Muslim Voice - முஸ்லிம் வொய்ஸ், maradana, Colombo (2025)

22/11/2025

(வாய் நாற்றமடிக்கிறதா..? காலையில் வெறும் வயிற்றில் இப்படி செய்யுங்க..!)

சிலருக்கு வாய் துர்நாற்றத்தின் காரணமாக பிறரிடம் பேசக்கூடக் கூச்சப்படுவர். தர்மசங்கடம் காரணமாக யாருடனும் சகஜமாகப் பழகுவதற்கு சிரமப்படுவார்கள். அவர்களுக்கு கைநிறைந்த பலனை சில கை வைத்திய முறைகள் தருகின்றன.

வாய் நாற்றம் உள்ளவர்கள, தினமும் காலையில் வெறும் வயிற்றில் 3 டம்ளர் நீரைத் குடித்துவிட்டு, எலுமிச்சம் பழச்சாறு கலந்த தண்ணீரால் வாய் கொப்பளித்து வாய் நாற்றம் நீங்கும்.

கிச்சலிக் கிழங்கைக் காயவைத்துப் பொடியாக்கி, வாய் நாற்றம் உள்ள சமயங்களில் அரை சிட்டிகைப் பொடியை வாயில் போட்டு கொப்பளித்தால் வாய் நாற்றம் போகும்.

அகத்திக் கீரை, மணத்தக்காளிக் கீரைகள் அடிக்கடி உணவில் சேர்த்துக்கொண்டால் வாய் நாற்றம் என்ற பிரச்னையே வராது.

http://muslimvoice.lk/?p=6285

20/11/2025

"தாதியர் சீருடையில் மாற்றம் இல்லை"

தாதியர் அதிகாரிகளின் சீருடையை மாற்றுவதற்கு அரசாங்கம் எந்த முடிவும் எடுக்கவில்லை என்று சுகாதார அமைச்சர் நளிந்த ஜயதிஸ்ஸ இன்று தெரிவித்தார்.

சுகாதாரத் துறை தொழில்களின் சீருடை தொடர்பான எந்தவொரு முடிவும் சுகாதார சேவைகள் பணிப்பாளர் நாயகம் தலைமையிலான குழுவால் எடுக்கப்படும் என்று அவர் பாராளுமன்றத்தில் தெரிவித்தார்.

பாராளுமன்ற உறுப்பினர் எம்.எல்.ஏ.எம்.ஹிஸ்புல்லா எழுப்பிய கேள்விக்கு பதிலளித்த அமைச்சர், சுகாதாரத் துறையில் உள்ள எந்தவொரு நிபுணரோ அல்லது வேறு எவரேனும் ஒரு சுகாதாரத் துறை தொழிலின் சீருடையை மாற்றுவது அவசியம் என்று கருதினால், அந்தக் குழுவிடம் ஒரு முன்மொழிவை முன்வைக்க வேண்டும் என்றும், சீருடையை மாற்றுவதன் முக்கியத்துவம் மற்றும் நடைமுறை சூழ்நிலையை பரிசீலித்த பிறகு குழு ஒரு முடிவை எடுக்கும் என்றும் கூறினார்.

http://muslimvoice.lk/?p=42674

20/11/2025

மாணவர்களிடையே புகைபிடிப்பது அதிகரிப்பு

பாடசாலை மாணவர்களிடையே புகைபிடிப்பது அதிகரித்து வருவதாக சுவாச மருத்துவர் ஆலோசகர் டாக்டர் துமிந்த யசரத்ன தெரிவித்தார்.

ஊடக சந்திப்பில் பேசிய டாக்டர் யசரத்ன, கணிசமான எண்ணிக்கையிலான மாணவர்கள் 14 அல்லது 15 வயதிலேயே சிகரெட்டுகளைப் பரிசோதிக்கத் தொடங்குகிறார்கள் என்றார்.

இவ்வளவு இளம் வயதிலேயே புகைபிடிப்பது நீண்டகால சுவாச ஆரோக்கியத்திற்கு கடுமையான ஆபத்தை ஏற்படுத்துகிறது, இது நுரையீரல் தொடர்பான நோய்களின் ஆரம்பகால தொடக்கத்திற்கு பங்களிக்கிறது என்று அவர் எச்சரித்தார்.

