05/11/2025
ඉල් පුර පසළොස්වක පොහොය දිනය අදට යෙදී තිබේ. ඉල් පුන් පොහොය දිනයේ ශාසනික වශයෙන් වැදගත් සිදුවීම් රාශියක්ම සිදු වී ඇති බව පොත පතෙහි සදහන් වේ.
ඉල් පොහොයෙ වැදගත්කම
1. ප්‍රථම ධර්ම දූත පිරිස ධර්ම ප්‍රචාරය ඇරඹීම.
2. බුදුරජාණන් වහන්සේ තුන්බෑ ජටිලයන් දමනය කිරීමට උරුවෙල් දනව්වට වැඩම කිරීම.
▪️ලෝ වැසි සැදැහැබර බෞද්ධයින්ගේ සිත් සතන් සුපහන් කරවන ශාසනික වශයෙන් අනුස්මරණීය වූ සිදුවීම් කිහිපයක් ම ඉල් පුර පසළොස්වක පොහොය දිනය මූලික වෙමින් සිදුව තිබෙනවා. ඉල් පුන් පොහොය උදාවත්ම වස්සාන ඍතුව අවසන් වෙනවා අපගේ තිලෝගුරු සම්මා සම්බුදුරජාණන් වහන්සේ විසින් ධර්ම ප්‍රචාරය සඳහා ප්‍රථම රහතන් වහන්සේ හැට නම දඹදිව තලය සිසාරා පිටත් කොට වදාළේ මීට වසර 20600 කට පෙර උදාවූ ඉල් පුන් පොහොය දිනයේදී ය. මෙම දූත පිරිසේ නායකත්වය දරන ලද්දේ කොණ්ඩඤ්ඤ මහ රහතන් වහන්සේ ඇතුළු ශ්‍රාවකයන් වහන්සේලාය මෙම රහතන් වහන්සේ සැට නම අමතා බුදුපියාණන් වහන්සේ මෙසේ වදාළ සේක."මහණෙනි, බොහෝ දෙනාට හිතසුව පිණිස, බොහෝ දෙනාට සැප පිණිස, ලොවට අනුකම්පාව පිණිස, දෙව් මිනිසුනට වැඩ පිණිස, හිත පිණිස චාරිකාවේ හැසිරෙව්, දෙදෙනෙක් එකම මග නොයව්" මුල, මැද, අවසානය අර්ථ සහිත වූ ධර්ම දේශනා කරවු . ධර්මය ආසන්නට නොලැබුණහොත් උසස් ගුණයෙන් ඔවුහු පිරිහෙත්. එබැවින් ධර්මය දෙසීමට පිටත් යවු" මම ද උරුවෙල් දනව්වේ සේනානි ගමට ධර්ම දේශනා පිණිස යන්නෙමි" යයි වදාළ සේක. එකම ස්ථානයක දී දහසක් භික්ෂූන් අරහත්වයට පත් කරවූ තුන්බෑ ජටිල පිරිස දමනය කිරීම පිණිස අනුත්තර පුරිසදම්ම සාරථි වූ භාග්‍යවතුන් වහන්සේ උරුවෙල් දනව්වට වැඩම කිරීමට ගමනාරම්භය කළේ ඉල් පෝය දිනයකදී ය.
3. මෛත්‍රී බෝධිසත්වයන් වහන්සේ විවරණ ලැබීම.
4. අගසව් සැරියුත් මහ රහතන් වහන්සේ තම මෑණියන්ගේ නිවසේදී පිරිනිවන් පෑම.
5. පසු වස් විසූ භික්ෂූන් වහන්සේලාගේ පවාරණ දිනය වීම.
6. කඨින චීවරය පූජා කළ හැකි අවසන් දිනය වීම.
▪️මෛත්‍රී බෝධිසත්වයන් වහන්සේ සැවැත් නුවරට නුදුරු සංකස්ස නුවර මහාසාල කුලයක සිරිවඩ්ඩන නම් වූ මහා සිටුවරයාගේ පුතා ලෙස ඉපද සිටියේ ය .සියලු ශිල්ප ශාස්ත්‍ර ප්‍රගුණ කළ ඔවුහු තම මවුපියන්ගේ අභාවයෙන් පසු විශාල ධනස්කන්ධයකට හිමිකම් පෑවේ ය .සැප සම්පත් හා පිරිවර ජනයා සමග ජීවත් වෙමින් සිටියේ ය.
අප තිලෝගුරු බුදුපියාණන් වහන්සේ තම මෑණියන් වූ මාතෘ දිව්‍ය පුත්‍රයා ඇතුළු දෙවියන්ට අභිධර්මය දේශනා කොට තව්තිසා දෙව්ලොව සිට ආපසු වැඩම කළේ මෛත්‍රී බෝසතුන් සිටි මේ සංකස්ස නුවරටයි නුවරටයි. බුදුරජාණන් වහන්සේගේ දේවාවරෝහණ පූජාව සම්බන්ධයෙන් සැරියුත් මහරහතන් වහන්සේ සමඟ පැවැති ප්‍රශ්න විසඳුම් සාකච්ඡාවට අවසන් දුන් මෛත්‍රී බෝසතුන් දහස් පමණක් වූ තම පිරිවර සමඟ බුදුරජාණන් වහන්සේ වෙත පැමිණ ආර්ය මෛත්‍රී නමින් පැවිදි වුණා.
ඉන්පසු එළැඹි වස් කාලය තම දායකයන් විසින් පූජා කළ උසස් තත්ත්වයෙන් යුක්ත වස්ත්‍ර යුගලක් ලද බෝධිසත්ත්ව තෙරුන් වහන්සේ ඉන් එක් සිවුරක් බුදුපියාණන් වහන්සේ වැඩ සිටින ගඳ කිලියෙහි විනයක් කොට පූජා කළේ ය. අනිත් සිවුරු තීරු වශයෙන් ඉරා මහ වියන් වටකොට එයද බුදුරජාණන් වහන්සේට පූජා කළේ ය . මෙම පූජාවෙන් අනතුරුව මහා සංඝයා වහන්සේ මැද සිට බුදුරජාණන් වහන්සේ මහා තෙරුන් අමතා "ස්ථවිරයෙනි, නුඹ මේ මහා භද්‍ර කපිලෙහි මෛත්‍රී නමින් සම්මා සම්බුදු වන්නෙහි" යැයි විවරණ දී වදාළ සේක. සැරියුත් මහරහතන් වහන්සේ පිරිනිවන් පෑම පසුවස් සමාදන් වූ භික්ෂූන් වහන්සේගේ පවාරණ දිනය වනුයේ ද ඉල් පොහොය දිනය යි. කඨිනාස්තරණ විනය කර්මය කළ හැකි අවසන් දිනය හෙවත් චීවර මාසය අවසානයත් ඉල් පොහොය දිනයයි.
