06/03/2026
Sri Lanka First Ever F3 Experience 🇱🇰
Sri Lanka නියෝජනය කරමින් ජාත්යන්තර motorsport ක්ෂේත්රයේ අලුත් ඉතිහාසයක් ලියවෙන දවසක් විදියට අද දවස හඳුන්වන්න පුළුවන්. ඒකට හේතුව තමයි 2026 FIA Formula 3 Championship එක සඳහා Yevan David නිල වශයෙන් තරග වැදීම. Australia වල Melbourne නුවර පිහිටි Albert Park Circuit එකේදී තමයි මේ season එකේ Round 1 ආරම්භ වෙන්නේ. AIX Racing වෙනුවෙන් තරග කරන 18 හැවිරිදි Yevan, තමන්ගේ පළමු race weekend එක ආරම්භ කළේ ගොඩක් බලාපොරොත්තු සහ realistic targets කිහිපයක් එක්කයි. මේ වෙද්දී Qualifying session එක සම්පූර්ණයෙන්ම අවසන් වෙලා තියෙනවා. අපි මේ article එකෙන් කතා කරමු ඔහුගේ performance එක කොහොමද, ඒ වගේම industry එකේ තියෙන competitiveness එක එක්ක මේ ප්රතිඵලය කොහොමද analyse කරන්නේ කියලා.
මේ ගැන හරියටම තේරුම් ගන්න නම්, අපි මුලින්ම FIA Formula 3 කියන තරගාවලියේ ව්යුහය ගැන ටිකක් කතා කරන්න ඕනේ. Formula 1 දක්වා යන ගමනේ තුන්වෙනි පියවර විදියට තමයි මේක සැලකෙන්නේ. විශේෂයෙන්ම 2026 season එක කියන්නේ F3 වලට අලුත් ආරම්භයක්. මොකද මේ අවුරුද්දේ ඉඳන් හැම team එකක්ම පාවිච්චි කරන්නේ අලුත්ම Dallara F3 2025 chassis එකක්. ඒ වගේම මේක spec series එකක්, ඒ කියන්නේ grid එකේ ඉන්න cars 30 ටම තියෙන්නේ එකම විදියේ Mecachrome V6 engines සහ එකම aerodynamic packages. ඒ නිසා car එකේ වේගය තීරණය වෙන්නේ driver ගේ skill එක සහ team එකේ setup එක මතයි. ලෝකේ ඉන්න දක්ෂතම තරුණ drivers ලා 30 දෙනෙක් එකම විදියේ cars 30 ක් පදවද්දී තියෙන තරගකාරීත්වය කොච්චරද කියන එක මේකෙන් පැහැදිලි වෙනවා.
මේ මංගල තරගය පැවැත්වෙන Albert Park Circuit එක කියන්නේ ලෝකේ තියෙන අමාරුම street circuits වලින් එකක්. Corners 14 ක් තියෙන මේ track එකේ, walls ගොඩක් ළඟින් තියෙන නිසා පොඩි වැරැද්දක් වුණත් ලොකු අනතුරකින් කෙළවර වෙන්න පුළුවන්. ඒ වගේම track evolution එක, ඒ කියන්නේ session එකෙන් session එකට track එකේ grip එක වැඩි වෙන විදිය ගොඩක් වේගවත්. තව දෙයක් තමයි Formula 3 cars වල power steering නැහැ. ඒ කියන්නේ මේ වගේ බර Dallara chassis එකක් high-speed corners තියෙන track එකක හැසිරවීම ගොඩක් අමාරු physical challenge එකක්. Braking points හරියටම අඳුරගෙන downforce එක උපරිම විදියට පාවිච්චි කරන්න ලොකු concentration එකක් වගේම fitness level එකක් තියෙන්න ඕනේ. මේ වගේ track එකක අලුත් car එකක limits හොයාගන්න එක rookie driver කෙනෙක්ට ලොකු අභියෝගයක්.
Race weekend එකේ පළමු පියවර වුණේ Free Practice session එක. මෙතනදී Yevan තමන්ගේ rhythm එක හොයාගන්න ගොඩක් මහන්සි වුණා. Practice session එක අවසානයේදී ඔහු 1:36.317 ක හොඳ lap time එකක් වාර්තා කළා. අලුත් track එකකට adapt වෙන ගමන් car එකේ balance එක තේරුම් ගන්න මේ session එක ඔහුට ලොකු උදව්වක් වුණා. AIX Racing engineers ලා එක්ක එකතු වෙලා data analyse කරලා ඊළඟ පියවරට ලෑස්ති වෙන්න මේක හොඳ base එකක් වුණා කියන්න පුලුවන්
ඊට පස්සේ ආරම්භ වුණේ ඉතාමත් තීරණාත්මක Qualifying session එක. Red flags සහ traffic නිසා ගොඩක් chaotic වුණු මේ session එකේදී තමන්ගේ වැරදි හදාගෙන තවත් වේගවත් වෙන්න Yevan ට පුළුවන් වුණා. ඒ අනුව ඔහු තමන්ගේ හොඳම කාලය 1:35.731 දක්වා තත්පර බාගයකින් පමණ අඩු කරගත්තා. Practice එකේ ඉඳන් Qualifying වෙනකන් මේ වගේ improvement එකක් පෙන්නන එක හොඳ ලක්ෂණයක්. මේ ප්රතිඵලයත් එක්ක ඔහුට තරගාවලියේ Sprint Race සහ Feature Race දෙකටම ආරම්භක ස්ථානය විදියට P26 හිමිවෙලා තියෙනවා.