எனவே, பெற்றோர்கள் தங்கள் குழந்தைகளில் நடத்தை மாற்றங்கள் குறித்து விழிப்புடன் இருக்க வேண்டும் என்று டாக்டர் யசரத்ன வலியுறுத்தினார்.

பெற்றோர்கள் தங்கள் குழந்தைகளுடன் திறந்த தொடர்பைப் பேண வேண்டும் மற்றும் புகையிலை பயன்பாட்டின் ஆபத்துகள் குறித்து வழிகாட்டுதலை வழங்க வேண்டும் என்று அவர் கூறினார்.

சமூக அழுத்தங்களுக்கு ஆளாவதும் புகைபிடித்தல் பற்றிய தவறான உள்ளடக்கமும் பரிசோதனையை ஊக்குவிக்கும் என்பதால், குடும்பங்கள் தங்கள் குழந்தைகளின் சக குழுக்கள் மற்றும் ஆன்லைன் தாக்கங்களை கண்காணிக்க வேண்டியதன் அவசியத்தை அவர் மேலும் வலியுறுத்தினார்.

http://muslimvoice.lk/?p=42671

20/11/2025

ICU நோயாளி, வைத்தியசாலைக்கு முன்பாக சடலமாக மீட்பு

காலி வைத்தியசாலையின் பிரதான நுழைவாயில் முன்பாக நபர் ஒருவரின் சடலம் வியாழக்கிழமை (20) அதிகாலை மீட்கப்பட்டுள்ளது.

குறித்த நபர் அவசர சிகிச்சை பிரிவில் சிகிச்சைப்பெற்று வந்தவர் என தெரியவந்துள்ளதுடன் இது தொடர்பான விசாரணைகளை காலி பொலிஸார் முன்னெடுத்துள்ளனர்.

http://muslimvoice.lk/?p=42668

20/11/2025

யட்டியந்தோட்டை பட்ஜெட் தோற்றது

யட்டியந்தோட்ட பிரதேச சபையின், 2026 ஆம் ஆண்டுக்கான வரவு- செலவுத் திட்டம் நான்கு வாக்குகளால் வியாழக்கிழமை (20) தோற்கடிக்கப்பட்டது.

தவிசாளர் மற்றும் சுயேச்சை உறுப்பினர் சூரிய குமார் சுமித்ரன் உட்பட 12 தேசிய மக்கள் சக்தி உறுப்பினர்கள் பட்ஜெட் முன்மொழிவுக்கு ஆதரவாக வாக்களித்தனர்,

அதே நேரத்தில் ஐக்கிய மக்கள் சக்தி, ஜனநாயக மக்கள் முன்னணி, ஐக்கிய தேசியக் கட்சி, ஸ்ரீலங்கா பொதுஜன பெரமுன, பொதுஜன எக்சத் பெரமுன மற்றும் சர்வ ஜன பலய கட்சியை பிரதிநிதித்துவப்படுத்தும் உறுப்பினர்கள் அதற்கு எதிராக வாக்களித்தனர்.

வரவு- செலவுத் திட்ட முன்மொழிவை தவிசாளர் (தேசிய மக்கள் சக்தி), வழக்கறிஞர் தரிந்து தேவகுருவால் பொதுச் சபைக்குக் கொண்டு வந்தார், அதே நேரத்தில் ஐக்கிய மக்கள் சக்தியின் லசித தியகல மற்றும் சர்வ ஜன பலய கட்சியின் லால் நிஷாந்த, சர்வ ஜன பலய கட்சியின் உறுப்பினர்கள் சாந்த மல்லவா ஆகியோர் வரவு- செலவுத் திட்டத்திற்கு வாக்கெடுப்பு தேவை என்று கூறினர்.

அதன்படி, நடத்தப்பட்ட வாக்கெடுப்பில், 2026 வரவு- செலவுத் திட்ட வரைவுக்கு ஆதரவாக பதின்மூன்று வாக்குகளும் எதிராக பதினேழு வாக்குகளும் பெறப்பட்டன.

http://muslimvoice.lk/?p=42665

20/11/2025

அவுஸ்திரேலியாவை வீழ்த்துமா இங்கிலாந்து?

