https://www.facebook.com/1210591492129852/

Football Wire, Racecourse Ground, Colombo (2026)

14/07/2026

🏆 අවසන් තරග 4 සඳහා රන් පැහැයෙන්! Adidas සමාගම 'Trionda Final' නිල තරග පන්දුව එළිදක්වයි 🏆

අවසන් පූර්ව වටයේ උණුසුම සමඟින්ම, 2026 FIFA ලෝක කුසලාන පාපන්දු තරගාවලියේ අවසන් තරග 4 සඳහා භාවිතා කරන නිල තරග පන්දුව දැන් නිල වශයෙන් නිකුත් කර තිබෙනවා. ඇත්තටම මෙය ඉතාමත් ආකර්ෂණීය නිර්මාණයක්!

💫 මෙහි ඇති සුවිශේෂීත්වය කුමක්ද?

ලෝක කුසලාන ඉතිහාසයේ පළමු වතාවට, Adidas සමාගම සාමාන්‍ය වර්ණ වෙනස් කිරීමකින් ඔබ්බට ගොස් තරගාවලියේ අවසන් අදියර සඳහාම විශේෂයෙන් සැකසූ සම්පූර්ණයෙන්ම වෙනස්, ආකර්ෂණීය ග්‍රැෆික් මෝස්තරයක් (custom graphic design) නිර්මාණය කර තිබෙනවා.

• Design : ලෝක කුසලාන රන් කුසලානය සිහිගන්වන වටිනා රන් සහ කළු පැහැයන්ගෙන් මෙන්ම විද්‍යුත් රෝස පැහැති (electric pink) රටාවලින් මෙය හැඩගන්වා ඇත.

• Tribute : පන්දුවේ මතුපිට දෙස හොඳින් බැලුවහොත්, අවසන් තරග පැවැත්වෙන සත්කාරක නගර හතරේ (ඩලස්, ඇට්ලන්ටා, මියාමි, සහ නිව්යෝර්ක්/නිව් ජර්සි) නම් එහි සටහන් කර ඇති අතර, අනෙකුත් මුල් සත්කාරක නගර 12 ද ත්‍රිකෝණාකාර හැඩතල ඔස්සේ අලංකාර ලෙස මෙයට එක් කර ඇත.

• Technology : මෙම අලංකාර පන්දුව තුළ, ක්‍රීඩකයන්ගේ ස්ථානගතවීම් සහ පන්දුවේ ගමන් මග පිළිබඳ දත්ත ක්ෂණිකව VAR වෙත ලබා දෙන Connected Ball Technology තාක්ෂණය අඩංගු කර ඇත. එමගින් ඕෆ්සයිඩ් (offside) සහ සීමා ඉරි ආශ්‍රිත තීරණ අතිශය නිවැරදිව ලබාගත හැක.

එය ආකර්ෂණීයයි, අලංකාරයි, වගේම ලෝකයේ විශාලතම ක්‍රීඩා වේදිකාව ජය ගැනීමට දැන් සූදානම්!

ඔබ මේ අලුත් පන්දු නිර්මාණය ගැන මොකද හිතන්නේ? පහළින් කමෙන්ට් කරන්න! 👇⚽

14/07/2026

🇦🇷 🏴󠁧󠁢󠁥󠁮󠁧󠁿 ආර්ජන්ටිනාව සහ එංගලන්තය අතර තරගය සඳහා ඇමරිකානු ජාතික විනිසුරු ඉස්මයිල් එල්ෆාත් (Ismail Elfath) පත් කිරීම එංගලන්ත මාධ්‍ය තුළ දැඩි කතාබහක් මතු කර තිබේ.

🗞️ ඩේලි මේල් (Daily Mail): “ලෝක කුසලාන තරගාවලිය කලින් සැලසුම් කරන ලද (rigged) එකක් බවට මත පළ වුවද, ලියොනෙල් මෙසීට ඔහුගේ ප්‍රියතම විනිසුරුවරයා අවසන් පූර්ව තරගයේදී ලැබෙනු ඇත.”

🗞️ ද සන් (The Sun): “ෆිෆා (FIFA) ආයතනය විසින් තෝරාගෙන තිබෙන්නේ ලියොනෙල් මෙසීගේ ජීවිතයේ වැදගත්ම මොහොතක විනිසුරු ලෙස කටයුතු කළ පුද්ගලයායි.”

