Lanka News Today, Colombo (2026)

10/08/2026

🌿 அறம் சார்ந்த வாழ்க்கை – நாள் 3

💚 நன்றி மறவாத மனம் – மனிதனின் உண்மையான செல்வம்

வாழ்க்கையில் நாம் உயரும்போது, நம்மை உயர்த்தியவர்களை மறந்துவிடக் கூடாது.

“நன்றி” என்பது ஒரு சிறிய சொல்.
ஆனால் அந்த ஒரு சொல்லுக்குள் ஒரு மனிதனின் மனிதநேயம், பணிவு, அன்பு, அறம் அனைத்தும் அடங்கியிருக்கிறது.

நாம் இன்று இருக்கும் இடத்தை அடைய, நம் உழைப்பு மட்டும் காரணமல்ல.

நாம் நடக்கக் கற்றுக்கொடுத்த பெற்றோர்…
நமக்கு அறிவைக் கற்றுக்கொடுத்த ஆசிரியர்கள்…
விழுந்தபோது கைகொடுத்த நண்பர்கள்…
நம்பிக்கை இழந்தபோது ஒரு நல்ல வார்த்தை கூறியவர்கள்…
நமக்காக அமைதியாக உதவிய நல்ல உள்ளங்கள்…

இவர்கள் அனைவரின் பங்களிப்பும் நம் வாழ்க்கைப் பயணத்தில் அழியாத தடங்களை பதித்திருக்கிறது.

🌱 வெற்றியின் உயரம் நன்றியுணர்வால் அளவிடப்படுகிறது!

வெற்றி பெற்றவுடன்,

“நான் மட்டுமே இதை சாதித்தேன்” என்று நினைப்பது அகந்தை.

“என்னை இங்கு கொண்டு வர பலர் உதவியிருக்கிறார்கள்” என்று நினைப்பது நன்றியுணர்வு.

நம்மை முன்னேற்றியவர்களை மறந்துவிடுவது வெற்றியின் பெருமை அல்ல.
அது நம் மனதின் வறுமை.

நன்றியுள்ள மனிதன் எங்கு சென்றாலும் மனிதர்களின் இதயத்தில் இடம் பிடிப்பான்.

அதற்காக பெரிய பரிசுகள் தேவையில்லை.

😊 ஒரு புன்னகை போதும்…
❤️ ஒரு அன்பான வார்த்தை போதும்…
📞 ஒரு தொலைபேசி அழைப்பு போதும்…
💬 “நீங்கள் செய்த உதவியை நான் ஒருபோதும் மறக்கவில்லை” என்று உண்மையாகச் சொல்வது போதும்.

சில நேரங்களில் நாம் கொடுக்கும் மிகப்பெரிய பரிசு பணம் அல்ல…

நாம் ஒருவரின் நன்மையை நினைவில் வைத்திருக்கிறோம் என்ற உணர்வே!

🌿 நன்றியுணர்வு மனதை மாற்றும்

நன்றியுணர்வு கொண்ட மனதில்…

🌱 பொறாமை குறையும்.
🌱 அகந்தை விலகும்.
🌱 கோபம் தணியும்.
🌱 அன்பு பெருகும்.
🌱 உறவுகள் வலுப்படும்.
🌱 வாழ்க்கையின் சிறிய மகிழ்ச்சிகளையும் ரசிக்கத் தொடங்குவோம்.

நமக்கு கிடைத்த உதவிகளை நினைவில் வைத்திருப்பது மட்டும் போதாது.

நமக்கு ஒருவர் செய்த நன்மையை, வாய்ப்பு கிடைக்கும் போது மற்றொருவருக்கு நாம் செய்ய வேண்டும்.

அதுவே நன்றியின் உயர்ந்த வடிவம்.

ஒருவர் நமக்கு ஏற்றிய விளக்கை நினைத்து நன்றி கூறுவதோடு நிற்காமல்,
நாமும் இன்னொருவரின் வாழ்க்கையில் ஒரு விளக்காக மாறுவோம்.

💚 இன்றைய சிந்தனை

“நமக்கு நன்மை செய்தவர்களை மறக்காமல் இருப்பது நல்ல மனிதராக இருப்பதற்கான முதல் படி; நமக்குக் கிடைத்த நன்மையை மற்றவர்களிடம் பகிர்வது அறத்தின் உயர்ந்த படி.”

👇 இன்று உங்கள் வாழ்க்கையை மாற்றிய ஒருவரை நினைவுகூருங்கள்.

அவரை தொடர்பு கொள்ளுங்கள்.

ஒரு “நன்றி” சொல்லுங்கள்.

நீண்ட நாட்களாக பேசவில்லை என்றால் இன்று பேசுங்கள்.

ஏனெனில்…

நன்றி சொல்லுவதற்கு நாளை என்று ஒன்றில்லை.
நன்றி சொல்ல வேண்டிய நேரம் – இன்றே!

ஒரு நன்றி சொல்லும் வார்த்தை
அவரின் முகத்தில் ஒரு புன்னகையை உருவாக்கலாம்.

அதே நேரத்தில்…

உங்கள் மனதிலும் ஒரு புதிய ஒளியை ஏற்றலாம். 💚

🌿 நன்றி மறவோம்…
நன்மை செய்வோம்…
அறத்துடன் வாழ்வோம்…
மனிதநேயத்தை வளர்ப்போம்!

