05/09/2026
හුන්නස්ගිරිය සහ නකල්ස් කදු අතර පිහිටා ඇති 360 view point ස්ථානය කැලැ බොක්ක 🍃🍂
▪️Kale Bokka 360° Mountain | Sri Lanka ▪️
🍂 සුන්දර ශ්‍රී ලංකාවේ තවත් දර්ශනීය ස්ථානයක් ලෙස කැලෑ බොක්ක කදු මුදුන හැඳින්විය හැකිය. මධ්‍යම පළාතේ මහනුවර දිස්ත්‍රික්කයේ සහ මාතලේ දිස්ත්‍රික්කයට මායිම්ව පන්විල ප්‍රදේශයේ පිහිටා ඇති කබරගල ප්‍රදේශයේ පිහිටි සුන්දරම ස්ථානයකි. පන්විල සිට මාතලේට යන මාර්ගයේ ඇති මෙම ස්ථානය ප්‍රධාන මාර්ගයේ සිට 6km පමන දුරකින් පිහිටා ඇත. 6km පමණ තිබුණද ඉහලට යාමට අතුරු මාර්ගද සහිත සුන්දර මාර්ගයකි. කඳු මුදුනේ ඉහල ස්ථානයට 360° පුළුල් දර්ශනයක් දැකිය හැක. මුහුදුමට්ටමේ සිට 1175m ක උසකින් කැලෑබොක්ක පිහිටා ඇත.
🍂 මෙම සුන්දර ස්ථානය නැරඹීමට මාතලේ සහ මහනුවර දක්වා තිබෙන මාර්ග ද්විත්වයෙන්ම ළඟා විය හැකි අතර මහනුවර පැත්තෙන් යන ඔබට මඩොල්කැලේ කඩමණ්ඩිය ළඟින් ගලනා හුළුගඟ දැක බලා ගැනීමට අවස්ථාව උදා වේ. එසේම උස අඩි 75ක් වූ හුළුගඟ ඇල්ල නැරඹීමටද අවස්ථාව හිමිවන අතර එම ඇල්ල සමීපයට යෑම පහසු වන පරිදි පඩිපෙළක් සකසා ඇත. නමුත් වර්ෂාව සහිත කාලවලදී හුළුගඟ ඇල්ල සමීපයට යෑම අවදානම්ය.
🍂 තවද සාරි පොටක් මෙන් පහළට කඩා හැලෙන ආකාරයට පිහිටා ඇති සාරි නම් තවත් කුඩා දිය ඇල්ලක සිරි අසිරිය විඳීමට ඔබට හැකිවනු ඇත. කැලැබොක්ක නැරඹිමට නම් ප්‍රධාන මාර්ගය අසල ඇති ටිකට් කවුලුවෙන් රු 100ක ටිකට් පතක් ලබාගත යුතුය. Camping කරන අයට කලින් දැනුම්දී කෑම්පින් වලට අවසර ලබා ගතහැකි අතර ඒ සදහා රු.3500/- ක් පමණ වැයවේ.
🍂 හුන්නස්ගිරිය කඳු මුදුන සහ නකල්ස් කදු පන්ති අතර පිහිටා ඇති 360 view point ස්ථානය නරඹන්නාගේ සිතට මෙන්ම ගතටද සුවදායී හැඟුම් ජනිත කරවීමට සමත් වන ස්ථානයක් බව නොරහසකි. ඒ මුළු නකල්ස් පරාසයම, අංශක 360ක දර්ශනයක් ලෙසින් දැක බලා ගැනීමට අවස්ථාව උදාවන නිසාවෙනි. කැලෑබොක්ක බලන්න යන ඔබට හුලුගග ඇල්ල, ලෙබනන් ඇල්ල, තලිය වැටුන ඇල්ල, ජෝඩු ඇල්ල, සාරි ඇල්ල ද එක් දවසින් පහසුවෙන් නැරඹිය හැක.
🍂 මෙම ස්ථානයට මාතලේ, සෙම්බුවත්ත, නකල්ස් කදු පන්තිය, බතලේගල, පිදුරුතලාගල, Riverston කදු පන්ති, මහනුවර හා රාත්‍රි කාලයට ශ්‍රී පාද අඩවියත් දැකගත හැකි වන බව පවසයි.. අපිට නම් මීදුම නිසා හරියට දැක්කගන්න පුලුවන් උනේ නෑ. මෙම ස්ථානයට පහලින් සෙම්බුවත්ත පිහිටා ඇති අතර මෙතන සිට දුර 3km පමණ වේ.
