Maatram

06/10/2026

"இன்றைய நாள் என் வாழ்க்கையில் ஒரு முக்கியமான நாளாகும். நீதிமன்றத்தால் குற்றவாளியாக அறிவிக்கப்பட்ட ஒருவருக்கு ஜனாதிபதிகள் தங்களது விருப்பம்போல ஜனாதிபதி பொதுமன்னிப்பு வழங்க முடியாது என்று உயர் நீதிமன்றம் 2026/09/10 அன்று வழங்கிய வரலாற்றுச் சிறப்புமிக்க தீர்ப்பு நடைமுறைக்கு வந்த நாள் இன்றாகும்.

இத்தீர்ப்பானது நாட்டின் சட்டத்தையும், நீதித்துறையின் சுயாதீனத்தையும் வெற்றிபெறச் செய்துள்ளது. நாட்டின் சட்டத்தைப் பலப்படுத்துவதற்கு எனக்குக் கிடைத்த வாய்ப்பை பயன்படுத்திக் கொள்ள முடிந்தையிட்டு மகிழ்ச்சியடைகிறேன்."

- பிரகீத் எக்னலிகொடவின் மனைவி சந்தியா எக்னலிகொட

06/10/2026

“The proposed law will allow similar abuses, breaching Sri Lanka’s obligations under international law and jeopardizing its EU trade benefits.”

The Sri Lankan government’s latest attempt to replace its abusive Prevention of Terrorism Act (PTA) retains numerous provisions that have enabled serious human rights violations.

05/10/2026

நாளை காலை 9 மணிக்கு,
நாடாளுமன்ற சுற்றுவட்டத்துக்கு முன்னால்

05/10/2026

பயங்கரவாதத் தடைச் சட்டத்தின் நீண்டகாலப் பிரச்சினைகளுக்குத் தீர்வுகாணக்கூடியதும், ஜனநாயக சமூகத்தின் விழுமியங்களுக்கு அமைவான முறையில் பாதுகாப்பு விடயங்களை கையாளக்கூடியதுமான மறுசீரமைப்புச் செயற்பாடொன்றை அரசாங்கம் மேற்கொள்ள வேண்டும் - மாற்றுக் கொள்கைகளுக்கான நிலையம் https://www.cpalanka.org/pstb-2026%e0%ae%90-%e0%ae%ae%e0%af%80%e0%ae%b3%e0%ae%a4%e0%af%8d-%e0%ae%a4%e0%ae%bf%e0%ae%b0%e0%af%81%e0%ae%ae%e0%af%8d%e0%ae%aa%e0%ae%aa%e0%af%8d%e0%ae%aa%e0%af%86%e0%ae%b1-%e0%ae%b5/

05/10/2026

நீதிமன்ற அவமதிப்பு குற்றத்திற்காக கல*கொட அத்*தே ஞான*சார தேரருக்கு விதிக்கப்பட்டிருந்த 6 ஆண்டுகள் சிறைத்தண்டனை இன்று (05) முதல் மீண்டும் அமலுக்கு வரும் வகையில் உடனடியாக அமல்படுத்துமாறு மேல்முறையீட்டு நீதிமன்றம் உத்தரவிட்டுள்ளது.

முன்னாள் ஜனாதிபதி மைத்திரிபால சிறிசேனவினால் ஞான*சார தேரருக்கு வழங்கப்பட்ட ஜனாதிபதி பொதுமன்னிப்பு சட்டத்தின் முன் செல்லுபடியாகாது என உயர் நீதிமன்றம் கடந்த செப்டம்பர் 10ஆம் திகதி வழங்கிய தீர்ப்பிற்கு அமையவே இந்த உத்தரவு பிறப்பிக்கப்பட்டுள்ளது.

நீதிபதிகள் மாயாதுன்னே கொரயா மற்றும் லக்மாலி கருணாநாயக்க ஆகியோர அடங்கிய மேல்முறையீட்டு நீதிமன்ற அமர்வு இன்று இந்த உத்தரவை வழ பிறப்பித்தது.

