකේ ඔක්කොටම ඇහෙන්න shopping experience share කරන්නෙ.

ඉතිං මේක මගේ පෞද්ගලික අත්දැකීමක්. කියවන ඔයා ඒ වගේ නෙවිනම් කොච්චර ශෝක්ද? තරහ යන්න හේතුවක් ඇත්තෙම නෑ.

සැයු. පහත ෆොටෝ එකට කතාවෙ සම්බන්ධයක් නෑ. ඒක නිකන් දැම්මෙ.

~ වර්ණ-

29/09/2023

ලංකාවේ කෙල්ලෙක් කොල්ලෙක් පාක් එකක ආදරය කිරීම වැරදි ද ?

31/08/2023

💞ජීවිතයට ඔවදනක්💞

"හානේ.. ජයමිණී.."
"ගොඩ කාලෙකින් දැක්කේ..."

වත්සලා කහ ඉරෙන් පාර පැනලා බස් හෝල්ට් එක ලගට එද්දිම බස් හෝල්ට් එකේ හිටපු ජයමිණී ව දැකලා එහෙම කිව්වෙ කෙල්ලගෙ උරහිසට අත තියන ගමන්මයි..

"වත්සලා අනේ ඔයා..."
"ලස්සන වෙලා.."
"වෙනස් වෙලා..."

ජයමිණි වත්සලාගෙ අතින් අල්ලගෙන කිව්වා වගේම ලගින් හිටපු වත්සලාගෙ ලගින් හිටපු පිරිමි ලමයා දිහා බලලා හිනා වෙලා ආයෙම ඇය දිහා බැලුවෙ මේ කවුද කියලා අහන්න වගෙයි...

"මේ මගෙ බෝයි......"
"අනුශ්ක..."

"හායි..."

"හායි නංගී.."
"නයිස් ටු මීට් යූ..."

අනුශ්ක මහ අමුතු බැල්මකින් ජයමිණි දිහා බලන ගමන් කිව්වෙ මහ කෑදර බැල්මකින්...

"මිස් ඔයා අඩන්න එපා..."
"ඔයාගෙ හිත හයිය කර ගන්න.."
"ඔයා ජීවත් වෙලා ඉන්න ඕනී මොන දේ කරන්නත්..."

මනෝ උපදේශක තුමියට තම ජීවිතය මේ තරම් අගාදයකට ඇද දැමූ අනුශ්ක තම ජීවිතයට එබිකම් කරන්නට මුල් අඩිතාලම වැටුනු ඒ අමිහිරි දිනය ගැන කියන්නට පටන් ගත්තා විතරයි කෙල්ලගේ ඇස් දෙකෙන් කදුළු වැටෙන්න උනා...

"ඉතින් කියන්නකො..."
"අපි ඔයාගෙ කතාව අහමු.."
"ඔයාට මම පුළුවන් විදිහට උදව් කරන්නම්.."
"ඔයා කියන හැමදේම දන්නෙ අපි දෙන්නා විතරමයි.."

ඉකිබිදුම් මතින් ජයමිණී.. අනුශ්ක තම ජීවිතයට හෙමි හෙමින් ලං වුනු හැටිත් ඔහු තමා හා වත්සලා පමණක් නොව තවත් ගැහැනු ජීවිත රැසකගේ ජීවිතය අපායක් බවට පත් කොට ඔවුන්ගෙන් මුදල් ද ගෙන අදටත් සොයාගත නොහැකිව සැගව සිටින සල්ලාලයෙකු බවත් නොසගවා කියන්නට උනා..

"හරි මිස්..."
"මට දැන් ඔයාගෙ කතාව තේරෙනවා..."
"අපි දැන් මේ අතීත මතක ටික ටික අමතක කරන්න පටන් ගමු.."
"මම ඔයාට ඒකට උදව් කරන්නම්.."

මනෝ උපදේශන ප්‍රතිකාර ලබා ගැනීමත් සමගම ඇයට ඒ අදුරු අතීතය ටිකෙන් ටික අමතක වන්නට වුනා...

හිතන්න...
මේ අද සමාජයේ එක් පැතිකඩක් පමනයි..

