01/05/2026
පොඩි කාලෙ, ඒ කියන්නෙ මේ පින්තූරෙ ඉන්න පෙරපාසල් යන වයසෙ මං කියන්නෙ ඉතින් හරිම කම්මැලියෙක්... ඉගෙන ගන්න වැඩවලට ඇරෙන්න අනිත් හැමදේටම ආස කෙනෙක්... ඉස්සර මට මතකයි තාත්තා මාව පෙරපාසලට ගෙනත් ඇරලවත්දි මාව ආයෙ ගෙදර එක්කන් යන්න කියලා ගේට්ටුවේ පවා නැගලා අඬපු හැටි...🤭 ඉතින් මට ඒ දවස් වල ඕන උනේ ඉක්මනට ලොකු වෙන්න, එතකොට මට ඉගෙන ගන්න වැඩවලින් ඉක්මනට නිදහස් වෙන්න පුලුවන් කියල මට හිතුන නිසා...
මං කලින් කිව්වත් වගේ පොඩි කාලෙ ඉඳන්ම පොතේ පතේ වැඩවලට වඩා වැඩියෙන් ආස අනිත් දේවල් වලට... ඒ කිව්වෙ චිත්ර අඳින්න, electronic වැඩවලට, වාහන සම්බන්ධ දේවල්වලට, කොටින්ම අම්මත් එක්ක මල් පැළ හිටවන්න, ඒවට වතුර ඒම දාල ලස්සනට බලාගන්නෙ පවා නංගිට වඩා මං 🤭 (මොකද මං පොඩි කාලෙ ඉඳන්ම ස්වාභාව දහමට මාර විදිහට ආස කෙනෙක්🍃)
ඉතින් ඔන්න ඔය කියපු දේවල් එක්ක මං ගොඩක් පොඩි කාලෙදි ඉගෙන ගන්න එකට මුල් තැනක් දුන්නෙ නැහැ... ඒත් කාලය ටිකෙන් ටික ගෙවිලා ගිහින් ටික ටික මේ චූටි ළමයා ලොකු වෙද්දි මට තේරුණ දෙයක් තමයි, අපිට අපේ අනිත් හැම ආස දෙයක්ම කරන්න පුළුවන් හොඳට ඉගෙනගෙන සල්ලි හම්බකරොත් විතරයි කියලා...
ඉතින් මං කෝම හරි මහන්සි වෙලා විභාග ටිකත් හොඳට ගොඩ දාගෙන අද ඉන්න මේ තැනට ආවා... තාම කැම්පස් එකේ දෙවෙනි වසරෙ👨🎓, ඒත් තව යන්න දුර බොහොමයි... හැබැයි තාමත් මගේ ඇතුළෙ අර පොඩි කාලෙ ඉඳපු 'චූටි මං' ඉන්නවා පරිස්සමට... එයාත් බලන් ඉන්නෙ මං දිනනකම්... මොකද එයාගෙ පොඩි පොඩි ආසාවල් තාමත් ඒ විදිහටම රැකිලා තියෙන නිසා...❤️🩹
Janith Thathsara ✍️
