23/09/2026
🚨 අම්පාරේ බුද්ධංගල සහ ගල්ඔය රක්ෂිතය මැදින් යන ප්‍රධාන අලි මංකඩ විනාශ කරන්න ලෑස්තියක්? 🐘🌾
💪අපි එකතු වෙමු අලි ඇතුන් වෙනුවෙන් පෙල ගැසෙමු💪 අභය භූමික් හා ජාතික වන උද්‍යානයක් එකතු වෙන අලිමන්කඩක්
අපේ හඩ අවැසිම මොහොතක් 💪
අම්පාර දිස්ත්‍රික්කයේ බුද්ධංගල අභයභූමිය සහ ගල්ඔය ජාතික වනෝද්‍යානය අතරමැද පිහිටි, අලි-ඇතුන් 500-600ක් පමණ නිරන්තරයෙන් ගැවසෙන ප්‍රධාන අලි මංකඩ අසල අක්කර 80ක මහ වනාන්තරයක් එළිපෙහෙළි කරලා මහා පරිමාණ වී මෝල් ව්‍යාපෘතියකට පෞද්ගලික ආයෝජකයන්ට දෙන්න හදනවා කියන්නේ සැබෑවක්ද? ❌🌲
අම්පාරේ වෙනත් ඕනෑ තරම් හිස් ඉඩම් තියෙද්දී, අලි-ඇතුන් පාර මාරුවෙන, ශ්‍රී ලංකාවට ආවේණික දුර්ලභ මූවරංචු වෙසෙන මෙවැනි අතිශය සංවේදී පරිසර පද්ධතියක් විනාශ කරන්න හදන්නේ කාගේ උවමනාවටද? ⚠️
⚖️ නීතියෙන් පැහැදිලිවම කියන්නේ කුමක්ද?
1980 අංක 47 දරන ජාතික පාරිසරික පනතට අනුව:
1️⃣ හෙක්ටයාර් 1කට වැඩි වනාන්තරයක් වෙනත් වැඩකට යොදා ගැනීම
2️⃣ හෙක්ටයාර් 5කට වැඩි භූමියක් එළිපෙහෙළි කිරීම
3️⃣ ජාතික වනෝද්‍යානයක හෝ අභයභූමියක මායිමේ සිට මීටර් 100ක් ඇතුළත සිදුකරන ඕනෑම ව්‍යාපෘතියක්
"නියමිත ව්‍යාපෘති" (Prescribed Projects) ගණයට වැටේ!
එබැවින් මේ සඳහා පරිසර බලපෑම් තක්සේරු වාර්තාවක් (EIA) පිළියෙල කර, දින 30ක් මහජන අදහස් සඳහා විවෘත කර, නිසි පාරිසරික අනුමැතිය ලබා ගැනීම අනිවාර්ය වේ. කිසිදු නිලධාරියෙකුට හෝ ආයතනයකට මෙය EIA එකෙන් නිදහස් කිරීමට නීතිමය ඉඩක් නැත! 🛑
🔍 අපගේ මූලික ඉල්ලීම් සහ ක්‍රියාමාර්ග:
✅ තොරතුරු දැනගැනීමේ අයිතිය (RTI Act):
මධ්‍යම පරිසර අධිකාරිය (CEA), වනජීවී සංරක්ෂණ දෙපාර්තමේන්තුව, වන සංරක්ෂණ දෙපාර්තමේන්තුව සහ අම්පාර දිස්ත්‍රික් ලේකම් කාර්යාලය වෙත RTI අයදුම්පත් යොමු කරමින් මේ පිටුපස සිටින ආයෝජකයින් සහ ලබා දී ඇති අනුමැතීන් මොනවාදැයි වහාම හෙළිදරව් කර ගැනීමට කටයුතු කරමු!
✅ නීතිමය ක්‍රියාමාර්ග (Litigation):
ජනතාවගේ මූලික අයිතිවාසිකම් (12(1) වගන්තිය) උල්ලංඝනය කරමින් සහ පාරිසරික පනත් උල්ලංඝනය කරමින් සිදුකරන මෙම නීති විරෝධී ක්‍රියාවට එරෙහිව අභියාචනාධිකරණයේ හෝ ශ්‍රේෂ්ඨාධිකරණයේ නීතිමය පියවර ගැනීමට පසුබට නොවෙමු!
✅ සොබාදහම රැකගැනීම සැමගේ වගකීමකි:
ආණ්ඩුක්‍රම ව්‍යවස්ථාවේ 28(ඡ) වගන්තියට අනුව සොබාදහම සහ වනජීවීන් සුරැකීම අප සැමගේ මූලික යුතුකමකි.
අලි-මිනිස් ගැටුම තවත් උග්‍ර කරන, පරිසර පද්ධතිය වනසන මෙම ව්‍යාපෘතියට එරෙහිව සියලුම පරිසරවේදීන්, ප්‍රදේශවාසීන් සහ ජනතාව එකමුතුව හඬ අවදි කරමු! ✊
📌 මෙම තොරතුරු උපරිමයෙන් Share කර බලධාරීන්ගේ ඇස් අරවන්න එකතු වන්න!
- මධුශංක මල්ලවආරච්චි මහත්මයාගෙන් උපුටා ගන්නා ලදි
