The Colombopost, Lesly Ranagala Mawatha, Colombo (2026)

10/10/2026

.බන්ධනාගාර නීති වෙනස් කිරීමේ කමිටුව රැස්වෙයි .

බන්ධනාගාර රෙගුලාසි සහ නිත්‍ය නියෝග යාවත්කාලීන කිරීමට පත් කළ විශේෂ කමිටුව ඊයේ (09) ජනාධිපති කාර්යාලයේදී රැස්වූ බව වාර්තා වේ .

ත්‍රෛනිකායික මහා සංඝරත්නය සහ ජනාධිපති අනුර කුමාර දිසානායක අතර පසුගිය 08 වැනිදා පැවති සාකච්ඡාවේදී තීරණය වූ පරිදි, බන්ධනාගාර ආඥාපනත යටතේ සාදන ලද නීති රෙගුලාසි සහ නිත්‍ය නියෝග යාවත්කාලීන කිරීම පිණිස මෙම කමිටුව නව යොජනා ඉදිරිපත්කරනු ඇත .

මෙම සාකච්ඡාව සඳහා කමිටු සභාපති, බුද්ධශාසන, ආගමික සහ සංස්කෘතික කටයුතු අමාත්‍යාංශයේ ලේකම් ප්‍රින්ස් සේනාධීර, අධිකරණ සහ ජාතික ඒකාබද්ධතා අමාත්‍යාංශයේ අතිරේක ලේකම් පියුමන්ති පීරිස්, රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ අතිරේක ලේකම් වසන්ත ආරියරත්න, බෞද්ධ කටයුතු කොමසාරිස් ජනරාල් ආර්.එම්.ජී. සේනාරත්න සහ බන්ධනාගාර දොපාර්තමේන්තුවේ කොමසාරිස්වරයෙකු වන ඒ.සී. ගජනායක එක්ව සිටියහ. ඊට අමතරව අධිකරණ සහ ජාතික ඒකාබද්ධතා අමාත්‍ය නීතීඥ හර්ෂණ නානායක්කාරද එම අවස්ථාවට සහභාගී විය .

10/10/2026

පේරාදෙණිය සහ පොල්ගහවෙල අතර අළුත් දුම්රියක් ධාවනයට එක් කරයි .

පොල්ගහවෙල සහ පේරාදෙණිය අතර ගමන් කරන පාසල් සිසුන් සහ අනෙකුත් මගීන් සඳහා නව දුම්රියක් ධාවනයට එක් කිරීමට දුම්රිය දෙපාර්තමේන්තුව පියවර ගෙන තිබේ.

දුම්රිය දෙපාර්තමේන්තුව පැවසනුයේ පසුගිය දිට්වා සුළි කුණාටුවෙන් පසු පසුගිය 02 දින සිට උඩරට මාර්ගයේ රඹුක්කන, ගම්පල අතර දුම්රිය ධාවනය ආරම්භ කර මේ වන විට සාමාන්‍ය පරිදි ධාවනය කරන බවය. නව දුම්රිය එක් විමත් සමග එම මාර්ගයේ ගමන් කරනා පාසල් සිසුන් සහ කාර්යාල සේවකයන්ට විශාල පහසුවක් ලැබෙනු ඇතිබවද දෙපාර්තමේන්තුව පවසයි .

10/10/2026

ඥානසාර හිමි බේරාගන්නට මහනුවරින් පා ගමනක් පටන් ගනී .

බන්ධනාගාරගත පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව සහ උන්වහන්සේ නිදහස් කරගැනීම උදෙසා මහා සංඝරත්නය පෙරටු කරගත් පාගමනක් අද (10) මහනුවර ශ්‍රී දළදා මාලිගා පරිශ්‍රයෙන් ආරම්භ විය.

පාගමන ආරම්භ කිරීමට පෙර මහනුවර මඟුල් මඩුවේදී විශේෂ ආශිර්වාද සත්‍ය ක්‍රියාවක් ද පවත්වන ලදී.

මෙහිදී අදහස් දැක්වූ පූජ්‍ය උලපනේ සුමංගල හිමියන් සඳහන් කළේ, වත්මන් රජය විසින් අත්තනෝමතික ලෙස ඥානසාර හිමියන්ට එරෙහිව ගනු ලැබූ ක්‍රියාමාර්ග තරයේ හෙළා දකින බවය.

