20/07/2025
ජගත් විතානගේ පුත් රසික විතානට අධිකරණ නියෝගය
සමගි ජන බලවේගයේ පාර්ලිමේන්තු මන්ත්‍රී ජගත් විතානගේ පුත් රසික විතානව අධිකරණය විසින් ලබන අගෝස්තු මස 1 වනදා දක්වා රක්ෂිත බන්ධනාගාරගත කිරීමට නියෝග කර ඇත.
Land Cruiser වර්ගයේ ජීප් රථයක් නීතිවිරෝධී ලෙස කොටස් ගෙන්වා එකලස් කර ව්‍යාජ ලේඛන මගින් ලියාපදිංචි කිරීමේ චෝදනාව මත ඔහුව ඊයේ (19) මතුගම නෑබඩ ප්‍රදේශයේදී පානදුර වලාන දූෂණ මර්දන ඒකකය අත්අඩංගුවට ගෙන ඇත.
අද (20) මතුගම මහේස්ත්‍රාත් අසංකා හෙට්ටියාවත්ත වෙත ඉදිරිپත් කිරීමෙන් පසුව මෙම රක්ෂිත බන්ධනාගාර නියෝගය ලැබී තිබේ.
විමර්ශනවලදී හෙළිදරව් වී ඇත්තේ මෙම ජීප් රථය මුලින් පාර්ලිමේන්තු මන්ත්‍රී රෝහිත අබේගුණවර්ධනගේ දියණිය රොෂෙල් අබේගුණවර්ධන සතුව තිබූ අතර, 2024 වර්ෂයේදී රසික විතාන විසින් එය මිලදී ගත් බවයි.
මෙම සිද්ධිය සම්බන්ධ විමර්ශනයට අදාළව පානදුර වලාන දූෂණ මර්දන ඒකකයේ නිලධාරීන් ඊයේ (19) රාත්‍රියේ රෝහිත අබේගුණවර්ධනගේ දියණියගේ නිවසට ගොස් ඇති නමුත් ඇය එම අවස්ථාවේ නිවසේ නොසිටි බව වාර්තා වේ.
