26/09/2026
කැනඩාවේ පාසල් පොත්වලින් අපේ හමුදාවට ගහන්න හැදූ "බුද්ධිමය ත්‍රස්තවාදය" පැරදවූ තනි මිනිසා
මහාචාර්ය නෙවිල් හේවගේ මැතිඳුන්
යුද්ධය අවසන් වී වසර 17ක් ගතවී ඇතත්, ශ්‍රී ලංකාවට එරෙහි යුද්ධය විදෙස් රටවල තවමත් අලුත් මුහුණුවරකින් ක්‍රියාත්මක බව ඔබ දන්නවාද? මේ දිනවල කැනඩාව කේන්ද්‍ර කරගෙන කොටි හිතවාදී ඩයස්පෝරාව විසින් දියත් කළ අතිශය භයානක "බුද්ධිමය ත්‍රස්තවාදී"ප්‍රහාරයක්, එක් සැබෑ දේශප්‍රේමියෙකුගේ නොසැලෙන ධෛර්යය හමුවේ කුඩුපට්ටම් වී ගියේය.
ශ්‍රී ලංකාවේ පසින් ඉපිද, අපේ මව්බිමේ අධ්‍යාපනයෙන් පන්නරය ලබා ලෝකය ජයගත් එතුමා, මේ වන විට කැනඩාවේ ප්‍රකට ලෝරෙන්ටියන් විශ්වවිද්‍යාලයට අනුබද්ධිතව පර්යේෂකයෙකු සහ විද්වතෙකු ලෙස කටයුතු කරයි. ජාත්‍යන්තර සබඳතා, රාජ්‍ය ප්‍රතිපත්ති සහ සංක්‍රාන්තික යුක්තිය පිළිබඳව ජාත්‍යන්තර තලයේ පිළිගත් ප්‍රබලම ශ්‍රී ලාංකික බුද්ධිමතෙකු වන එතුමා, විදෙස් රටක ඉහළම ගෞරවයක් සහිතව වෘත්තියේ නියැළුණද කිසිදා තමන් උපන් රට අමතක කළ කෙනෙකු නොවේ.
විදෙස් ගත ඩයස්පෝරාවේ මීළඟ ඉලක්කය වූයේ කැනඩාවේ මීළඟ පරම්පරාවේ මොළ සේදීමයි. ඔවුන් කැනඩා රජය හරහා එරට පාසල් අධ්‍යාපන විෂය නිර්දේශයට ශ්‍රී ලංකා හමුදාව විසින් සිවිල් වැසියන් සමූලඝාතනය කළ බවට අසත්‍ය ඉතිහාසයක් ඇතුළත් කිරීමට දැවැන්ත සැලසුමක් දියත් කළේය. මෙය සාර්ථක වූවා නම්, හෙට දවසේ කැනඩාවේ හැදී වැඩෙන සෑම දරුවෙක්ම අපේ ත්‍රිවිධ හමුදාව දකින්නේ "යුධ අපරාධකරුවන්" ලෙසිනි.
මේ දැවැන්ත ජාතික විනාශය දුටු මහාචාර්ය නෙවිල් හේවගේ මැතිතුමා නිහඬව සිටියේ නැත. කිසිදු රජයක හෝ ආයතනයක මුදල් බලාපොරොත්තු නොවී, තම පෞද්ගලික ධනය සම්පූර්ණයෙන්ම වියදම් කරමින් එතුමා කැනඩා අධිකරණය ඉදිරියේ මේ අසත්‍යයට එරෙහිව දැවැන්ත නීතිමය සටනක් ආරම්භ කළේය.
මේ සත්‍යය හෙළි කිරීම නිසාම අන්තවාදීන්ගෙන් එතුමාට දැඩි මරණ තර්ජන පවා එල්ල විය. නමුත්, සැබෑ බුද්ධිමතෙකු කිසිදාක තර්ජන හමුවේ සත්‍යය පාවා දෙන්නේ නැත!
අවසානයේදී කැනේඩියානු අධිකරණය ඩයස්පෝරාවේ බොරු ප්‍රචාරයන් ප්‍රතික්ෂේප කළේය. "පිළිගත හැකි කිසිදු නීත්‍යානුකූල සාක්ෂියක් නොමැතිව, හුදෙක් ප්‍රබන්ධ මත පදනම්ව මෙවැනි කරුණු අධ්‍යාපන විෂය නිර්දේශයට ඇතුළත් කළ නොහැකි බව" අධිකරණය විසින් ඓතිහාසික තීන්දුවක් ලබා දුන්නේය. එය ශ්‍රී ලංකා ත්‍රිවිධ හමුදාවේ අභිමානය ජාත්‍යන්තරය ඉදිරියේ නීතිමය සාක්ෂි මතින්ම නැවතත් තහවුරු කළ සුවිශේෂී අවස්ථාවකි.
මහාචාර්ය නෙවිල් හේවගේ යනු හුදෙක් ජාත්‍යන්තරය ජයගත් බුද්ධිමතෙකු පමණක් නොවේ. පෞද්ගලිකව මා හොඳින්ම හඳුනන, මාගේ ජීවිතයේ අරමුණු සහ දැක්ම ගොඩනගා ගැනීමට මට සුවිශාල අභිප්‍රේරණයක් සහ මාර්ගෝපදේශකත්වයක් ලබා දුන් අසමසම දක්ෂයෙකි.
උණ්ඩයකින් කළ නොහැකි දැවැන්ත පෙරළියක්, නිවැරදි කරුණු සහ නීතිමය තර්කනය ඔස්සේ සිදු කළ හැකි බව එතුමා අද මුළු ලෝකයටම ඔප්පු කර පෙන්වා ඇත.
මාතෘභූමියේ අභිමානය වෙනුවෙන් ජාත්‍යන්තර අධිකරණවල තනිව සටන් වදින මහාචාර්ය නෙවිල් හේවගේ මැතිඳුනි,
ඔබතුමාට මාගේත්, සමස්ත ශ්‍රී ලාංකිකයින්ගේත් ගෞරවනීය ප්‍රණාමය!
Detective A***n
The Forensic Eye
***n
