360 Tv

15/10/2025

ඊයේ අවසන් වුණ බංග්ලාදේශය සහ ඇෆ්ගනිස්තානය අතර පැවති තුන්වන එක්දින තරගය අවසන් වෙන්නේ ඇෆ්ගනිස්තානයට ලකුණු 200 ක දැවැන්ත ජයක් හිමිකර දෙමින්. එම තරගයේ දී ලකුණු 294 ක ඉලක්කය හඹා යමින් හිටපු බංග්ලාදේශ ඉනිම ලකුණු 93 කට සීමා වුණා.

එහිදී බංග්ලාදේශ ලකුණු පුවරුව දිස් වුණේ ෆෝන් නම්බර් එකක් වගේ. ආරම්භක පිතිකරු සයිෆ් හසන් හැරෙන්න වෙනත් කිසිම බංග්ලාදේශ පිතිකරුවෙක් ලකුණු 10 සීමාවට ළඟා වුණේ නෑ.

මේ ජයග්‍රහණයත් එක්ක බංග්ලාදේශය තරග 3-0 ක් විදිහට පරාජය කරමින් ඇෆ්ගනිස්තානය එක්දින තරගාවලිය ජයග්‍රහණය කළා.

15/10/2025

Mercantile Netball Knockout 2025

14/10/2025

ශ්‍රී ලංකාවට තීරණාත්මක තරගයක් අද
🇱🇰 Vs 🇳🇿

13/10/2025

2026 ලෝක කුසලානයට සිහින දකින නෝර්වේ

නෝර්වේ කියන්නේ පාපන්දු ලෝකයේ එහෙම ලොකු නමක් තිබ්බ රටක් නෙමෙයි. අතිශය සාමාන්‍යය විදිහට පාපන්දු ක්‍රීඩා කරගෙන යන රටක්. නමුත් මෑත කාලීනව ඔවුන්ගේ පාපන්දු සෑහෙන තරම් වෙනස් වුණා. ඔවුන් දැන් 2026 පාපන්දු ලෝක කුසලානය ක්‍රීඩා කරන්න සිහින දකිනවා.

නෝර්වේ කණ්ඩායමට මේ වෙනස ඇති කරන්න මුල් වුණ ක්‍රීඩකයන් කිහිප දෙනෙක් ඉන්නවා. ඉන් එක්කෙනෙක් තමයි ඔය හැම කෙනෙක්ම දන්න ගෝල මැෂිම. එංගලන්තයේ මැන්චෙස්ටර් සිටි කණ්ඩායමේ ප්‍රහාරක ක්‍රීඩක අර්ලින් හාලන්ඩ්.

ආලන්ඩ් ට අමතරව නෝර්වේ සතුව දැන් බොහොම වටිනා කියන ක්‍රීඩකයන් කිහිප දෙනෙක්ම ඉන්නවා. ඇට්ලෙටිකෝ මැඩ්රීඩ් ක්‍රීඩක ඇලෙක්සැන්ඩර් සොලොරොත්, මැන්චෙස්ටර් සිටි ක්‍රීඩක ඔස්කාර් බොබ්, ආසනල් ක්‍රීඩක මාටින් ඔඩෙගාර්ඩ්, බොරුසියා ඩොර්ට්මුන්ඩ් ක්‍රීඩක ජුලියන් රියේර්සන් වගේ ප්‍රභලයන් රැසක් ඉන්නවා. ඔවුන්ගේ කණ්ඩායම පිරෙන්නම යුරෝපයේ ඉහළම පෙළේ පාපන්දු ක්‍රීඩා සමාජ වල ක්‍රීඩකයන් සිටීමත් මතක් කරන්නම ඕනි.

නෝර්වේ කණ්ඩායමක් අවසන් වරට පාපන්දු ලෝක කුසලානයක් ක්‍රීඩා කළේ 1998 දී. ඔවුන් 21 වන සියවස තුළ තවමත් පාපන්දු ලෝක කුසලානයක් ක්‍රීඩා කරලා නෑ. මේ නවතම පාපන්දු ප්‍රබෝධයත් එක්ක වසර 28 කට පස්සේ ලෝක කුසලානයක් ක්‍රීඩා කරන්න ඔවුන් බලාපොරොත්තුවෙන් ඉන්නවා.

2026 යුරෝපීය පාපන්දු ලෝක කුසලාන සුදුසුකම් ලැබීමේ වටය යටතේ නෝර්වේ ක්‍රීඩා කරන්නේ I කාණ්ඩයෙන්. නෝර්වේ ට අමතරව I කාණ්ඩයේ ඉතාලිය, ඊශ්‍රායලය, එස්තෝනියාව සහ මෝල්දෝවා කියන කණ්ඩායම් තරග වදිනවා.

නෝර්වේ ලෝක කුසලාන සුදුසුකම් ලැබීමේ වටය ආරම්භ කළේම සිව් වරක් ලෝක ශූර ඉතාලිය ගෝල 3-0 ක් විදිහට පරාජය කරමින්. දැනට ලෝක කුසලාන සුදුසුකම් ලැබීමේ යුරෝපීය වටයේ I කාණ්ඩයේ ක්‍රීඩා කරපු තරග 6 න් 6 ම නෝර්වේ ජයගෙන තිබෙනවා.

ඔවුන් ප්‍රතිවාදීන්ට එරෙහිව ගෝල 29 ක් වාර්තා කරද්දී ප්‍රතිවාදීන් ඔවුන්ට එරෙහිව ලබාගෙන තියෙන්නේ ගෝල 3 ක් විතරයි. ඔවුන්ගේ එක් තරගයකට ගෝල ලබා ගැනීමේ සාමාන්‍යය 4.83 ක තරම් අතිශය ඉහළ අගයක් ගන්නවා.

අවසානයට ක්‍රීඩා කළ තරගයේදීත් ඊශ්‍රායලයට ගෝල 5-0 ක් විදිහට බැට දෙන්න නෝර්වේට හැකියාව ලැබුණා. නෝර්වේ ගෝල මැෂිම බවට පත් වෙලා ඉන්න එර්ලින් හාලන්ඩ් දැනටම ගෝල 12 ක් ලබාගෙන යුරෝපීය ලෝක කුසලාන සුදුසුකම් ලැබීමේ වටයේ වැඩිම ගෝල ලාභියා විදිහට ඉහළින්ම ඉන්නවා.

ඔහු අවසානයට ක්‍රීඩා කරපු තරග දෙකේ විතරක් ලබාගත්ත ගෝල ගණන 8 ක්. ඔහු ජාත්‍යන්තර පාපන්දු ඉතිහාසයේ ඉක්මනින්ම ගෝල 50 වෙත ළඟා වූ ක්‍රීඩකයා බවටත් පත් වුණා. දැනට එර්ලින් හාලන්ඩ් ජාත්‍යන්තර පාපන්දු තරග 46 කදී ලබාගෙන තිබෙන ගෝල ගණන 51 ක්.

නෝර්වේ ට තවත් ඉතිරි වෙලා තියෙන්නේ එස්තෝනියා තරගය සහ ඉතාලි තරගය විතරයි. එස්තෝනියා තරගය ජයගෙන ඉතාලි තරගය ජය පැරදුමෙන් තොරව නිමා කර ගැනීම පවා ඔවුන්ට ලෝක කුසලානයට සුදුසුකම් ලබා ගැනීමට ප්‍රමාණවත්. ඒ නැතත් ඉතාලිය 3-0 ක් විදිහට පරාජය කිරීම නිසා ඔවුන්ට සෑහෙන අවස්ථාවක් නිර්මාණය වෙලා තියෙනවා.

නෝර්වේ 2026 පාපන්දු ලෝක කුසලානයට සුදුසුකම් ලබා ගත්තොත් ඒක අවුරුදු 28 කට පස්සේ එරට ජනතාව අත් විඳින බොහොම ඓතිහාසික අවස්ථාවක් වේවි!

13/10/2025

තිලකරත්න ඩිල්ශාන් කියන දේවල් ඔහුට ඇත්තටම ලැබුණේ නැද්ද?

