https://www.facebook.com/108174891005332/

News Page, Colombo (2025)

28/06/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.06.28

🚨 නව පත්කිරීම් වැළකේ.

ශ්‍රී ලංකා විදුහල්පති සේවයේ තුන්වන ශ්‍රේණිය සඳහා නව පත්කිරීම් සිදුකිරීම වළක්වාලමින් ශ්‍රේෂ්ඨාධිකරණය නියෝගයක් නිකුත් කර තිබෙනවා.

පූජ්‍ය බුද්කෝට්ටේ සුමනචන්ද්‍ර හිමියන් විසින් ගොනුකළ පෙත්සමක් සලකා බැලීමෙන් පසුව අධිකරණය එම නියෝගය නිකුත් කර තිබුණා.

සංස්කරණය සහ වාර්තාකරණය - හසිනි පෙරේරා

28/06/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.06.28

🚨 ලොව වයස්ගතම නොබෙල් ත්‍යාගලාභියා මියයයි.

ලොව වයස්ගතම නොබෙල් ත්‍යාගලාභියා සහ විප්ලවීය සොයාගැනීමක් ලෙස සැලකෙන ලිතියම් අයන් කෝෂයේ නිර්මාතෘවරයා වන ජෝන් ගුඩ්ඉනෆ් මියගොස් තිබෙනවා.

මියයන විට 100 වැනි වියේ පසුවූ ජෝන් ගුඩ්ඉනෆ් ගේ මරණය දැනුම් දුන්නේ අමෙරිකාවේ ටෙක්සාස් විශ්වවිද්‍යාලය විසින්. ඒ ඔහු අපරිමේය සේවයක් ඉටුකළ කීර්තිමත් විද්‍යාඥයෙකු ලෙස සඳහන් කරමිනි.

2019 වසරේදී රසායන විද්‍යාව සඳහා වන නොබෙල් ත්‍යාගයෙන් පිදුම් ලැබූ ඔහුගේ වයස එවකට අවුරුදු 97ක් වූ අතර, එහිදී නොබෙල් ත්‍යාගයක් දිනාගත් ලොව වයස්ගතම පුද්ගලයා ලෙස ඔහු ඉතිහාසයට එක්වුනා.

සංස්කරණය සහ වාර්තාකරණය - හසිනි පෙරේරා

16/06/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.06.16

🚨 වරායට අලුත් වෙනසක්

රුපියල් මිලියන 450ක වියදමින් ඉදිකරන ලද කන්කසන්තුරය වරායේ නව මගී පර්යන්තය විවෘත කර තිබෙනවා.

ඒ අනුව වරායට පැමිණි පළමු මගී නෞකාව වන ඉන්දියාවේ සිට පැමිණි එම්.වී එම්ප්‍රරස් හි සිටි සංචාරකයින් සඳහා පහසුකම් සැලසීම අද (16) පෙරවරුවේ සිදු කළ බව වරාය නාවික හා ගුවන් සේවා අමාත්‍යාංශය පැවසුවා.

අදාළ සුඛෝපභෝගී නෞකාවෙන් මගින් 800දෙනෙකු පැමිණ තිබූ බවත් නව මගී පර්යන්තය තුළ මගීන් 200දෙනෙකු සඳහා එකවර පහසුකම් සැපයීමේ හැකියාව පවතින බව සඳහන් වෙනවා.

එමෙන්ම සතිපතා මෙවැනි ඉන්දීය සුඛෝපභෝගී මගී නෞකාවක් සහ මගී යාත්‍රා, ඉන්දියාවේ සිට කන්කසන්තුරය වරාය දක්වා ගෙන්වා ගැනීමේ වැඩපිළිවෙලක් ශ්‍රී ලංකා වරාය අධිකාරිය සමග එක්ව සකස් කර ඇති බව ද වරාය නාවික හා ගුවන් සේවා අමාත්‍යාංශය සඳහන් කළා.

සංස්කරණය සහ වාර්තාකරණය - හසිනි පෙරේරා

16/06/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.06.16

🚨අද ඩොලරයේ නව මිල ගණන්

අද ශ්‍රී ලංකාවේ බලපත්‍රලාභී වාණිජ බැංකු කිහිපයක එක්සත් ජනපද ඩොලරයට සාපේක්ෂව රුපියලේ අගය ඉහළ ගොස් තිබෙනවා.

මහජන බැංකුවේ එක්සත් ජනපද ඩොලරයක ගැනුම් අනුපාතිකය රු. 315.31 සිට ඊයේ දිනට සාපේක්ෂව 301.69 ක් වන අතර විකුණුම් මිල ද රු. 333.97 සිට රු. 319.54 ක් වෙනවා.

කොමර්ෂල් බැංකුව එක්සත් ජනපද ඩොලරයක ගැනුම් අනුපාතිකය රු. 296.92 ක් සහ විකුණුම් මිල රු. 320.

සම්පත් බැංකුවේ එක්සත් ජනපද ඩොලරයක ගැනුම් අනුපාතය රු. 301 ක් වන අතර විකුණුම් මිල රු. 318.

