12/06/2026
நடிகர் அஜித்குமார் அண்மைக்காலமாக நடிப்பில் இருந்து ஒதுங்கி காரோட்ட பந்தயங்களில் அதிக ஆர்வத்தைச் செலுத்தி வருகின்றார்.இந்நிலையில், அவர் அண்மையில் ஒரு பேட்டியில் கார் ரேஸ் குறித்து பேசியுள்ளார்.
அதில் "எனது ரெடான்ட் அணி மிகச் சிறந்த குழுவாகச் செயல்பட்டு வருகிறோம்.இவர்களுடன் இருப்பது எனது இரண்டாவது குடும்பத்துடன் இருப்பது போன்ற உணர்வைத் தருகிறது.
கடந்த 3 வருடங்களாக டுபாயை மையமாகக் கொண்டு வசித்து வருகிறேன்.எனது குடும்பத்தினர் இந்தியாவில் உள்ளனர்.கார் பந்தயங்களில் தொடர்ந்து பங்கேற்க வேண்டிய கடமைகள் இருப்பதால், தற்போது ஐரோப்பாவில் அதிக நேரத்தை செலவிட்டு வருகிறேன்.
அடுத்த ஆண்டு இரண்டு சர்வதேச கார் பந்தய தொடர்களில் பங்கேற்க திட்டமிட்டுள்ளோம்.
என்னால் எவ்வளவு காலம் கார் ரேஸில் ஈடுபட முடியுமோ அவ்வளவு காலம் ஈடுபடுவேன்.ஒவ்வொரு ஆண்டும் அதிக கார் பந்தயங்களில் பங்கேற்க விரும்புகிறேன்" என்று தெரிவித்துள்ளார்.
நடிகர் அஜித்குமார் என்ற நிலை மாறி கார் ரேஸ் அஜித் என்பது போலாகி விட்டது அவரின் நிலை.அவரின் ரசிகர்கள் நம்ம தல நடிக்க மாட்டாரா என்று காத்திருக்கின்றனர்.இயக்குனர்கள் அவரின் சினிமா மீள் வருகையை எதிர்பார்த்துள்ளனர்.நடிகர்கள் விஜய், அஜித் இல்லாத சினிமா,ரசிகர்களின் ஆரவாரம் குறைந்த ஒரு மேடை போல இருக்கிறது.
www.starfm.lk