அவுஸ்திரேலிய, இங்கிலாந்து அணிகளுக்கிடையிலான ஆஷஸ் தொடரானது பேர்த்தில் நாளை காலை 7.50 மணிக்கு ஆரம்பமாகவுள்ள முதலாவது போட்டியுடன் ஆரம்பிக்கின்றது.

ஐந்து போட்டிகள் கொண்ட இத்தொடரின் இம்முதலாவது போட்டியில் காயம் காரணமாக அவுஸ்திரேலியாவின் அணித்தலைவர் பற் கமின்ஸ் மற்றும் சிரேஷ்ட வேகப்பந்துவீச்சாளர் ஜொஷ் ஹேசில்வூட் இல்லாதபோதும் அவுஸ்திரேலியாவை வீழ்த்துவதற்கு மிகப் பெரும் கூட்டுப் பெறுபேற்றொன்றை இங்கிலாந்து வெளிப்படுத்த வேண்டியுள்ளது.

இங்கிலாந்தின் அணித்தலைவர் பென் ஸ்டோக்ஸிடமிருந்து சகலதுறைப் பெறுபேறுகள் எதிர்பார்க்கப்படுவதுடன், சிரேஷ்ட வீரர் ஜோ றூட்டிடமிருந்தும் பெரிய இனிங்ஸ்கள் எதிர்பார்க்கப்படுகின்றன.

அநேகமாக ஜொஃப்ரா ஆர்ச்சர், குஸ் அட்கின்ஸன், மார்க் வூட், பென் கார்ஸ் என்ற நான்கு பேர் கொண்ட வேகப்பந்துவீச்சுக் கூட்டணியுடனே வேகப்பந்துவீச்சுக்கு சாதகமானதாக இருக்குமென நம்பப்படும் பேர்த்தில் இங்கிலாந்து களமிறங்குமென எதிர்பார்க்கப்படுகின்றது.

மறுபக்கமாக அவுஸ்திரேலியாவில் உஸ்மான் கவாஜாவின் போர்மும் உற்று நோக்கப்படுவதுடன், இப்போட்டியில் ஜேக் வெதர்லான்ட் அறிமுகத்தை மேற்கொள்கின்ற நிலையில் எதிர்வரும் போட்டிகளில் முன்வரிசையில் மிற்செல் மாஷ் களமிறங்கக்கூடிய வாய்ப்புகளும் காணப்படுகின்றன.

உள்ளூர்ப் போட்டிகளில் பிரகாசித்த பிரெண்டன் டொக்கெட்டும் அறிமுகத்தை மேற்கொள்கின்ற நிலையில் கமின்ஸ், ஹேசில்வூட்டை மிற்செல் ஸ்டார்க், ஸ்கொட் போலண்டை உள்ளடக்கிய அவுஸ்திரேலிய வேகப்பந்துவீச்சுக் கூட்டணியானது பெரும்பாலும் தவறவிடாதென நம்ப்படுகின்றது.

http://muslimvoice.lk/?p=42662

20/11/2025

476 ஓட்டங்களைப் பெற்ற பங்களாதேஷ்

அயர்லாந்துக்கெதிரான இரண்டு போட்டிகள் கொண்ட டெஸ்ட் தொடரில், மிர்ப்பூரில் புதன்கிழமை (19) ஆரம்பித்த இரண்டாவது டெஸ்டில் முதலில் துடுப்பெடுத்தாடிய பங்களாதேஷ், தமது முதலாவது இனிங்ஸில் சகல விக்கெட்டுகளையும் இழந்து 476 ஓட்டங்களைப் பெற்றது.