සංස්කරණය සහ වාර්තාකරණය - රශීනා ප්‍රනාන්දු

12/05/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.05.12

🚨රාජ්‍ය සේවය ගැන චක්‍රලේඛයක්

රාජ්‍ය සේවය සාමාන්‍ය පරිදි පවත්වාගෙන යාම සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය විසින් චක්‍රලේඛයක් නිකුත් කර තිබෙනවා.

එම චක්‍රලේඛය නිකුත් කර ඇත්තේ, අමාත්‍යාංශ ලේකම් කේ.ඩී.එන් රංජිත් අශෝක මහතාගේ අත්සනින් යුතුව යි.

සංස්කරණය සහ වාර්තාකරණය - රශීනා ප්‍රනාන්දු

12/05/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2013.05.12

🚨සැකකරුට දුන් අලුත්ම තීන්දුව

කළුතරදී 16 හැවිරිදි දැරියක් අභිරහස් ලෙස මියයාමේ සිද්ධියට අත්අඩංගුවට ගත් ප්‍රධාන සැකකරු එළඹෙන 26 වනදා දක්වා රිමාන්ඩ් බන්ධනාගාරගතකර තිබෙනවා.

මේ අතර මිය ගිය ටිහාරා නිර්මානී නම් 16 හැවිරිදි පාසැල් සිසුවියගේ මරණය සම්බන්ධයෙන් වන පරීක්‍ෂණ කටයුතු හා ඒ හා බැදුනු කාරණා සම්බන්ධයෙන් පොලිස් මාධ්‍ය ප්‍රකාශන නිහාල් තල්දුව මහතා ද විශේෂ අදහස් දැක්වීමක් කර තිබෙනවා.

අන්තර්ජාල නාලිකාවක සාකච්ඡාවකට එක්වෙමින් ඒ මහතා එම සිදුවීම් ගැන දීර්ඝ පැහැදිලි කිරීමක් කර තිබෙනවා.

සංස්කරණය සහ වාර්තාකරණය - රශීනා ප්‍රනාන්දු

10/05/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.05.10

🚨 දුම්රිය මගීන්ට දැනුම්දීමක්.

දුම්රිය ස්ථානාධිපතිවරුන් සංකේත වර්ජනය හේතුවෙන් අද දින ධාවනය වීමට තිබූ කාර්යාල දුම්රිය ගමන්වාර 5ක් අවලංගු කර තිබෙනවා.
දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න මහතා සඳහන් කළේ, අද (10) මාධ්‍යම රාත්‍රිය දක්වා මෙම වර්ජනය ක්‍රියාත්මක බවයි.

ස්ථානාධිපති වර්ජනය හේතුවෙන් දුම්රිය ගමනාගමනයට බාධා එල්ල වී ඇති බව දුම්රිය දෙපාර්තමේනතුව පවසනවා.ඒ අනුව නානුඔය සිට මහනුවර සහ කොළඹ කොටුව දක්වා ධාවනය වීමට නියමිතව තිබූ ටිකිරි මැණිකේ සීඝ්‍රගාමී දුම්රිය අද ධාවනය නොවන බවයි සඳහන් කරන්නේ.තවද ගනේවත්ත සිට කොළඹ කොටුව සහ පානදුර දක්වා පෙ.ව 3.55ට ධාවනය වීමට නියමිතව තිබූ කාර්යාල දුම්රිය ද අද ධාවනය නොවේ.

අනෙකුත් දුම්රිය ප්‍රමාදයන් සහිතව ධාවනය වන බව දුම්රිය දෙපාර්තමේන්තුව නිවේදනය කර තිබෙනවා.

සංස්කරණය සහ වාර්තාකරණය - දුලාංජනී ගමගේ

10/05/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.05.10

🚨 අදත් ගිගුරුම් සහිත වැසි.

බස්නාහිර, සබරගමුව, මධ්‍යම, වයඹ සහ දකුණු පළාත්වල අද (10) විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසනවා.

එම දෙපාර්තමේන්තුව සඳහන් කරන්නේ, බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී. 75ට වැඩි තරමක් තද වැසි ද ඇතිවිය හැකි බවයි.

බස්නාහිර සහ දකුණු වෙරළබඩ ප්‍රදේශවලත් මධ්‍යම කඳුකරයේ බටහිර බෑවුම්වලත් විටින් විට හමන පැ.කි.මී. (40-45) ක පමණ තද සුළං ඇතිවිය හැකි බව කාලගුණවිද්‍යා දෙපාර්තමේන්තුව නිවේදනය කරනවා.

ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටිනවා.

සංස්කරණය සහ වාර්තාකරණය - දුලාංජනී ගමගේ

06/05/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.05.06

🚨 තුන්වන චාල්ස් රජු ඔටුනු පළඳී.

දශක 7ක කාලයක් බ්‍රිතාන්‍යය ඇතුළු යටත්විජිත රාජ්‍යයන් පාලනය කළ දෙවැනි එලිසබෙත් රැජිනගේ අභාවයත් සමඟ තෙවන චාල්ස් නමින් රාජ්‍යත්වයට පත් චාල්ස් රජුගේ රාජාභිෂේකය අද (06) පැවැත් වුණා.