අතීතයේ වාරියපොළ ශ්‍රී සුමංගල හිමියන් ජාතියේ සහ සම්බුද්ධ ශාසනයේ ආරක්ෂාව උදෙසා හඬ අවදි කළා සේම, ඥානසාර හිමියන් ද හඬ නැඟුවේ රට, ජාතිය සහ ශාසනයේ අභිවෘද්ධිය වෙනුවෙන් බව උන්වහන්සේ පෙන්වා දුන්හ.

ඥානසාර හිමියන් සිරගත කරනු ලැබුවේ උන්වහන්සේගේ පෞද්ගලික කාරණයක් වෙනුවෙන් නොවන බවත්, උන්වහන්සේ සිරදඬුවම් විඳින්නේ සමස්ත ජාතිය සහ ශාසනය වෙනුවෙන් බවත් පැවසූ සුමංගල හිමියන්, උන්වහන්සේ තනි නොකර කොන්දේසි විරහිතව පෙනී සිටීම සිව්වනක් පිරිසේම වගකීමක් බවද අවධාරණය කළහ.

ශ්‍රී දළදා මාලිගය පරිශ්‍රයේ පිහිටි වාරියපොළ සුමංගල හිමියන්ගේ ප්‍රතිමාව අභියසින් ඇරඹි මෙම අධිෂ්ඨාන පා ගමන, ඥානසාර හිමියන් සිරගත කර සිටින ස්ථානයෙන් නිමකරනා බව සංවිධයකයෝ පවසති . පා ගමනේ පළමු දිනය අද කඩුගන්නාවෙන් අවසන් වීමට නියමිතය.

10/10/2026

ට්‍රම්ප් සහ පූටින් අතර සාකච්චාවෙන් පුදුම හිතෙන තීරණයක් .

ජාත්‍යන්තර මාධ්‍ය පවසන්නේ එළඹෙන මැතිවරණයට පෙර ඉන්ධන මිල පහළ දැමීමේ අරමුණින්, අමෙරිකානු ජනාධිපති ඩොනල්ඩ් ට්‍රම්ප් සහ රුසියානු ජනාධිපති ව්ලැඩිමීර් පුටින් අතර විශේෂ එකඟතාවක් ඇතිකරගෙන ඇතැයි විදෙස් මාධ්‍ය පෙන්වාදෙයි . ඒ අනුව රුසියානු ඩීසල් ආනයනය සඳහා පනවා තිබූ සම්බාධක අමෙරිකාව විසින් තාවකාලිකව ලිහිල් කර ඇති බව එම මාධ්‍ය වාර්තා කරයි .

අමෙරිකානු ජනාධිපති ඩොනල්ඩ් ට්‍රම්ප් සඳහන් කළේ රුසියානු ජනාධිපති ව්ලැද්මීර් පුටින් සමඟ පැවති දීර්ඝ දුරකථන සංවාදයකින් අනතුරුව මෙම තීරණය ගත් බවයි.

ඒ අනුව රුසියාව විසින් වහාම ඩීසල් ටොන් 300,000 කට වඩා වෙළෙඳපොළට සපයන බවත් නොවැම්බර් මාසයේදී අතිරේක ටොන් 500,000 ක් සහ ඉන් පසු ටොන් මිලියන 1 ක් සපයන බව තමන් සමඟ පැවසූ බව අමෙරිකානු ජනාධිපතිවරයා මාධ්‍ය වෙත කියා සිටි. තවද ඔහු ප්‍රකාශ කළේ ඉන්පසු රුසියාව කෙටි කාලයක් තුළ තවත් අතිරේක ටොන් මිලියන 3 ක ඉන්ධන ලබා දෙන බවයි.

ට්‍රම්ප් ගේ මෙම තීරණය යුක්රේනයට එරෙහි රුසියාවේ යුද්ධයට ඉන්ධන සපයන තෙල් හා ගෑස් ආදායම සීමා කිරීම අරමුණු කරගත් පසුගිය මාසයේ ඔහු අත්සන් කළ පුළුල් රුසියානු සම්බාධක නීතියට එරෙහිව හාත්පසින්ම වෙනස් බව ජාත්‍යන්තර මාධ්‍ය සඳහන් කරයි.