හිටපු ශ්‍රී ලංකා ක්‍රිකට් ක්‍රීඩක තිලකරත්න ඩිල්ශාන් පහුගිය දවසක යූ ටියුබ් ඔස්සේ සම්මුඛ සාකච්ඡාවකට එකතු වෙමින් බොහොම ආන්දෝලනාත්මක ප්‍රකාශ ගණනාවක් කරනවා. ඔහු මේ ප්‍රකාශ වලින් කියන්නේ තමන්ගේ නායකත්වය අසාර්ථක වීමට නිදහසට කාරණා.

ඩිල්ශාන් කියන විදිහට ඔහුට නායකත්වය ලැබුණට පස්සේ පරිණත ක්‍රීඩකයෝ සහයෝගය ලබා දීලා නෑ. ඒ විතරක් නෙමෙයි ඔවුන් කලින් වගේ හරි විදිහට ක්‍රීඩා කරලත් නෑ. ඩිල්ශාන් පිටිය මැද්දේ තනි වුණා වගේ කතාවක් තමයි ඔතනදී කියන්නේ.

තිලකරත්න ඩිල්ශාන් ශ්‍රී ලංකා ක්‍රිකට් කණ්ඩායමේ ස්ථිර නායකයා බවට පත් වෙන්නෙ 2011 ක්‍රිකට් ලෝක කුසලානයෙන් අනතුරුව. 2011 ක්‍රිකට් ලෝක කුසලානයේ වැඩිම ලකුණු ලාභියා වෙමින් ඩිල්ශාන් උපරිම දක්ෂතා දැක්වූවා. අනික ඒ කාලයේ ඔහු පිතිකරුවෙක් විදිහට හිටියේ සුපිරි පීක් එකක. නමුත් නායකත්වය ලැබුණට පස්සේ මේ හැමදේම වෙනස් වුණා.

ඉන්න එතනට මම සාක්ෂි එක්කම එන්නම්. 2011 ලෝක කුසලානයෙන් පස්සේ ශ්‍රී ලංකාව මුළින්ම සංචාරය කළේ එංගලන්තයේ. ටෙස්ට් තරග 3 ක්, එක්දින තරග 5 ක් සහ එක් පන්දුවාර 20 තරගයක් එතන ක්‍රීඩා කළා. ටෙස්ට් තරගාවලියේ පළමු තරගයේ පළමු ඉනිමේදීම ඩිල්ශාන් ලකුණු 50 ක් එක්ක තමන්ගේ නායකත්වයේ වගකීම ලබාගන්න කටයුතු කරනවා.

නමුත් ඒ තරගයේ දෙවනි ඉනිමේ ශ්‍රී ලංකාව ක්‍රීඩා කරපු අතිශය දියාරු ස්භාවය (ඩිල්ශානුත් ඇතුලුව) නිසා තරගය ඉනිමකින් පරාජය වුණා. දෙවන තරගයේ දී ඩිල්ශාන් ලෝඩ්ස් පිටියේ දී ලකුණු 193 ක විශිෂ්ට ඉනිමක් ක්‍රීඩා කළා. ටෙස්ට් තරගාවලිය ඔහු අවසන් කළේ ලකුණු 253 ක් එක්ක. 84.33 ක ඉනිමක සාමාන්‍යයක් සහ ශ්‍රී ලංකාවේ වැඩිම ලකුණු ලාභියා වෙන්නත් ඔහුට පුළුවන් වුණා. තුන්වෙනි ටෙස්ට් තරගය ඔහු ක්‍රීඩා කළේ නෑ.

පරිණත ක්‍රීඩකයන් විදිහට මහේල සහ සංගා ඉතාම හොඳ තරගාවලියක් ක්‍රීඩා කළේ නෑ. නමුත් දෙදෙනාම ශතක දෙකක් වාර්තා කරන්න සමත්කම් දැක්වූවා. නමුත් එක්දින තරගාවලියේදී මේ කතාව සම්පූර්ණයෙන්ම වෙනස් වුණා.

මේ තරගාවලියේ ඩිල්ශාන් තරග 5 තුළ ලබාගත්ත ලකුණු මෙන්න මේ විදිහයි, 1, 9, 3, 0, 4. තරගාවලිය ශ්‍රී ලංකාව 3-2 ක් විදිහට පරාජය වුණා. එතනින් එක් තරගයක හෝ ප්‍රතිඵලය වෙනස් කරන්න තිබුණා ඩිල්ශාන්ගේ පිත්ත කතා කළා නම්!

මේ එක්දින තරගාවලියේ කණ්ඩායම් දෙකේම වැඩිම ලකුණු ලාභියා වුණේ මහේල ජයවර්ධන. සංගා 3 වෙනි වැඩිම ලකුණු ලාභියා. මහේල දෙවනි එක්දින තරගයේ වීරයාත් වුණා. ඒ වගේම කණ්ඩායම් දෙකෙන්ම තරගාවලියේ වැඩිම කඩුලු ලාභියා ලසිත් මාලිංග. දෙවනියා සුරාජ් රන්දිව්.

පන්දුවාර 20 තරගයත් ඩිල්ශාන් ක්‍රීඩා කළේ නෑ. ඊළඟට අවධානය යොමු වෙන්නේ ඕස්ට්‍රේලියා කණ්ඩායමේ ශ්‍රී ලංකා සංචාරය දිහාවට. මෙතනදී පන්දුවාර 20 තරගාවලිය ශ්‍රී ලංකාව 2-0 ක් විදිහට ජය ගත්තත් එක්දින තරගාවලිය 3-2 ක් සහ ටෙස්ට් තරගාවලිය 1-0 ක් විදිහට පරාජය වුණා.

තිලකරත්න ඩිල්ශාන් ශතකයක් ලබා ගත්තේ මේ තරගාවලියේ. ඔහු පළමු තරගය ගැන සෑහෙන උනන්දුවෙන් කියනවා. තරගාවලිය දිනුවා කියලත් කියනවා. හැබැයි දෙවනි තරගය? මේ තරගයේ මහේල පිත්තෙන් ලකුණු 86 ක් ලබාගෙන කණ්ඩායම ලකුණු 157 කට රැගෙන යනවා.

අජන්ත මෙන්ඩිස් 16/6 ක මැජිකල් ස්පෙල් එකක් දාලා තරගය වෙනස් කරනවා. එක්දින තරගාවලියේ ඩිල්ශාන් ගේ ඉනිම් වල ලකුණු සටහන් වෙන්නේ 29, 24, 55, 12, 17 ක් විදිහට. තවත් පිත්තෙන් අසාර්ථක තරගාවලියක්. ශ්‍රී ලංකාව ජයගත්ත තරග ද්විත්වයේ වීරයන් වුණේ උපුල් තරංග සහ ලසිත් මාලිංග.

ටෙස්ට් තරග 3 ඉනිම් 5 කදී ඩිල්ශාන් ලබාගත්තේ සාමාන්‍යය 27.8 ක අගයක තියාගෙන ලකුණු 139 යි. සංගා මහේල දෙන්නම ඊට උඩින් ඉන්නවා. පන්දු යැවීමේ දී රංගන හේරත් කණ්ඩායම් දෙකෙන්ම වැඩිම කඩුලු ලාභියා.

ඊළඟට ශ්‍රී ලංකාව යන්නේ පාකිස්තානයට. එක්දින තරග 5 යි ටෙස්ට් තරග 1 යි පන්දුවාර 20 තරග 1 යි. ප්‍රතිඵලය ශ්‍රී ලංකාව එක්දින තරගාවලිය 4-1 ක්, ටෙස්ට් තරගාවලිය 1-0 ක් සහ 20/20 තරගයත් පරාජය වීම.

ටෙස්ට් තරගාවලියේ වැඩිම ලකුණු ලාභියා සංගා. සාමාන්‍යය 86 ක් එක්ක ලකුණු 516 යි. ඩිල්ශාන් තරගාවලියේම 22.33 ක සාමාන්‍යයක් එක්ක ලබා ගත්තේ ලකුණු 134 යි. මහේල ක්‍රීඩා කළේ එක තරගයයි. නින්දා සහගත පරාජයක් ලබපු එක්දින තරගාවලියේත් ශ්‍රී ලංකාව වෙනුවෙන් වැඩිම ලකුණු ලැබුවේ සංගා. තරගාවලියේ වැඩිම ලකුණු ලාභියත් ඔහු. නායක ඩිල්ශාන් ඉනිම 5 ක් තුළ සාමාන්‍යය 23.8 ක තියාගෙන ලබාගෙන තිබුණේ ලකුණු 119 යි.

