Politicslk Sinhala (2025)

23/07/2025

ඔයාලා දන්නවද ශ්‍රී ලංකාවේ ජනාධිපති සමාව සම්බන්ධයෙන් විවිධ ආකාරයේ සමාවන් තිබෙනවා කියලා?🙏🏼 මේ ගැන වැඩි විස්තර දැන ගන්න ස්වයිප් කරන්න➡

22/07/2025

👉 2020 - 2025 අතර කාලයේ පොලිස් අත්අඩංගුවේ සිටියදී සැකකරුවන් 49 දෙනෙකු මිය ගොස් ඇති අතර මේ අතරින් මරණ 30ක් අත්අඩංගුවට ගැනීම් අතරතුර සිදුවී ඇත - මේ කම්පන සහගත සංඛ්‍යා මගින් දරුණු යථාර්ථයක් හෙළි කරනවා ! ශ්‍රී ලංකා මානව හිමිකම් කොමිසමට (HRCSL) අනුව, එවැනි මරණ ව්‍යවස්ථාපිත මූලික අයිතීන් සහ මූලික නීතිමය ආරක්ෂණයන්ට අනුකූල වීම පිළිබඳව බරපතල ගැටළු මතු කරනවා.

ශ්‍රී ලංකා ආණ්ඩුක්‍රම ව්‍යවස්ථාව:

➡ නිර්දෝෂීභාවය පිළිබඳ පූර්ව නිගමනය (13(5) වගන්තිය)
➡ වධහිංසා පැමිණවීම හෝ කෲර, අමානුෂික හෝ අවමන් සහගත සැලකිලි වලින් ආරක්ෂා වීම (11 වන වගන්තිය)
➡ නීතියෙන් ස්ථාපිත කර ඇති ක්‍රියා පටිපාටියට අනුකූලව පමණක් අත්අඩංගුවට ගෙන රඳවා තබා ගැනීමේ අයිතිය (13(1) වගන්තිය)
සහතික කරනවා.

විභාගය තෙක් අත්අඩංගුවේ තබා ගැනීම දඬුවම් ක්‍රමයක් නොවේ - නිසි අධිකරණයක් විසින් වරදකරු කිරීමකින් තොරව කිසිවෙකුට දඬුවම් පමුනුවන්න බෑ. (13(4) වගන්තිය)

නැවත නැවතත් සිදුවන උල්ලංඝනය කිරීම් වලට ප්‍රතිචාර වශයෙන් HRCSL මෑතකදී, අත් අඩංගුවේ සිටියදී සිදුවන මරණ සහ අයුතු ලෙස සැලකීම වැළැක්වීම සඳහා 2025 අංක 01 දරන පොදු මාර්ගෝපදේශ නිකුත් කළා.

මේවාට ඇතුළත් වන්නේ:

🔴 අත්අඩංගුවට ගැනීම් සාධාරණ සැකයක් මත පදනම් විය යුතු අතර නීත්‍යානුකූල ක්‍රියා පටිපාටි අනුගමනය කළ යුතුයි.
🔴 රැඳවියන්ට නීති උපදෙස් සහ වෛද්‍ය ප්‍රතිකාර සඳහා ප්‍රමාදයකින් තොරව ප්‍රවේශය තිබිය යුතුයි.
🔴 අත්අඩංගුවට ගැනීම්, රඳවා තබා ගැනීම් සහ මාරු කිරීම් ලේඛනගත කිරීම හා විනිවිදභාවයෙන් යුතුව සිදුවිය විය යුතුයි.
🔴 අත්අඩංගුවට ගැනීමේදී හෝ පසුව බලය, බලහත්කාරය හෝ බිය ගැන්වීම භාවිතා කිරීම සම්පූර්ණයෙන් තහනම්.
🔴 ඕනෑම භාරකාර මරණයක් සම්බන්ධයෙන් වහාම ස්වාධීන පරීක්ෂණයක් ආරම්භ කළ යුතු අතර HRCSL වෙත වාර්තා කළ යුතුයි.

රැඳවියන්ගේ අයිතිවාසිකම් ආරක්ෂා කිරීම අවශ්‍යතාව පරිදි සිදුවිය යුත්තක් නොවේ - එය ව්‍යවස්ථාපිත යුතුකමක්. නිසි ක්‍රියා පටිපාටිය ආරක්ෂා කිරීම, මානව ගරුත්වය සහ නීතියේ ආධිපත්‍යය යන දෙකම ආරක්ෂා කරයි.

