Sports1st, Sports 1st, MTV Channel (Pvt) Ltd, MBC Networks (Pvt) Ltd, 45/3, Braybrooke Street, Colombo/02, Colombo (2025)

23/10/2025

නෙත්මිට ලෝකඩ පදක්කමක්

ශ්‍රී ලංකාවේ නෙත්මි ගිම්හානි පුල්ලේ 2025 ආසියානු යොවුන් ක්‍රීඩා උළෙලේ මීටර 1500 බාලිකා ඉසව්වේ ලෝකඩ පදක්කම අද දිනා ගත්තා.

ඇය තරගය අවසන් කළේ මිනිත්තු 4යි තත්පර 52යි දශම 3යි 2ක කාලයකින්.

3 වැනි ආසියානු යොවුන් ක්‍රීඩා උළෙල පැවැත්වෙන්නේ බහරේනයේදීයි.

23/10/2025

ලහිරු අචින්තට රන් පදක්කමක්.

ශ්‍රී ලංකාවේ ලහිරු අචින්ත මෙවර ආසියානු යොවුන් ක්‍රීඩා උළෙලේ මීටර 1500 බාලක ඉසව්වේ රන් පදක්කම දිනා ගත්තා.

ඒ, මිනිත්තු 3යි තත්පර 57යි දශම 4යි 2ක කාලයක් සටහන් කරමින්.

ආසියානු යොවුන් ක්‍රීඩා උළෙලකදී ශ්‍රී ලංකාව දිනූ පළමු රන් පදක්කම මෙයයි.

ක්‍රීඩා උළෙල බහරේනයේදී පැවැත්වෙනවා.

23/10/2025

ශානුක අවසන් මීටර 400 අවසන් තරගයට

ශ්‍රී ලංකාවේ ශානුක කොස්තා මෙවර ආසියානු යොවුන් ක්‍රීඩා උළෙලේ මීටර 400 බාලක ඉසව්වේ අවසන් තරගයට සුදුසුකම් ලබා ගත්තා.

ඒ මූලික වටයේ දෙවැනි තරගයේදී තත්පර 47යි දශම 7යි 9ක දක්ෂතාවක් ප්‍රදර්ශනය කරමින්.

ඔහු සහභාගී වන මීටර 400 බාලක අවසන් තරගය හෙට පැවැත්වීමට නිමිතයි.

ක්‍රීඩා උළෙල බහරේනයේදී පැවැත්වෙනවා.

23/10/2025

සවිඳු තුන් පිම්ම ඉසව්වේ 4 වැනි තැනට

ශ්‍රී ලංකාවේ සවිඳු සුදර්ශක පද්මසිරි 2025 ආසියානු යොවුන් ක්‍රීඩා උළෙලේ තුන් පිම්ම බාලක ඉසව්වේ සිව්වැනි ස්ථානයට පත් වුණා.

ඔහු ප්‍රදර්ශනය කළ දක්ෂතාව මීටර 14යි දශම 1යි 6ක්.

මෙම ඉසව්වේ රන් පදක්කම චීනයට හිමි වූ අතර පිළිවෙලින් උස්බෙකිස්ථානය සහ කසක්ස්ථානය රිදී සහ ලෝකඩ පදක්කම් දිනා ගත්තා.

23/10/2025

ශ්‍රී ලංකා කාන්තා ක්‍රිකට් කණ්ඩායම අද අග්‍රාමාත්‍ය ආචාර්ය හරිනි අමරසූරිය හමු වුණා.

මෙම හමුව සිදු වූයේ අරලියගහ මන්දිරයේදීයි.

එම අවස්ථාවට ක්‍රීඩා නියෝජ්‍ය අමාත්‍ය සුගත් තිලකරත්න මහතාද එක් වුණා.

2025 ලෝක කුසලාන කාන්තා ක්‍රිකට් තරගාවලිය සහ ශ්‍රී ලංකා කණ්ඩායමේ සූදානම පිළිබඳව එහිදී අවධානය යොමු වූ බව තරුණ කටයුතු සහ ක්‍රීඩා අමාත්‍යාංශය නිකුත් කළ මාධ්‍ය නිවේදනයේ සඳහන්.