✍️ என்றும் அன்புடன்,
விழிப்புணர்வு வினீத்

கற்போம்! கற்பிப்போம்!
நல்லதே நினைப்போம்… நல்லதே நடக்கட்டும்! 🌿

#அறம் #அறம்சார்ந்தவாழ்க்கை #நன்றிமறவோம் #நன்றியுணர்வு #மனிதநேயம் #நல்லதேநினைப்போம்

09/08/2026

🌧️ பலத்த மழைக்கு வாய்ப்பு — வளிமண்டலவியல் திணைக்களம் எச்சரிக்கை
சபரகமுவ மற்றும் மேல் மாகாணங்களிலும், கண்டி, நுவரெலியா, காலி மற்றும் மாத்தறை மாவட்டங்களிலும் அவ்வப்போது மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.
மேலும், சபரகமுவ மாகாணம் மற்றும் காலி, மாத்தறை, களுத்துறை மாவட்டங்களின் சில பகுதிகளில் 50 மில்லிமீற்றருக்கும் அதிகமான ஓரளவு பலத்த மழை பெய்யக்கூடும் என எதிர்பார்க்கப்படுகிறது.
இதனால், மழை பெய்யும் சந்தர்ப்பங்களில் பொதுமக்கள் அவதானத்துடன் செயற்படுமாறும், இடியுடன் கூடிய மழை ஏற்படும் போது திறந்தவெளிகள் மற்றும் உயரமான இடங்களில் இருப்பதைத் தவிர்க்குமாறும் அறிவுறுத்தப்படுகிறது.
குறிப்பாக, தாழ்வான பகுதிகளில் வசிக்கும் மக்கள் மற்றும் பயணிகள் வானிலை மாற்றங்கள் தொடர்பில் தொடர்ந்து அவதானமாக இருக்குமாறு கேட்டுக்கொள்ளப்படுகின்றனர்.

#இலங்கை_வானிலை #மழை #பலத்தமழை #இடியுடன்_கூடிய_மழை #வளிமண்டலவியல்_திணைக்களம் #சபரகமுவ #மேல்மாகாணம் #கண்டி #நுவரெலியா #காலி #மாத்தறை #களுத்துறை

08/08/2026

“தூய்மையான தேசத்திற்கான தேசிய குடிமக்கள் பணி” — “அத்தம” தேசிய வேலைத்திட்டம் நாடு முழுவதும் ஆரம்பம்!
கொழும்பு:
தூய்மையானதும், ஒழுக்கமானதும், பொறுப்புணர்வுமிக்கதுமான தேசத்தை உருவாக்கும் நோக்கில் “தூய்மையான தேசத்திற்கான தேசிய குடிமக்கள் பணி” எனும் “அத்தம” தேசிய வேலைத்திட்டம் நாடளாவிய ரீதியில் ஆரம்பிக்கப்பட்டுள்ளது.

சுற்றுச்சூழல் பாதுகாப்பு, பொது இடங்களின் தூய்மை, கழிவு முகாமைத்துவம், சமூகப் பொறுப்பு மற்றும் நாட்டின் மீதான குடிமக்களின் பொறுப்புணர்வை வலுப்படுத்துவதே இத்திட்டத்தின் பிரதான நோக்கமாகும்.

நாட்டின் ஒவ்வொரு பிரதேசத்தையும் தூய்மையானதும் அழகானதுமான வாழ்விடமாக மாற்றுவதற்கு அரச நிறுவனங்கள், உள்ளூராட்சி அமைப்புகள், பாடசாலைகள், சமூக அமைப்புகள், இளைஞர்கள் மற்றும் பொதுமக்களின் பங்களிப்பை ஒருங்கிணைப்பதற்கும் இத்திட்டம் முக்கியத்துவம் அளிக்கிறது.

“தூய்மையான நாடு என்பது அரசாங்கத்தின் பொறுப்பு மட்டுமல்ல; ஒவ்வொரு குடிமகனின் பொறுப்பும் ஆகும்” என்ற எண்ணத்தை சமூகத்தின் ஒவ்வொரு மட்டத்திலும் உருவாக்குவதே இம்முயற்சியின் முக்கிய எதிர்பார்ப்பாகும்.

இலங்கையை தூய்மையான, பசுமையான, ஒழுக்கமான மற்றும் பொறுப்புணர்வுள்ள தேசமாக கட்டியெழுப்புவதற்கு மக்கள் அனைவரும் ஒன்றிணைந்து செயல்பட வேண்டும் என ஏற்பாட்டாளர்கள் வலியுறுத்தியுள்ளனர்.
--

BBC News தமிழ்

08/08/2026

இனவாத விதைகளை நிராகரிப்போம்; ஒற்றுமையால் நாட்டைக் கட்டியெழுப்புவோம்!

— ரா.நா.சசிகுமார்

இலங்கை மீண்டும் ஒருமுறை இனவாதம், மதவாதம் மற்றும் சமூகப் பிளவுகளின் பாதையில் செல்ல வேண்டும் என்று எதிர்பார்த்து, அதற்கான விதைகளை சமூகங்களுக்கிடையே தூவுவதற்காக காத்திருக்கும் ஒரு கூட்டம் இருக்கக்கூடும். ஆனால், அவர்களின் எதிர்பார்ப்புகளுக்கு நாம் ஒருபோதும் இடமளிக்கக் கூடாது.

கடந்த காலத்தின் கசப்பான அனுபவங்கள் எமக்கு கற்றுக்கொடுத்த மிகப்பெரிய பாடம் ஒன்றுதான் — இனவாதம் யாருக்கும் வெற்றியைத் தராது; அது இறுதியில் ஒரு நாட்டையே பலவீனப்படுத்தும்.