එකම පන්දුවාර 20 තරගයේ ඩිල්ශාන් ලකුණු 28 ක් රැස් කළා. එපමණයි. අන්තිමට නායකත්වය ගැලවෙන්න කලින් ඩිල්ශාන්ගේ අවසන් තරගාවලිය. දකුණු අප්‍රිකානු සංචාරය. ටෙස්ට් තරග 3 යි, එක්දින තරග 5 යි. ටෙස්ට් තරගාවලිය 2-1 ක් විදිහට පරාදයි. එක්දින තරගාවලිය 3-2 ක් විදිහට පරාදයි.

ඩිල්ශාන් ම කියනවා මම දකුණු අප්‍රිකාවේ ටෙස්ට් මැච් එකක් දිනලා එක්දින තරග 2 ක් එක ළඟ දිනලා ඉද්දී තමයි කැප්ටන්සි එක ගැලෙව්වේ කියලා. උඩ තරගාවලි පරාජයන් ඒ ඇයි කියන එකට උත්තර දෙනවා. එහෙමම දිනුවා කියන ඩිල්ශාන් අනිත් පැත්තට කියනවා පරිණත ක්‍රීඩකයෝ සපෝට් කළේ නෑ කියලා. ඩිල්ශාන් ඔය කියන දකුණු අප්‍රිකාවේ දිනාගත්ත තරග 3 දිනන්නත් පරිණත අයගේ උපරිම සපෝට් එක ලැබුණා.

ටෙස්ට් තරගාවලියේ නැවත ඩිල්ශාන් අසාර්ථකයි. සාමාන්‍යය 24.33 ක් එක්ක ලකුණු 146 යි. එක්දින තරගාවලියේ ඔහු සාමාන්‍යය 32.20 ක් එක්ක ලකුණු 161 යි. මදියි. කලින්ට වඩා හොඳයි. හැබැයි ලකුණු අතින් චන්දිමාල්, සංගා, තරංග තුන් දෙනාම ඩිල්ශාන් ට උඩින්.

ඩිල්ශාන් කියන ඔය ඓතිහාසික දකුණු අප්‍රිකා ටෙස්ට් ජයග්‍රහණයේදී ශ්‍රී ලංකා පළමු ඉනිමේ ශතකයක් ලැබුවේ තිලාන් සමරවීර. දෙවනි ඉනිමේ සංගා ශතකයක් ලබා ගත්තා. පන්දුවෙන් ඉනිම දෙකේම කඩුලු 9 ක් සහ පිත්තෙන් ලකුණු 30 ක් ලබා දීලා රංගන හේරත් තරගයේ වීරයා වුණා.

ඩිල්ශාන් ගේ දායකත්වය පළමු ඉනිමේ ලකුණු 47 ක් සහ දෙවන ඉනිමේ ලකුණු 4 ක්. ඒ තරග තමන් නිසා දිනන්නත් පරිණත සපෝට් එක තමන්ට ලැබුණේ නෑ කියන්නත් මේ සාක්ෂි එක්ක ඩිල්ශාන් කියන්නේ කොහොමද?

දකුණු අප්‍රිකාව එක්ක තරග 2 ක් දිනුවා කියද්දී සිව්වෙනි එක්දින තරගයේ ඩිල්ශාන් ලකුණු 87 ක් රැස් කළා. තරගයේ වීරයා වුණේ තිසර පෙරේරා. ඩිල්ශාන් ගේ නිත්‍ය නායකත්වයෙන් ක්‍රීඩා කරපු අවසන් එක්දින තරගයේ ශ්‍රී ලංකාව ලකුණු 313 ක් හඹා යනවා. ඉනිමේ සම්පූර්ණ නැංගුරම වුණ කුමාර් සංගක්කාර ලකුණු 102 ක් රැස් කරලා තරගයේ වීරයා වෙනවා.

මේ තරගාවලි 4 ම දත්ත අරන් මම කතා කළේ ඔය විදිහට පරිණත ක්‍රීඩකයන් තරග වලදී තමන්ගේ වගකීම පැහැර හැරලා නෑ. ලෝඩ්ස් වල ලකුණු 193 සහ පල්ලෙකැලේ ලකුණු 104 හැරුණම ඩිල්ශාන් බොහෝ අවස්ථා වල අතිශය අසාර්ථකයි. පිත්තෙන් අතිශයම අසාර්ථකයි.

තිලකරත්න ඩිල්ශාන් කියන්නේ අතිශය හොඳ පිතිකරුවෙක් සහ ක්‍රීඩකයෙක්. නමුත් ඔහු අති විශිෂ්ට ක්‍රීඩක කලමණාකරුවෙකු හෝ නායකයෙක් වෙන්නේ නෑ. මීට කලින් වැඩ බලන නායකයා විදිහට ඉන්දීය තරගයක කඩුල්ල පිටුපස ඉඳගෙන කියපු දේවල් වලට ඔහු දඩ කාපු විදිහත් මතකයි.

නායකයා නොවුණත් ශෙවාග් 99 ඉන්නකොට රන්දිව් ට නෝ බෝලයක් දාන්න කිව්වේ කවුද? අන්තිමට නවකයෙක්ගේ ක්‍රීඩා ජීවිතය සම්පූර්ණයෙන්ම විනාශ වුණා. ඩිල්ශාන් ට පරිණත ක්‍රීඩකයෝ සහයෝගය දුන්නේ නෑ කියලා මාධ්‍යයේ කියන්න පුළුවන් වුණාට ඒ කතා ඔහුට අමතක වෙලාද?

ජීවිතයේදී හෝ ක්‍රීඩා පිටියේදී කිසිම කෙනෙක් සර්ව සම්පූර්ණ නෑ. සචින් තෙන්දුල්කාර් කියන විශිෂ්ට පිතිකරුවා විශිෂ්ට නායකයෙක් වුණේ නෑ. සමහර විශිෂ්ට නායකයෝ ඉන්නවා එහෙම ලොකු දස්කම් දක්වන්නේ නෑ. මයික් බෙයාර්ලි ලියන ආර්ට් ඔෆ් කැප්ටන්සි පොත කියවන්න පුළුවන් උදාහරණයක් විදිහට.

ඩිල්ශාන් ට ඔය කියන විදිහට නායකත්වය දරපු සමයේ පරිණත හෝ නවක ක්‍රීඩකයන්ගේ සහයෝගය ලැබුණේ නෑ කියලා කියන්න නම් බෑ. හැබැයි ඒ කාලයේදී ඩිල්ශාන් ගෙන් නම් කණ්ඩායමට අවශ්‍ය සහයෝගය ලැබිලා නෑ. උඩ දත්ත සියල්ල ඒකට සාක්ෂි දරනවා.

නායකත්වයෙන් ඉවත් කලාට පස්සේ නැවත ඔහු සාර්ථක වුණා. සමහර ක්‍රීඩකයන් නායකයා වුණාම අසාර්ථක වෙනවා. ඒ වගකීම ගැලෙව්වම නැවත රිද්මයට එනවා. එහෙම වෙන්නේ නායකත්වයේ වගකීම කියන අමාරු දේ කරන්න බැරි වෙන නිසා. කලිනුත් ඒකයි කිව්වේ හැම සාර්ථක ක්‍රීඩකයෙක්ම සාර්ථක නායකයෙක් වෙන්නේ නෑ.

ඩිල්ශාන් නායකයෙක් විදිහට ක්‍රිකට් පිටියේ අසාර්ථකයි. ඒ ගැන මොන කතා කියලා පැලැස්තර අලවන්න හැදුවත්, මාධ්‍ය වලට ඇවිල්ලා වෙන අයට වැරැද්ද පටවන්න හැදුවත් වෙනස් වෙන්නේ නෑ.

හැබැයි තිලකරත්න ඩිල්ශාන් කියන ක්‍රිකට් ක්‍රීඩකයා නම් කණ්ඩායමකට ලැබෙන මැණිකක්. ඔහු වගේ දක්ෂයෙක් ලේසියෙන් කණ්ඩායමට හෝ ජාත්‍යන්තර තලයටම ලැබෙන්නේ නෑ.

