SuwasaM News

08/10/2026

08/10/2026

மத்திய கிழக்கு போரினால் பல பாதிப்புக்களை நாளுக்கு நாள் எதிர்கொள்ளும் உலகின் பல நாடுகள்.

உலக சந்தையில் மசகு எண்ணெயின் விலை மீண்டும் அதிகரித்துள்ளதுடன்,பிரெண்ட் ரக மசகு எண்ணெய் பீப்பாய் ஒன்றின் விலை 2.23 சதவீதத்தால் அதிகரித்து, 102.30 அமெரிக்க டொலராக பதிவாகியுள்ளது.

அதேவேளை, WTI ரக மசகு எண்ணெய் பீப்பாய் ஒன்றின் விலை 1.82 சதவீதத்தால் அதிகரித்து, 89.86 அமெரிக்க டொலராக பதிவாகியுள்ளது.

இந்நிலையில், நாடளாவிய ரீதியில் எரிபொருள் விநியோகம் இன்று (08) முதல் வழமைக்கு திரும்பியுள்ளதாக தனியார் பெற்றோல் தாங்கி உரிமையாளர்கள் சங்கம் தெரிவித்துள்ளது.

இதேவேளை,அதிகளவிலான எரிபொருள் கையிருப்பை வெளியிட இலங்கை IOC நிறுவனம் நடவடிக்கை எடுத்துள்ள நிலையில், எரிபொருள் விநியோகத்தில் தற்போது எவ்வித தடையும் இல்லை என அந்த சங்கத்தின் இணை செயலாளர் சாந்த சில்வா தெரிவித்துள்ளார்.

08/10/2026

உள்நாட்டு செய்தி:- “வணிகமாக மாறியிருந்த அரசியலை கடந்த இரண்டு ஆண்டுகளில் மக்கள் சேவையாக மாற்றுவதில் நாம் வெற்றி அடைந்துள்ளோம்” என ஜனாதிபதி அனுர குமார திசாநாயக்க தெரிவித்துள்ளார்.
🇱🇰

07/10/2026

07/10/2026

உள்நாட்டு செய்தி
****************
‘சிரிலிய சவிய’ அமைப்பின் ஊடாக ரிஜ்வே சீமாட்டி சிறுவர் மருத்துவமனைக்கு கணனிமயமாக்கப்பட்ட டொமோகிராபி ஸ்கேன் (CT Scan) இயந்திரம் ஒன்றை வழங்குவதாகக் கூறி, தேசிய சேமிப்பு வங்கியிடமிருந்து 10 மில்லியன் ரூபாய் பெறப்பட்டதாகவும்,குறித்த தொகையைப் பயன்படுத்தி சம்பந்தப்பட்ட இயந்திரம் வழங்கப்படவில்லை என்னும் நிலையில், அரச நிதியை குற்றவியல் முறையில் தவறாகப் பயன்படுத்தியமை மற்றும் பொது சொத்து சட்டத்தின் கீழான குற்றங்கள் தொடர்பான குற்றச்சாட்டுகளின் அடிப்படையில், இலஞ்சம் மற்றும் ஊழல் குற்றச்சாட்டுகளை விசாரணை செய்யும் ஆணைக்குழுவினால் ஷிரந்தி ராஜபக்ச கைது செய்யப்பட்டு இன்று (07) நீதிமன்றத்தில் முன்னிலைப்படுத்தப்பட்டார்.

அதனைதொடர்ந்து, அவரை எதிர்வரும் 13ஆம் திகதி வரை விளக்கமறியலில் வைக்க கொழும்பு பிரதான நீதவான் நீதிமன்றம் இன்று (07) உத்தரவிட்டுள்ளது.

இதேவேளை,விளக்கமறியலில் வைக்கப்பட்டுள்ள முன்னாள் ஜனாதிபதி மஹிந்த ராஜபக்சவின் மனைவி ஷிரந்தி ராஜபக்சவை, கொழும்பு விளக்கமறியல் சிறைச்சாலையின் பெண்கள் பிரிவில் உள்ள பாதுகாப்பான இடத்தில் தடுத்து வைக்க நடவடிக்கை எடுக்கப்பட்டுள்ளதாக சிறைச்சாலைகள் ஆணையாளர் மற்றும் சிறைச்சாலை ஊடகப் பேச்சாளர் சேனக பல்லேதென்ன தெரிவித்துள்ளார்.