தமிழர், சிங்களவர், முஸ்லிம், மலையகத் தமிழர் என எமது அடையாளங்கள் வேறுபட்டிருந்தாலும், நாம் அனைவரும் வாழ்வது ஒரே நாட்டில். எமது பிள்ளைகளின் எதிர்காலமும் ஒரே மண்ணோடு இணைந்துள்ளது. ஆகவே, ஒருவரை ஒருவர் எதிரிகளாகப் பார்ப்பதைவிட, ஒருவருக்கொருவர் துணையாக நிற்பதே உண்மையான நாட்டுப்பற்று.

இனவாதக் கருத்துகள் சமூக ஊடகங்களில் பரப்பப்படும்போது, அவற்றை உண்மை என நம்பி பகிர்வதற்கு முன் நாம் சிந்திக்க வேண்டும். ஒரு பொய்யான செய்தி அல்லது வெறுப்பைத் தூண்டும் ஒரு பதிவு, சில நிமிடங்களில் ஆயிரக்கணக்கான மக்களைச் சென்றடையலாம். ஆனால் அதன் விளைவாக உருவாகும் அவநம்பிக்கையை நீக்குவதற்கு பல ஆண்டுகள் தேவைப்படலாம்.

நாம் எதை அறுவடை செய்ய விரும்புகிறோம்?

வெறுப்பை விதைத்தால் வெறுப்பையே அறுவடை செய்வோம்.
பிரிவினையை விதைத்தால் அழிவையே அறுவடை செய்வோம்.
ஆனால் ஒற்றுமையை விதைத்தால் நம்பிக்கையை அறுவடை செய்யலாம்.
அன்பை விதைத்தால் அமைதியை அறுவடை செய்யலாம்.
நல்லிணக்கத்தை விதைத்தால் வளமான இலங்கையை உருவாக்கலாம்.

இன்று எமது நாட்டிற்கு தேவையானது இனவாதத்தைத் தூண்டும் அரசியல் அல்ல; மக்களை ஒன்றிணைக்கும் தலைமைத்துவம்.
தேவையானது வெறுப்பை வளர்க்கும் வார்த்தைகள் அல்ல; நம்பிக்கையை உருவாக்கும் செயல்கள்.
தேவையானது கடந்த கால காயங்களை மீண்டும் கிளறுவது அல்ல; அவற்றிலிருந்து பாடம் கற்று எதிர்காலத்தை உருவாக்குவது.

ஒரு நாட்டின் உண்மையான பலம் அதன் ஆயுதங்களில் இல்லை; அதன் மக்களின் ஒற்றுமையில்தான் உள்ளது.

எமது குழந்தைகள் நாளை எந்த நாட்டில் வாழ வேண்டும் என்பதை இன்று நாம் தீர்மானிக்கிறோம். அவர்கள் மீண்டும் பயத்துடனும் சந்தேகத்துடனும் வாழ வேண்டுமா? அல்லது ஒருவரை ஒருவர் மதித்து, கைகோர்த்து, சுதந்திரமாகவும் பாதுகாப்பாகவும் வாழும் இலங்கையை அவர்களுக்கு வழங்க வேண்டுமா?

தேர்வு எம்மிடமே உள்ளது.

இனம், மதம், மொழி என எம்மை பிரிக்க முயற்சிக்கும் சக்திகளுக்கு நாம் ஒன்றிணைந்து பதிலளிக்க வேண்டும். எமது வேறுபாடுகளை அழிக்க வேண்டியதில்லை; அவற்றை மதித்துக்கொண்டே ஒற்றுமையாக வாழ கற்றுக்கொள்ள வேண்டும்.

ஒற்றுமை என்பது எமது பலவீனம் அல்ல; அதுவே எமது மிகப்பெரிய பலம்.

இந்த நாட்டை கட்டியெழுப்ப வேண்டியது ஒரு சமூகத்தின் பொறுப்பு மட்டும் அல்ல. அது ஒவ்வொரு இலங்கையரின் பொறுப்பு.

எமது அரசியல் வேறுபாடுகள் இருக்கலாம். எமது மொழிகள் வேறுபடலாம். எமது மத நம்பிக்கைகள் வேறுபடலாம். ஆனால் எமது நாடு ஒன்று. எமது எதிர்காலம் ஒன்று. எமது பிள்ளைகளின் கனவுகள் ஒன்று.

ஆகவே, இனவாதத்தின் நெருப்பை மீண்டும் மூட்ட முயற்சிப்பவர்களுக்கு நாம் வாய்ப்பளிக்காமல், நல்லிணக்கத்தின் விளக்கை ஏற்றுவோம்.

பிரிவினையை நிராகரிப்போம்!
வெறுப்பை நிராகரிப்போம்!
இனவாதத்தை நிராகரிப்போம்!
ஒற்றுமையைத் தேர்ந்தெடுப்போம்!
நல்லிணக்கத்தை வளர்ப்போம்!

நாம் ஒற்றுமையாக இருந்தால் மட்டுமே, ஒன்றிணைந்து எமது இலங்கையை மீண்டும் கட்டியெழுப்ப முடியும்.

நாடு முதலில்.
மக்கள் அனைவரும் சமம்.
ஒற்றுமையே எமது எதிர்காலம்.

— ரா.நா.சசிகுமார்

BBC News தமிழ்

08/08/2026

500-ஐக் கடந்த செம்மணி மனிதப் புதைகுழி எலும்புக்கூடுகள்:
நீதிக்கான காத்திருப்பு எப்போது முடியும்?