லிட்டன் தாஸ் 128, முஷ்பிக்கூர் ரஹீம் 106, மொமினுல் ஹக் 63, மெஹிடி ஹஸன் மிராஸ் 47, ஷட்மன் இஸ்லாம் 35, மஹ்முடுல் ஹஸன் ஜோய் 34 ஓட்டங்களைப் பெற்றனர். பந்துவீச்சில்,

http://muslimvoice.lk/?p=42659

20/11/2025

ஜப்பான் துறைமுகத்தில் திடீர் தீ: 170 கட்டிடங்கள் எரிந்து நாசம்

ஜப்பானின் தென்மேற்கு ஒய்டா மாகாணத்தில் சகனோஸ்கி நகரம் உள்ளது. கடற்கரை நகரமான இங்கிருந்து பிடிக்கப்படும் சாளை வகை மீன்கள் வெளிநாடுகளுக்கு ஏற்றுமதி செய்யப்படுகிறது.

இதற்காக துறைமுகம் அமைத்தும், மீன்களை உறைய வைக்க, பதப்படுத்த கிடங்குகள் கட்டப்பட்டு பராமரிக்கப்பட்டு வருகின்றன.

இந்நிலையில் இந்த துறைமுகத்தில் நேற்று திடீரென தீவிபத்து ஏற்பட்டது. மளமளவென பற்றி எரிந்த தீ, மற்ற கட்டிடங்களுக்கும் வேகமாகப் பரவி அருகே உள்ள மீனவர்களின் வீடுகளுக்கும் பரவியது.

இதுகுறித்து தகவல் அறிந்த தீயணைப்பு வீரர்கள் வாகனங்கள் மற்றும் ஹெலிகாப்டர்களில் வந்து தீயை அணைக்க போராடினர். நீண்ட நேரத்திற்கு பிறகு துறைமுகத்தில் பரவிய தீ அணைக்கப்பட்டது.

இந்த தீவிபத்தில் 170 கட்டிடங்கள் தீயில் எரிந்து நாசமாயின. இந்த விபத்தில் ஒருவர் உயிரிழந்தார்.

http://muslimvoice.lk/?p=42656

20/11/2025

மகனுக்காக உயிரை விட்ட தந்தை - இலங்கையில் உணர்வுபூர்வமான சம்பவம்

மிஹிந்தலையில் மகனை காப்பாற்ற உயிரை விட்ட தந்தை தொடர்பில் செய்தி வெளியாகியுள்ளது.

தனது வீட்டிற்கு அருகில் விளையாடிக் கொண்டிருந்த தனது மகனை காப்பாற்ற ஓடிய தந்தையே குளவி தாக்குதலுக்குள்ளாகி உயிரிழந்துள்ளார்.

உயிரிழந்தவர் மிஹிந்தலை இலுப்புகன்னிய பகுதியைச் சேர்ந்த 51 வயதுடைய ஜகத் நிஷாந்த என பொலிஸார் தெரிவித்துள்ளனர்.

குளவி தாக்குதலில் இருந்து தனது மகனை பாதுகாக்க தந்தை தனது சட்டையைக் கழற்றி தனது மகனை சுற்றிக் கட்டியுள்ளார்.

ஏராளமான குளவி கொட்டுதல்களால் காயமடைந்த தந்தையை உள்ளூர்வாசிகள் மிஹிந்தலை மருத்துவமனைக்கு கொண்டு சென்றனர்.

ஆனால் அவரது உயிரைக் காப்பாற்ற முடியவில்லை. 11 வயது மகன் மேலதிக சிகிச்சைக்காக அனுராதபுரம் போதனா மருத்துவமனைக்கு மாற்றப்பட்டுள்ளார்.

மகனின் தாயார் வெளிநாட்டில் வேலை செய்து வருவதாக தெரிவிக்கப்படுகிறது.

சம்பவம் நடந்த நேரத்தில், மகனும் உயிரிழந்த தந்தையும் மட்டுமே வீட்டில் வசித்து வந்ததாக அந்த பகுதி மக்கள் தெரிவித்துள்ளனர்.

http://muslimvoice.lk/?p=42653

19/11/2025

ரொனால்டோவிற்கு வெள்ளை மாளிகையில் விருந்தளித்த டிரம்ப்

அமெரிக்கா சென்றுள்ள சௌதி இளவரசர் முகமது பின் சல்மான், கால்பந்து வீரர் ரொனால்டோ உள்ளிட்டோருக்கு அதிபர் டொனால்ட் டிரம்ப் வெள்ளை மாளிகையில் விருந்தளித்தார்.