මේ විදිහට මාධ්‍ය වලට ඇවිල්ලා ආන්දෝලනාත්මක කතා තමන්ටම අවාසි විදිහට කියන එකෙන් වෙන්නේ තිලකරත්න ඩිල්ශාන් කියන විශිෂ්ට ක්‍රීඩකයා දිහා පවා මිනිස්සු වපර ඇහින් බලන්න පටන් ගන්න එක. තමන්ගේ අතේ ලොකු වැරැද්දක් තියාගෙන ඒකට අනිත් පාර්ශව වලට චෝදනා කරන්න බෑ.

ඩිල්ශාන් තේරුම් ගන්නත් ඕනි ඒක.

13/10/2025

2025 කාන්තා ක්‍රිකට් ලෝක කුසලාන තරගාවලියේ වඩා වැඩිම අවධානයක් දිනා ගත්ත ඉන්දු-ඕස්ට්‍රේලියා තරගය ක්‍රියාත්මක වුණේ අද. පළමුවෙන් පන්දුවට පහර දුන් ඉන්දියාවෙන් ඕස්ට්‍රේලියාවට ලැබුණ ඉලක්කය දැවැන්ත ලකුණු 331 ක්.

ලකුණු 331 ක ඉලක්කය හඹා යද්දී ඕස්ට්‍රේලියාවට මතු වෙන ලොකුම ගැටලුව වෙන්නේ ඔවුන්ගේ අංක 3 පිතිකාරිනිය වන අත්දැකීම් බහුල එලිස් පෙරී ආබාධයක් නිසා පිටියෙන් ඉවත් වීම. නමුත් නායිකා ඇලිශා හීලි සටන අතහැරියේ නෑ.

ඇය කාන්තා එක්දින ක්‍රිකට් ඉතිහාසයේම ක්‍රීඩිකාවක් දියත් කළ විශිෂ්ටතම ඉනිමක් ක්‍රීඩා කළා. එක් අන්තයක කඩුලු එක පිට එක බිඳ වැටුණත් ඇලීශා කොයිවෙලාවකවත් ලකුණු ලබා ගැනීමේ වේගය අඩු කළේ නෑ. ඇය ශතකය සම්පූර්ණ කරන්නේ පන්දු 84 කින්.

එතැනින් නොනවතින ඇලීශා හීලි තවත් පන්දු 23 කට මුහුණ දීලා ලකුණු 42 ක් රැස් කළා. ඇය සමස්ථ ඉනිමේ දී පන්දු 107 කදී හතරේ පහර 21 ක් සහ හයේ පහර 3 ක් ද එක්ක ලකුණු 142 ක් රැස් කරගත්තා. නමුත් ජයග්‍රහණයට තවත් ලකුණු 56 ක් තියෙද්දී ඇලීශා හීලි දැවී ගියා.

ඇයගේ දැවී යාමෙන් පසුව ඈශ්ලි ගාඩ්නර් සහ නැවත පිටියට පැමිණි එලිස් පෙරී සටන අතහැරියේ නෑ. තවත් පන්දුවාරයක් ඉතිරිව තිබියදී ඕස්ට්‍රේලියා ක්‍රීඩිකාවන් කඩුලු 7 ක් දැවී ජයග්‍රාහී ඉලක්කය පසු කළා. ඈශ්ලි ගාඩ්නර් ලකුණු 45 ක් සහ එලිස් පෙරී නොදැවී ලකුණු 47 ක් ලබා ගත්තා.

මේ ඉලක්කය හඹා යාම සටහන් වෙන්නේ කාන්තා එක්දින ක්‍රිකට් ලෝක කුසලානයේ විතරක් නෙමෙයි කාන්තා එක්දින ක්‍රිකට් ඉතිහාසයේම ඉහළතම සාර්ථක ලකුණු හඹා යාම විදිහට. ඒ වගේම තමයි ඉන්දියාව දැන් පිට පිටම තරග 2 ක් පරාජය වුණා. ඒ දකුණු අප්‍රිකාවෙන් සහ ඕස්ට්‍රේලියාවෙන්.

ලෝක කුසලාන සත්කාරකයන් විදිහට එක දිගට ලබපු මේ පරාජයන් දෙක ගැන නම් ඉන්දියාව දැන් ඉන්නේ සෑහෙන නොසතුටින්.

12/10/2025

11/10/2025

2011 ජනවාරි මස 21 වනදා බොහොම කුලෑටි විදිහට ඉන්න තරුණයෙක් එංගලන්ත ක්‍රිකට් වරම් දිනා ගන්නවා. සිඩ්නි වලදී ඕස්ට්‍රේලියාවට එරෙහිව එක්දින පිටියට පිවිසෙන මේ කොලුවා වෙනුවෙන් එංගලන්තය මහත් බලාපොරොත්තු තබාගෙන හිටියා.

පළමු තරගයෙන් නම් එංගලන්තයට අත්වුණේ පරාජයක්. නමුත් මේ තරුණයා පන්දුවෙන් ලකුණු 31 කට එක් කඩුල්ලක් සහ පිත්තෙන් ලකුණු 12 ක් රැස් කළා. ක්‍රිස් වෝක්ස් නම් වූ ඔහුගේ පළමු ගොදුර බවට පත් වුණේ ඕස්ට්‍රේලියානු නායකයා මයිකල් ක්ලාක්.

එතැන ඉඳලා අවුරුදු 15 කට ආසන්න කාලයක් ක්‍රිස් වෝක්ස් එංගලන්තය වෙනුවෙන් තමන්ගේ සේවය ලබා දුන්නා. ටෙස්ට්, එක්දින, පන්දුවාර 20 මොන ෆෝමැට් එක වුණත් පන්දුවෙන් ද පිත්තෙන් ද මොන අවස්ථාවක වුණත් වෝක්ස් තමන්ගේ උපරිමය කණ්ඩායම වෙනුවෙන් කළා.

කුලෑටි සහගත තරුණයාගේ පටන් පරිණත මිනිසා වනතෙක් සියලුම චරිත ඔහු ක්‍රීඩාංගනයේදී රඟ දැක්වූවා. සෑම අවස්ථාවකම ඔහු එංගලන්තයේ ගැලවුම්කරුවා වීමට උත්සාහ කළා. වෝක්ස් එංගලන්තය වෙනුවෙන් ක්‍රීඩා කළ අවසන් තරගය ඔබට තවම අමතක නෑ කියලා මම හිතනවා,

ඔව්, ඕවල් වලදී ඉන්දියාවට එරෙහිව අතක් බැඳගෙන පිටියට පැමිණීම තමයි ඔහුව එංගලන්ත ජර්සියෙන් අපි දැක්ක අවසන් අවස්ථාව. ඒ වෙලාවේදී තමන්ගේ අත උරහිසෙන් වෙන් වෙලා තිබුණත් කණ්ඩායම වෙනුවෙන් තනි අතින් හෝ පිත්ත හසුරවන්න වෝක්ස් දෙපාරක් හිතුවේ නෑ. කලින් කිව්වා වගේම ඔහු සෑම විටකම එංගලන්තයේ ගැලවුම්කරු වෙන්න උත්සාහ කළා.

ක්‍රිස් වෝක්ස් කියන්නේ පිටියේදී වගේම පිටියෙන් පිටතදීත් මහත්මයෙක් විදිහට හැසිරුණ ක්‍රීඩකයෙක්. ඔහු සෑම අවස්ථාවකදීම තරගයේ ජීව ගුණය ආරක්ෂා කරගන්න කටයුතු කළා. මේ නිසාම ඔහු ක්‍රිකට් පිටියේ කලාතුරකින් දකින්නට ලැබෙන ප්‍රේක්ෂක ප්‍රසංශාව නොඅඩුව ලැබුණ ක්‍රීඩකයෙක්. ප්‍රතිවාදී ප්‍රේක්ෂකයන් පවා ඔහුට ආදරය කළා.

එංගලන්තයේ සුදු පන්දුවෙන් ක්‍රිකට් ක්‍රීඩා කළ ස්වර්ණමය යුගයේ නැතිවම බැරි ක්‍රීඩකයෙක් විදිහටත් ඔහුව නම් කරන්න පුළුවන්. නමුත් මට හිතෙන විදිහට වෝක්ස් සෑහෙන Underrated ක්‍රීඩකයෙක්. ඒකටත් හේතුව ඔහු පිටියෙන් පිටත කයිය ගහන්න ගිය කෙනෙක් නොවීමත් පිටිය ඇතුළෙත් නිහඬ චරිතයක් වීමත් වෙන්න පුළුවන්.