මේ සම්බන්ධයෙන් යුක්රේන ජනපති ව්ලැද්මීර් සෙලෙන්ස්කි අදහස් දක්වා ඇති අතර ඔහු කියා සිටියේ ට්‍රම්ප්ගේ මෙම තීරණය “අවාසනාවකට මෙන්, ශක්තිමත් හවුල්කරුවන්ගේ දුර්වල තීරණයක්” බවයි.

10/10/2026

''මියදෙන පෘථිවියක ජනමාධ්‍ය පවතින්නේද නැත'' දේශගුණික අර්බුදය පිළිබඳ IFJ ක්‍රියාකාරී කණ්ඩායම

2018 වසරේදී, එක්සත් ජාතීන්ගේ දේශගුණික විපර්යාස පිළිබඳ අන්තර් රාජ්‍ය මණ්ඩලය (IPCC) විසින් වාර්තාවක් නිකුත් කරමින්, ගෝලීය උණුසුම ඉහළ යාම මගින් මිහිමත ජීවයේ පැවැත්මට සිදුවිය හැකි හානිය පෙන්වා දෙනු ලැබීය.

මෙම සන්දර්භය තුළ, ජාත්‍යන්තර මාධ්‍යවේදීන්ගේ සම්මේලනය (IFJ) විසින් දේශගුණික අර්බුදයට මුහුණ දීම සඳහා විශේෂ ක්‍රියාමාර්ග සකස් කිරීමට කැප වූ ක්‍රියාකාරී කණ්ඩායමක් පිහිටුවා ඇත. එම කණ්ඩායම ප්‍රධාන කරුණු දෙකක් කෙරෙහි අවධානය යොමු කරයි. පළමුව, IFJ හි පාරිසරික පියසටහන (ecological footprint) අඩු කිරීම සඳහා අභ්‍යන්තර ක්‍රියාමාර්ග ක්‍රියාත්මක කිරීමයි. දෙවැන්න, දේශගුණික අර්බුදය පිළිබඳ මාධ්‍ය ආවරණය සහ වෘත්තීය සමිතිවල ප්‍රතිචාරය වැඩිදියුණු කිරීම සඳහා ක්‍රියාමාර්ග ගැනීමයි.

දේශගුණික විපර්යාසය යනු අපේ කාලයේ අප මුහුණ දෙන වඩාත්ම දැඩි හා හදිසි ගැටලුවයි. මාධ්‍යවේදීන් ලෙස, දේශගුණික විපර්යාසය පිළිබඳ කරුණු සහ එහි බලපෑම් වාර්තා කිරීම සම්බන්ධයෙන් අපට විශේෂ වගකීමක් තිබේ. වෘත්තීය සමිති ක්‍රියාකාරීන් ලෙස, කාබන් විමෝචනය ශුන්‍ය කිරීම අරමුණු කරගත් ආර්ථිකයක් වෙත සිදුවන පරිවර්තනයෙන් බලපෑමට ලක්වන සියලුම කම්කරුවන් සඳහා සාධාරණ සංක්‍රාන්තියක් (Just Transition) අපි ඉල්ලා සිටිමු.

ජාත්‍යන්තර කම්කරු සංවිධානය (ILO) විසින් ලබා දී ඇති අර්ථ දැක්වීමට අනුව, සාධාරණ සංක්‍රාන්තියක් (Just Transition) යනු, ඒ සම්බන්ධ සියලු දෙනාට හැකි තරම් සාධාරණ සහ සියලු දෙනා ඇතුළත් වන ආකාරයෙන් ආර්ථිකය හරිත ආර්ථිකයක් බවට පත් කිරීමයි. එමඟින් යහපත් රැකියා අවස්ථා නිර්මාණය කිරීමත්, කිසිවෙකුත් අතහැර නොදැමීමත් අරමුණු කරයි.