එසේ නම්, නීතිය ආරක්ෂා කිරීමට පිහිටුවා ඇති ආයතනම, තවමත් වැරදිකරුවන් බව ඔප්පු කර නැති අයට මාරාන්තික ස්ථානයක් විදියට පවතින්නේ ඇයි?

21/07/2025

SSP ශානි අබේසේකර නැවතත් CID අධ්‍යක්ෂ ධුරයට 🚓

2019 දී අධ්‍යක්ෂ තනතුරෙන් ඉවත් කර, 2021 කලින් විශ්‍රාම ගොස් 2023 දී නිදොස් කොට නිදහස් කිරීමෙන් පසු, 2024 දී ඔහු ජාතික ජන බලවේගයට අනුබද්ධ විශ්‍රාමික පොලිස් සාමූහිකයට සම්බන්ධ වීමෙන් නැවත මහජන සේවයට පිවිසුණා. වැඩබලන පොලිස්පතිවරයාගේ නිර්දේශයක් සහ ජාතික පොලිස් කොමිසමේ අනුමැතියකින් පසුව, ඔහුගේ නිල නැවත පත්වීම 2025 ජුනි මාසයේදී සිදු වුණා.

වැඩිදුර දැන ගැනීමට ස්වයිප් කරන්න.

20/07/2025

2025 මැයි මාසය වන විට ශ්‍රී ලංකාවේ විදේශ අංශය ක්‍රියා කළ ආකාරය ගැන දැන ගන්න කැමතිද?🤔

මෙන්න ඒ සංඛ්‍යාලේඛන ගැන කෙටි විස්තරයක් 😎

ඔබේ අදහස් අපට කියන්න!

19/07/2025

🚨 ශ්‍රී ලංකාවේ බහාලුම් 323 මතභේදය 🚨පරීක්ෂා නොකළ භාණ්ඩ. පුපුරන ද්‍රව්‍ය තිබෙන බවට චෝදනා. අඛණ්ඩ පරීක්ෂණ.

2025 ජනවාරි මාසයේදී, සම්මත රේගු පරීක්ෂාවකින් තොරව කොළඹ වරායෙන් බහාලුම් 323 ක් මුදා හැරුණා - මේ සිදුවීම මේ වසර මුලදී බොහෝ විවාදයට ලක් වූ දේශපාලන සංවාදයකට තුඩු දුන්නා. 🔍🗳

ආයුධ චෝදනාවල සිට පරීක්ෂණ සඳහා ඉල්ලීම් දක්වා, මේ මතභේදය දිග හැරුණු ආකාරය සහ දැන් සිදුවන්නේ මොකද්ද දැනගන්න ස්වයිප් කරන්න.

18/07/2025

ශ්‍රී ලංකාවේ ජනලේඛන හා සංඛ්‍යාලේඛන දෙපාර්තමේන්තුව (DCS) විසින් 2024 රාජ්‍ය හා අර්ධ රාජ්‍ය අංශයේ රැකියා සංගණනයේ මූලික වාර්තාව නිකුත් කර ඇති අතර, එමඟින් රාජ්‍ය අංශයේ සේවකයින් මිලියන 1.1 කට අධික සංඛ්‍යාවක් අමාත්‍යාංශ, දෙපාර්තමේන්තු සහ අර්ධ රාජ්‍ය ආයතන හරහා බෙදා ගොස් ඇති ආකාරය පෙන්වයි. 2024 මැයි 28 වන දින දිවයින පුරා පවත්වන ලද මෙම පර්යේෂණය මධ්‍යම සහ පළාත් මට්ටම් දෙකම ආවරණය කරනවා වගේම ස්ත්‍රී පුරුෂ භාවය, රැකියා තත්ත්වය සහ සේවා ස්ථාන ව්‍යුහයන් පිළිබඳ ප්‍රධාන අවබෝධයක් ලබා දෙයි. එය වඩාත් හොද සහ සාක්ෂි මත පදනම් වූ රාජ්‍ය සේවා සැලසුම්කරණය හැඩගැස්වීමේ වැදගත් පියවරකි.

📊📍ප්‍රධාන සොයාගැනීම් කිහිපයක් දැන ගන්න ස්වයිප් කරන්න!