අද ක්‍රිස් වෝක්ස් තමන්ගේ ජාත්‍යන්තර ක්‍රිකට් පිටියට සමු දීම ප්‍රකාශ කළා. අවුරුදු 15 ක් පුරාවට එංගලන්ත ජර්සියෙන් සැරසීම ගැන ඔහු සටහන් කරලා තිබ්බේ බොහොම සාඩම්බර සටහනක්. වෝක්ස් ගේ සමු ගැනීමේ සටහනේ සිංහල පරිවර්තනය පහතින් තියෙනවා,

"හරි වෙලාව පැමිණියා, ඉතින් මම හිතුවා මේක තමයි හොඳම වෙලාව ජාත්‍යන්තර ක්‍රිකට් ක්‍රීඩාවට සමු දෙන්න කියලා. එංගලන්තයට ක්‍රිකට් ක්‍රීඩා කිරීම කියන්නේ පොඩි කාලේ මම ගෙදර පිටිපස්සේ ක්‍රීඩා කරපු දවස් වල ඉඳලා දැකපු හීනයක්. මම හිතන්නේ ඒ හීනයේ ජීවත් වෙන්න තරම් මං වාසනාවන්ත වුණා."

"එංගලන්තය නියෝජනය කිරීම, සිංහයන් තිදෙනාගේ ලාංඡනය ඇඳීම සහ අවුරුදු 15 ක් කණ්ඩායම් සඟයන් සමග ක්‍රීඩාංගනය බෙදා ගැනීම. මේ අයගෙන් බොහෝ දෙනෙක් මගේ ජීවිත කාලයේම මිතුරන් බවට පත් වුණා. මම ඒ දිහා නැවත හැරිලා බලන්නේ බොහොම ආඩම්බරයෙන්."

"2011 ඕස්ට්‍රේලියාවත් සමග මම ක්‍රීඩා කරපු පළමු තරගය තවම හරියට ඊයේ වගේ. ඔබ විනෝදයෙන් ඉන්නකොට කාලය පියාඹනවා. ලෝක කුසලාන දෙකක් ජය ගැනීම සහ විශිෂ්ට අළු බඳුන තරගාවලි වල ක්‍රීඩා කිරීමේ වගේ දේවල් මම කවදාවත් ඇත්තට වෙයි කියලා හිතුවේ නෑ. ඒ මතකයන් සහ සැමරීම් හැමදාම මාත් එක්ක තියේවි."

"මගේ අම්මා තාත්තා, මගේ බි‍රිඳ එමී සහ අපේ දියණියන් ලයිලා සහ එවී. ඔයාලගේ නිමක් නැති ආදරයට ස්තූතියි. මේ අවුරුදු ගාන පුරාවට ඔයාලගේ උදව් වලට කැප කිරීම් වලට ස්තූතියි. මේ හැම දෙයක්ම ඔයාලා නැතුව කරන්න බැරි වෙන්න තිබුණා."

"ප්‍රේක්ෂකයන්ට, විශේෂයන්ම බාමි ආමි (එංගලන්ත ප්‍රේක්ෂකයන් හඳුන්වන නම) සහයෝගයට ස්තූතියි. දිරිමත් කරාට විශ්වාස කළාට ස්තූතියි. මගේ පුහුණුකරුවන්ට, කණ්ඩායම් සඟයන්ට සහ තිරය පිටුපස සිටි සියලුම දෙනාට, එංගලන්තය සහ වෝක්ෂයර් ප්‍රාන්තයේ ක්‍රීඩා කරමින් මාව මෙහෙයවපු උදවු කරපු හැමෝටම ස්තූතියි."

"මම ඉදිරියටත් ප්‍රාන්ත ක්‍රිකට් ක්‍රීඩා කරන්න සූදානම්. ඒ වගේම ෆ්‍රැන්චයිස් ක්‍රිකට් වලත් අවස්ථාවක් ලැබුණොත් ක්‍රීඩා කරනවා."

තුන් ඉරියව් ක්‍රීඩකයෙක් විදිහට ක්‍රිස් වෝක්ස් ටෙස්ට් තරග 62 කදී ලකුණු 2034 ක් සහ කඩුලු 192 ක්, එක්දින තරග 122 කදී ලකුණු 1524 ක් සහ කඩුලු 173 ක්, පන්දුවාර 20 තරග 33 කදී ලකුණු 147 ක් සහ කඩුලු 31 ක් දවා ගැනීමට සමත් වුණා.

සමස්ථයක් විදිහට ක්‍රිස් වෝක්ස් ජාත්‍යන්තර ක්‍රිකට් පිටියේ ලකුණු 3705 ක් සහ කඩුලු 396 ක් දවාගත්තා. ඔහුට පිත්තෙන් ජාත්‍යන්තර ක්‍රිකට් පිටියේ ශතකයක් සහ අර්ධ ශතක 13 ක් තිබෙනවා. පන්දුවෙන් නම් ඉනිමක කඩුලු 5 බැගින් දවාගත් අවස්ථා 8 ක් හිමියි.

වෝක්ස් තමන්ගේ සමු ගැනීමේ ප්‍රකාශයේ සඳහන් කරලා තියෙනවා වගේම ඔහු 2019 එක්දින ක්‍රිකට් ලෝක කුසලානය සහ 2022 පන්දුවාර 20 ක්‍රිකට් ලෝක කුසලානය වශයෙන් ලෝක කුසලාන 2 ක් දිනාගත් එංගලන්ත ක්‍රිකට් කණ්ඩායම නියෝජනය කළා. මේ තරගාවලි වලදී කණ්ඩායමේ නැතුවම බැරි ක්‍රීඩකයෙක් වුණා.

අද ක්‍රිස් වෝක්ස් ක්‍රිකට් ක්‍රීඩාවට සමු දෙනවා. නිකම් නෙමෙයි 2011 සිඩ්නි වලදී කුලෑටි තරුණයෙක් විදිහට ඇවිල්ලා වසර 15 කට පස්සේ එංගලන්ත ක්‍රිකට් පිටියේ වීරයෙක් විදිහට. ඔහු මියයන මහත්මාවරුන්ගේ ක්‍රීඩාවේ සැබෑ මහත්මයෙක්ට ජීවමාන උදාහරණයක්.

ක්‍රිස් වෝක්ස්, ඔබට සුබ විශ්‍රාම දිවියක්

11/10/2025

ක්‍රිස්ටියානෝ රොනාල්ඩෝ කියන්නේ ලෝක ඉතිහාසයේ බිහි වූ විශිෂ්ටතම පාපන්දු ක්‍රීඩකයන්ගෙන් එක්කෙනෙක්. ඔහු මේ තරම් සාර්ථක වෙන්න සෑහෙන කැපවීමක් කරපු කෙනෙක්. රොනාල්ඩෝ කියන්නේ පාපන්දු වලට එහෙම ලොකු බෝන් ටැලන්ට් එකක් නෙමෙයි.

එහෙම බෝන් ටැලන්ට් එකක් නොව නිසා ක්‍රිස්ටියානෝ රොනාල්ඩෝ මේ තැනට එන්න සෑහෙන මහන්සි වුණා. මිලියන් ගණන් මුදල් හම්බුණත් කවදාවත් රොනාල්ඩෝ තමන්ගේ ගමන අමතක කළේ නෑ. රොනාල්ඩෝගේ දවසේ දින චරියාව දැක්කම ඔයාලට ඒක තේරුම් ගන්න පුළුවන්. රොනාල්ඩෝගේ බිරිඳ ජෝර්ජියානා රොනාල්ඩෝගේ දින චරියාව ගැන කියන දේවල් දැක්කම පුදුමත් හිතෙනවා,

"ක්‍රිස්ටියානෝ හැමදාම උදේ 6 ට නැගිටිනවා. නැගිටපු ගමන් ඔහු ව්‍යායාම කිහිපයක නිරත වෙනවා. ඔහු ගොඩක් වතුර බොනවා. මොකද ක්‍රිස්ටියානෝ විශ්වාස කරනවා උදේට ගොඩක් වතුර බොන එක සෞඛ්‍යට සෑහෙන හිතකරයි කියලා."