23/10/2025

ජනිදු මූලික වටයේ තරගය ජය ගනී

ශ්‍රී ලංකාවේ ජනිදු ධනංජය මෙවර ආසියානු යොවුන් ක්‍රීඩා උළෙලේ බොක්සිං කිලෝ ග්‍රෑම් 50 බාලක මූලික වටයේ තරගය අද ජය ගත්තා.

ඒ වට 3ට 2ක් ලෙසයි.

බහරේනයේදී පැවැති තරගයේදී බංග්ලාදේශයේ එම්.ඩී අබ්දුල්ලා පරාජය වුණා.

23/10/2025

2025 ඩුබායි විවෘත ලීග් සවි එසවීමේ තරගාවලියට සහභාගී වූ ශ්‍රී ලංකා ක්‍රීඩකයින් දිවයිනට පැමිණියා.

23/10/2025

තරණි නිර්මිනා ආසියානු යොවුන් ක්‍රීඩා උළෙලේ මීටර 100 අවසන් පූර්ව වටයට

ශ්‍රී ලංකාවේ තරණි නිර්මිනා මෙවර ආසියානු යොවුන් ක්‍රීඩා උළෙලේ මීටර 100 බාලිකා ධාවන ඉසව්වේ අවසන් පූර්ව වටයට සුදුසුකම් ලබා ගත්තා.

3 වැනි ආසියානු යොවුන් ක්‍රීඩා උළෙල බහරේනයේදී පැවැත්වෙනවා.

ශ්‍රී ලංකාවේ තරණි නිර්මිනා අද සහභාගී වූයේ එහි මීටර 100 බාලිකා ධාවන ඉසව්වේ දෙවැනි මූලික තරගයටයි.

ඇය එම තරගයේදී තත්තපර 12යි දශම 3යි 6ක කාලයක් සටහන් කරමින් දෙවැනි ස්ථානයට පත් වුණා.

ඇය සහභාගී වන මෙම ඉසව්වේ අවසන් පූර්ව තරගය අද රාත්‍රියේ පැවැත්වීමට නියමිතයි.

23/10/2025

කිසල් ඕෂධ ආසියානු යොවුන් ක්‍රීඩා උළෙලේ මීටර 110 කඩුලු මතින් දිවීම අවසන් මහා තරගයට

ශ්‍රී ලංකාවේ කිසල් ඕෂධ මෙවර ආසියානු යොවුන් ක්‍රීඩා උළෙලේ මීටර 110 කඩුලු මතින් දිවීම බාලක ඉසව්වේ අවසන් තරගයට සුදුසුකම් ලබා ගත්තා.

2025 ආසියානු යොවුන් ක්‍රීඩා උළෙලේ මලල ක්‍රීඩා තරග අද බහරේනයේදී ආරම්භ වුණා.

ශ්‍රී ලංකාවේ කිසල් ඕෂධ සහභාගී වූයේ මීටර 110 කඩුලු මතින් දිවීම බාලක දෙවැනි මූලික වටයේ තරගයටයි.

ඔහු එහිදී තත්පර 14යි දශම 0යි 1ක දක්ෂතාවක් ප්‍රදර්ශනය කළා.

23/10/2025

විරාට් කෝලි ඕස්ට්‍රේලියාවට එරෙහි දෙවන එක්දින තරගයේදීත් ලකුණු නොලබා දැවී යයි

23/10/2025

සිම්බාබ්වේ කණ්ඩායම, වසර 12කට පසුව සිය රටේදී ටෙස්ට් ක්‍රිකට් තරගයක් ජයග්‍රහණය කිරීමට සමත් වුණා.

ඒ ඇෆ්ගනිස්ථානය සමග පැවැති තරගය ඉනිමකින් සහ ලකුණු 73කින් ජය ගනිමින්.

සිම්බාබ්වේ හරාරේහිදී පැවති තරගයේ පළමුවෙන් පන්දුවට පහරදුන් ඇෆ්ගනිස්ථානය සියලු දෙනා දැවී රැස් කළ ලකුණු සංඛ්‍යාව 127ක්.

සිම්බාබ්වේ කණ්ඩායම පිළිතුරු ඉනිමට ලකුණු 359ක් රැස් කළා.

ඒ අනුව දෙවැනි ඉනිම ක්‍රීඩා කළ ඇෆ්ගනිස්ථානයට සියලු දෙනා දැවී රැස් කිරීමට හැකි වුණේ ලකුණු 159ක් පමණයි.

