13/10/2025
වැන්දත් පව් නැති, ඔබගේ ගෙවත්තේ නිතරම තිබිය යුතු කුප්පමේනියා වල ඇති ඖෂධීයකුණණ පිළිබඳව ඔබ දැන සිටියාද?
නැතිනම් මෙම ලිපියේ අනිවාර්යෙන් කියවන්න
කුප්පමේනිය - (Acalypha indica)
🍃බළලුන් ආකර්ෂණය කරන රසායන දෙකකින් සුවඳවත්ව, මුල්වලින් මීටර් 50ක් එපිටට සුවඳ විහිදුවා උන් ඇදගන්නා බැවින් මාර්ජාර මෝහිනී යයි සංස්කෘත වෛද්ය ග්රන්ථවල සඳහන් වන කුප්පමේනිය, සුවිශේෂ ඖෂධීය ශාකයක්.
🍃වසර පුරා ම පිපෙන කොළ පැහැති මලින්ද, සිහින් බූව හා දිග නටු සහිත පත්රවලින් ද සමන්විත කුප්පමේනිය , මීටර් එකහමාරක දෙකක උසට වැවෙන්නක් .
🍃එය කමනිය නමින්ද හැඳින්වෙන්නක් .
🍃තිත්ත කටුක රස සහිතයි. Euphorbiaceae කුලයට අයත්.
🍃ඉන්දියාව, වියට්නාමය, පිලිපීනය මැලේසියා ව හා අප්රිකානු රටවල වැවෙන අතර, ඒවායේ indian nettle, indian copper leaf, three seeded mercury kuppi indramaris , වැනි විවිධ නම්වලින් හඳුන්වනු ලබනවා .
🍃විටමින් A C B- ප්රභේද, ප්රෝටින් කාබොහයිඩ්රේට් තන්තු, මේදය යකඩ කැල්සියම්, ටැනින් ෆ්ලේවනොයිඩ ඇල්කලොයිඩ ප්රතිඔක්සිකාරක ගුණ සපිරි කුප්පමේනිය,වා සෙම් රෝග සමනය කරන්නක්.
🍃විවිධ රෝග සඳහා ඖෂධ ලෙස යොදාගන්නා අතර ඒ සඳහා ද ශාක පත්ර මුල් හා සහමුළින් ශාකය, උපයෝගී කර ගන්නවා.
🍃එය විෂ නාශකයක් නිද්රාකාරකයක්,
මුත්රාකාරකයක් මෙන්ම, වමනකාරකයක්, ලෙසද ක්රියාත්මකවනවා.එසේ ම දාහය නිවන ගුණත්, විරේක ගුණ ත් එහි පවතිනවා.
🍃කුරුළෑ එක්සිමා පොතුකබර ආදී චර්ම රෝග දුරුකිරීමට උපකාරිවන ශාකය සම නිරෝගී කර පැහැපත් කරන්නක් .
🍃හිසකෙස් වැටීම් ඉස්සොරි ආදිය දුරුකර හිසකෙස් වැඩීමට උපකාරීවන්නක් ..
🍃ඇතැම් පාරම්පරික වෛද්යක්රමවල එය ලාදුරු ගොනෝරියා වැනි රෝග පාලනයටත් යොදාගන්නා බව සඳහන්.
🍃ජීර්ණ පද්ධතිය ආශ්රිත මල බද්ධය, අර්ශස් පාචන පනුරෝගත්, හුස්මගැන්මේ අපහසුතා, කැස්ස ඇදුම ළදරු සෙම් රෝග ශ්වාස නාලිකා ප්රදාහය ආදි ශ්වසන රෝගත්, දත් කැක්කුම, කන් කැක්කුම, ඉරුවා රදය, උණ සන්ධි අපහසුතාත්, මුත්රා පද්ධති රෝග ත්, ස්නායු රෝගත්,සුවපත්කිරීමට කුප්පමේනිය දායකත්වය ලබා දෙන බව සඳහන්.
🍃 එය අක්මාව හා වකුගඩු පිරිසිදුකරන්නක්.
🍃 හදවත ආරක්ෂා කිරීම, රුධිරගත සීනි පාලනය , සෙංගමාලය හා අක්ෂි ආබාධ, සුවකිරීම සඳහා ද යොදාගනු ලබන්නක්.
🍃එසේ ම මනස සුවපත්කර සුව නින්දක් ද ලබා දෙන්නක් බවත් සඳහන්.