"ඔහු ඊට පස්සෙ පැය බාගෙක විතර විවේකයක් ගන්නවා. උදේට අනිවාර්යයෙන්ම කන්නේ පළතුරු, චීස් සහ බිත්තර. ආයෙම ඊට පස්සේ පැය 2 ක් ජිම් එකේ ඉන්නවා. විවේක ගන්නවා. හවසට ඔහු පවුලේ සාමාජිකයන් එක්ක, යාලුවෝ එක්ක ඉන්නවා. ගොඩක් වෙලාවට රොනාල්ඩෝ කෙටි නින්දවල් කිහිපයක් ලබා ගන්නවා ශාරීරික සහ මානසික සුවතාවය වෙනුවෙන්."

"අන්තිමට නිදා ගන්න කලින් ඔහු පීනන්න යනවා. රොනාල්ඩෝ විශ්වාස කරනවා සෞඛ්‍ය සම්පන්න සුවදායී නින්දකට පිහිනීම ගොඩක් වැදගත් කියලා."

ඇත්තටම ගත්තොත් මේ කාලය පුරාවටම ක්‍රිස්ටියානෝ රොනාල්ඩෝ ආහාරයට ගන්නේ සෞඛ්‍ය සම්පන්න දේවල් විතරයි. ඔහු ක්ෂණික ආහාර ප්‍රතික්ෂේප කරනවා, ඔහු කෝලා වර්ග වගේ කෘතිම පැණි බීම ජාති බොන්නේ නෑ.

ගොඩක් නැවුම් එළවලු සහ පළතුරු ආහාරයට ගන්නවා. ඔහු බීමට ගන්නේ වතුර විතරයි. වතුර වලට අමතරව පළතුරු බීම එහෙම ගන්නවා හැරෙන්න වෙන කිසිම කෘතිම ආහාර පාන කිසිවක් ඔහු ලබා ගන්නේ නෑ.

ක්‍රිස්ටියානෝ රොනාල්ඩෝගේ සාමාන්‍ය දින වල කාලසටහන් පහත විදිහට අපිට ලඝු කරන්න පුළුවන්,

උදෑසන 6.00 - අවදි වීම සහ පැය 2 ක ව්‍යායාම කටයුතු වල නිරත වීම
උදෑසන 8.00 - පැය 1.5 ක කාලයක් විවේක ගැනීම
උදෑසන 9.30 - උදෑසන ආහාරය අධි ප්‍රෝටීන් සහිත ආහාර වලින් ලබා ගැනීම, පළතුරු, චීස්, යෝගට්, බිත්තර වැඩි වශයෙන් ආහාරයට ගැනීම
උදෑසන 10.30 - නැවත පැය 2 ක ව්‍යායාම සිදු කිරීම

දහවල් 12.30 - පැය 1.5 ක නින්දක් ලබා ගැනීම
සවස 2.00 - පෝෂ පදාර්ථ බහුල දහවල් ආහාර වේලක් ලබා ගැනීම. කුකුල් මස් සහ කොළ පැහැති එළවළු සහිත සලාදයක් බොහෝ දුරට රොනාල්ඩෝගේ දිවා ආහාරයට ඇතුළත් වේ.
සවස 3.00 - නැවත පැය 1.5 ක කෙටි නින්දක් ලබා ගැනීම
සවස 4.30 - දෙවන දිවා ආහාරය ලබා ගැනීම. එවරත් සලාදයක් සහ ටූනා මාළු, බිත්තර සහ ඔලීව්
සවස 5.00 - පවුලේ අය සහ යහලුවන් සමග ගත කිරීම

රාත්‍රී 7.00 - රාත්‍රී ආහාරය ලබා ගැනීම. මස් වර්ග, ටූනා මාළු සහ එළවළු සලාදයක් එහි ප්‍රධාන ආහාර වේ
රාත්‍රී 8.00 - පවුලේ අය සමග විවේකයෙන් ගත කිරීම
රාත්‍රී 10.00 - පැයක පමණ පිහිනීමේ සැසියක් ගත කිරීම
රාත්‍රී 11.00 - නින්දට යාම

මේ කාල සටහන දැක්කම ඔබට හිතාගන්න පුළුවන් ඔහු මොන තරම් ක්‍රීඩාව වෙනුවෙන් තමන්ගේ ශාරීරික යෝග්‍යතාවය පවත්වා ගන්න කටයුතු කරනවද කියලා. එහෙම කැපවීමක් කරන්නේ නැත්තන් ඇත්තටම ක්‍රිස්ටියානෝ රොනාල්ඩෝ වගේ චරිතයකට ලොව ඉහළම මට්ටමේ පාපන්දු කවදාවත් ක්‍රීඩා කරන්න හැකියාව ලැබෙන්නේ නෑ.

ඔහු තවමත් අවුරුදු 40 ක් වෙලත් ඉහළම මට්ටමේ ශාරීරික යෝග්‍යතාවයක් පවත්වා ගන්නේ ඒ නිසා. රොනාල්ඩෝ විතරක් නෙමෙයි ලෝක මට්ටමේ ඉහළටම ගමන් කරපු ක්‍රීඩකයන්ගේ දින චරියාව, ආහාර පුරුදු වගේ දේවල් අරන් බලන්න. ඔවුන් ඒ වෙනුවෙන් තමන්ගේ ජීවිතයම කැප කරලා තියෙන්නේ.

එහෙම කැපවීමක් නොකරන කෙනෙක්ට ජාත්‍යන්තර මට්ටමේ වෘත්තීමය ක්‍රීඩකයෙක් විදිහට ඉහළම තලයේ වැජඹෙන්න බෑ. ඒක තමයි සත්‍ය කතාව

11/10/2025

අතීතයේ පතාක යෝධයන් ලෙසින් වැජඹුන කොදෙව් ක්‍රිකට් ක්‍රීඩාව දූෂිතයන්, වංචනිකයන්, ලාභ පරමාර්ථයෙන් ක්‍රිකට් ගැසූ ක්‍රීඩකයන් හේතුවෙන් දැන් අවසන් අඩියටම බිඳ වැටිලා තියෙනවා. මේ ගැන අපි කලිනුත් මේ විදිහටම කතා කළා.

පූරාන් සමු ගනිද්දී අපි කොදෙව් ක්‍රිකට් ගැන කතා කළා. ඕස්ට්‍රේලියාවට 5-0 ක් විදිහට පන්දුවාර 20 තරගාවලියක් පරාජය වෙද්දි අපි කොදෙව් ක්‍රිකට් ගැන කතා කළා. එතකොට සමහර ප්‍රේක්ෂකයන් කිව්වේ කොදෙව් ක්‍රිකට් එහෙම වැටිලා නෑ ඔවුන් ඕස්ට්‍රේලියාවට හොඳ ලකුණු සහිත ඉනිම් ලබා ගත්තා කියන එක,

දැන් බටහිර ඉන්දීය කොදෙව් දූපත් කණ්ඩායම සතියක් වගේ කාලයක් ඇතුළත නේපාලයට පන්දුවාර 20 ක්‍රිකට් තරගාවලියක් පරාජය වෙනවා, ඊට පස්සේ ඉන්දියාවත් එක්ක තිබුණ පළමු ටෙස්ට් තරගය පැවැත්වුණේ දවසක් දෙකහමාරයි! ඔව් දවස් දෙකහමාරෙන් කොදෙව්වන් අවමන් සහගත පරාජයක් ලැබුවා.

මහා පතාක යෝධයන් බිහි කරපු ක්‍රිකට් කණ්ඩායමකට අද වෙලා තියෙන දේ දැක්කම බොහෝ දෙනෙක් දුක් වෙනවා. 1970 දශකයේ 80 දශකයේ දී කවුරුහරි කිව්වා නම් තව අවුරුදු 50 ක් යද්දී ඉන්න කොදෙව් ක්‍රීඩකයන්ට දවස් 3 ක් ටෙස්ට් මැච් එකක් ගහන්න බෑ කියලා බොහෝ දෙනෙක් විශ්වාස නොකරන්න තිබුණා.

නමුත් දැන් ඔවුන් නේපාලයටත් තරගාවලියක්ම පරාජය වුණා. ඉන්දියාව හමුවේ කිසිම සටනක් වත් දෙන්න බැරුව අසරණ වෙන ඔවුන් තවදුරටත් ක්‍රිකට් පිටියේ ප්‍රභල යැයි සම්මත කණ්ඩායමක් වෙන්නේ නෑ.

