Lindula News

26/07/2026

26/07/2026

ஆடிவேல் வெள்ளிரதபவனி மஹோற்சவம் 2026 கொழும்பு

152 வது வருட ஆடிவேல் வெள்ளிரதபவனி மஹோற்சவம் 2026

செட்டியார் தெரு கொழும்பு 11
பம்பலப்பிட்டி கொழும்பு 4

கொழும்பு செட்டியார் தெரு
நாட்டுக்கோட்டை நகரத்தார் ஸ்ரீ புதிய கதிர்வேலாயுத சுவாமி ஆலயத்தின்
152 வது வருட ஆடி வேல் வெள்ளிரத பவனி 2026

27.07.2026 ஆம் தேதி மகேஸ்வர பூஜை நிகழ்வுகளோடு ஆரம்பமாகும்

28.07.2026 ஆம் திகதி காலை விசேட கணபதி வழிபாடுகளோடு சிவாச்சாரியார்களின் மந்திரங்கள் வேதங்கள் முழங்க மங்கள இசையுடன் வசந்த மண்டப பூஜை தொடர்ந்து அடியவர்களின் அரோகரா கோஷங்கள் முழங்க அலங்கரிக்கப்பட்ட வெள்ளி தேரில் எழுந்தருளி முருகப்பெருமானின் வீதி உலா நிகழ்வு ஆரம்பமாகும்.

தொடர்ந்து தேர் பவனியானது
செட்டியார் தெரு, பிரதான வீதி,சதாம் வீதி,ஜனாதிபதி மாவத்தை, காலி வீதி,காலி முகத்திடல்,வழியாக பம்பலப்பிட்டி புதிய கதிர்வேலாயுத சுவாமி ஆலயத்தை சென்றடையும்.

பௌர்ணமி தினமான 29.07.2026,மற்றும் 30.07.2026 திகதிகளில் கதிர் வேலாயுத சுவாமிக்கு பம்பலப்பிட்டி புதிய கதிர்வேலாயுத சுவாமி ஆலயத்தில் கதிர்காம கந்தனுக்கு பூசை நடைபெறும் வடிவிலேயே விசேட பூஜைகள் இடம் பெறுவதோடு பக்தி இசை நிகழ்வுகள் மற்றும் சிறப்பு சொற்பொழிவுகள் என்பன இடம்பெரும்

31.07.2026 ஆம் திகதி காலை 8 மணி அளவில் பம்பலப்பிட்டி புதிய கதிர்வேலாய சுவாமி ஆலயத்திலிருந்து தேர் பவனி ஆரம்பமாகி மீண்டும் கொழும்பு செட்டியார் தெரு புதிய கதிர்வேலாய சுவாமி ஆலயத்தை வந்தடையும்

AN AR ST SP
திரு ராஜேந்திரன் செட்டியார் JP
ஆலய பிரதம அறங்காவலர்
புதிய கதிர் வேலாயுத சுவாமி ஆலயம்.
செட்டியார் தெரு கொழும்பு 11
பம்பலப்பிட்டி கொழும்பு 4

. #நாட்டுக்கோட்டை #நகரத்தார் #ஸ்ரீ #புதிய #கதிர்வேலாயுத #சுவாமி #ஆலயம் #கொழும்பு #152வது #வருட #ஆடிவேல் #வெள்ளிரதபவனி #மஹோற்சவம் #செட்டியார்தெரு #பம்பலபபிட்டி #பிரதானவீத #சதாம்வீதி #ஜனாதிபதி #மாவத்தை #காலிவீதி #காலிமுகத்திடல் #பௌர்ணமி #தினம #தேர்பவனி
#திரு #ராஜேந்திரன் #செட்டியார் #ஆலயபிரதமஅறங்காவலர் #புதியகதிர்வேலாயுதசுவாமிஆலயம்

23/07/2026

ஜனநாயகன் திரைப்படம் கொழும்பு திரையரங்குகளில் பட்டாசு வெடிகளுடன் மங்களகரமான ஆரம்பம் 23.07.2026 வியாழக்கிழமை

20/07/2026

தோல்வியின் விரக்தியில் அடிதடியில் இறங்கிய ஆர்ஜென்டீனா அணியினர்

14/07/2026

தலவாக்கலை லிந்துலை கொத்மலை நீர்த்தேக்கத்திற்கு நீர் ஏந்திச்செல்லும் ஆகுரோயா ஆற்றில் காணாமல் போயிருந்த மாணவன் 14.07.2026 சடலமாக மீட்கப்பட்டுள்ளதாக லிந்துலை பொலிஸார் தெரிவித்தனர்.

13.07.2026 நண்பகல் சுமார் 12.30 மணியளவில், பாடசாலையில் நடைபெற்ற பரீட்சையை எழுதி முடித்த 10 மாணவர்கள் பாடசாலையிலிருந்து வெளியேறி, waltrim ஓல்ரிம் பகுதியின் ஊடாகக் கொத்மலை நீர்த்தேக்கத்திற்கு நீர் பாயும் ஆகுரோயா ஆற்றில் நீராடச் சென்றுள்ளனர்.