ரியாத் மற்றும் வாஷிங்டன் இடையேயான உறவை மேலும் வலுப்படுத்தும் விதமாக அமெரிக்கா சென்றுள்ள சௌதி அரேபியாவின் பட்டத்து இளவரசர் முகமது பின் சல்மானுக்கு, அமெரிக்க அதிபர் டொனால்ட் டிரம்ப் சிறப்பான வரவேற்பு அளித்தார்.

அங்கு செவ்வாய்க்கிழமை இரவு நடைபெற்ற மிகப் பிரமாண்டமான விருந்து நிகழ்ச்சி ஏற்பாடு செய்யப்பட்டு, அதில் டெஸ்லா நிறுவனர் எலான் மஸ்க், ஆப்பிள் தலைமைச் செயல் இயக்குநர் டிம் குக் உள்ளிட்ட உலகில் உள்ள மிகப்பெரிய தொழிலதிபர்கள், அமெரிக்க துணை அதிபர் ஜே.டி. வான்ஸ் உள்பட முக்கியத் தலைவர்கள் பலர் கலந்து கொண்டனர்.

அவர்களைத் தவிர்த்து ஃபிஃபா தலைவர் கியானி இன்பான்டினோ, செவ்ரான் தலைமை நிர்வாகி மைக் விர்த், பிளாக்ஸ்டோன் இணை நிறுவனர் ஸ்டீபன் ஸ்வார்ஸ்மேன், ஜெனரல் மோட்டார்ஸ் தலைமை நிர்வாகி மேரி பார்ரா, ஃபோர்டு மோட்டார் நிர்வாகத் தலைவர் வில்லியம் கிளே ஃபோர்டு ஜூனியர், டொனால்ட் டிரம்ப் ஜூனியர் உள்ளிட்டோரும் இந்த விருந்தில் கலந்துகொண்டனர்.

விருந்து நிகழ்வுக்கு முன்னதாக அமெரிக்க அதிபர் டிரம்ப் அனைவரின் முன்னிலையில் உரையாற்றிப் பேசும்போது, ஐந்து முறை பாலன் டி’ஓர் விருது வென்ற ரொனால்டோ, இந்த நன்றி தெரிவித்து, “எனது மகன் பாரன் டிரம்ப் ரொனால்டோவின் மிகப்பெரிய ரசிகன். இங்கே விருந்தில் கலந்து கொண்டதற்கு மிக்க நன்றி” எனத் தெரிவித்தார்.

அடுத்தாண்டில் அமெரிக்கா, கனடா, மெக்ஸிகோ உள்ளிட்ட இடங்களில் ஃபிஃபா உலகக் கோப்பை நடைபெறவுள்ளது. இந்தத் தொடர்தான் தனது கடைசி தொடராக இருக்கும் என்று டொனால்டோ தெரிவித்திருந்தார்.

2014 ஆம் ஆண்டு ஆகஸ்ட் மாதத்தில் மிச்சிகன் அன் அர்போரில் நடைபெற்ற மான்செஸ்டருக்கு எதிரான போட்டியில் ரியல் மாட்ரிட் அணியின் மாற்று வீரராக ரொனால்டோ விளையாடியிருந்தார். அதன்பின்னர், தற்போது அமெரிக்காவுக்குப் பயணம் மேற்கொண்டுள்ளார்.

http://muslimvoice.lk/?p=42650

19/11/2025

சிம்பாப்வேயை வென்ற பாகிஸ்தான்

இலங்கை பங்கேற்கும் முத்தரப்பு இருபதுக்கு – 20 சர்வதேசப் போட்டித் தொடரில், ராவல் பின்டியில் செவ்வாய்க்கிழமை (18) நடைபெற்ற சிம்பாப்வேயுடனான போட்டியில் பாகிஸ்தான் வென்றது.

