02/08/2023
එක්සත් ග්රාම නිලධාරීන්ගේ සංගමයේ ප්රධාන ලේකම් ඒ.එස්. අතුකෝරාල මහතා ඇතුළු ක්රියාකාරී නායකයන් "නිදහස සභාව" මාතර දිස්ත්රික් කාර්යාලයේ දී පසුගිය සෙනසුරාදා ඩලස් අලහප්පෙරුම මහතා මුණගැසුනු අවස්ථාව. වසර 60 කට වඩා පැරණි ග්රාම නිලධාරීන් වෘත්තිය සඳහා මෙතෙක් සේවා ව්යවස්ථාවක් නොමැති වීමේ බරපතළ ගැටලුව පාර්ලිමේන්තුවේ විශේෂ අවධානයට යොමු කරන ලෙස ඉල්ලීම ග්රාම නිලධාරී සංගමයේ ප්රධානතම ඉල්ලීම විය. ජනතාව වෙනුවෙන් ඈත ගම් නියම් ගම් පුරා නොයෙකුත් දුෂ්කරතා මැද අතිවිශිෂ්ඨ රාජකාරියක් ඉටු කරන ඔවුනගේ සාධාරණ ඉල්ලීම් සියල්ල වෙනුවෙන් යුක්තිය ඉටු කිරීම සඳහා පෞද්ගලිකව මෙන්ම නිදහස සභාවේ ද සියලු ප්රජාතන්ත්රවාදී බලවේගයන් ගේ අවධානය ද කඩිනමින් යොමු කරන බවට මෙහිදී සහතික විය.
මාතර හිටපු පුරපති සොසීන්ද්ර හඳුන්ගේ මහතා ද මෙම අවස්ථාවට සහභාගි විය.