17/07/2025

නිහඬතාවයේ සිට ආරක්ෂාව දක්වා: ළමා ශ්‍රමිකත්වය තහනම් කිරීම දැන් සම්පූර්ණයෙන් ක්‍රියාත්මකයි ✊🏽

⛔ 2025 ජූලි 1 වන දින සිට බලපැවැත්වෙන පරිදි ශ්‍රී ලංකාව, ළමා ශ්‍රමිකත්වය සූරාකෑමට එරෙහිව දැඩි තහනමක් දියත් කරයි. වයස අවුරුදු 16 ට අඩු ළමයින්ට සිඟමන් යැදීම හෝ වාණිජ කටයුතු සිදුකිරීම තහනම් කර ඇත. වයස අවුරුදු 16-18 අතර නව යොවුන් වියේ පසුවන්නන් ගෘහ සේවය ඇතුළු භයානක රැකියාවල නිරත වීමෙන් ආරක්ෂා කර ඇත.

👉 මෙම ප්‍රතිසංස්කරණය එක පාරට සිදු වුවක් නෙවේ. බොහෝ දරුවන් අපයෝජනයට, ජාවාරම්වලට සහ බලහත්කාර ශ්‍රමයට නිරාවරණය වී තිබෙනවා. දරුවන් ඇඳුම් පැළඳුම් විකිණීම, බිම් පිරිසිදු කිරීම හෝ වැඩිහිටියන්ගේ පාලනය යටතේ යාචකකමේ යෙදීම බොහෝ විට පැහැදිලිව දකින්නට පුළුවන්. ළමා ශ්‍රම නීති ශක්තිමත් කිරීමේ තීරණය, නීතිමය යාවත්කාලීන කිරීමක් පමණක් නොවේ; එය සදාචාරාත්මක නිවැරදි කිරීමකි.

✍ ප්‍රතිසංස්කරණවල හදිසි අවශ්‍යතාව සැලකිල්ලට ගෙන, කාන්තා හා ළමා කටයුතු අමාත්‍යවරිය විසින් පවතින නීති සංශෝධනට ඉදිරිපත් කළ යෝජනාව කැබිනට් මණ්ඩලය විසින් අනුමත කළා. මේ පියවර නිසැකවම ප්‍රශංසනීය වන්නේ එය පොරොන්දු ඉටු කිරීමකට පමණක් සීමා නොවී, ප්‍රතිපත්තිමය වශයෙන් දරුවන්ගේ ගෞරවය සහ යහපැවැත්ම කෙරෙහි අවධානය යොමු කරන නිසයි.

දැන් අපි නීතිය ක්‍රියාවට නංවලා අවදානමට ලක්ව ඇති සෑම දරුවෙකුම ආරක්ෂා කරමු.

16/07/2025

🚗 බදු හිඩැස වහන්න කොච්චර වියදමක් දරන්න වුණාද ?

ශ්‍රී ලංකා රේගුව විසින් දේශසීමා ණයවර ලිපි (LC) හරහා ආනයනය කරන ලද වාහන 200–300 ත් අතර ප්‍රමාණයක් මුදා හැරීම අත්හිටුවා තිබෙනවා. ඒ, ඉන්වොයිසිවල අඩු මිල ගණන් දැක්වීමේ වංචාවක් හරහා රජයට බිලියන ගණනක ආදායමක් අහිමි වූ බවට ඇස්තමේන්තු කර ඇති පසුබිමකයි.

මේක සිදු කළේ කොහොමද? වෙනත් රටක විවෘත කරන ලද LC මඟින් කෘතිමව අඩු වාහන මිල ගණන් ප්‍රකාශ කර රේගු බද්ද මඟ හැරීමට ආනයනකරුවන්ට ඉඩ ලබා දීලා තිබෙනවා. සරලව කිවහොත්, මෝටර් රථය නිෂ්පාදනය කළ රටෙන් (ජපානය වැනි) LC එකක් විවෘත කිරීම වෙනුවට, වෙනත් රටක (සිංගප්පූරුව හෝ ඩුබායි වැනි) LC විවෘත කරලා තියෙනවා.

2013 ගැසට් පත්‍රයක සිංහල සහ ඉංග්‍රීසි අනුවාද අතර නොගැලපීම හේතුවෙන්, ශ්‍රී ලංකා වාහන ආනයනකරුවන් දිගු කලක් තෙවන පාර්ශ්වයක් වන රටකින් LC විවෘත කිරීමේ ක්‍රියාවලිය සිදුකර ගෙන ගොස් තිබෙනවා. මේ ක්‍රියාවලිය දශකයකට වැඩි කාලයක් රේගුව විසින් ඉවසා සිටි පුරුද්දක්. දැන්, මුල් රීතිය හදිසියේ ක්‍රියාත්මක කිරීම මධ්‍යයේ, මේ පියවර අසාධාරණ බවත් ක්‍රියා පටිපාටි පැහැදිලි කිරීමට සහ ප්‍රමිතිකරණය කිරීමට නව ගැසට් පත්‍රයක් නිකුත් කරන ලෙසත් ආනයනකරුවන් ඉල්ලා සිටියි.