இன்று சிறைச்சாலை அதிகாரிகளால் நீதிமன்றில் ஆஜர்படுத்தப்பட்டபோது, ஞான*சார தேரர் சார்பாக ஆஜரான சட்டத்தரணி, "தேரர் தனது மூத்த பிக்குகளின் அறிவுறுத்தலின் பேரிலேயே ஆரணிய சேனாசனத்திற்குச் சென்றார். நீதிமன்றத்தை புறக்கணிக்குமாறு அவர்கள் கூறவில்லை; தேரரின் உடல்நிலை சரியில்லாததால் ஓய்வெடுக்குமாறே அறிவுறுத்தினர். அங்கு தொலைபேசி சமிக்ஞை இல்லாததால் வழக்கறிஞர்களைத் தொடர்பு கொள்ள முடியவில்லை. நீதிமன்றத்தைப் புறக்கணிக்கும் எண்ணம் அவருக்கு இருக்கவில்லை" எனத் தெரிவித்தார்.

ஞான*சார தேரர் சார்பில் நீதிமன்றத்தில் 1 நிமிடம் பேசுவதற்கு அனுமதி கேட்கப்பட்டபோதிலும் நீதிபதிகள் அதை நிராகரித்தனர். அனைத்துக் கருத்தையும் பரிசீலித்த நீதிபதிகள் குழு, 6 ஆண்டு சிறைத்தண்டனையை இன்று முதல் மீண்டும் அமல்படுத்துமாறு உத்தரவிட்டது.

03/10/2026

நீதிமன்றப் பிடியாணை பிறப்பிக்கப்பட்டிருந்த கல*கொட அத்தே ஞான*சார தேரர் கைது செய்யப்பட்டுள்ளார். தீனியாவல பகுதியில் உள்ள ஆரணிய சேனாசனம் (ஆச்சிரமம்) ஒன்றில் தலைமறைவாக இருந்தபோதே இவர் கைது செய்யப்பட்டார்.

2016 ஆம் ஆண்டு ஜனவரி மாதம் ஹோமாகம நீதவான் நீதிமன்றத்தில் ஊடகவியலாளர் பிரகீத் எக்னலிகொட காணாமல் ஆக்கப்பட்டமை தொடர்பான வழக்கு விசாரணைக்கு வந்தபோது, அனுமதி இன்றி நீதிமன்றத்தில் பேசியமை மற்றும் நீதிமன்ற நடவடிக்கைகளுக்கு இடையூறு விளைவித்தமை ஆகிய குற்றச்சாட்டுகளுக்காக ஞான*சார தேரர் மீது நீதிமன்ற அவமதிப்பு வழக்குத் தொடரப்பட்டது.

2018 ஆம் ஆண்டு ஆகஸ்ட் 8 ஆம் திகதி இக்குற்றச்சாட்டுகளில் குற்றவாளியாகக் காணப்பட்ட ஞான*சார தேரருக்கு மேல்முறையீட்டு நீதிமன்றம் 19 ஆண்டுகள் சிறைத்தண்டனை விதித்ததுடன், அதனை 6 ஆண்டுகளில் அனுபவித்து முடிக்கும் வகையில் தீர்ப்பளித்தது.

பின்னர், அன்றைய ஜனாதிபதி மைத்திரிபால சிறிசேன அரசமைப்புச் சட்டத்தின் கீழ் அவருக்கு ஜனாதிபதி பொதுமன்னிப்பு வழங்கி விடுவித்தார். எனினும், இந்த ஜனாதிபதி பொதுமன்னிப்பு அரசியலமைப்புக்கு முரணானது எனத் தெரிவித்து பிரகீத் எக்னலிகொடவின் மனைவி சந்தியா எக்னலிகொட, மாற்றுக் கொள்கைகளுக்கான நிலையம் உள்ளிட்டோர் தாக்கல் செய்த அடிப்படை உரிமை மனுவை விசாரித்த உயர்நீதிமன்றம், கடந்த செப்டம்பர் 10 ஆம் திகதி அந்தப் பொதுமன்னிப்பை ரத்துச் செய்து தீர்ப்பளித்தது.

உயர்நீதிமன்ற உத்தரவுக்குப் பின்னரும் தண்டனை நிறைவேற்றப்படாமை குறித்து மனுதாரர்கள் சார்பில் தாக்கல் செய்யப்பட்ட மனு கடந்த செப்டம்பர் 29 ஆம் திகதி மேல்முறையீட்டு நீதிமன்றத்தில் பரிசீலனைக்கு எடுத்துக்கொள்ளப்பட்டது. அப்போது அறிவித்தல் அனுப்பப்பட்டிருந்தபோதிலும் ஞான*சார தேரர் ஆஜராகாததால், அவரைக் கைதுசெய்து நீதிமன்றத்தில் ஆஜர்படுத்துமாறு மேல்முறையீட்டு நீதிமன்றம் பிடியாணை பிறப்பித்தது.

