Sri Lanka Muslim Media Forum

01/09/2026

27/08/2026

கலாநிதி ரவூப் ஸெய்னிடம் விளக்கம் கோருகிறது ஸ்ரீ லங்கா முஸ்லிம் மீடியா போரம்

ஸ்ரீ லங்கா முஸ்லிம் மீடியா போரத்தின் பெயர் குறிப்பிடப்பட்டு, சில தினங்களுக்கு முன்னர் கலாநிதி அஷ்ஷெய்க் ரவூப் ஸெய்னினால் சமூக ஊடகங்களில் வெளியிடப்பட்ட பதிவு தொடர்பில் விளக்கம் கோரி, அமைப்பின் சார்பில் அவருக்கு உத்தியோகபூர்வ கடிதம் அனுப்பி வைக்கப்பட்டுள்ளது.

அவரால் பொதுப்படையாக முன்வைக்கப்பட்ட குற்றச்சாட்டுகள் காரணமாக, அமைப்பின் நற்பெயருக்கு ஏற்பட்டுள்ள பாதிப்புகள் குறித்து பல உறுப்பினர்களும் போரத்தின் கவனத்திற்கு கொண்டு வந்திருந்தனர்.

இதனைத் தொடர்ந்து, அமைப்பின் செயற்குழுக் கூட்டத்தில் இவ்விவகாரம் தொடர்பாக விரிவாக ஆராயப்பட்டதன் அடிப்படையில், அவரிடம் விளக்கம் கோருவதென தீர்மானிக்கப்பட்டு இக்கடிதம் அனுப்பி வைக்கப்பட்டுள்ளமை குறிப்பிடத்தக்கது.

19/08/2026

SLMMF Joins Hands with SAWM-SL

The Sri Lanka Muslim Media Forum (SLMMF) is pleased to join hands with South Asian Women in Media – Sri Lanka (SAWM-SL) for this initiative on Artificial Intelligence (AI) literacy.

We are proud to be part of a programme that promotes the responsible and ethical use of generative AI, while empowering women, media professionals and civil society through knowledge and practical skills.

The series of workshops will be conducted across Colombo, Jaffna, Puttalam and Kandy in all three languages, followed by online sessions to support continued learning and peer exchange.

SLMMF looks forward to contributing to this timely initiative and working together with SAWM-SL and other partners to strengthen AI literacy and responsible digital media practices in Sri Lanka.

This project is supported by the Canada Fund for Local Initiatives in Sri Lanka and the Maldives.

26/07/2026

புகைப்படப்பிடிப்பு ஆற்றல் மூலம் வரலாற்றை தத்ரூபமாக பதிவு செய்தவர் எஸ்.எம்.சுரேந்திரன்

- ஶ்ரீ லங்கா முஸ்லிம் மீடியா போரம் அனுதாபம்

சிரேஷ்ட புகைப்படப்பிடிப்பாளர் சண்முகலிங்கம் சுரேந்திரன் அவர்களின் மறைவு தொடர்பில் ஶ்ரீ லங்கா முஸ்லிம் மீடியா போரம் தனது அனுதாபத்தை தெரிவித்துக் கொள்கிறது.

வீரகேசரி பத்திரிகையின் புகைப்பட ஊடகவியலாளராக சுமார் நான்கு தசாப்த காலத்திற்கும் மேலாக பணியாற்றிய அவர், சில மாதங்களாக சுகவீனமுற்றிருந்த நிலையில் திருகோணமலையில் இன்று (26.07.2026) காலமான செய்தியை அறிந்து நாம் ஆழ்ந்த துயருறுகிறோம்.

தனது புகைப்படக் கருவி ஊடாக வரலாற்றின் முக்கிய பக்கங்களை தத்ரூபமாக பதிவு செய்த அவர், இன வன்முறைகள், போர்க் கால நிகழ்வுகள், போராட்டங்கள், ஊடக மாநாடுகள், கலை கலாசார நிகழ்வுகள் என அனைத்தையும் பத்திரிகைகள், இணையத்தளம் வாயிலாக வெளிக் கொணர்ந்தார். அன்னாரின் இந்‌த அர்ப்பணிப்புமிக்க ஊடகப் பணி தமிழ் ஊடகத்துறை வரலாற்றில் குறிப்பிடத்தக்கதாகும்.