මේ වසර සඳහා වාහන 16,000 ක් මුදා හැරීමෙන් රු. බිලියන 200 කට ආසන්න ආදායමක් රේගුව දැනටමත් අය කර ගෙන තිබෙනවා. තවත් වාහන 300කට ආසන්න ප්‍රමාණයක් පැමිණීමට නියමිතව තිබෙන පසුබිමක, ආනයනකරුවන්ට දැන් අධික ගබඩා ගාස්තු, සමහර විට නැව්ගත කිරීමකට රුපියල් මිලියන ගණනක් ගෙවීමට සිදුවේවි. නිලධාරීන් පවසන්නේ මෙයට විසඳුමක් ලෙස දඩ මුදල් හෝ අඩු වටිනාකමක් ඇති නැව්ගත කිරීම් සඳහා සංශෝධිත බදු ඇතුළත් විය හැකි බවයි.

13/07/2025

🏛️ විකිණීමේ සිට විකිණීම තහනම් කිරීම දක්වා!

2023 දී, පසුගිය රජය ඉන්දියාවේ ටාජ් සමූහයේ යෝජනාවක් යටතේ ඓතිහාසික නුවරඑළිය තැපැල් කාර්යාලය හෝටලයක් බවට පත් කිරීමට යෝජනා කළේය. මහජන විරෝධතා නොතකා, 2024 අප්‍රේල් මාසයේදී මෙම මාරු කිරීම සඳහා කැබිනට් අනුමැතිය ද ලබා දුන්නා. නමුත් විරෝධතා අඛණ්ඩව සිදු වුණා.

2025 දී, අඛණ්ඩ විරෝධය හේතුවෙන් වත්මන් කැබිනට් මණ්ඩලය එම තීරණය අහෝසි කළා. වසර 130 ක් පැරණි රතු ගඩොල් සන්ධිස්ථානය තැපැල් දෙපාර්තමේන්තුව යටතේ පවතිනු ඇති අතර, එහි මුල් කාර්යයන් දිගටම කරගෙන යනු ඇත. සංචාරක ව්‍යාපාරය ප්‍රවර්ධනය කිරීම සහ නව ආදායම් මාර්ග උත්පාදනය කිරීම සඳහා ද එය නවීකරණය කෙරෙනවා. මෙම ස්ථානය දිනපතා දේශීය හා ජාත්‍යන්තර සංචාරකයින් සිය ගණනක් ආකර්ෂණය කර ගනී.

තීරණය පිළිබඳ ඔබේ අදහස් මොනවාද?

12/07/2025

මහින්ද සිරිවර්ධන: අර්බුදය සමයේ නායකත්වය

කැළඹිලි සහිත කාලවලදී පවා ශ්‍රී ලංකාවේ ආර්ථික ප්‍රකෘතිමත් කිරීමේ උත්සාහයන් මෙහෙයවීමේදී මූලික වූ හිටපු භාණ්ඩාගාර ලේකම් මහින්ද සිරිවර්ධන පිළිබඳ කෙටි කියවීමක් මෙන්න ↗️

11/07/2025

🔍 ශ්‍රී ලංකාවේ ත්‍රස්තවාදය වැළැක්වීමේ පනත අවලංගු කිරීම සහ මානව හිමිකම් ප්‍රතිසංස්කරණ: දැන් සිදුවන්නේ මොකද්ද?

ජාත්‍යන්තර මානව හිමිකම් ආයතන විසින් දිගු කලක් තිස්සේ විවේචනය කරන ලද ත්‍රස්තවාදය වැළැක්වීමේ පනත (PTA) 2025 සැප්තැම්බර් වන විට අවලංගු කිරීමට ඉඩ ඇති බව අධිකරණ අමාත්‍ය හර්ෂණ නානායක්කාර නිවේදනය කර ඇත - එය ශ්‍රී ලංකාවේ නීතිමය සහ දේශපාලනික භූ දර්ශනයේ වැදගත් අවස්ථාවක් සනිටුහන් කරයි. එක්සත් ජාතීන්ගේ විශේෂඥයින් සමඟ පැවැත්වූ අඛණ්ඩ සම්බන්ධතා සහ දේශීය හා ජාත්‍යන්තර ප්‍රජාවෙන් එල්ල වන පීඩනය වැඩිවීමෙන් පසුව මෙම පියවර ගත්තා.🇱🇰🤝🇺🇳

