10/07/2025
"යෙ ඣානපසුතා ධිරා නෙක්ඛම්මූපසමෙ රතාදෙවා’පි තෙසං පිහයන්ති සම්බුද්ධානං සතීමතං."
යම් ප්‍රාඥ කෙනෙක් ධ්‍යානයෙහි යුක්තප්‍රයුක්තයෝ ද, නෙක්ඛම්ම සංඛ්‍යාත ක්ලේශව්‍යපශමයෙහි (නිවනෙහි) ඇලුනාහු ද, සිහි ඇති, ඒ සම්‍යක්සම්බුද්ධයනට දෙවියෝත් මිනිස්සුත් කැමැති වෙත්. (අපිත්) බුදු වූවෝ නම් යෙහෙකැ සි බුදු බව කැමැති වන්නාහු ප්‍රාර්‍ත්‍ථනා කෙරෙත්.
ශාසන ඉතිහාසයේ වැදගත් සිදුවීම් රැසක් සිදුවු ඇසළ පුර පසලොස්වක පොහොය දිනය අදට යෙදී තිබෙනවා.
සිදුහත් කුමරු මවු කුස පිළිසිඳ ගැනීම මෙන්ම ගිහි ගෙයින් නික්මයාම සිදුවුණේ අද වැනි ඇසළ පුන්පොහෝ දිනකයි.
එමෙන්ම රහුල කුමාරයා උපත ලබන්නෙත් අද වැනි පොහොය දිනකදීය.
එමෙන්ම බුද්ධත්වයෙන් පසු බුදුන් වහන්සේ ප්‍රථම වරට දම්සක් පැවතුම් සූත්‍රය දේශනා කිරීම ද අද වැනි පොහොය දිනකදී සිදුවුණා.
ප්‍රථම ධර්ම සංගායනාව,කොණ්ඩඤ්ඤ තවුසා සෝවාන් ඵලයට පැමිනීම, යමා මහා පෙළහරපෑම, භික්ෂූන් වහන්සේ පෙරවස් එළඹීම යනාදී වැදගත් සිදුවීම් රැසක් සිදු වුයේ ද ඇසළ පෝය දිනකදියි.
පින්බර ඇසළ පොහෝ දිනයක් වේවා!