முஸ்லிம் ஊடகவியலாளர்களுடனும் நிறுவனங்களுடனும் நெருக்கமான உறவைப் பேணிய அவர், ஶ்ரீ லங்கா முஸ்லிம் மீடியா போரம் நடாத்திய நிகழ்வுகளை தனது கமராவினூடாக பதிவு செய்து ஊடகங்களில் வெளியிட்டு பங்களிப்பு நல்கியவர் என்பதையும் இந்த இடத்தில் நன்றியுடன் நினைவு கூருகிறோம்.

அன்னாரின் மறைவினால் துயருற்றிருக்கும் மனைவி, பிள்ளைகள், குடும்பத்தினர், சக ஊடகவியலாளர்கள் அனைவருக்கும் எமது ஆழ்ந்த அனுதாபங்களைத் தெரிவித்துக் கொள்கிறோம்.

16/07/2026

விண்ணப்ப முடிவுத் திகதி ஜூலை 31 வரை நீடிப்பு!

📢 SLMMF வழங்கும் புதிய தலைமுறை ஊடகவியலாளர்களுக்கான பயிற்சித் திட்டம்

நீங்களும் ஒரு திறமையான, சமூகப் பொறுப்புள்ள ஊடகவியலாளராக மாற வேண்டுமா?

ஸ்ரீலங்கா முஸ்லிம் மீடியா போரம் (SLMMF) நடத்தும் 6 மாத கால “புதிய தலைமுறை ஊடகவியல் பயிற்சித் திட்டத்திற்கு" இன்றே விண்ணப்பியுங்கள்.

✨திட்டத்தின் சிறப்பம்சங்கள்:

நாடு தழுவிய ரீதியில் 50 பேர் மட்டுமே தெரிவு செய்யப்படுவர் (ஒவ்வொரு மாவட்டத்திலிருந்தும் இருவர்)

நேரடி மற்றும் இணையவழி (Online) வகுப்புகள்

சிரேஷ்ட ஊடகவியலாளர்கள் மற்றும் துறைசார் நிபுணர்களின் வழிகாட்டல்.

🎓 தகைமைகள்:

வயது எல்லை: 18 முதல் 22 வயதுக்குள்.

கல்வித் தகைமை: A/L அல்லது அதற்கு இணையான கல்வி.

மொழித் தேர்ச்சி: தமிழ், சிங்களம், ஆங்கிலம் ஆகியவற்றில் ஏதேனும் இரண்டு மொழிகளில்.

📝 விண்ணப்பிக்க:

கீழுள்ள Google Form லிங்க்கை கிளிக் செய்து உங்கள் விபரங்களை உடனே சமர்ப்பிக்கவும்:

👉 https://forms.gle/zt5WZiLdm5w2W4vq8

03/07/2026

ஊடகத்துறை பிரதி அமைச்சர் கலாநிதி கௌசல்யா ஆரியரத்தின - ஸ்ரீலங்கா முஸ்லிம் மீடியா போரம் சந்திப்பு

ஊடகத்துறை மேம்பாடு குறித்து விரிவான கலந்துரையாடல்

ஊடகத்துறை பிரதி அமைச்சர் கலாநிதி கௌசல்யா ஆரியரத்தின அவர்களுக்கும், ஸ்ரீலங்கா முஸ்லிம் மீடியா போரம் (SLMMF) பிரதிநிதிகளுக்கும் இடையிலான உத்தியோகபூர்வ சந்திப்பு நேற்று (02.07.2026) ஊடகத்துறை அமைச்சின் அலுவலகத்தில் நடைபெற்றது.

இச்சந்திப்பில் ஸ்ரீலங்கா முஸ்லிம் மீடியா போரம் சார்பில் அதன் தலைவர் எம். பி. எம். பைறூஸ், பொதுச் செயலாளர் ஷம்ஸ் பாஹிம், பொருளாளர் கியாஸ் ஏ புஹாரி, உப தலைவர்களான ஷிஹார் அனீஸ், ஜெம்சித் அஸீஸ் மற்றும் முன்னாள் தலைவி புர்கான் பி. இப்திகார் உள்ளிட்ட பிரதிநிதிகள் கலந்துகொண்டனர்.

