The Ceymates

25/05/2025

💛

04/05/2025

ඔන්න ඔහොමයි ජිම් පප්පා අරිෂ්ඨ කල්දේරමට වැටුනේ! 💛
එපිසෝඩ් 5 කින් සමන්විත "Asterix & Obelix: The Big Fight" සීරිස් එක පහුගිය අප්‍රෙේල් 30 වෙනිදා නෙට්ෆ්ලික්ස් ඔස්සේ නිකුත් වුනා. මේකෙ තියෙන්නේ අපි දන්න කතාවක්. හැබැයි වෙනස්කම් ගොඩක් තියෙනවා. අපෙ පප්පා ගමේ සෙට් එකගෙ පොඩි කාලෙ එහෙමත් අපට මේකෙදි බලාගන්න පුලුවන්. විශේෂයෙන් ම ජිම් පප්පා අරිෂ්ඨ කල්දේරමට වැටෙන විදිහ එහෙම.

ආතල් වැඩක්. ලස්සන වැඩක්. නොබලපු අය අනිවාරෙන් ම බලන්න. බලපු අය තමන්ගෙ අදහසත් කමෙන්ට් එකක් විදිහට දාගෙන යමු. 💛

26/03/2025

💛

◾God Of War Game එකේ කතාව - පළමු කොටස
◾ටිකක් දිගයි හැබැයි රහයි 😌💛
මම අද කියන්න යන්නේ ඉස්සරහට Amazon Prime Video වෙතින් නිකුත් කරන්න ඉන්න සුපිරිම tv series එකක් වන god of war ගේම් එකේ ස්ටෝරිය .God of war game series එකේ දැනට ගේම්ස් 8ක් ඇවිත් තියනව . ඒ Greek mythology එකට සම්බන්දව games 6ක් සහා Norse Mythology එකට සම්බන්ද games දෙකක් හැටියට. මම මෙ කොටසින් කියන්නෙ Greek mythology එකට සම්බන්ද games දෙකක් වන god of war පලවෙනි ගේම් එකේ සහා god of war ascension කියන ගේම් එකේ කතාව විතරයි.

මම මේකේදී games ආව පිළිවෙළට නෙවෙයි ස්ටෝරිය ගලාගෙන යන පිළිවෙළටයි කතාව කියන්නෙ . නැත්තම් කතාව පැටලෙනව. Tv series එක එන්න ලොකු සම්භාවිතාවක් තියෙන්නෙ norse mythology එකේ ස්ටෝරියන්. ඒක නිසා ක්‍රේටෝස් norse mythology එකට එන්න කලින් මොනාද කලේ කොහොමද god of war වුනේ කියලා දැනගන ඉන්න එක ඔයාලට වැදගත් වෙයි කියලා හිතනව.

ස්ටෝරිය කියන්න කලින් මං මේකෙ ප්‍රධාන සහ වැදගත් වන චරිත ගැන පොඩි හැදින්වීමක් කරල ඉන්නම්

◾ප්‍රයිමෝඩියල්ස්- මෙයාලා ගැනනන් ලොකුවට කියන්න දෙයක් නෑ. ටයිටන්ස්ලා සහ ගෝඩ්ස්ලා ට කලින් ජීවත් වුණු යෝධයන් පිරිසක් තමයි ප්‍රයිමෝඩියල්ස්ලා .

◾ෆියුරිස්ලා - ප්‍රයිමෝඩියල්ස්ලා අතර ඇතිවුණු යුද්ධයක අතුරු ප්‍රතිඵලයක් ලෙස තමයි ෆියුරිස්ලා නිර්මාණය වෙන්නෙ. මේ ෆියුරිස්ලා තුන් දෙනාගේ ප්‍රධාන කාර්යය වෙන්නේ පොරොන්දු කඩ කරන අයව හිර කරන එක. මෙයාලා එකටම හිර කරන්නේ එජියෝන් කියලා අත් ගොඩක් තියෙන ලොකු යෝධයකු ව. ඒ zeus ට වුණු පොරොන්දුවක් කඩ කරපු නිසා.එයාලා ඒජියෝන්ව ගල් කරලා තව පොරොන්දු කඩ කරන අයව හිර කරන්න පුළුවන් විදිහට එයාගෙ ඇඟ හිරගෙයක් බවට පත්කරනව.ඒකට කියන්නේ ශාපලත්ගේ සිර ගේ කියලා. පස්සෙ කාලෙක මෙයාලා ඒරිස් එක්ක ගනුදෙනු කරන්න පටන් ගන්නව.

◾සියුස්- සියලුම දෙවි වරුන්ගේ නායකයා අකුණට අධිපති දෙවියන් . ක්‍රේටෝස්ගෙ තාත්ත.

◾ ඒරීස්- ඒරිස් කියන්නේ kratos ට කලින් හිටපු god of war. ඒරිස් ට අවශ්‍යවෙනවා ඔලිම්පස් කන්ද ආක්‍රමණය කරලා ඔලිම්පස් කන්දෙ පාලකයා වෙන්න. එ කියන්නෙ සියුස්ව පරාද කරලා දෙවිවරුන්ගෙ නායකයා වෙන්න. හැබැයි ඒක එයාට කරන්න පුළුවන් වැඩක් නෙමෙයි. මොකද සියුස් නීතියක් දාලා තියෙනවා දෙවිවරුන් අතර සටන් තහනම් කියලා. ඒක නිසා ඒරීස් එයාගේ වැඩේ කරගන්න champion කෙනෙක් හොයන ගමන් තමා ඉන්නේ. ඒකට එරීස් ෆියුරිස්ලා ගෙ නායිකාව වන ක්වීන් ඇලැක්ටො එක්ක එකතුවෙනව.හැබැයි මේ ක්වීන් බිහිකරන කෙනා ගොඩක් දුර්වල කෙනෙක්.ඒක නිසා එරීස් එයාව අතාරිනවා එයාගේ නම ඕකොස්. ඊට පස්සේ ෆියුරිස්ලා මෙයාව ෆියුරිස්ලා ට එකතු කරගෙන එයාව ඕර්ත් කීප‍ර් කෙනෙක් හැටියට නම් කරනවා.


