SLMC MEDIA UNIT

30/09/2026

தலைவர் ரவூப் ஹக்கீம் கலந்து சிறப்பிக்கும் மாபெரும் பொதுக்கூட்டம்.

அனைவரையும் கலந்துசிறப்பிக்குமாறு அன்பாய் அழைக்கின்றோம்.

30/09/2026

27/09/2026

றிபான் எம்.பி. இற்கு மகத்தான வரவேற்பு..!

முஸ்லிம் காங்கிரசினால் கல்குடாத் தொகுதி முஸ்லீம் பிரதேச மக்களைக் கௌரவிக்கும் வகையில் வழங்கப்பட்ட பாராளுமன்ற உறுப்பினர் பதவியை பெற்றுக்கொண்ட சட்டத்தரணி ஹபீப் றிபான் பாராளுமன்ற உறுப்பினராக சத்தியப்பிரமாணம் செய்ததன் பின்னர் நேற்று (சனிக்கிழமை) மாலை தனது பிரதேசத்திற்கு வருகை தந்த போது பிரமாண்டமான வரவேற்பு வழங்கப்பட்டது.

ஸ்ரீலங்கா முஸ்லிம் காங்கிரஸின் கல்குடாத்தொகுதி மத்திய குழுவின் ஏற்பாட்டில் ஓட்டமாவடி நாவலடி ....... பள்ளிவாசலில் முன்றலிலிருந்து ஆரம்பமான ஊர்வலம்
நாவலடியிலிருந்து தொடங்கி காவந்தமுனை, ஓட்டமாவடி மணிக்கூட்டுச்சந்தி, வாழைச்சேனை, பிறைந்துறைச்சேனை, மாவடிச்சேனை, செம்மண்ணோடை, மாஞ்சோலை பதுரியாநகர் மீராவோடை வழியாக சென்று நிறைவுற்றது.

பாராளுமன்ற உறுப்பினர் வாழைச்சேனை ஹைராத் பள்ளிவாசலுக்கு முன்பாக ஊடகவியலாளர்களுக்கு கருத்துர்தெரிவிக்கையில்:

"1989-ஆம் ஆண்டிலிருந்து மட்டக்களப்பு மாவட்டத்தில் பாராளுமன்ற உறுப்பினர் பதவியை ஸ்ரீலங்கா முஸ்லிம் காங்கிரஸ் கைப்பற்றி வருகிறது. குறிப்பாக 2000, 2001 மற்றும் 2004 ஆகிய மூன்று முறையும் தொடர்ச்சியாக கல்குடாத்தொகுதி சார்பாக பாராளுமன்ற உறுப்பினர் கிடைத்தது.

எனினும், முஸ்லிம் காங்கிரஸிலிருந்து வெற்றி பெற்ற முன்னாள் அமைச்சர் வேறு கட்சிக்கு மாறியதன் காரணமாக, கட்சியின் வாக்குகள் பிரிக்கப்பட்டு கல்குடா தொகுதியில் பெற்று வந்த ஆசனம் கைநழுவிப் போனது.

இம்முறை முஸ்லிம் காங்கிரஸின் தேசியப்பட்டியல் வெற்றிடத்திற்குப் பல இடங்களில் கடுமையான போட்டி நிலவிய போதிலும், கல்குடா மக்களைக்கௌரவிக்க வேண்டுமென்ற நோக்கில், தேசியத்தலைவரின் விருப்பத்திற்கிணங்க எனக்கு இப்பதவி வழங்கப்பட்டுள்ளது." எனக்குறிப்பிட்டார்.

27/09/2026

M.H.M. ASHRAFF TROPHY

இளைஞர்களே தயாராகுங்கள்🌳🔥

ஸ்ரீலங்கா முஸ்லிம் காங்கிரஸின் 40வது ஆண்டு நிறைவை முன்னிட்டு, இளைஞர்களின் விளையாட்டுத் திறமைகளை வெளிக்கொண்டு வரவும், மாவட்ட ரீதியில் இளைஞர்களை ஒன்றிணைக்கவும் “M.H.M. Ashraff Trophy” நடைபெறவுள்ளது.