🗞️ ඩේලි මිරර් (Daily Mirror): “විනිසුරුවරයා තහවුරු කර අවසන්... ආර්ජන්ටිනාවට අවශ්‍ය දේ ලැබී තිබේ.”

මෙම විවාදය තවත් උණුසුම් කරනුයේ, ඉස්මයිල් එල්ෆාත් විනිසුරු ලෙස කටයුතු කළ, ලියොනෙල් මෙසීගේ 'ඉන්ටර් මියාමි' (Inter Miami) කණ්ඩායම ක්‍රීඩා කළ සෑම තරගයක්ම ඔවුන් ජයග්‍රහණය කර තිබීම නිසාය. එයට ඔවුන් ජය ගත් Cup final එකද ඇතුළත්ය. 👀

14/07/2026

🏆 2026 ලෝක කුසලාන අවසන් මහා තරඟය පැවැත්වෙන ක්‍රීඩාංගණයේ සැබෑ තණකොළ කැබලි ඇමරිකානු ඩොලර් 450 බැගින් විකිණීමට FIFA ආයතනය කටයුතු කරමින් සිටී.

නිව් ජර්සි හි මෙට්ලයිෆ් (MetLife) ක්‍රීඩාංගණයෙන් 🏟️ ලබාගන්නා සෑම තණකොළ කැබැල්ලක්ම, ඇක්‍රිලික් ප්‍රදර්ශන පෙට්ටියක (acrylic display case) බහා සුරක්ෂිතව ලැබෙන අතර, එහි විශ්වසනීයත්වය තහවුරු කරන වීඩියෝවක් ඇතුළත් USB ධාවකයක් ද (USB stick) ඊට ඇතුළත් වේ.

කෙසේ වෙතත්, මෙම තණකොළ කැබලි 🪴 පාරිභෝගිකයන් වෙත ලබාදීම සිදුවන්නේ ලෝක කුසලාන අවසන් මහා තරඟයෙන් පසුවය.

මේ අතර, නිල ලෝක කුසලාන ප්‍රවේශ පත්‍රයක 🎟️ මිල ඇමරිකානු ඩොලර් 60 කින් ආරම්භ වන අතර, ප්‍රමුඛ පෙළේ (premium) ආසන සඳහා එය ඩොලර් 7,380 සීමාව ඉක්මවා යයි. එමෙන්ම, නැවත විකුණුම් වෙළඳපොළෙහි (resale markets) මෙහි මිල ගණන් ඩොලර් 11,000 ඉක්මවා ඉහළ යා හැකිය.

14/07/2026

මහත් ආන්දෝලනයකට තුඩු දුන් ප්‍රංශ ජාතික විනිසුරු ෆ්‍රැන්සුවා ලෙටෙක්සියර් (François Letexier) ලෝක කුසලාන තරඟාවලියෙන් ඉවත් කර ඇත.

ඊජිප්තු 🇪🇬 කණ්ඩායම විසින් ලබා ගත් ගෝලයක් disallow කිරීම, Penalty අවස්ථාවක් ලබා නොදීම ආදී සිදුවීම් කීපයක් සම්බන්ධයෙන් ඔවුන් චෝදනා කිරීමත් සමඟ, ආර්ජන්ටිනාව සහ ඊජිප්තුව අතර පැවැති තරඟයෙන් පසුව ලෙටෙක්සියර්ගේ තීරණ පිළිබඳව ලොව පුරා මහත් ආන්දෝලනයක් ඇති විය.

ප්‍රංශය තවමත් තරඟාවලියේ රැඳී සිටින බැවින්, Conflict of interest තත්ත්වයක් පවතින බව පවසමින් ෆීෆා ආයතනය නිල වශයෙන් මෙම ඉවත් කිරීමේ තීරණය සාධාරණීකරණය කළේය.

කෙසේ වෙතත්, මෙම විනිසුරුවරයාව තරඟාවලියෙන් ඉවත් කිරීමට තමන්ගේ සම්මේලනය විසින් එල්ල කරන ලද දැඩි බලපෑම ප්‍රධාන හේතුව වූ බව ඊජිප්තුව පාර්ශවයෙන් ප්‍රකාශ කර සිටියි.