◾Kratos - මං කතාව ඉස්සරහට යන්න කලින් කලින් kratos ගැනත් පොඩි හැදින්වීමක් කරලා ඉන්නම් kratos කියන්නේ සියුස්ගේ පුතෙක් හැබැයි අම්මා මනුෂ්‍යයෙක් එතකොට kratos කියන්නේ අර්ධ දෙවියෙක්. ක්‍රේටෝස්ට තව සහෝදරයෙක් ඉන්නවා ඩේමෝස් කියලා . ඩේමෝස් ඉපදෙද්දී ම රතුපාට බර්ත්මාක් එකක් තියෙනවා ලොකුවට. මෙයාලා ස්පාටන්ස්ලා නිසා පොඩි කාලේ ඉඳලම සටන් කරන්න පුරුදු වෙනවා මෙහෙම දවසක් දෙන්නා සටන් පුරුදු වෙන මොහොතක එරීස් සහ ඇතීනා එනව එතනට.ඒ එන්නේ ඩේමෝස්ව අරන් යන්න සියුස් ගේ අණකට. එ මොකද සියුස් ට දවසක් ඔරකල් කියලා අනාගතය ගැන කියන එක්කෙනෙක් කියනව සියුස්ව සලකුණු කළ රණශූරයෙක් අතින් මැරෙනවා කියලා. zeus ට එක කියද්දී මතක් වෙන්නේ ඩේමෝස්ව ඒක නිසා තමයි ඇතීනවයි ඒරිස්වයි යවන්නෙ ඩේමෝස්ව අරන් එන්න.

මෙතැනදී ඩේමෝස්ව අරන් යන්න යද්දි ක්‍රේටෝස් ඒරිස්‍ට පහර දෙන්න පනිනව. එතනදි ඒරිස් ක්‍රේටෝස්ගෙ ඇහැකට පහර දෙනව. ඒක නිසා තමයි ක්‍රේටෝස්ගෙ ඇහැ තුවාල වෙලා තියෙන්නෙ. කොහොමහරි කාලයක් යද්දි ක්‍රේටෝස් spartan හමුදාවක ජෙනරල් කෙනෙක් වෙනව. මෙ වෙද්දි ක්‍රේටෝස්ට කැලිඕපෙ කියල දුවෙක් සහා ලිසෙන්ඩ්‍රනම් බිරිඳක් ඉන්නව. ඩේමෝස්ව මතක් වෙන්න ඩේමෝස්ගෙ බර්ත්මාක් එක එ විදියටම ක්‍රේටෝස්ට ඇඟේ සලකුනු කරගන ඉන්නෙ මෙ වෙද්දි.

◾ කතාවට අදාල වන තව පොඩි කරුණක්

ඔලිම්පස් කන්දෙ ඉන්න දෙවිවරුන්ට තමන් කැමතිම චැම්පියන් කෙනෙක් ඉන්නව. ඒරිස් ගෙ ප්‍රියතම චැම්පියන් තමයි ක්‍රේටෝස්.
හේඩිස්ගෙ ප්‍රියතම චැම්පියන් තමයි ඕල්රික්. මෙ දෙන්නත් ඇතුලත්ව තව දෙවිවරු හයදෙනෙක් තමන් කැමති චැම්පියන්ලාට අභියෝගයක් දීලා ඒකෙන් ජයග්‍රහණය කරන්නෙ කාගේ චැම්පියන් ද කියලා බලනවා. ඒකට කරන්නෙ ඕනැම ලෙඩක් සුව කරන ශාකයක් හොයාගෙන යන්න ඒ චැම්පියන්ස්ලාට සලස්වන එක. ඒරීස් විසින් ක්‍රේටෝස්ගෙ ගේ දුවට සමේ රෝගයක් හදවනව. හේඩිස් විසින් ඕල්රික්ගේ තාත්තව කෝමා තත්වයට පත් කරවනව. කොහොමහරි අවසානයට ක්‍රේටෝස් මේ ශාකය හොයාගන දුවව සනීප කරගන්නව.

හරි අපි දැන් කතාවට යමු.

දැන් ක්‍රේටෝස් කියන්නෙ ලොකු ස්පාටන් හමුදාවක් ඉන්න ජෙනරල් කෙනෙක්. මේ හමුදාවත් එක්ක මෙයා ගොඩක් යුද්ධ ජයග්‍රහණය කරනව. ඔහොම යුද්ධ කර කර ඉන්න අතරදි මෙයාට බලවත් බාබේරියන් හමුදාවක් එක්ක යුද්ධයක් ඇතිවෙනවා. ඒ බාබේරියන් හමුදාවේ නායකයා වෙන කව්රුත් නෙවෙයි හේඩිස්ගෙ චැම්පියන් වුණු ඕල්රික් . ඕල්රික් ට ක්‍රේටෝස් එක්ක කොහොමත් තරහක් තියනව අර බෙහෙත හොයාගත්තු නිසා. කොහොමහරි මෙ යුද්ධෙදි ක්‍රේටෝස් පරාද වෙනවා. ඕල්රික් ක්‍රේටෝස්ව මරන්න ඔන්න මෙන්න තියෙද්දි ක්‍රේටෝස් ඒරීස්ගෙන් උදව් ඉල්ලනව මේ යුද්ධෙ දිනවලා දුන්නොත් ඒරීස් කියන ඕන දෙයක් කරනව කියලා . මේක එරීස්ට හොද අවස්ථාවක් මොකද ඒරීස් ඔලිම්පස් කන්ද අල්ලන්න වොරියර් කෙනෙක් හොය හොයා ඉන්නෙ. ඉතින් මේ අවස්ථාව ප්‍රයෝජනයට ගන්න ඒරීස් එතනට ඇවිත් ක්‍රේටෝස්ට වෙපන් එකක් දෙනව. ඒ තමයි ක්‍රේටෝස්ගෙ අත් දෙකට දම්වැල්වලින් සම්බන්ධ වෙලා තියන බ්ලේඩ් ඔෆ් කේඔස් කියන සුපිරි වෙපන් එක.

