31/08/2026
⚖️💥ශ්‍රී ලංකා ක්‍රිකට් ක්‍රීඩකයින්ගේ බදු ප්‍රශ්නයට අභියාචනාධිකරණයෙන් ලැබුණු තීන්දුව මෙන්න⚖️💥
ශ්‍රී ලංකා ජාතික ක්‍රිකට් කණ්ඩායමේ ක්‍රීඩක ක්‍රීඩිකාවන්ගෙන් පුද්ගලික අත්තිකාරම් බදු අය කිරීමට දේශීය ආදායම් කොමසාරිස් ජනරාල්වරයා ගෙන තිබූ තීරණය බලරහිත කරමින් අභියාචනාධිකරණය අද (31) රිට් ආඥාවක් නිකුත් කර තිබේ.
ශ්‍රී ලංකා ක්‍රිකට් ආයතනය සමඟ ගිවිසුම්ගතව සිටින ජාතික තලයේ ක්‍රිකට් ක්‍රීඩකයන් එම ආයතනයේ සේවකයින් සේ සලකමින් ඔවුන්ගෙන් මෙලෙස පුද්ගලික අත්තිකාරම් බදු අය කිරීමට ගෙන තිබූ තීරණයට එරෙහිව ශ්‍රී ලංකා එක්දින, ටෙස්ට් සහ කාන්තා ක්‍රිකට් කණ්ඩායම්වල ක්‍රීඩක ක්‍රීඩිකාවන් පිරිසක් ඉකුත් වසරේදී පෙත්සම් කිහිපයක් ගොනුකර තිබිණි.
එම පෙත්සම් සලකා බැලීමෙන් අනතුරුව අභියාචනාධිකරණය විසින් මෙම තීන්දුව ප්‍රකාශයට පත්කර ඇත.
කෙසේවෙතත්, මෙම කරුණ සම්බන්ධයෙන් දේශීය ආදායම් කොමසාරිස් ජනරාල්වරයා ඉදිරියේදී ගනු ලබන නීතිමය ක්‍රියාමාර්ග සහ තීරණවලට අගතියක් නොවන පරිදි මෙම නියෝගය නිකුත් කරන බවද විනිසුරු මඩුල්ල වැඩිදුරටත් සඳහන් කර තිබේ.