மூன்றாம் கட்ட அகழ்வுப் பணியின் 47ஆம் நாள் – எண்ணிக்கை 515 ஆக உயர்வு

யாழ்ப்பாணம், ஆகஸ்ட் 8, 2026:
செம்மணி மனிதப் புதைகுழியில் முன்னெடுக்கப்பட்டு வரும் மூன்றாம் கட்ட அகழ்வுப் பணியின் 47ஆம் நாளான இன்று, மேலும் 8 மனித எலும்புக்கூடுகள் சுத்தம் செய்யப்பட்டு அடையாளம் காணப்பட்டுள்ளன.

இதனையடுத்து, செம்மணி மனிதப் புதைகுழியில் இடம்பெற்றுள்ள மூன்று கட்ட அகழ்வுப் பணிகளிலும் இதுவரை சுத்தம் செய்து அடையாளம் காணப்பட்ட மனித எலும்புக்கூடுகளின் மொத்த எண்ணிக்கை 515 ஆக அதிகரித்துள்ளது.

இதில் 506 மனித எலும்புக்கூடுகள் முழுமையாக அகழ்ந்தெடுக்கப்பட்டு நீதிமன்றப் பாதுகாப்பில் ஒப்படைக்கப்பட்டுள்ளன எனத் தெரிவிக்கப்பட்டுள்ளது.

மூன்று கட்டங்களையும் சேர்த்து இதுவரை 101 நாட்கள் அகழ்வுப் பணிகள் இடம்பெற்றுள்ள நிலையில், இன்றைய தினமும் புதிதாகவும் சீரற்ற முறையிலும் அடையாளமிடப்பட்ட ஒரு சோதனை அகழிக் குழி (Test Pit) தோண்டப்பட்டுள்ளது. அதில் பல மனித எலும்பு எச்சங்கள் அடையாளம் காணப்பட்டு இலக்கமிடப்பட்டுள்ளன.

மேலும் எத்தனை எச்சங்கள் வெளிவரப் போகின்றன?

ஒவ்வொரு நாளும் மண்ணுக்குள் இருந்து வெளிவரும் மனித எலும்புக்கூடுகள், பல ஆண்டுகளாக நீதி தேடி காத்திருக்கும் தமிழ் மக்களின் காயங்களை மீண்டும் நினைவூட்டுகின்றன.

500-ஐக் கடந்துவிட்டது…
எண்ணிக்கை இன்னும் அதிகரிக்குமா?
நீதி கிடைக்கும் நாள் எப்போது?

எண்ணிக்கையை மட்டும் பதிவு செய்வது போதாது. இந்த மனித எச்சங்கள் யாருடையவை? அவர்கள் எவ்வாறு உயிரிழந்தனர்? அவர்களின் குடும்பங்கள் எங்கே? அந்த மரணங்களுக்கு யார் பொறுப்பு? என்ற கேள்விகளுக்கான உண்மையான பதில்களும் வெளிக்கொணரப்பட வேண்டும்.

செம்மணி மனிதப் புதைகுழி, ஒரு அகழ்வுப் பணித் தளமாக மட்டும் பார்க்கப்பட முடியாது. அது உண்மை, பொறுப்புக்கூறல் மற்றும் நீதிக்காக காத்திருக்கும் தமிழ் மக்களின் ஆழமான எதிர்பார்ப்பின் அடையாளமாகவும் மாறியுள்ளது.

அகழ்வுப் பணிகள் தொடர்ந்து நீதித்துறை மேற்பார்வையின் கீழ் முன்னெடுக்கப்பட்டு வருகின்றன.

நீதிக்கான காத்திருப்பு தொடர்கிறது

மண்ணுக்குள் புதைக்கப்பட்ட எலும்புக்கூடுகள் ஒன்றன்பின் ஒன்றாக வெளிவரும் நிலையில், உண்மையும் அதனுடன் வெளிவர வேண்டும் என்பதே பாதிக்கப்பட்ட குடும்பங்களினதும் தமிழ் மக்களினதும் எதிர்பார்ப்பாக உள்ளது.

500 கடந்துவிட்டது…
5000 ஆகும் வரை காத்திருக்க வேண்டுமா?
அல்லது ஒவ்வொரு எலும்புக்கூடும் ஒரு மனித உயிரின் சாட்சியாகக் கருதப்பட்டு, அதற்குரிய நீதி வழங்கப்படுமா?

செம்மணி கேட்கும் கேள்விக்கு காலம் தாழ்த்தாமல் பதில் வழங்க வேண்டிய பொறுப்பு சம்பந்தப்பட்ட அனைவரிடமும் உள்ளது.

உண்மை வெளிவர வேண்டும்.
பாதிக்கப்பட்டவர்களுக்கு நீதி கிடைக்க வேண்டும்.
நீதிக்கான காத்திருப்பு முடிவுக்கு வர வேண்டும்.

BBC News தமிழ் Newswire Kalmunaitoday Vavuniyanet.com

#செம்மணி #மனிதபுதைகுழி #நீதி #தமிழ்மக்கள் #உண்மை #பொறுப்புக்கூறல்

08/08/2026

BEST WISHES! | நல்வாழ்த்துக்கள்! | සුභ පැතුම්!