වධහිංසා පැමිණවීම අනුමත නොකිරීමේ රජයේ ප්‍රතිපත්තිය නැවත තහවුරු කරමින්, එක්සත් ජාතීන්ගේ මානව හිමිකම් කවුන්සිලයට (UNHRC) නිශ්චිත සිදුවීම් විමර්ශනය සඳහා ඉදිරිපත් කරන ලෙස අමාත්‍යවරයා ආරාධනා කළා. සමලිංගික සබඳතා අපරාධයක් ලෙස නොසැළකීම සම්බන්ධයෙන් සිදුවෙමින් පවතින සාකච්ඡා ගැනද අදහස් දක්වමින් එය මහජන හැඟීම් මධ්‍යයේ ප්‍රවේශමෙන් සැරිසැරීම අවශ්‍ය වන ගැඹුරු සංවේදී කාරණයක් ලෙස අමාත්‍යවරයා පිළිගත්තා.

වැලිකඩ සිරකරු මරණය වැනි අවස්ථා ඇතුළුව පොලිස් විෂමාචාරවලට එරෙහිව ගනු ලැබූ විනය ක්‍රියාමාර්ග උපුටා දක්වමින් මහජන ආරක්ෂක අමාත්‍ය ආනන්ද විජේපාල ද වගවීම සඳහා කැපවීම අවධාරණය කළා. වැඩිවන සයිබර් අපරාධ සහ කෘතිම මත්ද්‍රව්‍ය ජාවාරමට එරෙහිව සටන් කිරීම සඳහා නීතිය ක්‍රියාත්මක කරන ආයතන වඩා හොඳ මෙවලම්වලින් සන්නද්ධ කිරීම සඳහා ප්‍රතිසංස්කරණ සිදුවෙමින් පවතින බව ද ඔහු සඳහන් කළා.

🛑 එහෙත් ප්‍රශ්න ඉතිරිව පවතී - මෙම පොරොන්දු නීති පද්ධතියේ සැබෑ ව්‍යුහාත්මක වෙනස්කම් බවට පරිවර්තනය වේවිද? නැත්තම් ඒවා ජාත්‍යන්තර පීඩනය ලිහිල් කිරීමට කාලෝචිතව කරන දෙයක්ද?

📣 ශ්‍රී ලංකාව කෙරෙහි එක්සත් ජාතීන්ගේ අවධානය වැඩි වීම හේතුවෙන් ඉදිරි මාස කිහිපය තුළ රටේ මානව හිමිකම් ගමන් පථය තීරනාත්මක සන්ධිස්ථානයක පවතියි.

💬 ඔබට හිතෙන විදියට මෙය සැබෑ ප්‍රතිසංස්කරණයක් ද නැත්නම් ගෝලීය නායකත්වය තෘප්තිමත් කිරීම සඳහා උපායමාර්ගික පියවරක් ද?

10/07/2025

✈ 2024/25 සඳහා ශ්‍රී ලංකන් ගුවන් සේවය රුපියල් බිලියන 8.4 ක අලාභයක් වාර්තා කරයි 📉

විනිමය අනුපාතික ලාභයෙන් රුපියල් බිලියන 4.1 ක් ලැබුණත්, ආදායම පහත වැටීම සහ ඉහළ ණය හේතුවෙන් ජාතික ගුවන් සේවය ආයෙමත් පාඩු කරා තල්ලු වුණා. මුළු සමුච්චිත පාඩුව දැන් රුපියල් බිලියන 615 ක් වෙන නිසා, බදු ගෙවන්නන්ට ආයෙමත් මෙය දරා ගන්න සිදුවෙනවා - මෙය දිගටම පවත්වා ගෙන යෑමට රුපියල් බිලියන 30 කට ආසන්න මුදලක් වෙන් කරලා තිබෙනවා.

රාජ්‍ය ගුවන් සේවයට මහජන අරමුදල් දිගටම සහාය විය යුතුද? 🤔

Politicslk Sinhala

23/07/2025

22/07/2025

21/07/2025

20/07/2025

19/07/2025

18/07/2025

17/07/2025

16/07/2025

13/07/2025

12/07/2025

11/07/2025

10/07/2025

Address

Website

Alerts

Contact The Business

Shortcuts

Share