11/08/2025
ඉහළින් කඩා හැලෙන්නට ඔන්න මෙන්න තනන වැස්ස ය.
පහළින් තත්පරයෙන් තත්පරය කල් මරන පාකිස්තානුවන් ය.
එහෙන් ගාල්ලේ මහේල ගේ අවසන් ටෙස්ට් වැනුම ය.
මෙහෙන් මහේලට ගාල්ලේ දී දැනෙන සමුදීමක් දෙන්නට දත කන ශ්‍රී ලාංකිකයින් ය.
එහෙන් අජ්මාල් ය, ජුනයිඩ් ඛාන් ය.
මෙහෙන් අතුරු සිදුරු නැතිව පිරී ගිය ගාලු ප්‍රේක්ෂකාගාරය ය.
ලණුවට උඩින් පහර දෙකකි. ඇන්ජිට පන්දු 13කින් ලකුණු 25කි.
නොම්මර එකේ ටෙස්ට් ජයග්‍රහණයකට අදට හරියටම වසර එකොළහකි.
ඡායාරූපය ඇල්ලුවේ ඉෂාර කොඩිකාර ය.