Dear Grade 5 Scholarship students, Face the examination with confidence and give your very best! 📚 Believe in yourself. 💪 Never give up. 🌸 Write with confidence… Return with success! Wishing you all the very best for 9th August 2026!
5 ශ්‍රේණි ශිෂ්‍යත්ව විභාගයට පෙනී සිටින ආදරණීය දූ දරුවන්ට, විශ්වාසයෙන් විභාගයට මුහුණ දී ඔබේ උපරිමයෙන් උත්සාහ කරන්න! 📚 ඔබ ගැන විශ්වාස කරන්න. 💪 කිසිවිටෙකත් උත්සාහය අත් නොහරින්න. 🌸 විශ්වාසයෙන් ලියන්න… ජයග්‍රහණයෙන් ආපසු එන්න! 2026 අගෝස්තු 9 විභාගයට ඔබ සැමට හෘදයාංගම සුභ පැතුම්
அன்பான 5 ஆம் வகுப்பு புலமைப்பரிசில் மாணவர்களே, நம்பிக்கையுடன் தேர்வை எதிர்கொண்டு உங்கள் சிறந்த முயற்சியை வழங்குங்கள்! 📚 உங்களை நம்புங்கள். 💪 முயற்சியை ஒருபோதும் கைவிடாதீர்கள். 🌸 நம்பிக்கையுடன் எழுதுங்கள்… வெற்றியுடன் திரும்புங்கள்! 2026 ஆகஸ்ட் 9 பரீட்சைக்கு அனைவருக்கும் மனமார்ந்த நல்வாழ்த்துக்கள்!

08/08/2026

வெல்லாவெளியில் பொலிஸார் மீது தாக்குதல் – இருவர் படுகாயம்!

மட்டக்களப்பு – வெல்லாவெளி, 35ஆம் கொலனியில் சட்டவிரோத கசிப்பு உற்பத்தி நிலையத்தை முற்றுகையிடச் சென்ற பொலிஸார் மீது பெண்கள் உள்ளிட்ட சுமார் 25 பேர் கொண்ட குழுவினர் தாக்குதல் நடத்தியதாக பொலிஸார் தெரிவிக்கின்றனர்.

நேற்று வியாழக்கிழமை (06) இரவு சுமார் 7 மணியளவில், கசிப்பு உற்பத்தி நிலையம் தொடர்பாக கிடைத்த தகவலின் அடிப்படையில், வெல்லாவெளி பொலிஸ் நிலையப் பொறுப்பதிகாரி தலைமையில் 7 பொலிஸார் ஜீப் மற்றும் மோட்டார் சைக்கிள்களில் சம்பவ இடத்திற்குச் சென்றுள்ளனர்.

இதன்போது, கசிப்பு உற்பத்தியில் ஈடுபட்டவர்களின் உறவினர்கள் எனக் கூறப்படும் பெண்கள் உள்ளிட்ட குழுவினர் பொலிஸாரை பொல்லுகளால் தாக்கி, முற்றுகை நடவடிக்கையைத் தடுக்க முயன்றதாக தெரிவிக்கப்படுகிறது.

இந்தத் தாக்குதலில் இரு பொலிஸார் படுகாயமடைந்து மட்டக்களப்பு போதனா வைத்தியசாலையில் அனுமதிக்கப்பட்டுள்ளனர்.

சம்பவத்தையடுத்து அப்பகுதியில் பதற்றமான சூழ்நிலை ஏற்பட்டதுடன், தாக்குதலில் ஈடுபட்டவர்கள் அங்கிருந்து தப்பிச் சென்றதாகவும் தெரிவிக்கப்படுகிறது.

மேலும், பொலிஸார் பயன்படுத்திய மோட்டார் சைக்கிள் ஒன்றும் காணாமல் போயுள்ளதாக பொலிஸார் தெரிவித்துள்ளனர்.

சம்பவ இடத்திற்கு மேலதிக பொலிஸார் வரவழைக்கப்பட்டுள்ளதுடன், தப்பிச் சென்றவர்களை கைது செய்வதற்கான தேடுதல் நடவடிக்கைகள் முன்னெடுக்கப்பட்டு வருகின்றன.

சம்பவம் தொடர்பான மேலதிக விசாரணைகளை வெல்லாவெளி பொலிஸார் மேற்கொண்டு வருகின்றனர்....

08/08/2026

அமெரிக்க ஆயுதக் கையிருப்பு நெருக்கடி: ஏகாதிபத்திய போரின் இராணுவ–தொழில்துறை வரம்புகளை மறைக்க தகவல் வெளியிட்டவர்களை வேட்டையாடும் டிரம்ப்

உலகப் பார்வை | 8 ஆகஸ்ட் 2026

ஈரானுக்கு எதிரான ஆறு மாத கால ஏகாதிபத்திய போர், அமெரிக்க இராணுவத்தின் முக்கிய ஆயுதக் கையிருப்புகளை ஆபத்தான அளவிற்குக் குறைத்துவிட்டது என்ற தகவல்கள் வெளியானதைத் தொடர்ந்து, ஜனாதிபதி டொனால்ட் டிரம்ப் அந்த தகவல்களை வெளியிட்டவர்களை "துரோகிகள்" என வர்ணித்து, நீதித்துறை மூலம் அவர்களை வேட்டையாட உத்தரவிட்டுள்ளார்.

எண்களே உண்மையைச் சொல்கின்றன

CSIS-இன் பாதுகாப்புத்துறை பட்ஜெட் தரவு பகுப்பாய்வின்படி, போருக்கு முன் அமெரிக்காவிடம் இருந்த சுமார் 2,300 Patriot ஏவுகணைகளில் தற்போது 759-லிருந்து 827 வரை மட்டுமே எஞ்சியுள்ளன; 452 THAAD ஏவுகணைகளில் சுமார் 250 மட்டுமே மீதம் உள்ளன — அதாவது THAAD கையிருப்பில் ஏறத்தாழ 80 சதவீதம் தீர்ந்துவிட்டது. Army Tactical Missile Systems மற்றும் Precision Strike Missiles கையிருப்புகள் கிட்டத்தட்ட முழுவதுமாகத் தீர்ந்துவிட்டன. போரின் முதல் மாதத்திலேயே 850-க்கும் மேற்பட்ட Tomahawk ஏவுகணைகளும், 1,000-க்கும் மேற்பட்ட THAAD ஏவுகணைகளும், 1,300-க்கும் மேற்பட்ட தந்திரோபாய பாலிஸ்டிக் ஏவுகணைகளும் பயன்படுத்தப்பட்டதாக Washington Post தெரிவித்துள்ளது. இந்த வெளிப்படையான உண்மைகளையே டிரம்ப் "பொய்யானவை" என மறுத்து, அவற்றை வெளியிட்டவர்களை "நீண்டகால சிறைத்தண்டனை" கொண்டு அச்சுறுத்துகிறார்.