இதனைத் தொடர்ந்தே பொலிஸார் அவரைத் தேடி வந்த நிலையில் தற்போது கைதாகியுள்ளார்.

02/10/2026

விடைபெறுகிறோம், அன்பான தோழரே. உமது குரலை ஒருபோதும் மௌனிக்க முடியாது.
👉 https://maatram.org/?p=12937

01/10/2026

2009 மே மாத இறுதிக்கட்ட போரின் போது, இராணுவத்தினரிடம் தங்களது பெற்றோருடன் ஒப்படைக்கப்பட்ட/ சரணடைந்த 29 சிறுவர்களின் (பெரும்பாலோர் 5 வயதிற்கும் உட்பட்ட குழந்தைகள்) நிலை குறித்து இலங்கை அரசு இதுவரை எவ்வித அதிகாரப்பூர்வ பதிலும் வழங்கவில்லை.

இலங்கை அரசு, ஐக்கிய நாடுகளின் சிறுவர் உரிமைகள் தொடர்பான உடன்படிக்கையில் கையெழுத்திட்டுள்ள போதிலும், அரச தடுப்பில் காணாமல் ஆக்கப்பட்ட சிறுவர்கள் தொடர்பான உண்மை கண்டறியும் உரிமையை மற்றும் நீதியைப் பெறுவதற்கான உரிமையை தொடர்ச்சியாக மறுத்து வருகிறது.

தங்கள் குழந்தைகள் உயிரோடு இருக்கிறார்களா அல்லது அவர்களுக்கு என்ன நேர்ந்தது என்ற உண்மையைக்கூட அறிய முடியாமல், 16 ஆண்டுகளாகப் போராடி வரும் உறவினர்களின் நீதி கோரும் போராட்டம், நாட்டின் நீதித்துறையின் நம்பகத்தன்மையைக் கேள்விக்குள்ளாக்குகிறது.

நீதிமன்ற விசாரணைகள் மற்றும் ஆணைக்குழுக்களில் பதிவு செய்யப்பட்ட வாக்குமூலங்களின் அடிப்படையில் இந்த 29 சிறுவர்கள் குறித்து எடுக்கப்பட்ட நடவடிக்கை என்ன?

தேசிய சிறுவர் பாதுகாப்பு அதிகாரசபை மற்றும் மனித உரிமைகள் ஆணைக்குழு ஆகியவை இச்சம்பவம் தொடர்பில் சுயாதீன விசாரணைகளை விரைவுபடுத்தாதது ஏன்?

வெறும் கொண்டாட்டங்களுடன் சிறுவர் தினத்தைச் சுருக்கிவிட முடியாது. அரசு தனது வரலாற்றுப் பிழைகளுக்கும், அரசின் தடுப்பில் காணாமல் ஆக்கப்பட்ட சிறுவர்களின் நிலைக்கும் முழுமையான பொறுப்பேற்று, உண்மையை வெளிப்படுத்த வேண்டும்.

01/10/2026

PSTA வர்த்தமானி: கருத்துச் சுதந்திரத்தை அச்சுறுத்தி டிஜிட்டல் சர்வாதிகாரத்திற்கு வழிவகுக்கும் முயற்சி!

https://maatram.org/wp-content/uploads/2026/10/PSTA-Tamil-PDF.pdf

30/09/2026

ஞா*னசா*ர தேரருக்கு பொதுமன்னிப்பு வழங்குமாறு வலியுறுத்தி 50 இலட்சம் கையெழுத்துக்களை பெறும் நடவடிக்கையில் பிக்குகள் ஈடுபட்டிருந்தபோது ஒருவர் அதற்கு எதிர்ப்புத் தெரிவித்து, இனங்களுக்கு இடையே முரண்பாடுகளைத் தோற்றுவிக்கும் ஞா*னசா*ர கைதுசெய்யப்பட வேண்டியவர், அவர் சிறைக்குச் சென்றே ஆகவேண்டும் என்று கூறும் வீடியோ ஒன்றை கையெழுத்துக்கள் சேகரிக்கும் பிக்குவான தித்தகல ஆனந்தசிறி வெளியிட்டுள்ளார்.