බ්ලේඩ් එක පාවිච්චි කරලා ඕල්රික් ව මරනවා. එතැන් පටන් ක්‍රේටෝස් ඒරීස්ගෙ අණ පරිදි අහිංසක මිනිස්සු පවා මරනවා. ඔහොම මිනිස්සු මර මරා යන අතරෙ දවසක් ඇතීනගෙ දේවාලයකට ගිහින් ඒකේ ඉන්න මිනිස්සුන්වත් මරන්න කියලා ඒරීස් කියනව. ක්‍රේටෝස් ඒකෙ ඉන්න මිනිස්සු මරන අතරදි ඔරකල් කෙනෙක් ඇවිත් කියනව දේවාලේ ඇතුලට යන්න එපා ඒකට ගියොත් ගොඩක් පසුතැවෙන්න වෙයි කියලා . ක්‍රේටෝස් ඒවා ගනන් නොගෙන ඇතුලට ගිහින් ඉන්න හැමෝවම මරනව. එතකොට තමයි ක්‍රේටෝස් දකින්නෙ තමන්ගෙ අතින් තමන්ගෙ දුවවයි බිරිඳයි දෙන්නත් මැරිලා කියලා . මෙතනදි ක්‍රේටෝස් දැනගන්නව මේක ඒරීස් හිතලම කරපු වැඩක් කියලා . ක්‍රේටෝස් මේ වෙලාවෙදි ඒරීස් ට වෙච්ච පොරොන්දුව කඩලා දානව. දුවගෙයි බිරිඳගෙයි මල සිරුරු දෙක දේවාලෙ ඇතුළෙම තියලා ගිනි තියලා ක්‍රේටෝස් එළියට එනවා. එතකොටම අර කලින් ආව ඔරකල් ඇවිත් ක්‍රේටෝස්ට ශාපයක් කරනව. ඒ ශාපයෙන් තමන්ගෙ බිරිඳගෙයි දුවගෙයි අළුවලින් ක්‍රේටෝස්ගෙ මුලු ඇඟම සුදු පාට වෙනව. මෙ නිසා තමයි ක්‍රේටෝස්ට ගෝස්ට් ඔෆ් ස්පාර්ටා කියන්නෙ..

ක්‍රේටෝස් ඒරීස්ට වෙච්ච පොරොන්දුව කඩපු නිසා ෆියුරිස්ලා එනව ක්‍රේටෝස්ව අල්ල ගන්න. ක්‍රේටෝස්ව අල්ලගන්න ලේසී වෙන්න ටිසිෆනි විසින් ක්‍රේටෝස්ව මායාවක හිර කරනව. ඒ මායාවේදි ක්‍රේටෝස්ට පේන්නෙ තමන්ගෙ පවුල මැරුවෙ නෑ කියලා . ඔය අතරෙදි ඕකොස් ඒ මායව ඇතුළට ඇවිත් ක්‍රේටෝස්ට කියනව ෆියුරිස්ලා ඔයාව අල්ලගන්න එනව ඔයා ඉන්නෙ මායාවක් ඇතුළෙ කියලා. ඊටපස්සෙ ක්‍රේටෝස්ව ඒ මායාවෙන් එළියට ගන්නව. ඕකොස් ෆියුරිස් කෙනෙක් වුනත් එයා මේ වෙද්දි අනික් ෆියුරිස්ලා එක්ක තරහින් ඉන්නෙ මොකද ඔරකල් කෙනෙක් වන තමන්ගෙ ආදරවන්තිය ඇල්තියාගෙ ඇස් දෙක ගළවපු එකට. මේ වෙලාවෙදි ඕකොස් කියන්නෙ නෑ තමුනුත් ෆියුරියස් කෙනෙක් කියලා. ඕකොස් ක්‍රේටෝස්ට කියනව ඇල්තියාව ගොයාගෙන යන්න කියලා. කොහොමහරි ෆියුරිස්ලා එන්න කලින් ක්‍රේටෝස් ඇල්තියාව හොයාගෙන යනව.

ඇල්තියා ඉන්න තැනට යද්දි ඇල්තියාව ආරක්ෂා කරන්න කාලය ආපස්සට යවන්න පුලුවන් ඇම්‍යුලට් එකක් තියන් ඉන්න එකට ඇලිච්ච සහෝදරයො දෙන්නෙක් ඉන්නව ඒ ඩබල කියනවා ඇල්තියාව හම්බෙන්න යන්න ඕනනම් පූජාවක් කරන්න කියලා . මෙතනදි ක්‍රේටෝස් උන්ව ගනන් නොගෙන යන්න යද්දි මුන් දෙන්න එක්ක ලොකු සටනක් යනව. සටන අවසානයෙදි ඇලිලා උන්නු එක සහෝදරයෙක්ව ක්‍රේටෝස් ගලවලා විසික් කරනව. අනික් සහෝදරයගෙ ඔලුව පාගලා මරනව. උන් ලග තිබ්බ ඇම්‍යුලට් එකත් අරන් ඇල්තියා උන්නු තැනට යනව. එතනදි ඇල්තියා ක්‍රේටෝස්ට කියනව එයා අතින් පවුලෙ අයව මැරුව කියලා . තව ඒරීස් ට වෙච්ච පොරොන්දුව කොහොමත් කඩ කරන්න බෑ කියලා . එහෙම කරන්න ඕනනම් එකටම ෆියුරිස්ලාව මරලා දාන්න වෙනව කියලා . එතකොට ක්‍රේටෝස්ට කියනව මායවන්ට අහුවෙවී ෆියුරියස්ලා එක්ක සටන් කරන්න බෑ කියලා . එතකොට ඇල්තියා කියනව එයාගෙ ඇස් දෙක පාවිච්චි කරලා ඒ මායවන්ගෙන් ගැළවෙන්න පුලුවන් කියලා . ක්‍රේටෝස්ට ඊටපස්සෙ ඇල්තියාගෙ ඇස් දෙක හොයාගෙන යනව.