ஸ்கோர் விவரம்:

நாணயச் சுழற்சி: பாகிஸ்தான்

சிம்பாப்வே: 147/8 (20 ஓவ. ) (துடுப்பாட்டம்: பிரயன் பென்னிட் 49 (36), சிகண்டர் ராசா ஆ.இ 34 (24), தடிவனஷே மருமனி 30 (22) ஓட்டங்கள். பந்துவீச்சு: மொஹமட் நவாஸ் 2/22 [4], சல்மான் மிர்ஸா 1/21 [3], அப்ரார் அஹ்மட் 1/28 [4], சைம் அயூப் 1/31 [4], ஷகீன் ஷா அஃப்ரிடி 1/34 [4])

பாகிஸ்தான்: 151/5 (19.2 ஓவ. ) (துடுப்பாட்டம்: பக்கர் ஸமன் 44 (32), உஸ்மான் கான் ஆ.இ 37 (28), சைம் அயூப் 22 (26), மொஹமட் நவாஸ் ஆ.இ 21 (12), சஹிப்ஸடா பர்ஹான் 16 (15) ஓட்டங்கள். பந்துவீச்சு: பிரட் எவான்ஸ் 2/26 [4], கிறேமி கிறீமர் 1/27 [3], தினொடென்டா மபோஸா 1/29 [3.2], றிச்சர்ட் நகரவா 1/31 [4])

போட்டியின் நாயகன்: மொஹமட் நவாஸ்

http://muslimvoice.lk/?p=42647

19/11/2025

வெள்ளத்தில் சிக்கிய மீன் வகைகள்

அம்பாறை மாவட்டத்தில் பருவ மழை காரணமாக அங்குள்ள ஆறு குளம் ஆகியவற்றிலும் கடற்கரை பகுதிகளில் அதிகளவான மீன் இனங்கள் பிடிக்கப்பட்டு விற்பனை செய்யப்படுகின்றன. இம்மாவட்டத்தில் உள்ள கல்முனை கடற்கரை பள்ளிவாசல் பகுதி மற்றும் கிட்டங்கி வீதி, சொறிக் கல்முனை , சேனைக்குடியிருப்பு, நற்பிட்டிமுனை பகுதிகளில் வடிந்தோடும் வெள்ள நீரில் சிறு மீன் முதல் பெரிய மீன்கள் கட்டுவலை மற்றும் எறி வலை மூலம் பிடிக்கப்பட்டு அவ்விடத்தில் விற்பனை செய்யப்படுகின்றன. இவ்வாறு அதிகமாக பிடிக்கப்படும் மீன்களை சமையலுக்காக அவ்விடத்தில் மீனவர்களால் விற்கப்படுவதுடன் மக்கள் ஆர்வமாக கொள்வனவு செய்வதை காண முடிகிறது.தற்போது பெய்யும் மழை காரணமாக நன்னீர் மீன்கள் அதிகளவாக பிடிக்கப்படுகிறது. இதில் கோல்டன் செப்பல், கணையான் ,கொய் கொடுவா, பொட்டியான், வெள்ளையா பொடி, இறால்,நண்டு வகைகள் போன்ற மீன்கள் அதிகளவான விலையில் விற்பனை செய்யப்படுவதுடன் இதர மீன்கள் குறைந்த விலையில் விற்பனையாகிறது.இதனால் நன்னீர் மீன் பிடித்தொழிலில் ஈடுபடும் மீனவர்கள் நல்ல வருமானம் ஈட்டக்கூடிய தாக்க உள்ளதாக தெரிவித்தனர். இதே வேளை பாண்டிருப்பு, சாய்ந்தமருது, நற்பிட்டிமுனை, சம்மாந்துறை, கல்முனை , மீன் சந்தையில் மீன் விற்பனை சூடுபிடித்துள்ளதுடன் மீனவர்கள் பிரதான வீதிகளில் தற்காலிகமாக மீன் விற்பனையில் ஈடுபட்டுள்ளனர்.

http://muslimvoice.lk/?p=42644

Muslim Voice - முஸ்லிம் வொய்ஸ்

22/11/2025

20/11/2025

20/11/2025

20/11/2025

20/11/2025

20/11/2025

20/11/2025

20/11/2025

20/11/2025

19/11/2025

19/11/2025

19/11/2025

Address

Website

Alerts

Contact The Business

Shortcuts

Share

Category