13/07/2026

🇵🇹 ක්‍රිස්ටියානෝ රොනාල්ඩෝ පෘතුගාල ජාතික කණ්ඩායම සඳහා ඔහුගේ සැලසුම් තුළ සිටින බව නව පෘතුගාල පුහුණුකරු ජෝර්ජි ජීසස් (Jorge Jesus) තහවුරු කරයි.

"ඔහු පෘතුගීසි පාපන්දු ක්‍රීඩාවේ සංකේතයක්."

"ජාතික කණ්ඩායමටවත්, මටවත්, ඔහු ක්‍රීඩා කිරීම කිසිවිටෙකත් ප්‍රශ්නයක් වෙන්නේ නැහැ නැහැ. පසුගිය වසරේ ඔහු සමඟ වැඩ කිරීමට ලැබීම මට විශාල සතුටක් ගෙන දුන්නා, ඔහු සමඟ වැඩ කිරීම ඉතා පහසුයි." යනුවෙන් ඔහු තවදුරටත් පැවසීය.

ඒ අනුව බොහෝවිට අපට රොනාල්ඩෝව 2030 ලෝක කුසලානය 🏆 තුලත් දැක ගනීමට හැකිවනු ඇත.

13/07/2026

🇳🇴 නෝර්වේ ක්‍රීඩක සෝර්ලොත්ට (Sørloth) මරණ තර්ජන!

2026 ලෝක කුසලාන පාපන්දු තරඟාවලියේ නෝර්වේ සහ එංගලන්තය අතර පැවති තීරණාත්මක අර්ධ අවසන් පූර්ව තරඟය උඩුයටිකුරු කළ සිදුවීමක් නිසා ඇලෙක්සැන්ඩර් සෝර්ලොත් (Alexander Sørloth) මේ වන විට දැඩි අර්බුදයකට මුහුණ දී සිටිනවා.

නෝර්වේ කණ්ඩායම 1-0ක් ලෙස පෙරමුණේ සිටියදී, සෝර්ලොත් සහ සුපිරි ක්‍රීඩක එර්ලින් හාර්ලන්ඩ්ට (Erling Haaland) 2-0ක් ලෙස ලකුණු තත්ත්වය ඉහළ නංවා ගැනීමට රන්වන් අවස්ථාවක් ලැබුණා. නමුත් සෝර්ලොත්, හාර්ලන්ඩ්ට පන්දුව පාස් කිරීම වෙනුවට තනිවම පහරක් එල්ල කිරීමට උත්සාහ කළ අතර එය එංගලන්ත ආරක්ෂක ක්‍රීඩක ජෝන් ස්ටෝන්ස් (John Stone) විසින් ව්‍යර්ථ කරනු ලැබුවා.

මෙම අවස්ථාව අහිමි වීමෙන් පසු නැවතත් තරඟයට අවතීර්ණ වූ එංගලන්තය, ජූඩ් බෙලින්හැම්ගේ (Jude Bellingham) සුපිරි දක්ෂතාවයෙන් තරඟය 2-1ක් ලෙස ජයග්‍රහණය කළා.

මෙම පරාජයෙන් පසු කෝපයට පත් පාපන්දු ලෝලීන් ඇට්ලෙටිකෝ මැඩ්රිඩ් (Athletico Madrid) කණ්ඩායමේ ද ක්‍රීඩා කරන සෝර්ලොත්ට එරෙහිව දැඩි වෛරී ප්‍රකාශ සහ "උඹ මැරෙනවා" වැනි දරුණු මරණ තර්ජන පවා සමාජ මාධ්‍ය හරහා එල්ල කරමින් සිටිනවා.

මෙම තත්ත්වය හෙළා දකිමින් ඔහුගේ පෙම්වතිය වන ලීනා සෙල්නාස් (Lena Selnas) ප්‍රකාශ කළේ, පාපන්දු ක්‍රීඩාව සතුට මෙන්ම මෙවැනි දරුණු වෛරයකුත් රැගෙන එන බවත්, මෙවැනි මාරාන්තික කමෙන්ට් හමුවේ නිශ්ශබ්දව සිටිය නොහැකි බවත්ය. මේ අතර, ක්‍රීඩකයින්ගේ මානසික නිදහස වෙනුවෙන් වහාම සමාජ මාධ්‍යවලින් ඈත් වී සිටින ලෙස නෝර්වේ පුහුණුකරු ස්ටාලේ සොල්බැකන් (Stale Solbakken) ද සියලුම ක්‍රීඩකයින්ගෙන් ඉල්ලා තිබෙනවා.