මෙතනදි ඇල්තියා කියනව ඕකොස් කියන්නෙත් ෆියුරි කෙනෙක් කියලා . ක්‍රේටෝස් ඇල්තියාගෙ ඇස් දෙක හොයන් යද්දි ඕකොස් ව ආයේ හම්බෙනව. මෙතනදි ක්‍රේටෝස් අහනව ෆියුරියස් කෙනෙක් වෙලත් ඇයි ක්‍රේටෝස්ට උදව් කරන්නෙ කියලා. මෙ වෙලාවෙදි තමයි ක්‍රේටෝස් දැන ගන්නෙ ඒරීස් ගෙ ඔලිම්පස් කන්ද ඇල්ලීමේ ප්ලෑන් එක සහ ක්‍රේටෝස්ව තමයි ඒකට පාවිච්චි කරන්න ඉන්නෙ කියලා . ඊලගට ක්‍රේටෝස් ඇල්තියගෙ ඇස් දෙක තියන තැනට යද්දි ලොකු මුහුදු ජීවියෙක් ඇවිත් ක්‍රේටෝස්ට පහර දෙනව. ක්‍රේටෝස් ඌට පහර දීලා ඉස්සරහට යනව. එ යද්දි ෆියුරිස්ලාගෙන් කෙනෙක් වන මැජීරා ඇවිත් ක්‍රේටෝස්ට පහර දෙනවා. ලොකු සටනකට පස්සෙ ක්‍රේටෝස් ඒ ෆියුරිගෙ අතක් කපනව. ඒ ෆියුරිව මරන්න යද්දි ටිසිෆනී ඇවිත් ක්‍රේටෝස්ට පහර දෙනව. ටිසිෆනීටත් පහර දීලා මරලා දානව. එතකොටම ෆියුරි ක්වීන් ඇලෙක්ටො ඇවිත් කලු පාට ඇලෙන දේකින් ක්‍රේටෝස්ව හිර කරනව. ඒත් එක්කම කලින් මරපු ටිසිෆනී ආයේ මතුවෙනව. එතකොට තමයි ක්‍රේටෝස්ට දැනගන්නෙ තමන් මේ මායාවක් ඇතුළෙ උන්නෙ කියලා .

ඒ වෙලාවෙදි ඕකොස් තමන්ගෙ ටෙලිපෝට් වන බලය පාවිච්චි කරලා ක්‍රේටෝස්ව එතනින් බේරගන්නව. බේරෙගත්තට පස්සෙ ඕකොස් ක්‍රේටෝස්ට ඕත් ස්ටෝන් එක දෙනව. ඒකෙන් පුලුවන් තමන්ගෙම කොපියක් මවන්න.ඊටපස්සෙ ඒකත් අරගන ක්‍රේටෝස් ඇල්තියාගෙ ඇස් දෙක තියන තැනට යනව. ක්‍රේටෝස් එතන්ට එනබව කලින්ම දැනන් උන්නු ෆියුරිස්ලා ක්‍රේටෝස්ට පහරදීලා ඕත් ස්ටෝන් එක අරගන ක්‍රේටෝස්ව ශාපලත්තන්ගෙ සිර ගෙට අරන් යනව. මෙතනදි ෆියුරි කෙනෙක් විසින් ක්‍රේටෝස්ට වද දෙන අතරතුරදි ක්‍රේටෝස් එතනින් තමන්ගෙ එක අතක් නිදහස් කරගෙන ඒ ෆියුරිට පහර දීලා එතනින් පැනගන්නවා. මෙතනදි මිජේරා පසුපස ගිහින් මිජේරා සමඟ ලොකු සටනකින් පස්සෙ මිජේරව මරලා දානව. එතකොටම ටිසිෆනී ඇවිත් ක්‍රේටෝස්ට පහර දෙනව. සටන අතරතුර ටිසිෆනීගෙන් ඕත් ස්ටෝන් එක ක්‍රේටෝස් ගන්නව. ඒ එක්කම එතන්ට ඇලෙක්ටො ඇවිත් ආයේ ක්‍රේටෝස්ව අර කලුපාට ද්‍රව්‍යයකින් හිරකරනවා. එතකොට ක්‍රේටෝස්ට දකිනව ඇල්තියාගෙ ඇස් දෙක ඇලෙක්ටො ළඟ තියෙනව . ඕත් ස්ටෝන් එක පාවිච්චි කරලා ක්‍රේටෝස් එතනින් බේරෙනවා.

එහෙම බේරෙද්දිම ඇල්තියාගෙ ඇස් දෙකත් ඇලෙක්ටොගෙන් උදුරගන්නව. මේ වෙද්දි මෙතන්ට ටිසිෆනී ඇවිත් එයාගෙ මායාවෙන් ක්‍රේටෝස්ව හිරකරන්න හදනව. ඒත් ඇල්තියාගෙ ඇස් පාවිච්චි කරලා ඒකෙන් බේරෙන ක්‍රේටෝස් ෆියුරිස්ලා දෙන්නා එක්ක ලොකු සටනක් යනව ක්‍රේටෝස් ටිසිෆනීගෙ බෙල්ල කඩලා දාද්දි ඇලැක්ටො එයාගෙ ටෲ ෆෝම් එකට එනව. එ තමයි අර ක්‍රේටෝස්ට කලින් පහර දුන්නු ලොකු මුහුදු ජීවීයා කොහොම හරි ලොකු සටනකින් ක්‍රේටෝස් ඒ ජීවියවත් පරාද කරනව. එතකොට ඇලැක්ටො කලින් ස්වරූපයට නැවත එනව ඊටපස්සෙ ක්‍රේටෝස් තමන්ගෙ බ්ලේඩ් දෙකෙන් ඇලැක්ටොගෙ පපුවට ඇනලා මරලා දානව.ඊටපස්සෙ ක්‍රේටෝස්ට තමන්ගෙ ගෙදරට යනව. එතකොට එතනට ඕකොස් එනව.

