17/09/2025
🔻ජකර්තා පොලිසිය සහ ශ්‍රී ලංකාවේ CID විසින් සිදු කරන ලද ඉහළ පෙළේ ඒකාබද්ධ මෙහෙයුමකදී, පාතාල සාමාජිකයින් පස් දෙනෙකු ශ්‍රී ලංකාවට පිටුවහල් කර ත්‍රස්තවාදය වැළැක්වීමේ පනත (PTA) යටතේ දින 90 ක් රඳවා තබා ගන්නා ලදී - මේ පියවර නිසා PTA නීතියේ අඛණ්ඩ භාවිතය පිළිබඳ විවාදය නැවත ඇති කර තිබේ.
🔻 අපරාධ පරීක්ෂණ දෙපාර්තමේන්තුවට (CID) පුද්ගලයින් 5 දෙනා දින 90 ක් PTA යටතේ රඳවා තබා ගැනීමට අධිකරණය අවසර ලබා දෙන ලදී. කෙසේ වෙතත්, අත්තනෝමතික ලෙස රඳවා තබා ගැනීමට ඉඩ සැලසීම සම්බන්ධයෙන් දිගු කලක් තිස්සේ විවේචනයට ලක් වූ PTA නීතිය, එහි අපේක්ෂිත විෂය පථයෙන් ඔබ්බට දිගු කර තිබේද යන්න පිළිබඳව ප්‍රශ්න මතු වේ.
🔻2025 අප්‍රේල් මාසයේදී අධිකරණ හා ජාතික ඒකාබද්ධතා අමාත්‍ය හර්ෂණ නානායක්කාර පැහැදිලි කළේ අලුත් නීතියක් හඳුන්වා දෙන තුරු PTA අවලංගු නොකරන බවයි. මත්ද්‍රව්‍ය ආශ්‍රිත හෝ සංවිධානාත්මක අපරාධ වැරදි සඳහා පුද්ගලයින් අත්අඩංගුවට ගැනීම සඳහා PTA භාවිතා කර ඇති බවට කරන ලද ප්‍රකාශ ද ඔහු ප්‍රතික්ෂේප කළ අතර, එවැනි අවස්ථා වලදී නීතිය ක්‍රියාත්මක කර නොමැති බව පැවසීය. “ත්‍රස්තවාදයට සම්බන්ධ නොවන ක්‍රියාකාරකම් සඳහා, ත්‍රස්තවාදය වැළැක්වීමේ පනත භාවිතා කරනවා මම දැකලා නැහැ,” ලෙස පැහැදිලි කරමින්, එවැනි වැරදි දණ්ඩ නීති සංග්‍රහයට අයත් වන අතර සම්මත නීතිමය ක්‍රියා පටිපාටි හරහා නඩු පවරනු ලැබන බවට ඔහු පැහැදිළි කරනු ලැබුවා.
🔻කෙසේ වෙතත්, 2025 ජූලි මාසයේදී මේ මතයට පටහැනිව, මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල, සංවිධානාත්මක අපරාධ නඩු වලදී ත්‍රස්තවාදය වැළැක්වීමේ පනත භාවිතා කිරීම පිළිගත් අතර, ප්‍රතිසංස්කරණයේ හදිසි අවශ්‍යතාවය අවධාරණය කළේ: “එවැනි නඩු ඵලදායී ලෙස විසඳීමට නව නීති විධිවිධාන අවශ්‍ය වනු ඇත” ලෙස පවසමිනුයි. නවීන රාමුවක් යටතේ සංවිධානාත්මක අපරාධ සැකකරුවන් රඳවා තබා ගැනීමට සහ ප්‍රශ්න කිරීමට පොලිසියට නීතිමය බලය ලබා දීම සඳහා අධිකරණ අමාත්‍යාංශය නව නීති කෙටුම්පත් කරමින් සිටින බව ඔහු තහවුරු කළා.
🔻 2025 අගෝස්තු මාසයේදී විදේශ කටයුතු අමාත්‍ය විජිත හේරත්, “කිසිදු විවාදයක් නැත. ත්‍රස්තවාදය වැළැක්වීමේ පනත අවලංගු කරනු ලැබේ” යනුවෙන් සහතික වුණා. ජනාධිපති නීතිඥ රියන්සි අර්සකුලරත්නගේ නායකත්වයෙන් යුත් නීති කමිටුවක් විසින් සංශෝධන අවසන් කිරීමට ආසන්නව ඇති බවත්, 2025 සැප්තැම්බර් මස මුලදී ගැසට් නිවේදනයක් නිකුත් කිරීමට නියමිත බවත් ඔහු තහවුරු කළා.