13/07/2026

🚨💣 ලෝක කුසලානයේ දැවැන්තම මතභේදාත්මක තීරණය කමිටු අනුමැතියකින් තොරවම ක්‍රියාත්මක වෙයි!

FIFA විනය කමිටුවේ (Disciplinary Committee) සභාපති මොහොමඩ් අල් කමාලි (Mohammad Al Kamali) එහි සෙසු සාමාජිකයින් 17 දෙනාගෙන් කිසිදු විමසීමකින් තොරව ගත් ඒකපාර්ශ්වික තීරණයක් මත, ඇමරිකානු ක්‍රීඩක ෆොලරින් බැලොගුන්ගේ (Folarin Balogun) තරඟ තහනම කල් දමා ඇති බව හෙලිවී වී ඇත.

මෙම මතභේදාත්මක තත්ත්වය උත්සන්න වූයේ, අදාළ ඇමරිකානු ක්‍රීඩකයා තරඟවලින් ඉවත් කිරීම පිළිබඳව සාකච්ඡා කිරීමට තමන් ජියානි ඉන්ෆැන්ටිනෝ (Gianni Infantino) වෙත දුරකථන ඇමතුමක් 📞 ලබා දුන් බව ඩොනල්ඩ් ට්‍රම්ප් ප්‍රසිද්ධියේ අනාවරණය කිරීමත් සමඟය.

ද ටයිම්ස් (The Times) පුවත්පතට අනුව, යුරෝපීය පාපන්දු සම්මේලනය (UEFA) මෙම තීරණය හඳුන්වා දී ඇත්තේ "කලින් කිසිදා සිදු නොවූ, තේරුම් ගත නොහැකි සහ කිසිසේත්ම සාධාරණීකරණය කළ නොහැකි" ක්‍රියාවක් ලෙසය. 🤯

13/07/2026

⚽️ ලෝක කුසලානයට කණ්ඩායම් 64 ක්?! දැවැන්ත වෙනසක් සිදුවීමට නියමිතයි!

පාපන්දු ලෝකයේ විශාලතම සැණකෙළිය තවත් දැවැන්ත වීමට සූදානම් වන බවක් පෙනෙන්නට තිබේ! 2030 ලෝක කුසලාන තරඟාවලියට පෙර, දැනට පවතින කණ්ඩායම් 48 ක ආකෘතිය, කණ්ඩායම් 64 ක් දක්වා තවදුරටත් පුළුල් කිරීම පිළිබඳව අදාළ කමිටු මඟින් සොයා බලන බව ෆීෆා (FIFA) සභාපති ජියානි ඉන්ෆැන්ටිනෝ (Gianni Infantino) නිල වශයෙන් තහවුරු කර තිබෙනවා.

"සෑම රටකටම ලෝක කුසලානයට සහභාගී වීමේ සිහිනය දැකීමට ඉඩ දිය යුතුයි," යනුවෙන් පවසමින් ඉන්ෆැන්ටිනෝ පෙන්වා දුන්නේ ලෝක පාපන්දු ක්‍රීඩාව වඩාත් ඇතුළත් (inclusive) එකක් බවට පත් කිරීමට සහ කුඩා රටවලට උපරිම දිරිගැන්වීමක් ලබා දීමට මෙමඟින් විශාල තල්ලුවක් ලැබෙන බවයි.

🗺️ මෙමගින් එක් එක් මහාද්වීපයට අවස්ථාව ලැබෙන්නේ කෙසේද?

මෙම යෝජනාව සම්මත වුවහොත්, තරඟාවලිය කණ්ඩායම් 64 ක් දක්වා පුළුල් කිරීමත් සමඟ සෑම මහාද්වීපයකටම හිමිවන සුදුසුකම් ලැබීමේ අවස්ථා ගණන (slots) කැපී පෙනෙන ලෙස ඉහළ යනු ඇත.