ඇවිත් කියනව ඒරීස්ගෙ පොරොන්දුවෙන් නිදහස් වෙන්න ඕනනම් ෆියුරිස් ලා ඔක්කොම මරන්න ඕනා කියලා. එත් ක්‍රේටෝස් කැමති වෙන්නෙ නැ ඕකොස්ව මරන්න. ඒත් ඕකොස් කියනව එයා මැරෙන්න සූදානම් ඒ නිසා එයාට ගෞරවනීය මරණයක් දෙන්න කියලා . ඊටපස්සෙ ක්‍රේටෝස් ඕකොස්ගෙ පපුවට බ්ලේඩ්වලින් ඇනලා මරලා ඒරීස් ට වුණු පොරොන්දුවෙන් මිදෙනවා . හැබැයි මෙතනදි එක විශේෂ සිදුවීමක් වෙනව. එ තමයි ක්‍රේටෝස් තමන්ගෙ පව්ල මැරුවට කිසිම දුකක්වත් පසුතැවීමක්වත් කිසිම හැගීමක්වත් තිබ්බෙ නෑ ඒ ගැන. හැබැයි ඒරීස් එක්ක තිබ්බ පොරොන්දුවෙන් නිදහස් වුණු ගමන් ක්‍රේටෝස්ට මේ හැම හැගීමක්ම එකපාර දැනෙන්න ගත්තා. ඒක නිසා එයා ඒ හැඟීම් දෙවියන්ට කියලා නැති කරගන්න ක්‍රමයක් හොයන්න පිටත් වෙනවා.

𝗧𝗼 𝗯𝗲 𝗖𝗼𝗻𝘁𝗶𝗻𝘂𝗲𝗱.....

Part 2 සමගින් ඉක්මනින් ම හමුවෙමු! 💛

✍🏻:- Savinda Fdo 💛

01/02/2025

අපේ Admin Team එකට එකතු වෙන්න කැමතිද? 💛
The Cinemates අපේ ඉදිරි ගමන තවත් පුළුල් වගෙම දියුණු කරන්න අපි තීරණයක් ගත්තා. ඒ වෙනුවෙන් අපිත් එක්ක ඉන්න ඔයාලගේ දක්ෂතා හුඟක් ප්‍රයෝජනවත් වෙන්න පුළුවන්. ඉතින් ඒ නිසා අපි හිතුවා අපේ Team එකට අලුතෙන් කීප දෙනෙකුව එකතු කරගන්න.

ඔයාලට කරන්න තියෙන්නේ කමෙන්ට් වල තියෙන Google Form එක හරියට පුරවලා Submit කරන්න. දින කිහිපයකට පස්සෙ අපි ඔයාලාගෙ Response බලලා තෝරාගන්න අයගෙ දීලා තියෙන Contact Details වලට කතා කරනවා.

ඉතින් ඔයාලත් කැමතිනම් අපිත් එක්ක එකතුවලා ලස්සන වැඩ ටිකක් ඉස්සරහට කරන්න. මේ ඔයාලගේ අවස්තාව, අපිට ඔයාලා වගේ දක්ෂයො ඕනෙ. ඉතින් ආදරයෙන් ආරාධනා කරනවා හැමෝටම 💛🪄

05/11/2024

C.I.C 💛📑

Daredevil Born Again වෙත එන Marvel
Comics වල දරුණු උන්මන්තකයා ‼️
Hello Guys, කාලෙකට පස්සේ අපේ අලුත්ම Page එකේ පළවෙනි C.I.C. episode එකත් අරගෙන තමයි අද ආවෙ . අද අපි Marvel Comics වල දරුණු උන්මන්තකයකු වෙන Muse ගැන කතා කරමු. මෙවර Comic Con එකේදී "Daredevil: Born Again" ගැන කතා කරද්දී තහවුරු වුන එක දෙයක් තමයි Marvel වල Creepy Villain කෙනෙක්ව Live-Action දකින්න ලැබෙනවා කියන එක.

මේ Villain තමයි, Muse කියන්නේ. ඉතිං කවුද මේ Muse ?, Muse ගේ Comic පසුබිම කොහොමද කියලා අපි මේ Post එකෙන් කතා කරමු.

◼️ Creation Of 'Muse'.

Muse ව අපිට මුලින්ම දකින්න ලැබෙන්නේ 2016දී නිකුත් වුන "Daredevil (Vol. 5) #11 Comic එකේදී. Charles Soule (Writer) සහ Ron Garney (Artist) තමයි මේ Character එක නිර්මාණය කරලා තියෙන්නේ.

◼ Origin.

Muse කියන්නේ උන්මත්තකයෙක්, ඒ වගේම Mysterious Artist කෙනෙක් කීවොත් නිවැරදී. නමුත් Muse ගේ මේ Artistic වැඩ, අපි හිතනවා වගේ Artistic වැඩ නම් නෙවෙයි. Muse ගේ Origin එක ගැන කතා කරද්දි, ඔහු ඇත්තටම Comic වලදී දැන් මිය ගිහින් ඉවරයි, ඒ වගේම ඔහුගේ අතීතය අභිරහසක්, ඒ නිසා ලොකු විස්තරයක් ගැන තොරතුරු නෑ.

කොහොම නමුත් Muse ගේ Artistic වැඩක් මුලින්ම දකින්නේ Blindspot. ඔහුව Washington Heights වල තියන Warehouse එකකට යද්දී. මේ Artwork එක Muse කරලා තියෙන්නේ සම්පූර්ණ ලේ වලින්, මේ ලේ මේ වෙනකොට ආගිය අතක් නොමැතිව සිටි මිනිස්සු සිය දෙනෙක්ගේ ලේ.

මේ සිද්ධියට සති කීපයකට පස්සේ ඔහු ගේ Artwork එක විසින්ම වෙනස් කරලා එහි "You're only as good as your last performance" කියලා ලියලා, අලුත්ම Address එකකුත් ලියලා තියනවා. මේ අලුත්ම Address එකට ගියපු පොලීසියට දැක ගන්න ලැබිලා තියෙන්නේ මේක හිස් ගොඩනැගිල්ලක් බවත්, මේ ගොඩනැගිල්ලේ එක තට්ටුවක Muse ගේ තවත් Artwork එකක්.