“සාධාරණ සංක්‍රාන්තියක්” (Just Transition) යනු දේශගුණික ක්‍රියාමාර්ග හරහා ලැබිය හැකි සමාජීය හා ආර්ථික අවස්ථා උපරිම කර ගැනීමත්, ඒ සමඟ ඇති විය හැකි අභියෝග අවම කරමින් ඒවා සැලකිලිමත්ව හා කාර්යක්ෂමව කළමනාකරණය කිරීමත් ය. ඒ සඳහා එම ක්‍රියාමාර්ගවලින් බලපෑමට ලක්වන සියලුම කණ්ඩායම් අතර ඵලදායී සමාජ සංවාදයක් ඇති කිරීමත්, මූලික කම්කරු මූලධර්ම හා අයිතිවාසිකම්වලට ගරු කිරීමත් ඇතුළත් වේ.

IFJ ක්‍රියාකාරී කණ්ඩායම.

Oyet Patrick Charles (UJSS - දකුණු සුඩානය), සමිරා ද කැස්ත්‍රෝ (ෆෙනාජ් - බ්‍රසීලය) Denise SAYE Mbama (SNPP - RDC), චාල්ස් සේල් (MV - Vanuatu) Ilias Palialexis (JUADN - ග්‍රීසිය), රේඛා නිලුක්ෂි හේරත් (SLWJA, ශ්‍රී ලංකාව), Adriana Hurtado (FECOLPER, කොලොම්බියාව) Abdellahi Cheikh (AJM-Mauritanie)

09/10/2026

වැට් බද්ද අඩුකිරීමට රජයේ අවධානය .

ජනතාව මත පැටවී ඇති බදු බර ලිහිල් කිරීමේ උත්සාහයේ කොටසක් ලෙස, ඉදිරි වසර දෙක තුන තුළ අගය එකතු කළ බදු (VAT) අනුපාත අඩු කිරීමට රජය අපේක්ෂා කරන බව ජනාධිපති අනුර කුමාර දිසානායක පැවසීය .

ඔහු මේ බව පැවසූවේ අලුතින් බඳවා ගත් ග්‍රාම නිලධාරීන් 1,540 දෙනෙකුට පත්වීම් ලිපි ප්‍රදානය කිරීම සඳහා අරලියගහ මන්දිරයේ පැවති උත්සවයක් අමතමිනි .

ඉහළ යන රාජ්‍ය වියදම් කළමනාකරණය කරන අතරම ජනතාවට වැඩි සහනයක් ලබා දීමට රජය කටයුතු කරමින් සිටින බව පැවසූ ජනාධිපතිවරයා අධ්‍යාපන කටයුතු සඳහා පොත් මිලදී ගැනීමේදී දරුවන්ට බදු බරක් දැරීමට සිදුවීම නුසුදුසු බව පෙන්වා දුන්නේය . ඒඅනුව අධ්‍යාපන සඳහා අත්‍යාවශ්‍ය ද්‍රව්‍ය, මත පනවා ඇති බදු ඉවත් කිරීමේ අවශ්‍යතාවය ද අවධාරණය කළේය.

රාජ්‍ය අංශයේ සේවකයින්ගේ වැටුප් වැඩි කිරීම ක්‍රියාත්මක කරන අතරම රජයට වියදම් ඉතා ප්‍රවේශමෙන් කළමනාකරණය කිරීමට සිදුවන බව ද ජනාධිපතිවරයා සඳහන් කළේය. රාජ්‍ය අංශයේ සේවකයින්ගේ මූලික වැටුප් අදියර තුනක් යටතේ වැඩි කිරීමට ගත් තීරණය හේතුවෙන් 2027 වන විට රුපියල් බිලියන 330ක අතිරේක වියදමක් දැරීමට සිදුවන බව ඔහු පෙන්වා දුන්නේය.

නොවැම්බර් 12 වන දින ඉදිරිපත් කිරීමට නියමිත මීළඟ ජාතික අයවැය සකස් කිරීමේදී මෙම මූල්‍ය වගකීම් පිළිබඳව සැලකිල්ලට ගත යුතු බව ද ජනාධිපතිවරයා සඳහන් කළේය .

08/10/2026

ශ්‍රී ලංකා ටෙස්ට් ක්‍රිකට් නායකත්ත්වය කුසල් මෙන්ඩිස්ට්

ශ්‍රී ලංකා ක්‍රිකට් (SLC) ආයතනය විසින් ජාතික පිරිමි ටෙස්ට් කණ්ඩායමේ නව නායකයා ලෙස කුසල් මෙන්ඩිස්ව පත් කර තිබේ. ක්‍රිකට් මණ්ඩලයේ මූලස්ථානයේදී අද පැවති රැස්වීමකදී SLC තේරීම් කමිටුව විසින් මෙම තීරණය ඊයේ ගන්නා ලද බව වාර්තා වේ.