ඒ අනුව, දැනට පවතින කණ්ඩායම් 48 ආකෘතිය යටතේ හිමිවන අවස්ථා සහ නව කණ්ඩායම් 64 ආකෘතිය යටතේ එක් එක් මහාද්වීපයට ලැබිය හැකි නව අවස්ථා පිළිබඳ තොරතුරු පහත පරිදි වේ:

• යුරෝපයට (UEFA) දැනට පවතින අවස්ථා 16 ක ප්‍රමාණය, නව ක්‍රමය යටතේ 20 ත් 22 ත් අතර දක්වා වැඩි විය හැක.

• අප්‍රිකාවට (CAF) දැනට පවතින අවස්ථා 9.5 ක ප්‍රමාණය (අන්තර් මහාද්වීපික ප්ලේ-ඕෆ් ඇතුළුව), 12 ත් 13 ත් අතර දක්වා ඉහළ යා හැක.

• ආසියාවට (AFC) දැනට හිමි අවස්ථා 8.5 ක ප්‍රමාණය, 11 ත් 12 ත් අතර දක්වා වර්ධනය විය හැක.

• උතුරු සහ මධ්‍යම ඇමරිකාවට (CONCACAF) මෙන්ම දකුණු ඇමරිකාවටත් (CONMEBOL) දැනට පවතින අවස්ථා 6.5 බැගින් වූ ප්‍රමාණය, 8 ත් 9 ත් අතර දක්වා වැඩි වීමට ඉඩ ඇත.

• ඕෂනියාවට (OFC) දැනට හිමි 1 ක අවස්ථාව, 1 ත් 2 ත් අතර මට්ටමක් දක්වා ඉහළ යාමට ඉඩ තිබේ.

🏟️ මේ හදිසි වෙනසට හේතුව කුමක්ද?

වැඩි රටවල් ප්‍රමාණයකට අවස්ථාව දීමට අමතරව, කණ්ඩායම් 64 ක තරඟාවලියක් මඟින් තරඟාවලි ආකෘතිය වඩාත් සරල සහ පැහැදිලි එකක් බවට පත් කරනු ඇත. කණ්ඩායම් 64 ක් වූ විට කණ්ඩායම් 4 බැගින් සමන්විත කාණ්ඩ (groups) 16 ක් නිර්මාණය වන අතර, එක් එක් කාණ්ඩයේ පෙරමුණ ගන්නා කණ්ඩායම් 2 බැගින් සෘජුවම 'Round of 32' (කණ්ඩායම් 32 ක වටය) පිළිමළුන් පිටුදැකීමේ වටයට සුදුසුකම් ලබයි. එවිට "හොඳම තුන්වන ස්ථාන" (Best 3rd placed) තේරීමට සිදුවන සංකීර්ණ ගණනය කිරීම් අවශ්‍ය නොවේ!

ඔබ මොකද හිතන්නේ? 🤔 කණ්ඩායම් 64 ක ලෝක කුසලානයක් කියන්නේ පාපන්දු ක්‍රීඩාව ලෝකය පුරා ව්‍යාප්ත කරන්න ලැබුණු හොඳ අවස්ථාවක්ද? නැත්නම් තරඟාවලිය ඕනෑවට වඩා තදබද වීමක්ද?
මෙහෙම ගියොත් ලංකාවටත් ලෝක කුසලාන වරම් හිමි වෙන දවස වැඩි ඈතක නෙවෙයි..

12/07/2026

ඔයාලා අද Instagram ගියොත් දැකගන්න ලැබෙයි Norwegian Air ගිණුම පුරාම බ්‍රිතාන්‍ය කොඩිය සහ ලෝගෝ එක තියෙනවා. ඒකට හේතුව තමයි ඔවුන් ලෝක කුසලාන තරඟාවලියේදී British Airways සමාගම සමඟ දාපු සුපිරි ඔට්ටුවකින් පැරදීම!