"பெரிய தாக்குதலை" நிறுத்தியது கையிருப்பு நெருக்கடியே

Washington Post-இன் தகவலின்படி, கடந்த வாரம் கேம்ப் டேவிட் அமைச்சரவைக் கூட்டத்தில் டிரம்ப், பாதுகாப்புச் செயலர் பீட் ஹெக்சேத்தை நேரடியாக நிந்தித்தார் — ஆயுதக் கையிருப்புப் பிரச்சினை "தீர்க்கப்பட்டுவிட்டது" என்று தான் நம்பியிருந்ததாகவும், தன்னைத் தவறாக வழிநடத்தியதாகவும் குற்றம்சாட்டினார். ஹெக்சேத் அதற்குப் பதிலாக தன் துணைச் செயலர் ஸ்டீவன் ஃபைன்பர்க்கின் மீது பழியைப் போட்டதாகவும், டிரம்ப் ஃபைன்பர்க்கைப் பதவி நீக்கம் செய்வதாக மிரட்டியதாகவும் தகவல்கள் தெரிவிக்கின்றன. வெள்ளை மாளிகையும் பென்டகனும் இதை முழுமையாக மறுத்துள்ளன. ஆனாலும் ஒரு உண்மை தெளிவாக நிற்கிறது: "இரண்டாம் உலகப் போருக்குப் பின் மிகப்பெரிய தாக்குதலாக" டிரம்பே வர்ணித்த ஒரு பெரிய இராணுவ நடவடிக்கை, அதே வார இறுதியில் திடீரென ரத்து செய்யப்பட்டது. பொதுவெளியில் இது "பேச்சுவார்த்தை முன்னேற்றம்" என விளக்கப்பட்டாலும், அதற்குச் சற்று முன்னரே நடந்த கேம்ப் டேவிட் மோதலின் நேரம், அணிவகுப்பு ரத்தானதன் உண்மையான காரணம் இராணுவ–தொழில்துறை உற்பத்தித் திறனின் வரம்பே என்பதைச் சுட்டுகிறது.

ஆயுதத் தொழிற்துறைக்கு இது ஒரு பொற்காலம்

இந்த நெருக்கடியில் இருந்து இலாபம் ஈட்டுபவர்களும் உள்ளனர். அமெரிக்கா–இஸ்ரேல் தாக்குதலுக்குப் பின் பங்குச் சந்தை திறந்தபோதே Lockheed Martin, Northrop Grumman, RTX ஆகிய முக்கிய ஆயுத உற்பத்தி நிறுவனங்களின் பங்கு விலைகள் உயர்ந்தன. Lockheed Martin 2030 வரை 9 பில்லியன் டாலர் புதிய முதலீட்டை அறிவித்துள்ளது. பென்டகன், Patriot மற்றும் THAAD உற்பத்தியை பல மடங்கு அதிகரிக்க Lockheed Martin மற்றும் Northrop Grumman நிறுவனங்களுடன் புதிய ஒப்பந்தங்களில் கையெழுத்திட்டுள்ளது. பாதுகாப்புச் செயலர் ஹெக்சேத்தும் Joint Chiefs தலைவர் டான் கெய்னும் கூடுதல் போர் நிதியாக 67 பில்லியன் டாலரை காங்கிரஸிடம் கோரியுள்ளனர். இதற்கிடையில், Hudson Institute, Atlantic Council போன்ற சிந்தனைக் குழுக்கள் தொடர்ந்து போரை ஆதரிக்கும் கொள்கை அறிக்கைகளை வெளியிட்டு வருகின்றன — இந்த அமைப்புகளுக்கே முக்கிய ஆயுத உற்பத்தி நிறுவனங்கள் நிதியுதவி வழங்குகின்றன. அரசு பொதுநிதியை ஆயுதத் தொழிற்துறைக்கு திருப்பும் அதே தருணத்தில், அந்த தொழிற்துறையின் நிதியால் இயங்கும் அறிவுஜீவிக் குழுக்கள் அந்தப் போரை நியாயப்படுத்தும் வேலையைச் செய்கின்றன — இது ஒரு மூடிய வட்டம்.

Patriot–THAAD உற்பத்தியின் ஏகபோக அமைப்பு

இந்த நெருக்கடியின் ஆழமான அம்சம் என்னவென்றால், ஜப்பானும் ஜெர்மனியும் மட்டுமே Patriot ஏவுகணைகளை உரிமத்தின் கீழ் உற்பத்தி செய்கின்றன; THAAD ஏவுகணைகளை வேறு எந்த நாடும் உற்பத்தி செய்வதில்லை. CSIS மதிப்பீட்டின்படி, இந்த கையிருப்புகள் முழுமையாக மீளமைக்கப்பட 2029–2030 வரை ஆகக்கூடும் — அதாவது தற்போதைய நிர்வாகத்தின் பதவிக் காலத்தையும் தாண்டி நீளும் ஒரு தொழில்துறை நெருக்கடி இது. இது வெறும் லாஜிஸ்டிக்ஸ் பிரச்சினை அல்ல. உலகின் மிகப்பெரிய இராணுவ சக்தி என்று கூறப்படும் அமெரிக்காவின் உலகளாவிய இராணுவ இலட்சியங்களுக்கும், அவற்றைத் தாங்கிச் செல்ல வேண்டிய உற்பத்தி அடித்தளத்தின் உண்மையான திறனுக்கும் இடையேயான கட்டமைப்பு ரீதியான முரண்பாட்டை இந்த நெருக்கடி வெளிப்படுத்துகிறது.