තව කෙනෙක් රවටා, තලා පෙලා, කඩා වඩා ගැනීමට තරම් අපේ ජාතිය වෙන කිසි දේකට හපන් නොවේ..

ඔබ ඔබේ දිවිය ගත කරන අතරතුර ඔබට සමාජයෙන් විවිද තර්ජන ඇති වීමට බොහෝ සෙයින් ඉඩ තියෙන බව මතක තබා ගන්න..

ඒවා විවිද ආකාරයෙන් ආ හැකිය...

මානසික වශයෙන් හා ශාරීරික වශයෙන් ද අප නොසිතනා විවිධ කරදර අප ජීවිතයට ඒමට හැකි ප්‍රවණතාවය ඉතා ඉහලයි...

නමුත් අප විසින් පිළිපැදිය යුතු ජීවිතයට උගත යුතු අත්‍යාවශ්‍යම නීතියක් පවතී...

"අවශ්‍යම අයට පමණක් දොර අරින්න.."
"නැතිනම් එයාලා ආපහු යන්නෙ මුළු මනසම විකෘති කරලා.."

ඉතින් අද මම ඔයාලට කියන්නේ..
සතුටින් ගත කරන ඔයාගෙ ලස්සන ජීවිතය අනවශ්‍ය ප්‍රශ්න , කරදර නිසා අවුල් කර ගන්න එපා කියලයි..

"ජීවිතයේ හිඩැස් අතරින් රින්ගා ඔබේ ජීවිතය අවුල් වියවුල් කිරීමට කිසිවකුට ඉඩ දෙන්න එපා.."

ඔබේ ගැටළු විස්වාශවන්ත අයට හැර අන් අයට නොකියා සිටීමට වග බලා ගන්න..

ඔබගේ මානසික යහ පැවැත්ම හරියාකාරව තබා නොගතහොත් ඔබගේ අනෙකුත් දෛනික ක්‍රියාකාරකම් කිසිවක් හරියාකාරව සිදු කර ගැනීමට අපහසු වන අතර එමගින් ඔබේ ශාරීරික සෞඛ්‍යද ප්‍රිරිහී යනු ඇත..

ඔබගේ මානසික හා ශාරීරික සෞඛ්‍ය පිරිහුන විටදී ඔබගේ පව්ලේ මෙන්ම රැකියා ස්ථානයේද ක්‍රියාවන් හරියාකාරව සිදු නොවී යනු ඇත...

ජීවිතයේ ඕනෑම විටකදී ඔබේ ජීවිතයට එබිකම් කරන ඕනෑම එබී බැලීමකට සිහි නුවනින් විමසා බලා උකහා ගන්න..

අනවශ්‍ය යැයි සිතෙන සියළු දේ දෙවරක් නොසිතා අත් හරින්න..

සමබල ආහාර වේලක් ලබා ගන්න. නිසි ව්‍යායාම කරන්න..
මානසික සුවතාවය සදහා යම් දේ සිදු කරන්න.. (භාවනා කිරීම , සින්දු ඇසීම වැනි )

ඔබට නැවත නැවත සිහිකල යුතු සහ ඔබ සිහියේ තබා ගත යුතු එකම නීතියක් ඇත...

එය නම්...

"ජීවිතයේ හිඩැස් අතරින් රින්ගා ඔබේ ජීවිතය අවුල් වියවුල් කිරීමට කිසිවකුට ඉඩ දෙන්න එපා.."

"අහ්..."
"තවත් දෙයක්..."

යම් මානසික හෝ සෞඛ්‍ය ගැටළුවක් ඇත්නම් ඒ හා දැනුමක් ඇත අයගෙන් පමණක් උපදෙස් ලබා ගන්න... (වෛද්‍යවරුන් , මනෝ උපදේශකයින්. )

"ඉතින් ආයෙ ආයෙත් කියන්නම්..."

"ජීවිතයේ හිඩැස් අතරින් රින්ගා ඔබේ ජීවිතය අවුල් වියවුල් කිරීමට කිසිවකුට ඉඩ දෙන්න එපා.."

ඔබට ජය...

හර්ශන රූපසිංහ.💕