Muse කලින් පැහැරගෙන ගියපු Inhumans ලා හය දෙන්ක්ගේ සිරුරු මෙහි තියන විදිහට පොලීසියට දකින්න ලැබිලා. නමුත් මේ සිරුරු නිකන්ම බිම වැතිරිලා නෙවෙයි තියෙන්නේ, මුක්කු වලින් හිටගෙන ඉන්න විදිහට හදලා ඔවුන් එදිනෙදා කටයුත්තක කරනවා වගේ පෙන්න හදලා.

Muse ගේ දෙවෙනි Artwork එක දකින්න ලැබෙන්නේ පොලීසියට විතරක් නෙවෙයි, Matt Murdock ටත් මේ Artwork ගැන දැනගන්න ලැබෙනවා සහ ඔහු එනවා එතනට. මෙතනදි ඔහුගෙ සංවේදන වලට දැනෙනවා පළවෙනි වතාවට මිනිස්සු Muse ගෙ අලුත්ම Artwork එකක් දකින විදිහ බලාගෙන Muse ටිකක් දුරකින් ඉන්නවා කියලා, ඉතිං මෙන්න මේ නිසා Matt Murdock ඔහුගේ Daredevil Costume එකට මාරු වෙලා Muse ඉස්සරහට යනවා. නමුත් Dummy Gr***de එකක් Use කරලා මෙතනින් පැනගන්න Muse ට පුළුවන් වෙනවා.

මේ සිද්දියෙන් පස්සේ Judge කෙනෙක් වෙන Laird ඉදිරියේ, Muse ගේ මේ Artworks තියන තැන් වලට තියන Public Access එක නවත්තලා දාන්න Councilwoman Andrea Pearson විසින් Case එකක් ඉදිරිපත් කරමින් ඉද්දී Courtroom එකට Muse පහර දීලා Judge Laird, Andrea Pearson ව සහ තවත් පොලිස් නිලධාරීන් දෙන්නෙක්ව පැහැරගෙන නගරයේ කාණු පද්ධතිය (Sewers) වෙත අරගෙන යනවා. මේ හැමෝවම Use කරලා Muse එයාගේ අලුත්ම Artwork එක කරන්න සූදානම් වෙද්දි Blindspot එනවා මෙතනට. ඔහු කලින් දැකලා තියෙනවා Muse විසින් Judge ව පහැරගන්න ආකාරය.

කොහොම හරි Muse ගේ අවදානය තමන් වෙත අරගෙන Blindspot ගේ Suite එකේ තියන Camouflaging Use කරලා Muse ව රවට්ටලා වෙනතකට යවලා මේ අයව බේරගන්න Blindspot සමත් වෙනවා. නමුත් නැවත ආව Muse ගෙන් බේරෙන්න Blindspot ට බැරි වෙනවා Blindspot ගේ Suite එකේ Battry Low වෙන නිසා. Blindspot ව අල්ලගෙන Muse ඔහුගේ Garret එකට ගිහින් මොකක්ද Blindspot ගෙන් කරන්නේ කියලා කල්පනා කරද්දි Daredevil එනවා මෙතනට.

මේ නිසා Muse විසින් Blindspot ගේ ඇස් උගුල්ලලා අරගෙන මෙතනින් පැන යනවා. ඔහු පසු පස Daredevil එලවා යනවා, Muse විසින් පැහැරගෙන තිබූ අය තවමත් පණ පිටින් එල්ලා ඔවුන්ගේන් ලේ ලබාගනිමින් තියන කාමරයකට Daredevil සහ Muse එනවා, Daredevil ව Distract කරන්න ඔවුන්ව එල්ලා තිබුන ලණු කපා දමලා Muse පැන යනවා නමුත් Inhuman Authorities ලා වහළ උඩ සිටීම නිසා ඔහුට පැන යන්න නොහැකි වෙනවා. Muse විසින් Inhumans ලා හය දෙනෙක්ව ඝාතනය කිරීම නිසා Daredevil ට මේ පරීක්ෂණ කරන්න Inhuman Authorities ලා උදව් කරලා තියනවා.

Blindspot ට කරපු දේට කේන්තියෙන් ඔහු ළගට එන Daredevil ව දකින Muse ට තේරෙනවා Daredevil කරන්න යන්නේ මොකක්ද කියලා, Muse තමන් විසින්ම තමන්ගේ අතේ ඇගිලි කඩාගන්නවා, ඔහු කියනවා Daredevil ට ඕනි කරන්නේ ඒ දේ බව, Muse ට මේ නිසා Artworks කරන්නට බැරි නිසා. Muse පැළදගෙන හිටපු Mask කෙත් Daredevil ගළවලා දානවා. Muse ව New Attilan වල දැඩි ආරක්ෂාව යටතේ හිර කරනවා, මේ අතරතුරදී ඔහුගේ කැඩුනු ඇගිලිත් සුව අතට හැරෙනවා.

Wilson Fisk, New York වල අලුත්ම Mayor බවට පත් වුනාට පස්සේ ඔහු විසින් තද Anti-Vigilante Policies ගෙන එනවා. මේ මොන දේ මත උනත් යුක්තිය වෙනුවෙන් සටන් කරන Daredevil ව දකින Muse ව ගොඩක් Inspire වෙනවා. මේ නිසා ඔහු තීරණය කරනවා මේ හිරගෙදරින් පැන යන්න, මේ පැන යාම අතරතුරදී Gurds ලා දොළොස් දෙනෙක්ව Muse අතින් මරණයට පත් වෙනවා.

