28/05/2026
ආනයනික කොළ පෙයාස් 🍐 ගුණයිද ?
ඉතාමත් නැවුම්, ගුණදායක කොළ පැහැති පෙයාස්🍐 (Green Pears) මේවා සාමාන්යයෙන් ඇපල් පවුලට (Rosaceae) අයත්, ලෝකය පුරාම ඉතා ජනප්රිය පළතුරක්.
මේ පෙයාස් වල බාහිර පෙනුම උඩ කොටස සිහින් වී පහළ කොටස මහත් වන සුවිශේෂී හැඩයක්🍐 (Pear shape) මින් දැකගත හැකියි. ලා කොළ පැහැති පොත්තක් සහිත මෙහි සමහරක් වෙලාවට ලස්සන ලා පැහැති රතු/තැඹිලි ඡායාවක් (Blush) දකින්න ලැබෙනවා
හොඳින් ඉදුණු පෙයාස් ගෙඩියක් ඉතාමත් යුෂ පිරිච්ච, මෘදු වගේම ප්රණීත පැණි රසයකින් යුක්තයි. පෙයාස් කියන්නේ ගුණ පිරිච්ච පළතුරක්. විශේෂයෙන්ම කුඩා දරුවන්ට වගේම වැඩිහිටි හැමෝටම ගැලපෙන පෝෂණ ගුණ රැසක් මෙහි අඩංගුයි
⭐ මෙහි කෙඳි (Fiber) බහුලව අඩංගු නිසා බඩවැල්වල ක්රියාකාරිත්වය හොඳින් පවත්වා ගන්න සහ මලබද්ධය වළක්වා ගන්න උපකාරී වෙනවා.
⭐ විටමින් C (Vitamin C) සහ ප්රතිඔක්සිකාරක (Antioxidants) බහුල නිසා සිරුරේ ලෙඩ රෝගවලට ඔරොත්තු දීමේ හැකියාව වැඩි කරයි.
⭐ මෙහි බහුලව ජලය අඩංගු නිසා සිරුර විජලනය වීමෙන් වළක්වා, සිසිල්ව තබන්න උදවු වෙනවා.
⭐ ළදරු ආහාර සඳහා ඉතා සුදුසුයි පෙයාස් කියන්නේ ආසාත්මිකතා (Allergens) ඇති කරන්නේ ඉතාම කලාතුරකින් නිසා, මාස 6න් පසු දරුවන්ට දීමට පටන් ගත හැකි ආරක්ෂිතම සහ හොඳම පළතුරක්. (දරුවන්ට දීමේදී තම්බා පියුරි (Puree) එකක් ලෙස හෝ මෘදු කැබලි ලෙස දිය හැකියි).
නැවුම් පළතුරක් ලෙස හොඳින් සෝදා පොත්ත පිටින්ම (හෝ පොත්ත හැර) කෙලින්ම ආහාරයට ගන්න පුළුවන්. (පොත්තේ තමා කෙඳි බහුලව තියෙන්නේ).
පළතුරු සලාද (Fruit Salads), පුඩිං හෝ බේක් කරන ලද කෑම වර්ග (Baked Pears) සෑදීමට යොදා ගැනේ.
වෙනත් පළතුරු හෝ යෝගට් සමඟ එකතු කර රසවත් ස්මූති එකක් ලෙස ද සකසා ගත හැකියි.
🍐🍐🍐පෙයාස් ගෙඩියක් නියමිත පදමට ඉදිලාද බලන්නේ මෙන්න මෙහෙමයි🍐🍐🍐
එහි උඩ නටුව අසලින් ඇඟිල්ලෙන් පොඩ්ඩක් තද කර බලන්න. එය තරමක් මෘදු නම්, ඒ කියන්නේ ගෙඩිය හොඳින් ඉදිලා රසට තියෙනවා කියන එකයි. තද වැඩිනම් කාමර උෂ්ණත්වයේ දින එකක් හෝ දෙකක් තැබීමෙන් පහසුවෙන්ම ඉදවා ගත හැකිය.
✒️ නිරා
©️ Life with Nira
#පෙයාස් #ආනයනිකපෙයාස් #කොලපෙයාස්