ශ්‍රී ලංකා ටෙස්ට් කණ්ඩායම් නායකත්වයෙන් ධනංජය ද සිල්වා ඉල්ලා අස්වීමෙන් පසුව මෙම පත්කිරීම සිදු කෙරිණි.

නව ටෙස්ට් නායකයා ලෙස මෙන්ඩිස්ගේ පළමු කාර්යය වනුයේ පාකිස්තානයට එරෙහිව පැවැත්වීමට නියමිත ටෙස්ට් තරග දෙකකින් සමන්විත තරගාවලියට නායකත්වය දීමයි.

මෙන්ඩිස් ටෙස්ට් තරග 75කදී ශ්‍රී ලංකාව නියෝජනය කර ඇති අතර, ක්‍රිකට් ආකෘති තුනම (ටෙස්ට්, එක්දින සහ විස්සයි-20) යටතේ ජාත්‍යන්තර තරග 343කට ක්‍රීඩා කර ඇත.

08/10/2026

2026 සාහිත්‍යය සඳහා වන නොබෙල් ත්‍යාගය කැනේඩියානු කිවිඳියක වන ඈන් කාර්සන් දිනාගනී .

"සම්භාව්‍ය සම්ප්‍රදාය සමඟ ක්‍රීඩාශීලී සංවාදයක යෙදෙමින් සමකාලීන සාහිත්‍යය සඳහා නව ආකෘති නිර්මාණය කළ ඇයගේ නිර්භීත සහ නව්‍ය නිර්මාණකරණය වෙනුවෙන්" කැනේඩියානු කවියෙකු සහ ලේඛිකාවක වන ඈන් කාර්සන් (Anne Carson) හට 2026 සාහිත්‍යය සඳහා වන නොබෙල් ත්‍යාගය හිමි වූ බව ස්වීඩන් ඇකඩමිය බ්‍රහස්පතින්දා නිවේදනය කළේය.

ස්වීඩන් ක්‍රෝනර් මිලියන 12ක (ඇමරිකානු ඩොලර් මිලියන 1.2ක) වටිනාකමකින් යුත් මෙම ත්‍යාගය පිරිනමන ඇකඩමියේ ස්ථිර ලේකම් ඉන්ග්‍රිඩ් කාල්බර්ග් පැවසුවේ, ඈන් කාර්සන් වෙත මේ බව දැනුම්දීමේදී ඇය ඉන් පුදුමයට පත් වූවා බවය .

කාර්සන්ගේ නිර්මාණ බොහෝ විට පද්‍ය, ගද්‍ය, සංවාද සහ පරිවර්තන එකිනෙක මුසු කරමින් සාම්ප්‍රදායික සාහිත්‍ය ශානරයන්ට කොටු නොවන ආකාරයේ නිර්මාණ බවට පත්වේ. ටොරොන්ටෝ හි උපත ලැබූ 76 හැවිරිදි ඇය, 2022 වසරේ සිට අයිස්ලන්ත පුරවැසිභාවයද දරන අතර මෑත වසරවලදී එම ආක්ටික් දූපතේ සැලකිය යුතු කාලයක් ගත කර ඇත. ඇය සම්භාව්‍ය ග්‍රීක සාහිත්‍යයේ පරිවර්තන සඳහා පුළුල් ලෙස ප්‍රසිද්ධියට පත්ව සිටින අතර, එම පරිවර්තන ඇයගේ අනෙකුත් නිර්මාණ කෙරෙහි ද දැඩි බලපෑමක් ඇති කරයි; ඔපෙරා සඳහා වන ගීත රචනා (libretti) සහ සාහිත්‍ය විචාරයේ සිට 1998 දී පළ වූ "Autobiography of Red" වැනි පද්‍යමය නවකතා දක්වා ඇයගේ නිර්මාණ පරාසය විහිදේ.