🍂 view point හි ඉහළට ළඟා වන ඔබට සෙම්බුවත්ත ජලාශය, බතලේගල, ශ්‍රී පාදය වැනි බොහෝ ප්‍රසිද්ධ සහ පූජනීය ස්ථාන දැක බලා ගැනීමට අවස්ථාව උදාවේ. ගමන අතරතුර පූජනීය ස්ථානයක් වන හින්දු කෝවිලද දැක බලා වන්දනාමාන කිරීමට ඔබට හැකියාව ඇත. මෙම හින්දු කෝවිල තේ දලු කඩන පිරිස අතර ඉතා ජනප්‍රිය ස්ථානයකි. ඉර බැසගෙන යන සන්ධ්‍යාවේ view point හි අවට පෙනෙන ආශ්චර්යවත් සුන්දර දර්ශන සංචාරකයාගේ නෙතට ප්‍රිය දසුනක් වනු නොඅනුමානය. මෙම සුන්දරත්වය සියැසින් දැක බලා ගැනීමට පමණක් නොව, එහි රාත්‍රියක් ගත කරමින් අපූරු වින්දනයක් සහ අත්දැකීමක් ලැබීමටත් ඔබට අවස්ථාව හිමි වේ.
🍂 අඩු මුදලකට camping site ලබාගන්නා බහුතර තරුණ ප්‍රජාව මෙහි කඳවුරු බැඳ ගනිමින්, ගිනිමැළ දල්වමින්, සින්දු කියමින්, නර්තනයෙහි යෙදෙමින් ලබා ගන්නා වූ විනෝදය සහ අත්දැකීම ඔවුන්ගේ ජීවිතයට තවත් සොදුරු මතකයන් එකතු කරවීමට සමත් වනු නොඅනුමානය. කැලෑබොක්ක තේ වතු යායද මෙම සුන්දර ස්ථානයේ සුන්දරත්වය තවත් වැඩි කරවීමට සමත්වන ස්ථානයකි. රාජ්‍ය වැවිලි සංස්ථාවට අයත් විශාලම තේ වතුයාය ලෙස සලකන ‘කැලෑබොක්ක තේ වතුයාය’ අක්කර පනස්දහසකට
ආසන්න ව්‍යාප්තියක පවතී.
🍂 වතු කම්කරුවන්ගේ ලයින් නිවාසද මෙහි දැක බලා ගැනීමට හැකියාව ඇති අතර එම නිවාසවල සිටින අධ්‍යාපනය හදාරන දරුවන් කිලෝමීටර් පහක් හයක් වැනි දුෂ්කර දුරක් ගෙවා පාසල් යෑම සුලභ දසුනකි. ලංකාවේ විශාලම තේවත්ත තුළ ඇති ඉංග්‍රීසීන් විසින් සාදන ලද බංගලාවෙහිද නවාතැන් ගැනීමට සංචාරකයන්ට හැකියාව පවතී.
🍂 ප්‍රධාන මාර්ගයේ සිට ඉහලට ඇති මාර්ගය
කුඩා මෝටර් රථ ගමන් කිරීමට අපහසු ගල් මතුවූ නවීකරනය නොකල මාර්ගයකි. 4x4 වාහනයකින් නම් ගමන් කිරීමට පහසුය. යතුරු පැදි මගින් ඉහලම ස්ථානයටම පහසුවෙන් ගමන් කල හැකිය.
🍂 ස්වභාවධර්මයේ සොඳුරු දායාදයක් වන මෙම ස්ථානයේ සිට අපූරු අත්දැකීම් විඳගන්නා ඔබට එහි පවතින සුන්දරත්වය පමණක් උකහා ගන්නා ලෙසත්, ඔබ රැගෙන යන කිසිවක් එහි නොදමන ලෙසත් මතක් කරමි.
~ 📷 Credit Goes To The Original Photographer ~
⭕⭕ තව කෙනෙකුට දැනුවත් වෙන්න Share කරන්න. ඒ වගේම අපේ Page එකටත් Follow කරගෙන යන්න අමතක කරන්න එපා 😍❤️🥰
🔵 Travel Mood Whatsapp Page එකට පහත link එක හරහා Follow කරලා තියාගන්න.
https://whatsapp.com/channel/0029VaxNjcMFsn0gTtxWUp2a
⭕ Travel Mood WhatsApp Group දෙකට Join වෙන්න පහත ලින්ක් දෙකෙන් සෙට් වෙන්න.
https://chat.whatsapp.com/JUisw8Eh6kgE5Nr3kb9VaI
https://chat.whatsapp.com/L4T7ddtZfOhGGSOd0r2bDH
#කැලැබොක්ක