Manhattan වල Landmarks කිහිපයක් විනාශ කරමින් Vigilantea ලාගේ විශාල ප්‍රමාණයේ, ඉවත් කළ නොහැකි Graffitis නිර්මාණය කරන්න කටයුතු කරන්නේ ඔවුන්ට සහයෝගය දක්වන්නයි. Punisher ගේ Graffiti එකක් නිර්මාණය කරමින් ඉද්දී පොලිස් නිළධාරීන් කීප දෙනෙක්ට අහු වෙන නිසා ඒ පොලිස් නිළධාරීන්ව මරා දාලා ඒ සිරුරු වලින් මේ Graffiti එක ලස්සන කරන්නත් ඔහු අමතක කරන්නේ නෑ. කොහොම නමුත් මේ දේ Punisher පිටින්ම යවන්නත් Wilson Fisk කටයුතු කරනවා.

මේ වෙනකොට Blindspot ට ආයෙත් පෙනීම ලැබෙනවා 'The Hand' නිසා (මේ Hand කියන්නේ Ninja Clan එකක්). ඉන් පස්සෙ ඔහු තීරණය කරනවා තමන් විසින්ම ගිහින් Muse ට මුහුණ දෙන්න. Muse ගේ Artwork එකක් විනාශ කරලා Muse ගේ අවදානය ඇර්ගෙන Muse එක්ක සටන් කරලා පරද්දන්න Blindspot සමත් වෙනවා. කොහොම නමුත් Blindspot, Muse ව ම*රන්නේ නෑ. ඉන් පස්සේ Muse තමන් විසින්ම ගිනිගොඩකට ඇවිදන් ගිහින් සියදිවිනසාගන්නවා.

◼️ Powers.

Muse ට ලොකු ශක්තියක් වගේම හොද වේගයක් තියනවා මේ නිසා ඔහුට පුළුවන් මිනිස් ශරීරයක් ඉරාදාන්න ලොකු උත්සාහයක් නැතුව, ඒ වගේම සාමාන්‍යය මිනිස් ඇහැට නොපෙනී වේගයෙන් ගමන් කරන්නත් ඔහුට පුළුවන්.

ඒ වගේම විශේෂයෙන් Muse ගේ ශරීරය නිකන් Vortex එකක් වගේ වැඩකරන්නේ ඔහුගේ වට පිටාව ගැන හැම තොරතුරක්ම ඔහු ඒ නිසා ලැබෙනවා. Daredevil ටවත් ඔහුගේ Enhanced Senses තිබුනත් Muse ව Target කරන එක අමාරු වැඩක්.

◼️ Abilities.

Muse ට ලොකු හැකියාවක් තියනවා සටන් කලාවේ. ඔහුට පුළුවන් වුනා ආයුධ සන්නද්ද හය දෙනෙක් එක වර පරාද කරන්න.

◼️ Finally.

ඔන්න ඉතිං මෙන්න මේ දේවල් තමයි Muse ගේ Comic පසුබිම බැලුවම දැනගන්න තියෙන්නේ. මේ එක්ක Marvel විශ්වයේ R-Rated ම Villain බවට Muse ට පත් වෙන්නත් පුළුවන්කම තියනවා. අපි බලමු ඒ ගැන ඉදිරියට ලැබෙන තොරතුරු මොනවද කියලා. කටකතා කියන්නේ නම් King Pin සහ Daredevil දෙන්නම මේ Muse ට විරුද්ධව Team Up වෙනවා කියලයි. "Daredevil: Born Again" Series එක 2025 මාර්තු මස 04 වෙනිදා සිට Disney + හරහා විකාශනය නියමිතයි.

ඔන්න එහෙනම් මෙන්න මේ විදිහට මේ Post එකේ අවසානයට අපි ලගා වුනා. ඉස්සරහට තවත් Comics වල ඉන්න චරිත ගැන අරෙගන එන්නත් අපි හිතාගෙන ඉන්නවා, ඒ වගේම කලින් C.I.C Posts ආයෙමත් අපි අපේ මේ අලුත්ම Page එකේ Repost කරන්නත් බලාපොරොත්තුවෙන් ඉන්නවා ඒවා මඟ ඇරුණ අය වෙනුවෙන් ඉතිං ඒ නිසා දිගටම අපිත් එක්ක රැඳී ඉන්න අපි දන්න කියන චරිත වල Comic පසුබිම දැනගන්න So My Fellow Cinemates, Enjoy The Cinema, Stay Safe And Be Happy 💛.

✍🏻- Rosha

05/11/2024

💛🎶

Music Director කෙනෙක් විදිහට කොල්ලගෙ පළවෙනි වැඩේම LCU එකට ? 😯💛
Raghava Lawrence රංගනයෙන් දායකවන Benz චිත්‍රපටය LCU එකට අයත් චිත්‍රපටයක් බවට පහුගියදා Announce කලානෙ. ඔන්න ඒ චිත්‍රපටයේ Music Director විදිහට Sai Abhayankkar ව තෝරාගෙන තියෙනවා කියල ඊයෙට යෙදී තිබුන ඔහුගේ උපන්දිනයට සමගාමීව Announce කලා.

2024 අවුරුද්ද ඇතුලෙ Viral Hits දෙකක්ම දුන්න මේ 20 හැවිරිදි කොල්ලා, ඒ දෙකම කලේ Individual Artist කෙනෙක් විදිහට. මේක තමයි ඔහු Music Director කෙනෙක් විදිහට එකතු වෙන පළවෙනි ෆිල්ම් එක. ඉතින් ඒ අනුව මේ වෙනකොට LCU එක ඇතුලෙ Music Director ල තුන්දෙනෙක් ඉන්නවා. Sam CS , Anirudh සහ දැන් Sai. ඉතින් අපි බලන් ඉමු මේ පොඩි කොල්ලත් මේක ඇතුලෙ කොහොම වැඩ දායිද කියල 💛

29/10/2024

😕💔

බොලිවුඩයේ යුද්ධ නිසා නැති වුන Singham Title Track එක ‼️
Rohit Shetty ගෙ COP Universe එකත් එක්ක හිටපු අය දන්නවා Singham Title Track එක ඒ ෆිල්ම්ස් වල ඇහෙද්දි කොච්චර ගැම්මක් එනවද කියල.

