10/07/2025
ගෝලීය ශිෂ්ටාචාර සංවාදයේ අමාත්‍ය රැස්වීම බෙයිජිංහිදී
ගෝලීය ශිෂ්ටාචාර සංවාදයේ අමාත්‍ය රැස්වීම (The Ministerial Meeting of the Global Civilizations Dialogue) අද බෙයිජිංහිදී ආරම්භ විය. දින දෙකක් පුරා පැවැත්වෙන මෙම සංවාදයට ලොව පුරා රටවල් සහ කලාප 140 කින් පමණ 600 කට අධික පිරිසක් සහභාගී වී සිටිති. මෙය අන්‍යෝන්‍ය අවබෝධය, සංස්කෘතික හුවමාරුව සහ ගෝලීය සහයෝගීතාව වර්ධනය කිරීම සඳහා බලවත් පියවරකි.
සමාන්තර උප සංසදවලදී, සහභාගිවන්නන් අන්තර්-ශිෂ්ටාචාර හුවමාරුවේ සහ අන්‍යෝන්‍ය ඉගෙනීමේ තීරණාත්මක කාර්යභාරය ගවේෂණය කරනු ඇති අතර ගෝලීය සංවර්ධනය සහ සමෘද්ධිය, සංස්කෘතික උරුමය සහ නවෝත්පාදනය, ජනතාව අතර අවබෝධය සහ මිත්‍රත්වය, විද්‍යාත්මක හා තාක්ෂණික ප්‍රගතිය සහ අධ්‍යයන හුවමාරුව ප්‍රවර්ධනය කරනු ඇත.