உலகப் பார்வை

இந்த விவகாரத்தின் மையத்தில் இருப்பது ஒரு தகவல் கசிவு அல்ல. உலகின் மிகப்பெரிய இராணுவ சக்தியாகத் தன்னைச் சித்தரிக்கும் அமெரிக்காவின் உலகளாவிய இராணுவ இலட்சியங்களுக்கும், அவற்றைத் தாங்கிச் செல்ல வேண்டிய இராணுவ–தொழில்துறை உற்பத்தி அடித்தளத்தின் உண்மையான திறனுக்கும் இடையேயான முரண்பாடே இதன் மையம். இந்த முரண்பாட்டை மறைப்பதற்காக அரசு இரு திசைகளில் ஒரே நேரத்தில் நகர்கிறது: ஒருபுறம், ஆயுத உற்பத்தியை விரிவுபடுத்தி, ஆயுதத் தொழிற்துறைக்குப் பில்லியன் கணக்கான பொது நிதியை மாற்றுகிறது; மறுபுறம், அந்த பலவீனங்களை வெளிக்கொணரும் தகவல் கசிவுகளையும் ஊடகவியலாளர்களையும் குறிவைத்து ஒடுக்க முயல்கிறது. கடந்த மாதம் New York Times நிருபர்களின் தொலைபேசி பதிவுகளுக்கு நீதித்துறை சப்பீனா அனுப்பியது இந்தப் போக்கின் முந்தைய உதாரணம்.

போரின் உண்மையான செலவு போர்க்களத்தில் மட்டும் இல்லை. அது ஆயுதத் தொழிற்துறையின் இலாபங்களில், பொது நிதியை இராணுவத்திற்குத் திருப்புவதில், தகவல் கட்டுப்பாட்டில், இறுதியில் அரசின் அதிகாரத்தைப் பத்திரிக்கை சுதந்திரத்திற்கு எதிராகப் பயன்படுத்துவதிலும் வெளிப்படுகிறது. டிரம்ப் தகவல் கசிவுகளை "துரோகத்தன்மை" கொண்டவை என்று கூறியிருந்தாலும், இதுவரை யாரும் சட்டரீதியாக "treason" (தேசத்துரோகம்) குற்றச்சாட்டில் வழக்குப்பதிவு செய்யப்பட்டதாக உறுதிப்படுத்தப்பட்ட தகவல் இல்லை. ஆனால் அச்சுறுத்தலின் அரசியல் நோக்கம் தெளிவு: ஏகாதிபத்திய போரின் இராணுவ–தொழில்துறை வரம்புகளையும், அதன் உண்மையான வர்க்கச் செலவுகளை- போரின் உண்மையான விலையை யார் செலுத்துகிறார்கள் என்பதையும்-வெளிக்கொணரும் எவரையும் பயமுறுத்தி மௌனமாக்குவதே.

#அமெரிக்கா #ஈரான் #டிரம்ப் #ஆயுதக்கையிருப்பு #ஆயுதத்தொழிற்துறை #பத்திரிக்கைச்சுதந்திரம் #உலகப்பார்வை

07/08/2026

வெற்றி தரும் பரீட்சை!
நீங்கள் படிக்கும் விஷயங்களை நீண்ட காலத்திற்கு நினைவில் வைத்துக்கொண்டு தேர்வுகளில் வெற்றி பெறுவதற்கான 7 நடைமுறை வழிகள்.

1. செயலூக்கத்துடன் நினைவுகூர்தல்.

ஒரு புத்தகத்தைப் படிப்பதற்குப் பதிலாக, ஒரு தலைப்பைப் படித்த பிறகு, புத்தகத்தை மூடிவிட்டு, உங்களுக்கு நினைவில் இருப்பதை எழுதுங்கள் அல்லது சத்தமாகச் சொல்லுங்கள். உங்கள் மூளை அந்தத் தகவலை மீட்டெடுக்க முயற்சிப்பதால், இது உங்கள் நினைவாற்றலை வலுப்படுத்துகிறது.

2. இடைவெளி விட்டு மீண்டும் படித்தல்

ஒரே நாளில் பல மணிநேரம் ஒரே விஷயத்தைப் படிப்பதற்குப் பதிலாக, அதை பல நாட்களாகப் பிரித்து மீண்டும் மீண்டும் படியுங்கள். உதாரணமாக, இன்று நீங்கள் படித்ததை அடுத்த நாள், 3 நாட்கள் கழித்து, மற்றும் ஒரு வாரம் கழித்து மீண்டும் படியுங்கள். இது மூளை அதை அதன் நிரந்தர நினைவகத்தில் சேமிக்க உதவுகிறது.

3. ஃபெய்ன்மேன் நுட்பம்

நீங்கள் கற்றுக்கொண்ட ஒரு சிக்கலான கோட்பாடு அல்லது பாடத்தை மற்றொருவருக்கு (10 வயது குழந்தை போல) எளிமையான முறையில் விளக்க முயற்சி செய்யுங்கள்.