இதன்போது, மாணவர்களில் ஒன்பது பேர் பாதுகாப்பாகக் கரை திரும்பிய நிலையில், ஒரு மாணவன் மட்டும் எதிர்பாராதவிதமாக ஆழமான பகுதியில் சிக்கிக்கொண்டு, நீரில் அடித்துச் செல்லப்பட்டுக் காணாமல் போயுள்ளதாகத் தெரிவிக்கப்படுகிறது.

இதனைத் தொடர்ந்து தீவிரமாகத் தேடியும் மாணவனின் உடலை கண்டறிய முடியவில்லை. போதிய வெளிச்சம் இல்லாததால் இரவு தேடும் பணிகள் தற்காலிகமாக நிறுத்தப்பட்டன.

தொடர்ந்து இரண்டாவது நாளாக 14.07.2026 நுவரெலியா பொலிஸ் உயிர்காப்புப் பிரிவினர், பொலிஸார் மற்றும் பிரதேசவாசிகளால் மேற்கொள்ளப்பட்டு வந்த தேடுதல் நடவடிக்கைகளின்போதே காணாமல் போயிருந்த மாணவன் சடலமாக மீட்கப்பட்டுள்ளார்.

இவ்வாறு சடலமாக மீட்கப்பட்ட மாணவன், லிந்துலை சரஸ்வதி தமிழ் மகா வித்தியாலயத்தில் கல்வி பயிலும் மிளகுசேனை தோட்டத்தைச் சேர்ந்த பரமநாதன் கிஷோர் (15 வயது) என அடையாளம் காணப்பட்டுள்ளார்.

07/07/2026

நீர்கொழும்பு சிறைச்சாலை

03/07/2026

லோவர் கிறன்லி தமிழ் வித்யாலயத்தில் டெங்கு விழிப்புணர்வு சிறப்பு வேலைத்திட்டம்!

மாணவர்களிடையே டெங்கு நோய் பரவலைத் தடுப்பது மற்றும் அதுகுறித்த விழிப்புணர்வை ஏற்படுத்தும் நோக்கிலான சிறப்பு வேலைத்திட்டம் ஒன்று, லோவர் கிறன்லி தமிழ் வித்யாலயத்தில் (Lower Grandley Tamil Vidyalayam) மிகச் சிறப்பாக அதிபர் திரு. K.பாலகிருஷ்ணன் தலைமையில் நடைபெற்றது.

கிளாஸ்கோ பிரஜா சக்தி அமைப்பின் ஏற்பாட்டில் இவ்வேலைத்திட்டம் ஒருங்கிணைக்கப்பட்டிருந்தது.
விழிப்புணர்வு மற்றும் மருத்துவ ஆலோசனைகள்
இந்நிகழ்வில் முதன்மை வளவாளராகப் பங்கேற்ற மத்திய மாகாண ஆயுள்வேத வைத்தியரும், நுவரெலியா சாந்திப்புர ஆயுள்வேத வைத்தியசாலையின் பொறுப்பதிகாரியுமான வைத்தியர் தஷாலினி அவர்களினால் மாணவர்களுக்கு டெங்கு ஒழிப்பு வழிகாட்டல்கள் வழங்கப்பட்டன.

அவர் தனது உரையில்:
டெங்கு காய்ச்சல் பரவும் விதம் மற்றும் அதிலிருந்து பாதுகாத்துக் கொள்ளும் முறைகள்,
பாரம்பரிய ஆயுள்வேத மருத்துவ முறைகள் மூலம் உடலின் நோய் எதிர்ப்புச் சக்தியை எவ்வாறு அதிகரிப்பது,
போன்ற முக்கிய விடயங்கள் குறித்து விரிவான ஆலோசனைகளை வழங்கினார்.

துப்பரவுப் பணிகள் குறித்த வழிகாட்டல்
தொடர்ந்து, பாடசாலை வளாகம் மற்றும் அதனைச் சுற்றியுள்ள பகுதிகளில் டெங்கு நுளம்புகள் பெருகக்கூடிய இடங்களை எவ்வாறு இனங்காண்பது மற்றும் அவற்றை முறையாகத் துப்பரவு செய்து தூய்மையாகப் பராமரிப்பது எப்படி என்பது குறித்தும் மாணவர்களுக்குப் பயனுள்ள விழிப்புணர்வு ஊட்டப்பட்டது.

இந்நிகழ்வில் பிரஜாசக்தி அபிவிருத்தி உத்தியோகத்தர் எனிட்டா உள்ளிட்ட முக்கியப் பிரமுகர்கள், பாடசாலை அதிபர், ஆசிரியர்கள் மற்றும் மாணவர்கள் எனப் பலரும் கலந்துகொண்டனர்.

'