ඒත් දැන් වෙලා තියෙන අර්බුදය තමයි මේ Track එක අපිට අලුත් Singham Returs ෆිල්ම් එකේදි අහන්න ලැබෙන්නෙ නැති එක. ඒකට හේතුව තමයි මීට දින කිහිපයකට කලින් නිකුත් උන අලුත් Singham Title Track එකේ තියෙන පරණ Track එකෙන් ගත්ත තත්පර 15 කට T Series විසින් Copyright එකක් ගහල ඒක Youtube එකෙන් අයින් කරල තියෙන එක. (දැන් ආයෙත් ඒ කෑල්ල නැති අලුත් Track එක Youtube එකේ තියෙනවා). ඉතින් පොතේ හැටියට ඒ Tracks/BGMs ටික අපිට ෆිල්ම් එකේදි අහන්න ලැබෙන එකකුත් නැහැ.

ඉතින් මේකට ප්‍රධාන හේතුව මෙතෙක් කල් COP Universe එකේ Audio Rights ලබාගෙන තිබුනෙ T Series එකෙන් උනත්, අලුත් Singham Again චිත්‍රපටයේ Audio Rights "Saregama Music" විසින් අරගෙන තියෙන එක. ඊටත් වඩා මේකෙ සීතල යුද්ධෙ තියෙන්නේ ඉතින් T Series Label එක යටතේ එන Bhool Bhulaiya 3 චිත්‍රපටයත් , Singham Again චිත්‍රපටයත් දෙකම තිරගතවීමට නියමිත වෙලා තියෙන්නේ නොවැම්බර් 1 වෙනිදා වෙන එක. (Clash යුද්ධ) 😉

Cast එක වැඩි නිසා අපිත් අලුත් එක ආතල් එකට ගත්තට මොකෝ COP Universe එක කියන්නෙ බොලිවුඩ් වල හොඳට Enjoy කරන්න පුලුවන් ෆිල්ම් සීරීස් එකක්. Specially Theaters වල. ඉතින් ඒකට ලොකුම හේතුවක් තමයි මේකෙ තියෙන Music. ඉතින් ඒකෙත් උඩම තිබුන Singham Title Track එක මේකෙදි අහන්න ලැබෙන්නෙ නැති එකනම් මොනා උනත් ලොකු අඩුවක්. 😕

27/10/2024

මිනිස්සුන්ගෙ බැදීම් සහ හැඟීම් ගැන ෆිල්ම්ස් දෙකක් ! 💛

Irugapatru & Ullozhukku කියන්නෙ මිනිස්සුන්ගෙ බැඳීම් කියන දේ හරි ලස්සනට පෙන්නන්න හදන ෆිල්ම්ස් දෙකක්. එකක් ඇවිල්ල කෙළින්ම වගේ ඒ Point එක ගැන කතා කරන ෆිල්ම් එකක්. අනික ඇවිල්ල ඒකෙ කතාව නිසා අපිට ඒ ගැන හිතන්න සලස්වන ෆිල්ම් එකක්.

දෙකේම කතාව හරිම ලස්සනයි. හේතුවක් දන්නෙ නැතුවම ෆිල්ම් එක ඉවර වෙද්දී ඇහැට කදුලක් එන ජාතියෙ ෆිල්ම්ස් දෙකක්. මේ දෙකම රිලීස් වෙලා සහ බලල සෑහෙන කාලයක් උනත්, පොඩි Circle එකකින් පිට Audience එකකට මේ දෙක තාම ගිහින් නැහැ කියල හිතුන නිසයි Recommend කරන්න හිතුනෙ.

නිවාඩු පාඩුවෙ වෙලාවක් වෙන් කරන් බලන්න. හිතනව ඔයාලගෙ කාලයට උපරිම සාධාරණයක් කරයි කියල. බලල ඉවර වෙලා කොහොමද දැනුනෙ කියලත් පෝස්ට් එකට ඇවිත් Comment එකක් දාන්න. බලපු කට්ටිය ඉන්නවනම් ඔයාලගෙ අදහසුත් බලන්න ඉන්න අයට උදව්වක් විදිහට Comment කරන් යන්න 💛.

:- Irugapatru - 2023 (Romance/Drama)
:- Ullozhukku - 2024 (Drama)

✍🏻 Sethiya Minzara

27/10/2024

💛

2025 දී එන නවතම ආදරණීය කතාව 💛
Adaraneeya Prarthana සහ Visal Adare - The Movie කියන ජනප්‍රිය සිංහල චිත්‍රපට නිර්මාණය කළ කණ්ඩායම විසින් 2025 දී තවත් නවතම නිර්මාණයක් එළිදක්වන්නයි සූදානම. මේ චිත්‍රපටය " නීරා " ලෙසින් නම් කර ඇති අතර පෙර චිත්‍රපට ද්විත්වයේම අධ්‍යක්ෂක වූ Wasawa Baduge ගේ අධ්‍යක්ෂණයෙනුත් , Sumithra Rahubaddhe ගේ තිර රචනයෙනුත් වගෙම සුපුරුදු පරිදි Yasas Medagedara ගේ සංගීත නිර්මාණයෙනුත් " නීරා " චිත්‍රපටය හැඩ වෙන බව වාර්තා වෙනවා.

27/10/2024

😒😅

26/10/2024

"𝗗’𝘆𝗼𝘂 𝗿𝗲𝗺𝗲𝗺𝗯𝗲𝗿 𝘁𝗵𝗮𝘁 𝗰𝗮𝘃𝗲? 𝗪𝗲 𝘀𝗵𝗼𝘂𝗹𝗱 𝗵𝗮𝘃𝗲 𝘀𝘁𝗮𝘆𝗲𝗱 𝗶𝗻 𝘁𝗵𝗮𝘁 𝗰𝗮𝘃𝗲. 𝗜 𝘁𝗼𝗹𝗱 𝘆𝗼𝘂 𝘀𝗼."
📺 : 𝗚𝗮𝗺𝗲 𝗼𝗳 𝗧𝗵𝗿𝗼𝗻𝗲𝘀 💛