"ඇයගේ සියලුම සාහිත්‍ය නිර්මාණ පාහේ කේන්ද්‍රගත වී ඇත්තේ වචන කෙරෙහි භාෂා විශාරදයෙකුට (philologist) ඇති දැඩි ඇල්ම සහ නව අර්ථයක් සොයා යාමට කවියෙකු තුළ ඇති ආශාව යන කරුණු දෙකේ සංකලනය මතයි," සම්මානය නිවේදනය කරමින් නොබෙල් ඇකඩමිය නිකුත්කළ නිවේදනයේ දැක්වෙයි .

08/10/2026

අළුත් ක්‍රිකට් පනත ආණ්ඩුක්‍රම ව්‍යවස්ථාවට පටහැනි බවට ශ්‍රේෂ්ඨාධිකරණයට පෙත්සමක් .

රජය විසින් පාර්ලිමේන්තුවට ඉදිරිපත් කර තිබෙන ක්‍රිකට් පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බවට තීන්දුවක් ලබාදෙන ලෙස ඉල්ලා ශ්‍රේෂ්ඨාධිකරණයට පෙත්සමක් ඉදිරිපත් කර තිබේ. මෙම පෙත්සම ඉදිරිපත්කර ඇත්තේ ශ්‍රී ලංකා ක්‍රිකට් ආයතනයේ හිටපු නීති අංශ ප්‍රධානී, නීතිඥ ආචාර්ය චානක සේනානායක විසිනි .

පෙත්සම්කරු සඳහන් කර ඇත්තේ, යෝජිත පනත් කෙටුම්පතේ ඇතැම් වගන්තිවලින් ක්‍රිකට් ක්‍රීඩාවට අගතියක් සිදුවන බවය.

යෝජිත පනත් කෙටුම්පතේ 32 වන වගන්තිය තුළින් ශ්‍රී ලංකා ක්‍රිකට් මහා සභා රැස්වීම්වල ඡන්දය දීමට හිමිකම් ඇත්තේ ‘ඒ’ සහ ‘බී’ කාණ්ඩයේ ක්‍රීඩා සමාජවලට සහ පළාත් ක්‍රිකට් සංගම්වලට පමණක් අවස්ථාව සලසා දී ඇති බව පෙත්සම්කරු කියා සිටී .

යෝජිත පනත් කෙටුම්පත මගින් ඡන්ද බලය බස්නාහිර පළාතට බහුතර කේන්ද්‍රගත වීමක් දක්නට ලැබෙන අතර, බස්නාහිර පළාතෙන් බැහැර සෙසු දිස්ත්‍රික්කවල ක්‍රීඩා සංගම්වලට එම අයිතිය අහිමි කෙරෙන බවත් පෙත්සක් කරු පෙන්වා දෙයි .

ඊට අමතරව අදාළ පනත් කෙටුම්පතේ 28 වන වගන්තිය තුළින් ජනාධිපතිවරයා ක්‍රිකට් ආයතනයේ ‘අනුශාසක’ ලෙස පත් කර ඇති බවත්, 22 වන වගන්තිය යටතේ ක්‍රිකට් අධ්‍යක්ෂ මණ්ඩලය සඳහා ස්වාධීන අධ්‍යක්‍ෂවරු තෝරනු ලබන මණ්ඩලයේ සාමාජිකයින් ලෙස ක්‍රීඩා අමාත්‍යංශ ලේකම්වරයා සහ ජාතික ක්‍රීඩා සභාවේ සභාපතිවරයා නිල බලයෙන් සාමාජිකත්වය දරන බවත් සඳහන් කර තිබේ.

මෙවැනි ප්‍රතිපාදන තුළින් ශ්‍රී ලංකා ක්‍රිකට් පරිපාලනයේ ස්වාධීනත්වයට හානි සිදුවන අතර, ඒ තුළින් ආණ්ඩුක්‍රම ව්‍යවස්ථාවේ 12(1) ව්‍යවස්ථාව මඟින් සහතික කර තිබෙන නීතිය ඉදිරියේ සමාන සැලකිලි ලැබීමට තිබෙන මූලික මිනිස් අයිතිවාසිකම් උල්ලංඝනය වන බවත් පෙත්සම්කරු සඳහන් කර ඇත.

