04/09/2026
අමෙරිකානු ඩොලර් ලක්ෂ 08 ක් අල්ලස් ලබාගත් බවට සැකපිට නාමල් අත්අඩංගුවට 🚨 Sri Lanka Police Liberty Bloc Facebook
🔴 නාමල් අත්අඩංගුවට ගත්තේ
මිලියන 100ක අල්ලස් චෝදනාවකට!
අල්ලස් කොමිසමෙන්
හේතුව පැහැදිලි කරයි
ශ්‍රී ලංකන් එයාර් ලයින්ස් ගුවන් සමාගමට ගුවන් යානා මිලදී ගැනීමට අදාළ ගනුදෙනුවේදී සිදුවූ බව කියන රුපියල් මිලියන 100 ක අල්ලස් ලබාගැනීමේ චෝදනාවට අදාළව පාර්ලිමේන්තු මන්ත්‍රී ලක්ෂ්මන් නාමල් රාජපක්ෂ යන අය 2026.09.04 වන දින ප.ව. 02.09 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන තිබේ.
මෙම විමර්ශනයට අදාළ මූලික කරුණු සහ අල්ලස් කොමිසමේ නිවේදනයේ සඳහන් වන විශේෂිත තොරතුරු අනුව, ශ්‍රී ලංකන් එයාර් ලයින්ස් ගුවන් සමාගමට ගුවන් යානා මිලදී ගැනීමට අදාළ ගනුදෙනුවේදී සිංගප්පූරුවේ ස්ටෑන්ඩර්ඩ් චාටඩ් බැංකුවේ BIZ Solutions INC නැමැති ගිණුමට අල්ලස් ලෙස යුරෝ 1,454,651.24 ක මුදලක් ලැබී ඇත. ඉන් ඇමෙරිකානු ඩොලර් 800,000 ක මුදලක් ශ්‍රී ලාංකික ව්‍යාපාරිකයෙකුට හිමිකාරීත්වය ඇති Sabre Vision Holdings LTD සමාගම නමින් සිංගප්පූරුවේ පිහිටි OCBC බැංකුවේ ගිණුමක් වෙත තැන්පත් කරවාගෙන තිබේ. එම මුදලට සමාන වන අයුරින් ශ්‍රී ලංකා රුපියල් 100,000,000.00 ක මුදලක් ශ්‍රී ලාංකික ව්‍යාපාරිකයෙකු අතින් 2014, 2015 වර්ෂවල අවස්ථා කිහිපයකදී අල්ලස් ලෙස ලබාගැනීම මෙම චෝදනාව වේ.
අදාළ ශ්‍රී ලාංකික ව්‍යාපාරිකයාගේ ප්‍රකාශයෙන් සහ ප්‍රංශයේ Airbus සමාගමේ නිලධාරීන් කොමිෂන් සභාවට පැමිණ ලබාදුන් ප්‍රකාශයන්ගෙන් මෙන්ම මීට අදාළව රැස්කරන ලද ලේඛන සහ අනෙකුත් තොරතුරු මත පදනම්ව මෙම අත්අඩංගුවට ගැනීම සිදු කර ඇත. අත්අඩංගුවට ගන්නා ලද සැකකරු කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිත බව අල්ලස් හෝ දූෂණ චෝදනා විමර්ශන කොමිෂන් සභාව වැඩිදුරටත් නිවේදනය කර සිටියි.