British Airways කියන්නේ එක්සත් රාජධානියේ ප්‍රධානතම ජාතික ගුවන් සමාගමයි. Norwegian Air කියන්නේ ස්කැන්ඩිනේවියාවේ දෙවැනි විශාලතම සහ නෝර්වේ රටේ ප්‍රධානතම ගුවන් සමාගමයි. එකම ගුවන් මාර්ගවල තරඟ වදින, එකම සාගර හරහා පියාසර කරන මේ ගුවන් දැවැන්තයන් දෙන්නාට එකිනෙකාට වෛර කරන්න තවත් අමතර හේතුවක් හම්බ වුනා: ඒ තමයි ඔවුන්ගේ ජාතික කණ්ඩායම් දෙක ලෝක කුසලාන අර්ධ අවසන් පූර්ව තරඟයකදී ක්‍රීඩා කිරීම.

Norwegian Air සමාගම මේ අවස්ථාවෙන් ප්‍රයෝජන ගන්න මුලින්ම අභියෝගයක් එල්ල කළා.

"නෝර්වේ දිනුවොත්, ඔයාලට සිද්ධ වෙනවා එක දවසකට අපේ ලෝගෝ එක දාගන්න. පැරදුණොත් අනෙක් පැත්ත. එකඟද?"

British Airways සමාගමද එයින් පස්සට ගියේ නැහැ: "බය වුණාද? ඒක වෙන්නේ නැති වැඩක් (Nor-way) මචං."

කෙසේ හෝ ලොකු සටනකින් පස්සේ එංගලන්තය 2-1ක් විදිහට තරඟය ජයග්‍රහණය කළා. 🏴󠁧󠁢󠁥󠁮󠁧󠁿

කීව වචනය ඒ විදිහටම රකිමින්, Norwegian Air සමාගම තමන්ගේ ලෝගෝ එක වෙනුවට British Airways ලෝගෝ එක දාලා මෙන්න මෙහෙම සටහනක් තබා තිබුණා:

"අපේ තරඟය ඉවර වුණත්... අපි එංගලන්තයට වගේම British Airways සමාගමට ඉදිරි තරඟ සඳහා සුබ පතනවා!"

ඊට පිළිතුරු දෙමින් British Airways සමාගම කියා සිටියේ:

"මිනිත්තු 90කට ප්‍රතිවාදීන් වුණත්, අපි හැමදාමත් යහළුවන්" කියලායි.

ලොකු සමාගම් වුණත් මේ වගේ විනෝදජනක දේවල් කරන එක ඇත්තටම අගය කරන්න ඕනේ! 👏

12/07/2026

🚨 නෝර්වේ සහ එංගලන්තය අතර තරඟයේදී ලොව පුරා දැඩි ආන්දෝලනයක්!

එංගලන්තයේ පළමු ගෝලය වලංගු නොවන එකක් වීමට ඉඩ තිබුණි.

📹 ගෝලය වාර්තා වීමට පෙර අවස්ථාවේදී (Build up), පන්දුව, තරඟය විකාශනය සඳහා බාවිතා කරන Spider කැමරාවක වැදුණි. ෆීෆා (FIFA) රීතිවලට අනුව, බාහිර බලපෑමක් තරඟයට බාධා කරන විට විනිසුරුවරයා විසින් තරඟය නවත්වා 'ඩ්‍රොප් බෝල්' (drop ball) එකක් මගින් එය නැවත ආරම්භ කළ යුතුය.

❌ නමුත් එයින් කිසිවක් සිදු වූයේ නැත.
❌ VAR තාක්ෂණය ද මේ සඳහා මැදිහත් වූයේ නැත.
❌ නෝර්වේ ක්‍රීඩකයින් සහ පුහුණුකාරීත්වය වහාම මෙයට සිය විරෝධය පළ කළහ.

මහත් ආන්දෝලනයකට තුඩු දුන් මෙම සිදුවීමත් සමඟම එංගලන්තය අවසානයේ ගෝලයක් ලබා ගනිමින් තරඟයේ පෙරමුණ ගැනීමට සමත් විය.

මෙම ගෝලය අවලංගු කළ යුතුව තිබුණාද? ඔබේ අදහස මොකද්ද ?🤯🏴󠁧󠁢󠁥󠁮󠁧󠁿🇳🇴

Football Wire

14/07/2026

14/07/2026

14/07/2026

14/07/2026

13/07/2026

13/07/2026

13/07/2026

13/07/2026

12/07/2026

12/07/2026

Address

Website

Alerts

Shortcuts

Share

Category