10/06/2026
ට්රම්ප්ගේ උපන්දිනදා ධවල මන්දිරයේ UFC සටන් 🇺🇸
මිශ්ර සටන් කලා (MMA) ලෝලීන් මෙන්ම සමස්ත ක්රීඩා ලෝකයම උනන්දුවෙන් බලා සිටි සුවිශේෂී සහ ඓතිහාසික ක්රීඩා ඉසව්වක් වන UFC Freedom 250 නැතහොත් UFC White House එළඹෙන ජූනි 14 වනදා වොෂින්ටන් නුවර ධවල මන්දිරයේ දකුණු තණතිල්ලේ (White House South Lawn) පැවැත්වීමට සියලු කටයුතු සූදානම් කර තිබෙනවා. මෙය ඇමරිකානු ඉතිහාසයේ ධවල මන්දිර පරිශ්රය තුළ පැවැත්වෙන පළමු වෘත්තීය ක්රීඩා ඉසව්ව ලෙස මෙය ඉතිහාසගත වනවා.
ඇමරිකා එක්සත් ජනපදයේ 250 වන නිදහස් සංවත්සරය සැමරීම නිමිත්තෙන් මෙම තරග ඉසව්ව සවිධානය කරන බව සඳහන් වුණත් එදිනටම අහම්බෙන් මෙන් ඩොනල්ඩ් ට්රම්ප්ගේ 80 වන උපන්දිනය යෙදී තිබෙනවා.
පසුගිය මැයි මාසයේදී ට්රම්ප් විසින් තරඟාවලියේ ප්රධාන සටන්කරුවන් සිව්දෙනා ධවල මන්දිරයේ ඕවල් කාර්යාලයට කැඳවා විශේෂ "UFC White House Championship" නම් විශේෂ බෙල්ට් එකක් ද හඳුන්වා දුන්නා.
මේ වැඩේට UFC හි මව් සමාගම වන TKO ඩොලර් මිලියන 60 කට වඩා වියදම් කරනවා කියලා වගේම මේකෙ පාඩුව ඩොලර් මිලියන 30ක පමණ කියලත් කියනවා. නමුත් ඔවුන් සඳහන් කරන්නේ ඇමරිකාවේ 250 වන නිදහස් සංවත්සරය වෙනුවන් පවත්වන මේ ඉසව්වෙන් ලාභ ඉපයීමේ අරමුණක් නෑ කියලා.
සටන් පවත්වන ring එක හෙවත් Octagon එක බෙල්ජියම් ජාතික 'Stageco' නම් ඉසව් සංවිධාන සමාගමකින් නිර්මාණය අරඹා ඇති අතරම 'The Claw' නමින් හැදින්වෙන මේ Octagon එක උස අඩි 92ක්, පළල අඩි 154ක් වගේම බර ටොන් 600ක්.
💰 ඩොලර් මිලියනයේ ක්රිප්ටෝ බෝනස්
UFC ඉතිහාසයේ තනි තරගාවලියක් සඳහා පිරිනමන විශාලතම බෝනස් මුදල ලෙස Crypto.com ආයතනය විසින් ඇමරිකානු ඩොලර් මිලියනයක දැවැන්ත ක්රිප්ටෝ බෝනස් මුදලක් ප්රකාශයට පත් කර තිබෙනවා. UFC ප්රධානී ඩේනා වයිට් විසින් මාධ්ය හමුවේදී අනාවරණය කළ පරිදි මෙම ඩොලර් මිලියනය සටන්කරුවන් අතර බෙදී යනවා.
Fight of the Night (හොඳම සටන): මෙම සම්මානය දිනාගන්නා සටන්කරුවන් දෙදෙනා අතර ඩොලර් 600,000ක මුදලක් සමසේ බෙදී යනවා.
Performance of the Night (හොඳම දක්ෂතාවය): ඉහළම දක්ෂතා දක්වන සටන්කරුවන් දෙදෙනෙකුට එක් අයෙකුට ඩොලර් 200,000 බැගින් හිමිවනවා.
මෙහි විශේෂත්වය වන්නේ, 2026 වසරේ මුලදී හඳුන්වා දුන් UFC හි සාමාන්ය ඩොලර් 100,000 බෝනස් මුදලට (Baseline Post-Fight Bonuses) අමතරව මෙම ඩොලර් මිලියනයේ ක්රිප්ටෝ ත්යාගය පිරිනැමීමයි.
🔥 ප්රධාන සටන්වල විස්තර (Bout Details)
1. Ilia Topuria vs Justin Gaethje (Lightweight Championship Unification)
මෙය තරග ඉසව්වේ ප්රධානතම සටනයි (Main Event). අපරාජිත සුපිරි ක්රීඩක 'El Matador' හෙවත් Ilia Topuria සහ ඇමරිකානු ප්රවේගකාරී ක්රීඩක 'The Highlight' හෙවත් ජස්ටින් ගේජ් අතර Lightweight ලෝක ශූරතාවය ඒකාබද්ධ කිරීම සඳහා මෙම සටන පැවැත්වෙනවා. Topuria වර්තමාන Undisputed lightweight champion වන අතර Gaethje interim UFC Lightweight Champion වෙනවා. මේ දෙදෙනා අතර පසුගිය දිනවල සිදු වූ උණුසුම් වචන හුවමාරු සමග තරගය වඩාත් උණුසුම් මුහුණුවරක් ගනු ඇතැයි බලාපොරොත්තු වෙන්න පුළුවන්.
