11/05/2026
🛑 මෙරටින් හමුවූ පැරණිම සෙල්ලිපිය ජනතාවට නැරඹීමේ වරම් -ජ්‍යෙෂ්ඨ මහාචාර්ය කරුණාසේන හෙට්ටිආරච්චි
මෙරටින් මෙතෙක් හමුවූ පැරණිම සෙල්ලිපිය ලෙස සලකන පොලොන්නරුව, දිඹුලාගල, නාමල් පොකුණ, දීර්ඝ සෙල්ලිපිය දැන් පොදු ජනතාවට නැරඹීමට ඉඩ සලසා ඇති බව ඉකුත් තෙවසරක පමණ කලක් තිස්සේ ඒ පිළිබඳ ගවේෂණය කළ පුරාවිද්‍යා කමිටුවේ ප්‍රධානියකු මෙන්ම ඉතිහාසය සහ පුරාවිද්‍යාව පිළිබඳ ප්‍රකට විද්වතකු වන ජ්‍යෙෂ්ඨ මහාචාර්ය කරුණාසේන හෙට්ටිආරච්චි මහතා පැවසීය.
කොළඹ, රාජකීය ආසියාතික සමිති ශාලාවේදී ඊයේ ( 10) පෙරවරුවේදී පැවති ‘දිඹුලාගල සෙල්ලිපියෙන් අලුත් වන ඉතිහාසය’ විද්වත් කතිකාවතට එක්වෙමින් හෙතෙම මේ බව කීවේය.
මහවැලි නදිය අසබඩ මනරම් පරිසරයක පිහිටි එය මෙරටට විදෙස් සංචාරකයන් ආකර්ෂණය කරගත හැකි මහඟු සම්පතක් බවත් හෙතෙම කීවේය.
එසේම සෙල්ලිපි කියවීමේදී භාවිත කරන නවීන තාක්ෂණය මෙරටදී මුල්වරට මේ වෙනුවෙන් යොදාගත් බවත් ප්‍රකාශ කළ පුරාවිද්‍යා දෙපාර්තමේන්තුවේ සහකාර අධ්‍යක්ෂ, (අභිලේඛන හා තාක්ෂණ) බුද්ධි නාගොඩවිතාන මහතා එහිදී වැඩිදුරටත් පැවසුවේ, මේ සෙල්ලිපියෙන් අතීත රජ පරම්පරාවක් සහ තවත් රජවරුන් කිහිපදෙනකු පිළිබඳ තොරතුරු හෙළිවන අතර එම තොරතුරු අනුව මහාවංශයේ සඳහන් ඇතැම් කරුණුවල පරස්පරතා මතු වන බවත්ය.
එසේම මෙයට අදාළ වාර්තාව ඉදිරියේදී මුද්‍රණයෙන් එළිදැක්වීමට කටයුතු කරන බවත් එහිදී වැඩිදුරටත් සඳහන් කෙරිණ.
More Info >>>
https://sinhala.lankapuvath.lk/2026/05/11/%e0%b6%b8%e0%b7%99%e0%b6%bb%e0%b6%a7%e0%b7%92%e0%b6%b1%e0%b7%8a-%e0%b7%84%e0%b6%b8%e0%b7%94%e0%b7%80%e0%b7%96-%e0%b6%b4%e0%b7%90%e0%b6%bb%e0%b6%ab%e0%b7%92%e0%b6%b8-%e0%b7%83%e0%b7%99/
