17/11/2024
꧁ဘယ်အရာမှ အလကားမရဘူး꧂
〰️〰️〰️〰️➰➰➰〰️〰️〰️〰️〰️
အရှင်ဘုရားတို့ပဲ သာယာတယ်
စားဖို့လည်းမပူရ
ဝတ်ဖို့လည်းမပူရ
ဘာကုန်ကျစရာမှ မရှိဘူး တဲ့
အားနာလို့ ဘာမှပြန်မပြောဘဲ
ပြုံးရုံပဲ ပြုံးပြလိုက်ပါတယ်😊😊
ကိုယ်တိုင်ချက်စရာမလိုတာ မှန်ပေမဲ့
ဆွမ်းတစ်နပ်အတွက် နေပူမရှောင် မိုးရွာမရှောင် ခေါင်းဆောင်းမပါ ဖိနပ်မပါဘဲ သပိတ်ပိုက်ပြီး ဆွမ်းခံကြွနေကြတဲ့ ကိုယ်တော်တွေကို
မြင်ဖူးတယ်မလား
တွေ့ရင် မေးကြည့်ပျော်လား လို့
သူများကျွေးမှ စားရတဲ့ဘဝကို
ဘယ်သူမှ မပျော်ကြဘူး
သာယာလို့ ဝတ်နေတာမှမဟုတ်တာ
ဝတ်နေသင့်လို့ ကြိတ်မှိတ်ပြီး ဝတ်နေကြရတာ
ဘာကုန်ကျစရာမှ မလိုဘူးဆိုတော့
ကိစ္စတစ်ခုခုရှိလို့ ခရီးကြွရရင်
ဘယ်ကားသမားက ပိုက်ဆံမယူဘဲ
ပို့ပေးလို့လဲ
ဘယ်ကယ်ရီသမား
ဘယ်အိုးဝေသမားကများ
အလကားလိုက်ပို့ပေးနေကြလို့လဲ
ဖျားနာလို့ ဆေးရုံဆေးခန်းပြရရင်လည်း ဘယ်ဆရာဝန်က အခမဲ့ကုပေးကြလို့လဲ
ဘယ်ဆေးကတော့ အလကားရလို့လဲ
စာသင်ဖို့အတွက် စာအုပ်တွေ
လိုအပ်လာရင်လည်း
ဘယ်စာအုပ်ဆိုင်က ပိုက်ဆံမပေးရသလဲ
နောက်ဆုံး ဆပ်ပြာမှုန့် ဆပ်ပြာခဲက အစ အလကားရတာ မရှိပါဘူး
လူဖြစ်ဖြစ် ရဟန်းဖြစ်ဖြစ်
လိုအပ်ချက်တွေရှိရင်
ငွေနဲ့ပဲ ဝယ်ယူရတာမို့လား
မတူတာက လူဆိုရင် ကိုယ့်ပိုက်ဆံ
ကိုယ့်ဘာသာရှာလို့ရတယ်
ရဟန်းတွေကျ သူများလှူမှ ရတာ
ဘယ်ရဟန်းမှ ငွေတွင်းကြီးမပိုင်ထားဘူး
ပေးသူနည်းပါးလို့ ချို့ချို့တဲ့တဲ့နဲ့ စာသင်သားဘဝကို ဖြတ်သန်းနေရတဲ့ရဟန်းတွေမှ
ပေါမှပေါ
ဇာတ်နာပြတာမဟုတ်ဘူး
ငြီးငြူပြတာမဟုတ်ဘူး
ဒါ ကိုယ်ရွေးချယ်တဲ့ဘဝ
ဒါ ကိုယ်လျှောက်တဲ့လမ်း
ရွှင်လန်းသည်ဖြစ်စေ မောပန်းသည်ဖြစ်စေ ဆက်လျှောက်မှာပါ
ပြောချင်တာက အချောင်နေ အချောင်စားလို့ မြင်နေတဲ့ မျက်လုံးတွေကို စိန်ခေါ်တာ
သာယာတယ်လို့ ထင်ရင်
ဟန်ကျတယ်လို့ မြင်ရင် ဝင်ခဲ့
ကိုယ်တိုင်ရဟန်းဝတ်ပြီး
ရဟန်းတာဝန်ကို ထမ်းကြည့်ကြ
လောကမှာ ဘယ်အရာမှ
အလကားမရဘူးဆိုတာ သိလာလိမ့်မယ်။