ගොඩක් අය P26 කියන position එක දැක්කම මේක සාමාන්ය ප්රතිඵලයක් කියලා හිතන්න පුළුවන්. හැබැයි අපි data සහ statistics එක්ක මේක analyse කළොත් ඇත්ත තත්ත්වය මීට වඩා වෙනස්. මේ Qualifying session එකේදී Pole Position එක ලබාගත්තේ Campos Racing එකේ Théophile Naël. ඔහුගේ කාලය 1:34.187 ක්. දෙවෙනියා වුණු Ugo Ugochukwu ට වඩා ඔහු ඉස්සරහින් හිටියේ තත්පර 0.021 කින් විතරයි. දැන් අපි බලමු පළවෙනියා සහ Yevan ගේ lap time එක අතර වෙනස. ඒක හරියටම තත්පර 1.544 ක් විතරයි. Cars 26 ක් තත්පර එකහමාරක කාල පරතරයක් ඇතුළේ ඉන්නවා කියන්නේ Formula 3 කියන්නේ කොච්චර tight category එකක්ද කියන එකයි. ඒ වගේම Yevan ගේ AIX Racing කණ්ඩායමේ අනිත් drivers ලා දෙන්නා දිහා බැලුවොත්, අත්දැකීම් බහුල Brad Benavides ට P20 හිමිවෙද්දී, Fernando Barrichello ට ලබාගන්න පුළුවන් වුණේ P30 ස්ථානයයි. Yevan තමන්ගේ පළමු Qualifying එකේදීම තමන්ගේ teammate කෙනෙක්ව out-qualify කරලා තියෙන එකම, ඔහුගේ progress එක පැහැදිලි කරන හොඳ සාක්ෂියක්.
Qualifying ඉවර වුණාට පස්සේ දැන් මුළු අවධානයම යොමු වෙලා තියෙන්නේ ප්රධාන තරග දෙක වෙතටයි. P26 ඉඳන් තරගය පටන් ගන්න එක ලේසි නැහැ. විශේෂයෙන්ම පළමු corner එකේදී වෙන්න පුළුවන් අනතුරු වලින් බේරෙන එක තමයි පළවෙනි අරමුණ වෙන්න ඕනේ. ඒ වගේම Pirelli tires වල degradation එක පාලනය කරගෙන, අනිත් drivers ලා කරන mistakes වලින් ප්රයෝජන ගන්න Yevan ට සිද්ධ වෙනවා. මේක rookie season එකක් නිසා, පළවෙනි race එකේම ලොකු දේවල් බලාපොරොත්තු වෙනවට වඩා, races දෙකම සම්පූර්ණ කරලා අලුත් car එක ගැන ලොකු අත්දැකීමක් එකතු කරගන්න එක තමයි realistic ම approach එක වෙන්නේ. පුළුවන් තරම් ඉස්සරහට ඇවිත් valuable championship points ලබාගන්න එක තමයි ඔහුගේ main target එක.
අපේ වෙලාවෙන් බැලුවොත් මේ weekend එකේ තරග පැවැත්වෙන්නේ පාන්දර කාලයේදීයි. Sprint Race එක සෙනසුරාදා උදේ 5:45 ට (Sri Lanka Time) ආරම්භ වෙන්න නියමිතයි. ඒ වගේම අනිවාර්යයෙන්ම බලන්න ඕනේ Feature Race එක ඉරිදා පාන්දර 3:20 ට (Sri Lanka Time) පැවැත්වෙනවා. තමන්ගේ position එකෙන් ඉස්සරහට ඇවිත් උපරිම උත්සාහයක් ගෙන හොඳ fight එකක් දෙන්න Yevan ලෑස්ති වෙලා ඉන්නවා.
World championship තලයේ event එකක ලාංකිකයෙක් තරග කරනවා දකින එකත් අපිට ලොකු ආඩම්බරයක්. මේ ගමන ලේසි නැහැ, හැබැයි මේක තමයි ලෝකේ ඉහළම තැනට යන්න තියෙන එකම පාර. Yevan David ගේ මේ අලුත් ගමනට අපි සුබ පතනවා