🍃🍃ශ්වාස නාල ප්රදාහය සඳහා කුප්පමේනිය , කොළ හා මුල් කෂාය කර දෙනවා.
🍃🍃විරේකයට, මුල ඇල්දියෙන් තලා බීමට දෙනවා.
🍃🍃මුත්රා අඩස්සියට කොළ අඹරා යටිබඩෙහි ආලේප කරනවා.
🍃🍃 ඇදුම රෝගයේ දී කුප්පමේනිය දලු රතුලූනු සමග උයා කෑමට දෙනවා.
🍃🍃දියවැඩියාව සඳහා කොළ මැල්ලුම සකසා දෙනු ලබනවා.
🍃🍃සර්පයන් දෂ්ට කළ විට කොළ කැඳ සකසා දෙනවා.
🍃🍃ආතරයිටිස් වේදනා සමනයට කොළ යුෂ පොල්තෙල් මිශ්රකර ගල්වනවා .
🍃🍃අර්ශස් රෝග පාලනයට ශාකය තල තෙලින් මලවා දෙනවා.
🍃කුප්පමේනිය, ආඩතෝඩ, මිංචි කොළ හා කොත්තමල්ලි සමව ගෙන ,බැද කුඩුකර, කෝපි මෙන් සකසා බීම සෙම් රෝගවලට ගුණදායක බව සඳහන් .
🍃ළදරු වලිප්පුව සඳහා කොළ මිශ්ර ඔසුවක් සකසා දෙනු ලබනවා.
🍃ස්වාස රෝගය සඳහා කුප්පමේනිය කොළ සුදුලූනු, පොල් එක පමණ ගෙන කොටා, උණු දියෙන් මිරිකා පත බාගයක් උදේ බීම සුදුසු බව සඳහන් වෙනවා.
🍃අළුහම් සුවයට කුප්පමේනිය කොළ, බැබිල කොළ, වැටකෙය්යා මල් පොහොට්ටු සමව ගෙන වෙඩිලුණු හා එළඟිතෙල් සමග අඹරා, ආලේප කර පැයක් මඳ පවනේ සිට, මඳ උණුසුම් ජලයෙන් සෝදා හැරීම සුදුසු බව සඳහන්.
🍃කුප්පමේනිය යුෂ අවුන්ස දෙකක් බිවද වමනය ඇතිවිය හැකි බවත් සඳහන්.
🍃එහි විරේක ගුණද පවතින බැවින් සාමාන්ය ආහාර සඳහා කොළ යොදා කැඳ මැල්ලුම් ආදිය සැකසීමේදි වෙනත් කොළ වර්ග සමග අඩුමාවකින් මිශ්රකරගැන්ම වඩා හිතකරයි.
🍃🍃 කුප්පමේනියවලින් අත් බෙහෙත්, තුවාල වලට, කුප්පමේනිය මුල් ඇල් දියෙන් අඹරා තුවාලයෙහි එළා වරින්වර තෙමීම මුල් දෙහි ඇඹුලෙන් ගලගා තුවාලයේ එළීම.
🍃🍃තද හිසේ කැක්කුමට
කොළ යුෂ රෙදි කඩක පොඟවා නළලේ එළීම.
🍃🍃හිසෙහි සෙම පිරී වේදනා දෙන විට.
ශාකය තැම්බූ වාෂ්ප හිසට නලළට ඇල්ලීම.
🍃🍃සන්ධි ඉදිමුමට.
කොළ යුෂ දෙහි යුෂ තලතෙල් හා ලුණු මිශ්රකර ඉදිමුණු පෙදෙසෙහි ආලේප කිරීම .
🍃🍃මුත්රා දැවිල්ලට
කොළ අඹරා තුනී රෙදි කැබැල්ලක ගා යටි බඩෙහි එළීම.
🍃🍃ගෝනුසු විෂට..
කුප්පමේනිය කොළ හුණු සමග මිශ්රකර කෑ මුඛයෙහි ගැල්වීම
🍂 මෙය ඔබට වැදගත් වූ සේම තව කෙනෙකුටත් අනිවාර්යයෙන්ම වැදගත්වේ යැයි සිතා Share කරගෙන යන්න අමතක කරන්න එපා 😍❤️🥰
~ තොරතුරු හා ඡායාරූප අන්තර්ජාලයෙන් උපුටා ගැනීමකි. එහි ගෞරවය මුල් හිමිකරුවන් සතුයි ~