22/10/2025

දෛවයට අභියෝගයක් වූ විල්මා

පෝලියෝ රෝගයට ගොදුරු වී පසු කාලීනව ධාවන තරගවලින් ඔලිම්පික් රන් පදක්කම් දිනා ගැනීම ලෙහෙසි පහසු කටයුත්තක් නොවෙයි.

එවන් දක්ෂතාවක් ප්‍රදර්ශනය කිරීමට නම් ඔහු හෝ ඇය දැඩි ආත්ම විශ්වාසයකින් පසු වන අයෙකු විය යුතු වනවා.

අමෙරිකාවේ විල්මා රුඩොල්ෆ් (Wilma Rudolph ) එවන් ආත්ම විශ්වාසයකින් ලොවම ජය ගත් ක්‍රීඩිකාවක්.

1940 වසරේදී අමෙරිකාවේ ශාන්ත බෙත්ලෙහෙම්හිදී ඇය උපත ලැබුවේම අඩු බර ලදරුවෙක් ලෙසයි.

වයස අවුරුදු 4ක් වන විට අවස්ථා දෙකකදී නිව්මෝනියාව වැළඳුනු ඇය පසුව පෝලියෝ රෝගයටද ගොදුරු වූවාය.

ඇය අංශභාග තත්ත්වයට පත් වූයේ ඒ හේතුවෙන්.

පසුව විල්මාගේ වම් පාදයට ලෝහ පතුරක් සවි කළ අතර, එම පාදයට සහයෝගය ලබා දීමට අමතර සපත්තුවක්ද පැළඳීමට සිදු වුණා.

විල්මාගේ මව සතියකට වරක් මිනිත්තු 90ක කාලයක් ගෙවා බස් රියකින් ඇය රැගෙන වෛද්‍යවරයෙකු වෙත ගියා.

එහිදී එම වෛද්‍යවරයා පැවසුවේ කිසි දිනෙක විල්මාට ඇවිදීමට හැකි නොවන බවයි.

කෙසේ නමුත්, විල්මා කෙදිනක හෝ සාමාන්‍ය පුද්ගලයෙකු ලෙස දෙපාවලින් ඇවිදිනු ඇතැයි විල්මාගේ මව විශ්වාස කළා.

මවගේ විශ්වාසය තමන්ගේ විශ්වාසය බවටද පත්කර ගැනීම හේතුවෙන්ම විල්මා අවුරුදු 11දී දෙපයින් ඇවිදීම ආරම්භ කළ අතර පැසි පන්දු ක්‍රීඩාවටද යොමු වුණා.

ඇය අභියෝගයට අභියෝග කරන්නේ මලල ක්‍රීඩාවට යොමු වීමෙන්.

එහිදීද ඇය තෝරා ගත්තේ මීටර 100 සහ 200 කෙටි දුර ධාවන ඉසව් දෙකයි.

අප්‍රතිහ ධෛර්යය හේතුවෙන් 1956 මෙල්බන් ඔලිම්පික් උළෙලට සහභාගී වූ මීටර 100 කාන්තා සහය ධාවන කණ්ඩායමේ සාමාජිකාවක් වීමට විල්මාට හැකි වුණා.

එවර එම කණ්ඩායමට හිමි වූයේ ලෝකඩ පදක්කමයි.

1958 වසරේදී ඇගේ පළමු දරු ප්‍රසූතියෙන් අනතුරුව නැවත වරක් ධාවන පථයට යොමු වූයේ තව දුරටත් ඉහළම ජයග්‍රහණ ලබා ගැනීමේ අරමුණෙන්.

1960 වසරේදී රෝමයේ පැවැති ඔලිම්පික් උළෙලේ මීටර 100, 200 සහ මීටර 100 සහය ධාවන ඉසව්වල රන් පදක්කම් දිනා ගැනීමට ඇය සමත් වුණා.

එවර ඇය වාර්තා අතරට එක් වූයේ ඔලිම්පික් උළෙලකදී රන් පදක්කම් 3ක් දිනූ පළමු අමෙරිකා ක්‍රීඩිකාව ලෙසයි.

පිළිකාවක් හේතුවෙන් 1994 වසරේදී විල්මා රුඩොල්ෆ් මෙලොවින් සමු ගත්තා.

- Chanika Athauda
Sports1st

Sports1st

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

22/10/2025

Address

Telephone

Website

Alerts

Contact The Business

Shortcuts

Share

Category

Sports1st