11/08/2026
"මිනිස්සුන්ට ඒ මිනිස්සුන්ගේ ජීවිත ඇතුලේ,
මුදලින් මිල කරන්න බැරි සතුටකින් නිදහසකින්,
තමංගේ ආත්මයම පිරිලා යන කාලයක් හැමෝගෙම,
ජීවිත වලට ලැබෙන්න ඕනේ.."
"තමංගේ වටේ ඉන්න අයගේ ජීවත ඇතුලේ,
වෙන දේවල් හැමදෙයක් දැනගෙන,
ඒ අයගේ පුද්ගලික ජීවිතවලට ඕනවටත් වඩා,
සම්බන්දවෙලා ගෙවන ජීවිතයේ විඩාව දැනුනට පස්සේ,
සමහර මිනිස්සු,
හැමකෙනාගෙම, හැමදේම දැනගන්න එක නතර කරනවා.
මිනිස්සුන්ට මිනිස්සුන්ගේ පාඩුවේ ඉන්න දීලා,
තමං තමංගේ පාඩුවේ ඉන්න පටං ගන්නවා..
ඒ මිනිස්සුන්ගේ හිත් වල හිරවෙලා තිබුනු,
ඕනේ නැති කුනු ටික ටික අයින් වෙලා,
ඒ ආත්ම නිදහස් වෙන්න පටං ගන්නවා.."
"සතුටු හිතෙ, දුක හිතෙන හැමදේම හයියෙන් අල්ලගෙන,
ජීවිතයේ හැමදේම තමංගේ control එකේ තියාගන්න,
උත්සහ කරගෙන,
ජීවිතේ සිද්ධ වෙන්න ඕන හැමදේම,
Plan කරගෙන, බලාපොරොත්තු තියාගෙන,
ගෙවන ජීවිතයේ විඩාව දැනුනට පස්සේ,
සමහර මිනිස්සු,
හැමදේම ඒ මොහොතෙම අත් හරින්න පුරුදු වෙනවා,
ඕනම දෙයක් ඕනෙම වෙලාවක වෙන්න පුලුවං කියන ඇත්ත තේරුම් ගන්නවා..
බලාපොරොත්තු අඩු වෙන්න අඩු වෙන්න,
දැනෙන නිදහස වැඩී කියලා තේරුම් ගන්නවා..
මේ මොහොතේ ජීවත් වෙන්න පටං ගත්තම,
ඒ ආත්ම නිදහස් වෙන්න පටං ගන්නවා.."
"ලෝකේ සිද්ධ වෙන හැමදේටම ප්රතිචාර දක්වගෙන,
ඒ ඒ Situations අනුව තමංගේ Perosonality වෙනස් කරගෙන,
ලෝකේ කියන කියන පදේට නටලා හති වැටුනම,
සමහර මිනිස්සු,
වටපිටාවේ වෙනදේවල් වලට, දෙන Reactions අඩු කරනවා,
අනිත් උන් බනිද්දි තරහ අරං කුලප්පු වෙන්නේ නෑ,
අයිති දෙයක් නැති උනාම අඩන්නේ නෑ,
හොද දෙයක් උනාම සතුටු වෙලා party දන්නේ නෑ..
හැමදෙයක් දිහාම මැද ඉදං බලං,
Discipline තියාගෙන,
තමංගේම කියලා පෞර්ශත්වයක් ගොඩනගාගත්තම,
ඒ ආත්ම නිදහස් වෙන්න පටං ගන්නවා.."
“ලෝකයෙන් සිද්ධ වෙන ආසාධාරනකම්,
වෙනුවෙන් රංඩු කරලා,
යුක්තිය සාධාරණය වෙනුවෙන් සටන් කරලා,
හෙම්බත් උනාම,
සමහර මිනිස්සු,
පලිගන්න එක නතර කරනවා,
අසාධාරණය වෙනුවෙන් රංඩු කරන එක නතර කරනවා,
යුක්තිය හා සාධාරණය ස්වභාධර්මයට භාර දීලා,
ඒ ආත්ම නිදහස් වෙන්න පටං ගන්නවා.."
"හැමෝම තමංගේ වැරදී කියනකොට,
තමංගේ ජීවිතයේ flow එකට ඇගිල්ල දිග්වෙනකොට,
නෑ තමං වැරදි නෑ කියලා ලෝකයට කෑගහලා,
හති වැටුනනම,
සමහර මිනිස්සු,
තමං කවුද, තමං ඇයි මෙහෙම කරන්නේ,
තමං කැමති මේ විදියට,
මං මේ නිසයි මෙහෙම කරේ,
මට මෙහෙම කරන්න උනා..
වගේ විස්තර කිරීම් නතර කරලා දානවා..
ඕන මනුස්සයෙක් ඕන විදියකට හිතපුදෙන් කියලා,
ඒ ආත්ම නිදහස් වෙන්න පටං ගන්නවා.."
“ඒ මිනිස්සුන්ට ඕනේ නෑ,
මානසිකව ලොකු බරක් ඔලුවේ තියාගෙන ජීවත් වෙන්න,
ඒ මිනිස්සු දන්නවා,
ජීවිතය තියෙන්නේ මේ ගෙවෙන තත්පරයේ විතරයි කියලා,
ඉතිං ඒ මිනිස්සුන්ට ඕනේ,
ඒ ගෙවන හැමමොහොතකම,
තමංගේ ආත්මය නිදහස් කරගන්න.."
✨🍃🤍