ඒ බ්‍රිතාන්‍යයේ ලන්ඩන් හි වෙස්ට්මින්ස්ටර් ඇබේ දේවස්ථානයේ දී.එය වසර 70 කට පසු බ්‍රිතාන්‍යයේ පැවැත්වුණු පළමු රාජාභිෂේකය ලෙස ඉතිහාසයට එක් වෙනවා.

1953 වසරේ පැවැති දෙවැනි එලිසබෙත් රැජිනගේ රාජාභිෂේකයට සාපේක්ෂව වඩාත් සරල සහ කෙටි උත්සවයක් ලෙස මෙවර රාජාභිෂේකය සැලසුම් කර තිබුණු බවයි සඳහන් වන්නේ.

සංස්කරණය සහ වාර්තාකරණය - දුලාංජනී ගමගේ

28/04/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.04.28

🚨ත්‍රස්ත විරෝධී පනත සංශෝධනයට?

ත්‍රස්ත විරෝධී පනත් කෙටුම්පත පාර්ලිමේන්තුවට ඉදිරිපත් කරන්නේ ඊට අවශ්‍ය සංශෝධන සිදුකිරීමෙන් අනතුරුව බව අද (28) පාර්ලිමේන්තුවේදී අදහස් දක්වමින් අධිකරණ අමාත්‍ය විජේදාස රාජපක්ෂ මහතා ප්‍රකාශ කළා.

ඒ අනුව අදාළ පනත් කෙටුම්පත සඳහා ඕනෑම කෙනෙකුට ලිඛිතව අදහස් ඉදිරිපත් කිරීමටත් කරුණු සාකච්ඡා කිරීමටත් හැකි බව අමාත්‍යවරයා පෙන්වා දෙනවා.

සංස්කරණය සහ වාර්තාකරණය - රශීනා ප්‍රනාන්දු

28/04/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.04.28

🚨උද්ධමනය අඩු වෙයිද?

ජනලේඛන හා සංඛ්‍යාලේඛන දෙපාර්තමේන්තුව සඳහන් කළේ, කොළඹ පාරිභෝගික මිල දර්ශකයට අනුව අප්‍රේල් මාසයේ උද්ධමනය සියයට 35.3ක් දක්වා අඩුවී ඇති බවයි.

එම දර්ශකයට අනුව මාර්තු මාසයේ උද්ධමනය සියයට 50.3ක් ලෙස වාර්තා වී තිබුණා. මාර්තු මාසයේ දී සියයට 50.3ක් වූ ආහාර කාණ්ඩයේ උද්ධමනය අප්‍රේල් මාසයේ දී සියයට 30.6ක් දක්වා අඩුවී තිබෙනවා.

ආහාර නොවන කාණ්ඩයේ සියයට 51.7ක් වූ මාර්තු මාසයේ උද්ධමනය අප්‍රේල් මාසයේ දී සියයට 37.6ක් දක්වා අඩුවී ඇති බව ජනලේඛන හා සංඛ්‍යාලේඛන දෙපාර්තමේන්තුව වැඩිදුරටත් සඳහන් කරනවා.

සංස්කරණය සහ වාර්තාකරණය - රශීනා ප්‍රනාන්දු

28/04/2023

𝘛𝘩𝘦 𝘕𝘦𝘸𝘴 𝘗𝘢𝘨𝘦

2023.04.28

🚨ප්‍රභාත් ජයසූරියගෙන් ලෝක වාර්තාවක්.

ශ්‍රී ලංකා දඟ පන්දු යවන ක්‍රීඩක ප්‍රභාත් ජයසූරිය අද (28) අඩුම තරග සංඛ්‍යාවකින් ටෙස්ට් කඩුළු 50ක් දවාගත් දඟපන්දු යවන්නා ලෙස ලෝක වාර්තාවක් පිහිටවූවා.

ප්‍රභාත් සිය ටෙස්ට් කඩුළු 50 දවාගැනීම සඳහා වැය කළේ ටෙස්ට් තරග 7ක් පමණයි. ඒ සමඟ අඩුම තරග සංඛ්‍යාවකින් ටෙස්ට් කඩුළු 50ක් දවාගත් ශ්‍රී ලාංකික පන්දු යවන්නා ලෙසත් ඔහු වාර්තා අතරට එක්වුණා.

එම ටෙස්ට් තරග හතේ ඉනිම 11කදී පන්දු යවමින් ප්‍රභාත් ජයසූරිය මෙම කඩුළු 50 දවාගත් අතර අඩුම ඉනිම සංඛ්‍යාවකින් කඩුළු 50ක් දවාගත් පන්දු යවන්නාගේ ලෝක වාර්තාව සම කිරීමටද ඔහු සමත් වුවා.

සංස්කරණය සහ වාර්තාකරණය :- නිලූකා වර්ණපුර

News Page

28/06/2023

28/06/2023

16/06/2023

16/06/2023

12/05/2023

12/05/2023

10/05/2023

10/05/2023

06/05/2023

28/04/2023

28/04/2023

28/04/2023

Address

Website

Alerts

Contact The Business

Shortcuts

Share

Category