2. Alex Pereira vs Ciryl Gane (Interim Heavyweight Championship)
Co-Main Event එක ලෙස පැවැත්වෙන්නේ වත්මන් UFC හි සුපිරිම තරුවක් වන බ්රසීලයේ Alex Pereira සහ ප්රංශයේ Ciryl Gane අතරයි. ඔවුන් දෙදෙනා Interim Heavyweight ලෝක ශූරතාවය වෙනුවෙන් සටන් වදිනවා.
3. Sean O'Malley vs Aiemann Zahabi (Bantamweight Bout)
UFC හි සිටින සුපිරිම මෙන්ම ප්රවේගකාරී Knockout (KO) විශේෂඥයෙකු වන Sean 'Suga' O'Malleyට එරෙහිව තරග වදින්නේ කැනේඩියානු ක්රීඩක Aiemann Zahabi ය.
සෙසු තරග
4. Derrick Lewis vs Josh Hokit (Heavyweight Bout)
5. Mauricio Ruffy vs Michael Chandler (Lightweight Bout)
6. Bo Nickal vs Kyle Daukaus (Middleweight Bout)
7. Diego Lopes vs Steve Garcia (Featherweight Bout)
මෙම තරග ඉසව්ව පිළිබඳ පසුගිය වසරේ සඳහන් වෙද්දී, සුපිරි UFC තරුව කෝනර් මැක්ග්රෙගර් මේ ඉසව්වට සහභාගි වනු ඇති බවට ඉඟි පළ වුනත්, McGregor නැවත ආගමනය සනිටුහන් කරන Max Holloway සමග සටන පැවැත්වෙන්නේ ජූලි මාසයේදියි.
UFC Freedom 250 හි සටන්කරුවන්ගේ නිල බර මැනීමේ කටයුතු (Weigh-ins) සිකුරාදා රාත්රියේ සුප්රකට ලින්කන් ස්මාරකය (Lincoln Memorial) අසලදී පැවැත්වීමට නියමිතයි.
⚖️ තරගාවලියට ඇති විවේචන
කොහොම වුණත් මේ වැඩේට විරුද්ධ පිරිසකුත් ඉන්නවා. 'Public Integrity Project' නම් ස්වාධීන සංවිධානයක් විසින් වොෂින්ටන් ෆෙඩරල් උසාවියේ හදිසි නඩුවක් පවරලා තියෙනවා ජනාධිපතිවරයා තමන් කොටස් හිමිකාරීත්වය දරන UFC මව් සමාගමට (TKO Group) වාසි සැලසීමට රාජ්ය දේපල අවභාවිත කරන බව පවසමින්. රාජ්ය තාන්ත්රික මධ්යස්ථානයක මෙවැනි ලේ වැගිරෙන වෘත්තීය ක්රීඩාවකට යොදා ගැනීම පිළිබඳව විපක්ෂය දෝෂාරෝපණ එල්ල කරනවා.
ඒ වගේම ධවල මන්දිරය, ලින්කන් ස්මාරකය අවට ප්රදේශයේ මාර්ග වසා තැඹීමට කටයුතු කරන අතර ඇතැම් මාර්ග බ්රහස්පතින්දා සිට සඳුදා දක්වා වසා තබන බව ඇමරිකානු මාධ්ය වාර්තා කරනවා.
🎟️ ඉසව්ව නැරඹීම
ධවල මන්දිර South Lawnහි පැවැත්වෙන මෙම සජීවී තරඟාවලිය නැරඹීමට අවස්ථාව හිමිවන්නේ ආරාධිතයින්ට පමණක් වන අතර ඒ සඳහා සුවිශේෂී ප්රේක්ෂක ලැයිස්තුවක් නම් කර තිබෙනවා. ක්රියාකාරී සේවයේ නියුතු හමුදා සාමාජිකයින්, VIP සහ ප්රසිද්ධ පුද්ගලයින්, Celebrities, රාජ්ය නිලධාරීන්, ජනාධිපති පවුලේ සාමාජිකයින් මෙන්ම ධවල මන්දිරයේ ඉහළ නිලධාරීන්ට මෙය සීමා වෙනවා. මහජනතාව සඳහා ධවල මන්දිරය තුළට ඇතුළු විය නොහැකි අතර අසල පිහිටි Ellipse උද්යානයේ දැවැන්ත තිර මගින් 85,000කට පමණ නොමිලේ තරග නැරඹීම සඳහා අවස්ථාව ලබාදී ඇති බව සඳහන්.
සම්පූර්ණ ලිපිය කියවන්න link එක comment වල 👇