அதன்படி, ஷிரந்தி ராஜபக்சவை கொழும்பு விளக்கமறியல் சிறைச்சாலையின் பெண்கள் பிரிவில் பாதுகாப்பான இடத்தில் தடுத்து வைப்பதற்கான ஏற்பாடுகள் செய்யப்பட்டுள்ளதாக அவர் மேலும் குறிப்பிட்டுள்ளார்.
🇱🇰

07/10/2026

07/10/2026

உள்நாட்டு செய்தி:-

முன்னாள் அமைச்சர் ரோஹித்த போகல்லாகம இலஞ்சம் மற்றும் ஊழல் ஒழிப்பு ஆணைக்குழுவினால் இன்று(07) கைது செய்யப்பட்டுள்ளார்.

இலஞ்ச,ஊழல் குற்றச்சாட்டு தொடர்பில் வாக்குமூலம் ஒன்றை வழங்குவதற்காக சென்ற நிலையில், இலஞ்சம் மற்றும் ஊழல் ஒழிப்பு ஆணைக்குழுவினால் அவர் இவ்வாறு கைது செய்ய்பட்டுள்ளார்.
🇱🇰

07/10/2026

முன்னாள் ஜனாதிபதி மஹிந்த ராஜபக்ஸவின் மனைவி ஷிரந்தி ராஜபக்ஸ இலஞ்சம் மற்றும் ஊழல் ஒழிப்பு விசாரணை ஆணைக்குழுவினரால் கைது செய்யப்பட்டுள்ளார்.

கொழும்பில் உள்ள வீட்டுக்கு ஆணைக்குழுவின் அதிகாரிகள் வாக்குமூலம் பதிவு செய்வதற்காக இன்று காலை சென்றிருந்ததுடன், பின்னர் அவரை கைது செய்துள்ளனர்.

ஷிரந்தி ராஜபக்ஸ சிரிலிய சவிய கொடுக்கல் வாங்கலில் மேற்கொண்டதாக கூறப்படும் நிதி முறைகேடுகள் தொடர்பிலேயே அவர் கைது செய்யப்பட்டுள்ளதாக கையூட்டல் மற்றும் ஊழல் ஒழிப்பு விசாரணை ஆணைக்குழு தெரிவித்துள்ளது.
🇱🇰

06/10/2026

போதைப்பொருள் கடத்தல் தொடர்பான குற்றச்சாட்டின் அடிப்படையில், கொழும்பு மாநகர சபையின் முன்னாள் உறுப்பினர் மஹிந்த கஹந்தகம உள்ளிட்ட இருவர் மத்திய குற்ற புலனாய்வு பிரிவினரால் கைது செய்யப்பட்டுள்ளனர்.

குறித்த சம்பவம் தொடர்பில் மத்திய குற்றப் புலனாய்வுப் பிரிவினர் மேலதிக விசாரணைகளை முன்னெடுத்து வருகின்றனர் என காவல்துறையினர் தெரிவித்துள்ளனர்.
🇱🇰

05/10/2026

நீதிமன்ற அவமதிப்பு குற்றச்சாட்டில் ஏற்கனவே வழங்கப்பட்ட 6 ஆண்டுகள் சிறைதண்டனை தொடர்ச்சியாக வழங்கப்பட்டுள்ள நிலையில், கலகொடஅத்தே ஞானசார தேரர் சிறைச்சாலை செல்லும் போது பின்வருமாறு கூறிச்சென்றார்.

“தான் நீதிமன்றை புறக்கணித்து தலைமறைவாகவில்லை. மன நிம்மதிக்காக தியானம் செய்ய சென்றிருந்தேன்”
“தெற்கின் இரத்தம்…கடனும் இல்லை, பயமும் இல்லை”

இதேவேளை, அவர் அணிந்திருந்த துறவி உடை களையப்பட்டதுடன் சாதாரண கைதிகளுக்கு வழங்கப்படும் ஜம்பர் அவருக்கு வழங்கப்பட்டுள்ளதாக சிறை ஊடக பேச்சாளர் சேனக பல்லேதென்ன தெரிவித்துள்ளார்.

மேலும், சாதாரண கைதிகள் அடைக்கப்படும் சிறை அறையில் தங்க வைக்கப்பட்டுள்ளார் எனவும் தெரிவித்துள்ளார்.
🇱🇰