ඔවුන් තමන්ගේ මව්‍‍රටේදීම ඕස්ට්‍රේලියානුවන් හමුවේ මේ වර්ෂයේ ටෙස්ට් තරගයක ලකුණු 27 කට දැවී ගියා. මේ සියල්ලම සිද්ධ වෙන බවට ඉඟි පෙන්වූයේ අද ඊයෙක ඉඳලා නෙමෙයි. සෑහෙන කාලයකට කලින්.

1990 දශකයේ ඉඳලා 2000 ට එද්දි කොදෙව් ක්‍රිකට් කලින් වගේ තිබුණේ නෑ. ඔවුන් කලින් වගේ තරග ජයග්‍රහණය කළෙත් නෑ. නමුත් කොදෙව්වන් සම්පූර්ණයෙන්ම බිම වැටිලා හිටියෙත් නෑ. ඔවුන් සටන් කළා. 2004 චැම්පියන්ස් ත්‍රෝපි අවසන් තරගය කියන්නෙත් ඒ සටන්කාමිත්වයට එක උදාහරණයක්.

බ්‍රයන් ලාරා, චන්ද්‍රපෝල්, සර්වාන් වගේ නම් ගැලවෙද්දී ක්‍රිස් ගේල්, ඩැරන් සැමී වගේ අය අලුත් වගකීම් භාරගත්තා. 70, 80 දශක වල වගේ ලෝකෙ හොල්ලන ටීම් එකක් ඒ කාලේ කොදෙව්වන්ට හිටියේ නෑ. නමුත් ඔවුන් සටන්කාමී ක්‍රිකට් එකක් ක්‍රීඩා කළා.

ඔය කාලෙදි තමයි පන්දුවාර 20 ක්‍රිකට් ආකෘතිය මුළු ලෝකෙම ප්‍රචලිත වෙන්න පටන් ගත්තේ. ෆ්‍රැන්චයිස් ක්‍රිකට් මුළු ලෝකයම ආක්‍රමණය කරන්න පටන් ගත්තෙත් මේ කාලේදී. මොකක් හෝ අවාසනාවක් උඩ මේ කාලේදීම කොදෙව් ක්‍රිකට් පාලක මණ්ඩලය සහ ක්‍රීඩකයන් ගැටුමක් නිර්මාණය කර ගත්තා.

ඒ ගැටුම තමයි සියල්ලේම හැරවුම් ලක්ෂය බවට පත් වුණේ. බෝලෙට රිදෙන්න ගහන්න පුළුවන් නිසා කොදෙව් ක්‍රීඩකයන්ට ඔය අතරවාරයේ ලෝකෙ වටේම ෆ්‍රැන්චයිස් ලීග් වලින් ඉල්ලුම් එන්න පටන් ගත්තා. සල්ලි වැහි වහිද්දී ඔවුන්ට තවත් පාලක මණ්ඩලයෙන් දේවල් ඕනි වුණේ නෑ.

හැබැයි ඔවුන්ට හිටියා ඩැරන් සැමී කියලා නායකයෙක්. මේ නායකයා තමයි එතන හිටපු එකම වෙනස. ඔහු නිසාම කොදෙව් ක්‍රීඩකයන් ජාතික කණ්ඩායමේ එකට ක්‍රීඩා කළා. 2016 පන්දුවාර 20 ක්‍රිකට් ලෝක කුසලානය ජය ගැනීම කියන්නේ එතන උච්චතම අවස්ථාව. එතනින් පස්සේ සියල්ලම ක්‍රම ක්‍රමයෙන් අවසන් වුණා.

ෆ්‍රැන්චයිස් ගහන්න හයියෙන් පන්දුවට පහර දෙන්න අවශ්‍ය ක්‍රීඩකයෝ බිහි වෙන්න ගත්ත තැනම කොදෙව් ටෙස්ට් ක්‍රිකට් එහෙමම බිඳ වැටුණා. දැන් ඔවුන් ටෙස්ට් පිටියේ අඩියේම ඉන්න කණ්ඩායමක්. එක්දිනත් එපමණයි. ඔවුන් 2023 ලෝක කුසලානයට පවා සුදුසුකම් ලබා ගත්තේ නෑ.

ටිකක් හරි කොදෙව්වන් ස්ථාවරව හිටියේ පන්දුවාර 20 රටාවේ පමණයි. නමුත් එතනත් ක්‍රීඩකයන් ෆ්‍රැන්චයිස් පස්සේ දුවද්දී කණ්ඩායමක් නිර්මාණය කරගන්න ඔවුන්ට හැකියාව ලැබෙන්නේ නෑ. සැමී, ගේල්, පොලාඩ්, රසල් ලා කොච්චර ෆ්‍රැන්චයිස් ගැහුවත් රටටත් අවශ්‍ය මොහොතේ ඇවිල්ලා ක්‍රීඩා කළා.

බටහිර ඉන්දීය කොදෙව් කියන්නේ දූපත් සමූහයක්. ඇත්තටම ඔවුන් ක්‍රීඩා කරන්නේ කැලිප්සෝ සංගීතයෙන් ඔපවත් වුණ ඒ දූපත් සමූහයම වෙනුවෙන්. නමුත් සත්‍ය වශයෙන්ම තමන්ගේ දූපතට විතරක් නැතුව හැම එකටම ක්‍රීඩා කරනවා කියන එකට දැන් ඉන්න කොදෙව් ක්‍රීඩකයන්ට හැඟීමක් තියෙනවද කියන එකත් ප්‍රශ්නයක්.

ස්ථිර විදිහටම දැන් අපිට කියන්න පුළුවන් බටහිර ඉන්දීය කොදෙව් දූපත් වල ක්‍රිකට් දැන් බිඳ වැටිලා. ඔවුන් නැවත නැගිටින්නේ කවද්ද? ඔවුන් නැවත ක්‍රිකට් පිටියේ යෝධයන් බවට පත් වේවිද? නැවත කොදෙව්වන් කවදා ලෝක කුසලානයක පහස ලබාවිද?

මේ සියල්ලම නිකම් ප්‍රශ්න විතරයි. මේවට උත්තර ලැබෙන දවසක් නම් කියන්න බෑ.

11/10/2025

ඩොලර් මිලියන 20 කට පයින් ගැසූ ඕස්ට්‍රේලියා ක්‍රිකට් තරු

ඕස්ට්‍රේලියා ක්‍රිකට් කණ්ඩායමේ නායක පැට් කමින්ස් සහ උප නායක ට්‍රැවිස් හෙඩ් ‍යන දෙදෙනාට අයි පී එල් ෆ්‍රැන්චයිස් සමූහයකින් ආරාධනා කළ අමරිකානු ඩොලර් මිලියන 20 කට ආසන්න මුදලක කොන්ත්‍රාතුවක් ඔවුන් දෙදෙනාම ප්‍රතික්ෂේප කළ බවට සිඩ්නි මෝර්නින් හෙරල්ඩ් පුවත්පත වාර්තා කර තිබෙනවා.

ට්‍රැවිස් හෙඩ් ට ඩොලර් මිලියන 10 ක් සහ පැට් කමින්ස් ට ඩොලර් මිලියන 10 ක් වශයෙන් ලබා දෙමින් අදාල අයි පී එල් කණ්ඩායම ආරාධනය කරන්නේ ජාත්‍යන්තර ක්‍රිකට් ක්‍රීඩාවෙන් සමුගෙන සම්පූර්ණයෙන්ම ෆ්‍රැන්චයිස් ක්‍රිකට් ක්‍රීඩා කරන ලෙසයි.

මේ වන විටත් අයි පී එල් ෆ්‍රැන්චයිස් කණ්ඩායම් සතුව අමරිකා එක්සත් ජනපදයේ, දකුණු අප්‍රිකාවේ, බටහිර ඉන්දීය කොදෙව් දූපත් වල මෙන්ම ඩුබායි වලද ෆ්‍රැන්චයිස් කණ්ඩායම් තිබෙනවා. ඕනෑම ක්‍රීඩකයෙක්ට ජාත්‍යන්තර ක්‍රිකට් ක්‍රීඩාවෙන් විශ්‍රාම ගැනීමෙන් අනතුරුව එම කණ්ඩායම් වල වසර පුරාම ක්‍රීඩා කළ හැකි වනවා.

