02/07/2025
අපේ හෙළකුරු Superapp ගමනේ මීළඟ අදියර ලෙස Helago අද අපි ඔබ වෙත හඳුන්වාදෙන්නෙ, තවත් පෙරළිකාර ඇරඹුමක පළමු පියවර ලෙසින්! 😍
සිංහල යතුරුපුවරුවක් ලෙස ඇරඹි හෙළකුරු, මේ වන විට අපේම මිනිස්සු මිලියන 4.4 කට වැඩි පිරිසක් එදිනෙදා සැරිසරන ඩිජිටල් වේදිකාවක් බවට පත් වී ඇත්තේ, ලංකාවේ ඇප් එකක් සතු ලොකුම Digital Audience එකත් ඒ වටා රැස් කරගනිමින්.
එසේ රැස්වී ඇති සුවිසල් මිනිස්සුන් පිරිස අතර සිටින, නොයෙකුත් අවශ්‍යතා ඇති සහ එම අවශ්‍යතා සපුරාලීමේ හැකියාව ඇති මිනිසුන් එකිනෙකට මුණගැස්වීමටත්, ඔවුන් දෙපිරිසටම ප්‍රයෝජනවත් දෑ කාර්යක්ෂමව ඉටුකරගැනීම සඳහා පහසුකම් සැලසීමටත්, හෙළකුරට හැකියාව ඇති බව අප වටහා ගත්තේ, එය අපගේ දැක්ම වන "මහජනයා සවිබලගැන්වීම" සාක්ෂාත් කරගත හැකි තවත් ක්‍රමයක් නිසාමයි.
ඉතිං ඒ අනුව, එම හැකියාව යොදාගෙන අප මුලින්ම මුණගස්වන්න තෝරාගත්තේ, හෙළකුරු තුළම ඉන්න, ප්‍රවාහන පහසුකම් සැපයිය හැකි අය සහ ප්‍රවාහන පහසුකම් ලබාගැනීමේ අවශ්‍යතාවය ඇති අයයි.
ලංකාවේ ride-hailing ප්‍රවාහන සේවා සඳහා දැනට පවතින ආකාරයේ, මොහොතින් මොහොත වෙනස්වෙන අද්භූත පාලන මිලක් නොව, සැමට සාධාරණ විවෘත මිලක් පැවතිය යුතු බව අපගේ විශ්වාසයයි. ඒ සඳහා නව්‍ය පෙරළිකාර විසඳුමක් සහිතව, ride-hailing ප්‍රවාහන ක්ෂේත්‍රයේ නැවුම් වෙනසක් ඇති කරන්න අපි අද හඳුන්වාදෙන්නේත් ඒ නිසාමයි.
ඉතිං ඔන්න ප්‍රවාහන පහසුකම් සැපයීමේ හැකියාව ඇති රියදුරුවරුන්ට අද දින සිට හෙළකුරු Superapp එක හරහා සමඟ ලියාපදිංචි වෙන්න පුළුවන්. මගීන් සඳහා එළිදැක්වෙන දිනය අපි ඉක්මණින්ම දැනුම් දෙන්න බලාපොරොත්තු වෙනවා.
ලංකාවේ මෙතෙක් අපි වෙනස් කළ දෑ මෙන්ම, මෙම ක්ෂේත්‍රයත් සැමට සාධාරණ ලෙස සහමුලින්ම වෙනස් කරන්නයි අපේ මේ වෑයම.
එහෙනම් එක්ක ළඟදීම සාධාරණ ගමනක් යන්න සැරසෙන්න ඔබටත් අපි ආරාධනා කරනවා! ❤️️
#සාධාරණගමනකට