ஒரு விஷயத்தை விளக்குவதில் உங்களுக்குச் சிரமம் இருந்தால், அந்தப் பகுதியை மீண்டும் படித்து அதை நன்றாகப் புரிந்துகொள்வதற்கான ஒரு வழி இதுவாகும்.

4. மன வரைபடம் மற்றும் காட்சிப் படங்கள்

நீங்கள் படிக்கும் குறிப்புகளை ஒரு நோட்டுப் புத்தகத்தில் பத்திகளாக எழுதுவதற்குப் பதிலாக, வண்ணங்களைப் பயன்படுத்தி மன வரைபடங்களைத் தயாரிக்கவும். வரைபடங்கள், விளக்கப்படங்கள் மற்றும் பாய்வு வரைபடங்களைப் பயன்படுத்துவது காட்சி நினைவாற்றலைத் தூண்டுகிறது, மேலும் தேர்வின் போது படத்தை நினைவில் கொள்வது எளிதாகிறது.

5. பாடங்களை ஒன்றன்பின் ஒன்றாகப் படித்தல்

ஒரே பாடத்தை அல்லது பாடத்தை தொடர்ந்து படிப்பது மூளையை சோர்வடையச் செய்கிறது. அதற்கு பதிலாக, பல பாடங்களை முறைப்படி படிக்கவும் (உதாரணமாக, ஒரு மணி நேரம் கணிதம், பின்னர் ஒரு மணி நேரம் அறிவியல்). இது மூளையை சுறுசுறுப்பாக வைத்திருக்க உதவுகிறது.

6. பயிற்சித் தேர்வுகள்

பாடத்தின் முடிவில், தொடர்புடைய பாடம் தொடர்பான முந்தைய வினாத்தாள்கள் அல்லது மாதிரி கேள்விகளுக்கு தீர்வு காணவும். தேர்வு சூழலில் கேள்விகளுக்கு பதிலளிப்பது உங்கள் நினைவாற்றலை சோதித்து, பதில்களை எழுதும் வேகத்தை அதிகரிக்கும்.

7. முறையான தூக்கம் மற்றும் ஆரோக்கியம்

நாள் முழுவதும் நாம் கற்கும் விஷயங்கள், இரவு தூக்கத்தின் போது மூளையின் குறுகிய கால நினைவிலிருந்து நீண்ட கால நினைவிற்கு மாற்றப்படுகின்றன.

எனவே, படிக்கும்போது போதுமான தூக்கம் (7-8 மணி நேரம்) பெறுவது அவசியம். கூடுதலாக, தண்ணீர் குடிப்பதும், ஆரோக்கியமான உணவுகளை உண்பதும் மூளையின் செயல்பாட்டை அதிகரிக்கும்.

மற்றவர்களுக்கும் தெரியப்படுத்த பகிரவும்.

நன்றி! ❤️

பின்பற்றுங்கள் - வெற்றிக்கு

BBC News தமிழ்

07/08/2026

வடக்கு, வடமத்திய, கிழக்கு மாகாண ஆசிரியர் பற்றாக்குறையை தீர்க்க ஆண்டு இறுதியில் புதிய நியமனங்கள் – பிரதமர் ஹரினி அமரசூரிய

கொழும்பு: கல்வி, உயர்கல்வி மற்றும் தொழிற்கல்வி அமைச்சின் ஆலோசனைக் குழுக் கூட்டம், கல்வி, உயர்கல்வி மற்றும் தொழிற்கல்வி அமைச்சருமான தலைமையில் நேற்று (06) பாராளுமன்ற வளாகத்தில் நடைபெற்றது.

கூட்டத்தின் போது, வடக்கு, வடமத்திய மற்றும் கிழக்கு மாகாணங்களில் நீடித்து வரும் ஆசிரியர் பற்றாக்குறைக்கு தீர்வு காணும் நடவடிக்கைகள் குறித்து விரிவாக ஆராயப்பட்டது.

இதன்போது கருத்து வெளியிட்ட பிரதமர் ஹரினி அமரசூரிய, இவ்வருட இறுதியில் மேற்கொள்ளப்படவுள்ள ஆசிரியர் நியமனங்களில், மேற்குறிப்பிடப்பட்ட மாகாணங்களின் தேவைகளுக்கு முன்னுரிமை வழங்கி, அங்கு நிலவும் ஆசிரியர் பற்றாக்குறையை குறைப்பதற்கு அரசு விசேட கவனம் செலுத்தும் எனத் தெரிவித்தார்.

அத்துடன், எதிர்காலத்தில் இம்மாகாணங்களில் மீண்டும் ஆசிரியர் பற்றாக்குறை உருவாகாத வகையில், நீடித்த மற்றும் திட்டமிட்ட ஆட்சேர்ப்பு முறைமையை நடைமுறைப்படுத்த வேண்டியதன் அவசியத்தையும் அவர் வலியுறுத்தினார்.

கல்வித் துறையில் சமமான வளவழங்கல் மற்றும் அனைத்து மாணவர்களுக்கும் தரமான கல்வியை உறுதிப்படுத்தும் நோக்கில், நீண்டகால திட்டமிடலுடன் அரசாங்கம் தொடர்ந்து நடவடிக்கை எடுத்து வருவதாகவும் கூட்டத்தில் தெரிவிக்கப்பட்டது.

– LNT NEWS
BBC News தமிழ்

Lanka News Today

10/08/2026

09/08/2026

08/08/2026

08/08/2026

08/08/2026

08/08/2026

08/08/2026

08/08/2026

07/08/2026

07/08/2026

Address

Telephone

Website

Alerts

Contact The Business

Shortcuts

Share

Category

Listing takedown request