ඒ අනුව අදාළ ප්‍රශ්නගත වගන්ති තුළින් ආණ්ඩුක්‍රම ව්‍යවස්ථාව මගින් සහතික කර තිබෙන මූලික මිනිස් අයිතිවාසිකම් උල්ලංඝනය වන බවට තීන්දුවක් ලබාදෙන ලෙසත් පෙත්සම්කරු ශ්‍රේෂ්ඨාධිකරණයෙන් ඉල්ලා තිබේ.

08/10/2026

ඥානසාර හිමිගේ සිවුර ගැලවීම දුරදිග යයි . සති දෙකක් තුළ විසඳුම් දෙන්නට ජනපතිගෙන් පොරොන්දුවක් .

භික්ෂුන්වහන්සේලා බන්ධනාගාර තුළ රැඳී සිටින ආකාරය සහ බන්ධනාගාරයෙන් බැහැරට ගෙන යන ආකාරය පිළිබඳ පවතින නීති සංශෝධනය කරමින් නව නිත්‍ය නියෝග සහ රෙගුලාසි ඉදිරිපත් කිරීමට කමිටුවක් පත් කරන බව ජනාධිපති අනුර කුමාර දිසානායක පැවසීය. අද (08) දහවල් ජනාධිපති කාර්යාලයේදී මහා සංඝරත්නය සමග විශේෂ සාකච්ඡාවකට එක් වෙමින් ජනාධිපතිවරයා මේ බව සඳහන් කළේය .

නීතිපති, අධිකරණ අමාත්‍යාංශය, රාජ්‍ය පරිපාලන අමාත්‍යාංශය, බෞද්ධ කටයුතු අමාත්‍යාංශය, බන්ධනාගාර නිලධාරීන් සහ බන්ධනාගාර කොමසාරිස්වරයා ඇතුළත් වන අන්දමින් එම කමිටුව පත් කරන බවද ජනාධිපතිවරයා එහිදි පවසා ඇත .

එමෙන්ම සති දෙකක් ඇතුළත මේ පිළිබඳ අධ්‍යයනය කර සංශෝධන ඉදිරිපත් කිරීමට එම කමිටුවට පවරන බවත්, එහි භික්ෂූන් වහන්සේලාට බලපාන කොටස් මහා සංඝරත්නය සමග සාකච්ඡා කර අනුරූප ලෙස වෙනස් කිරීමට කටයුතු කරන බවත් ජනාධිපතිවරයා පැවසීය.

එසේ නොමැතිව නීති තිබියදී, තනි තනි පුද්ගලයන් වෙනුවෙන් නියෝග ලබාදීමට තමන් සූදානම් නොමැති බවත්, නීතිය වර්තමානයට උචිත නොවේනම් කළ යුත්තේ නිසි පරිදි නීතිය සම්පාදනය කරගැනීම බවත් ජනාධිපතිවරයා පෙන්වා දුන්නේය.

පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කර ගිහි වස්ත්‍ර සහිතව අධිකරණයට ඉදිරිපත් කිරීමට බන්ධනාගාර දෙපාර්තමේන්තුව කටයුතු කිරීම සම්බන්ධයෙන් මහානායක හිමිවරු බන්ධනාගාර කොමසාරිස්වරයා වෙත යොමු කර ඇති ලිපිය සහ මෙම සිදුවීම පාදක කරගනිමින් සමාජයේ ඇතිවී තිබෙන තත්ත්වයත්, මෙවැනි තත්ත්වයන් වළක්වා ගැනීම සඳහා ඉදිරියේදී ගතයුතු ක්‍රියාමාර්ග පිළිබඳව සාකච්ඡා කිරීමේ අරමුණින් මෙම සාකච්ඡාව පැවැත්විණි. සිය ආරාධනය අනුව මෙම සාකච්ඡාවට එක්වීම පිළිබඳ ජනාධිපතිවරයා මෙහිදී මහා සංඝරත්නය වෙත සිය ගෞරවය පුද කළේය.

The Colombopost

10/10/2026

10/10/2026

10/10/2026

10/10/2026

10/10/2026

09/10/2026

08/10/2026

08/10/2026

08/10/2026

08/10/2026

Address

Telephone

Website

Alerts

Contact The Business

Shortcuts

Share

Category

Listing takedown request