මෑත කාලයේ ෆ්‍රැන්චයිස් වෙනුවෙන්ම ජාත්‍යන්තර ක්‍රිකට් ක්‍රීඩාවට සමු දුන් ඉහළ පෙළේ ක්‍රීඩකයන් විදිහට දකුණු අප්‍රිකාවේ හෙන්රිච් ක්ලාසන් සහ ක්වින්ටන් ඩි කොක් සහ කොදෙව් දූපත් වල නිලකස් පූරාන් ව නම් කරන්න පුළුවන්. ඩි කොක් නම් නැවත දකුණු අප්‍රිකා ජාතික කණ්ඩායම හා එක් වන බව නිවේදනය කළා.

ඒ විතරක් නෙමෙයි කාලයකට උඩදී නවසීලන්ත වේග පන්දු යවන ක්‍රීඩක ට්‍රෙන්ට් බෝල්ට් පවා ඔවුන්ගේ වාර්ෂික ක්‍රිකට් කොන්ත්‍රාතුව අත්සන් කිරීම ප්‍රතික්ෂේප කරන්නේ තම සම්පූර්ණ කාලයම ෆ්‍රැන්චයිස් ක්‍රිකට් වෙනුවෙන් යෙදවීමේ අරමුණින්.

කොහොම වුණත් ඕස්ට්‍රේලියා ජාතික ක්‍රිකට් කණ්ඩායමට ක්‍රීඩා කිරීම අංක 1 විදිහට සලකපු පැට් කමින්ස් සහ ට්‍රැවිස් හෙඩ් අදාල ඉල්ලීම ප්‍රතික්ෂේප කිරීමට කටයුතු කළා. මේ ගැන වගේම මේජර් ලීග් ක්‍රිකට් තරගාවලියට ක්‍රීඩා කිරීම ගැන ට්‍රැවිස් හෙඩ් වෙනම අදහස් දක්වලා තිබුණා,

"මම මේජර් ලීග් ක්‍රිකට් ගැහුවේ ෆ්‍රැන්ච‍යිස් ක්‍රිකට් වල එක් අන්තයක් ගැන දැනුවත් වෙන්න ඕනි නිසා. මම අයි පී එල්, ලෝක කුසලානයෙන් මේජර් ලීග් එකට ආවා. මට දැනගන්නම අවශ්‍ය වුණේ සරලවම මාස ගාණක් ෆ්‍රැන්චයිස් ක්‍රිකට් ක්‍රීඩා කිරීම මොන වගේ දෙයක් ද කියන එක."

"ඔබට තියෙන සියලුම අවස්ථා මොනවද කියලා දැනගන්න නම්, ඔබට ඒ දේවල් සිද්ධ වෙන්නේ කොහොමද කියලා අවබෝධ කරගන්න වෙනවා. ඒක මට සෑහෙන්න උපකාරී වුණා ඉදිරි වසර වල මම කරන්නේ මොනවද කරන්න ඕනේ නැත්තේ මොනවද කියලා දැනගන්න."

"මම කොච්චර ක්‍රීඩා කරලා තිබුණත්, මම කොච්චර හොඳ ක්‍රීඩකයෙක් වුණත්, මම කොච්චර කැමති වුණත් කාලයක් තිස්සේ මම පන්දුවාර 20 ක්‍රිකට් ක්‍රීඩා කරලා තිබුණේ නෑ. නැවත රිද්මයට එන්න ඒක ඉතාම හොඳ අවස්ථාවක් වුණා."

"මේ වෙලාවේ මම ක්‍රීඩා කරන්නේ ඕස්ට්‍රේලියාව වෙනුවෙන්. මට පේන්නේ නෑ එහෙම වෙන තැනක ක්‍රීඩා කරන්න පුළුවන් කාලසටහනක්. අයි පී එල් වලින් සෑහෙන මුදලක් හම්බෙනවා. මට අවශ්‍ය වෙන්නේ හැකි දායකත්වය ලබා දෙන්න විතරයි. මට කොදෙව් සංචාරයක් මගහැරුණා විවේක ගැන්වීම නිසා. එහෙම දෙයක් නම් මට ඕනි නෑ."

"ඇත්තටම මට එහෙම දෙයක් අවශ්‍යම නෑ. මම ඊළඟ අවුරුද්ද සැලසුම් කරන්න ඕනි. ඕස්ට්‍රේලියා ක්‍රිකට් මගහැරෙනවා නම් මට මේජර් ලීග් හරි එංගලන්ත හරි කොහෙවත් ෆ්‍රැන්චයිස් ක්‍රිකට් අවශ්‍ය නෑ."

ඒ වගේම තමයි හෙන්රිච් ක්ලාසන් ට්‍රැවිස් හෙඩ් ගේ හොඳම මිතුරෙක්. ඔවුන් සන්රයිසස් හයිද්‍රාබාද් කණ්ඩායමේ එකට ක්‍රීඩා කළා. ක්ලාසන් ගේ තීරණය සම්බන්ධයෙන් අදහස් දක්වන්නත් හෙඩ් අමතක කළේ නෑ,

"මම ක්ලාසන් එක්ක සෑහෙන කාලයක් එකට ගත කරලා තියෙනවා. ඔහු තීරණ ගන්නා අවස්ථා වලදී පවා. මම හිතන්නේ නෑ කොහෙවත් ලියලා තියෙන නීතියක් තියෙනවා කියලා ඔයා ක්‍රීඩා කරන්නේ ඕනි කොහෙටද ක්‍රීඩා කරන්න ඕනි නැත්තේ කොහෙටද කියලා."

"ඕස්ට්‍රේලියාවට ක්‍රිකට් ක්‍රීඩා කිරීම කියන්නේ ආශිර්වාදයක්. සමහරුන්ට ඒක විශාල දෙයක්. සමහරුන්ට ඒක එහෙම නෑ. ගොඩක් මිනිස්සුන්ට ඕනි ක්‍රීඩකයෙක් තමන්ගේ සියල්ලම ජාත්‍යන්තර ක්‍රීඩාවට දෙන්න. හැබැයි සමහරු වෙන තැන් වල ගොඩක් ක්‍රිකට් ක්‍රීඩා කරනවා. ඒක ඔවුන්ගේ කැමැත්ත."

"ලැබෙන අවස්ථා එක්ක සමහරු අහනවා ඇයි ඔබ ඕක කරන්නේ? හැබැයි ඒකට හේතුවක් තියෙනවා. ඔබට ඒකට ගරු කරන්නම වෙනවා. මේ වෙලාවේ ලෝකෙම වෙන දෙයක් තමයි ඔබට ලැබෙන අවස්ථා වලට තීරණ ගන්න එක. සමහර අවස්ථා කලින් තිබිලම නෑ"

"ඉතින් මනුස්සයෙක් තමන්ගේ රැකියාවේ තෘප්තිමත් භාවය වෙනුවෙන් සහ පෞද්ගලික අභිමතාර්ථයත් එක්ක තීරණ ගන්නවා. ඔබට ඒකට මුකුත් කියන්න බෑ. ඒක ඔවුන්ගේ කැමැත්ත."

ට්‍රැවිස් හෙඩ් කියන්නේ එහෙම. ඒ විතරක් නෙමෙයි මීට වසර කිහිපයකට උඩදී එංගලන්ත වේග පන්දු යවන ක්‍රීඩක ජොෆ්රා ආචර් මුම්බායි ඉන්දියන්ස් වලින් ලැබුණ ඩොලර් මිලියන 7.5 ක ෆුල් ටයිම් ෆ්‍රැන්චයිස් කොන්ත්‍රාතුව එපා කියලා තිබ්බා.

ට්‍රැවිස් හෙඩ් ට සහ පැට් කමින්ස් ට යෝජනාව කරපු ඉන්දීය ෆ්‍රැන්චයිස් සමූහය ගැන නම් නිල වශයෙන් මුකුත් සිඩ්නි මෝර්නින් හෙරල්ඩ් පුවත්පත පවසලා නෑ. ගොඩක් දුරට ඒ සන්රයිසස් හයිද්‍රාබාද් වෙන්න පුළුවන්.