🏏 Cricket – அம்பாறை மாவட்டம்
⚽ Football – மட்டக்களப்பு & திருகோணமலை மாவட்டங்கள்

மிக விரைவில்… 🏆🔥

27/09/2026

27/09/2026

நள்ளிரவிலும் தொடரும் வீதி திருத்தப் பணி - ஹிஸ்புல்லாஹ் எம்.பி களத்தில்..!

🔸காத்தான்குடி C.B. காசீம் சந்தி – டாக்டர் பதியுதீன் மஹ்மூத் மாவத்தை (Beach Road) திருத்தப் பணிகள் தீவிரம்.

பொதுமக்களின் கோரிக்கைக்கு அமைவாக, காத்தான்குடி C.B. காசீம் சந்தி — டாக்டர் பதியுதீன் மஹ்மூத் மாவத்தை (Beach Road) திருத்தம் மற்றும் புனர்நிர்மாணப் பணிகள் தற்போது தீவிரமாக முன்னெடுக்கப்பட்டு வருகின்றன.

காத்தான்குடி நகர சபையின் தவிசாளர் எஸ்.எச்.எம். அஸ்பர் அவர்களின் வேண்டுகோளுக்கிணங்க, கௌரவ பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் அவர்களின் முயற்சியினால், வீதி அபிவிருத்தி திணைக்களத்தினால் இவ்வீதியின் திருத்தப் பணிகள் முன்னெடுக்கப்பட்டு வருகின்றன.

குறித்த வீதிப் பணிகளை மிக அவசரமாக நிறைவு செய்து, பொதுமக்களின் போக்குவரத்திற்கு விரைவாக வீதியை பயன்பாட்டுக்கு கொண்டுவர வேண்டும் என்ற நோக்கில், கடைகள் மூடப்பட்டு பொதுமக்களின் போக்குவரத்து குறைவாகக் காணப்படும் இரவு நேரத்திலும் பணிகள் முன்னெடுக்கப்பட்டு வருகின்றன.

இதனையடுத்து, குறித்த பணிகளின் முன்னேற்றத்தை நேரில் பார்வையிடுவதற்காக பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் அவர்கள் தற்போது உரிய இடத்திற்கு விஜயம் செய்தார்.

இதன்போது, வீதி அபிவிருத்திப் பணிகளில் ஈடுபட்டிருந்த தொழில்நுட்ப உத்தியோகத்தர்கள் மற்றும் ஊழியர்களுடன் கலந்துரையாடிய அவர், பணிகளின் முன்னேற்றம் மற்றும் எதிர்நோக்கும் விடயங்கள் தொடர்பில் கேட்டறிந்ததுடன், பொதுமக்களின் போக்குவரத்திற்கு ஏற்படும் சிரமங்களை கருத்திற்கொண்டு, பணிகளை மிக விரைவாகவும் தரமாகவும் நிறைவு செய்யுமாறு ஆலோசனைகளையும் வழிகாட்டல்களையும் வழங்கினார்.

பொதுமக்கள் அதிகளவில் பயன்படுத்தும் முக்கியமான வீதியாக இது காணப்படுவதால், வீதிப் புனர்நிர்மாணப் பணிகளை தாமதமின்றி நிறைவு செய்து, மக்கள் சிரமமின்றி பயன்படுத்தக்கூடிய வகையில் வீதியை விரைவில் செப்பனிட்டு வழங்குவதற்கு தேவையான நடவடிக்கைகளை மேற்கொள்ளுமாறும் அவர் வலியுறுத்தினார்.

மேலும், நகர சபையின் உதவிகள் தேவைப்பட்டால் உடனடியாக வழங்குமாறும் நகர சபை தவிசாளருக்கு ஆலோசனை வழங்கினார்.

இதன்போது, காத்தான்குடி நகர சபைத் தவிசாளர் எஸ்.எச்.எம் அஸ்பர், நகர சபை உறுப்பினர் இ.எம் றுஸ்வின், பொறுப்பான உத்தியோகத்தர்கள், தொழில்நுட்ப அதிகாரிகள், பணியாளர்கள் மற்றும் முக்கியஸ்தர்கள் பலரும் உடனிருந்தனர்.