இலங்கையின் ஊடகத்துறையின் சமகால விவகாரங்கள், எதிர்கால மேம்பாடு, ஊடகவியலாளர்களின் கருத்துச் சுதந்திரம் மற்றும் தற்போதைய சவால்கள் குறித்து இச்சந்திப்பில் விரிவாகக் கலந்துரையாடப்பட்டதுடன், பின்வரும் முக்கிய கோரிக்கைகளும் முன்வைக்கப்பட்டன.

1. கருத்துச் சுதந்திரமும் புதிய சட்டமூலமும்: பயங்கரவாத தடைச்சட்டத்தை (PTA) நீக்கி, பயங்கரவாதத்திலிருந்து அரசைப் பாதுகாப்பதற்காக கொண்டுவரப்படவுள்ள புதிய சட்டமூலம் கருத்துச் சுதந்திரத்திற்கும், ஊடகவியலாளர்களின் சுயாதீனப் பணிக்கும் ஆபத்தாக அமையலாம் என்பது சுட்டிக்காட்டப்பட்டது. இதற்குப் பதிலளித்த பிரதி அமைச்சர், PTA முற்றாக நீக்கப்பட வேண்டும் என்பதில் தாம் உறுதியாக இருப்பதாகவும், புதிய சட்ட வரைபுகளின் போது ஊடகவியலாளர்களுக்குப் பாதிப்பு ஏற்படாத வகையில் நடவடிக்கை எடுப்பதாகவும் உறுதியளித்தார்.

2. தகவல் அறியும் ஆணைக்குழுவை வலுப்படுத்தல்: தகவல் அறியும் ஆணைக்குழுவை (RTI) மேலும் வலுப்படுத்துவதோடு, அதற்குத் தேவையான ஆளணி மற்றும் நிதி ஒதுக்கீடுகளை அதிகரிக்க வேண்டும் என போரத்தினால் வலியுறுத்தப்பட்டது.

3. ஊடகவியலாளர் பட்டய நிறுவனம்: அரசாங்கத்தினால் அறிமுகப்படுத்தப்பட்டுள்ள ஊடகவியலாளர் பட்டய நிறுவனத்தை (Chartered Institute of Journalists) நடைமுறைப்படுத்தும் போது, அனைத்து ஊடக அமைப்புகளினதும் கரிசனைகளையும் கருத்துகளையும் உள்வாங்கிச் செயற்படுமாறு வேண்டுகோள் விடுக்கப்பட்டது.

4. இலங்கை ஒலிபரப்புக் கூட்டுத்தாபன முஸ்லிம் சேவை மேம்பாடு: முஸ்லிம் சேவை அதிக வருமானத்தை ஈட்டித் தரும் ஒரு சேவையாக இருந்தபோதிலும், அங்கு நிலவும் வெற்றிடங்களை நிரப்பவும், நீண்டகாலமாக சேவையாற்றும் ஊழியர்களுக்கு நிரந்தர நியமனம் வழங்கவும் கோரப்பட்டது. மேலும், ரமழான் போன்ற காலங்களில் விளம்பரங்களுக்கும் நிகழ்ச்சிகளுக்கும் இடையில் சமநிலை பேணப்பட வேண்டும் என்றும், முஸ்லிம் சேவைக்குப் பங்களிப்புச் செய்யும் கலைஞர்களுக்கு நீண்டகாலமாக வழங்கப்படாதுள்ள கொடுப்பனவுகளை உடனடியாக வழங்க நடவடிக்கை எடுக்குமாறும் கோரப்பட்டது. இக்கொடுப்பனவு விவகாரம் குறித்து தான் இதற்கு முன்னர் அறிந்திருக்கவில்லை எனக் குறிப்பிட்ட பிரதி அமைச்சர், சம்பந்தப்பட்ட அதிகாரிகளுடன் பேசி இதற்குரிய தீர்வைப் பெற்றுத் தருவதாக உறுதியளித்தார்.

5. இளம் மற்றும் பெண் ஊடகவியலாளர் பயிற்சித் திட்டங்கள்: நாட்டின் ஊடகத்துறையை மேம்படுத்த SLMMF முன்னெடுக்கவுள்ள இளம் ஊடகவியலாளர் பயிற்சித் திட்டம் மற்றும் பெண் ஊடகவியலாளர்களுக்கான விசேட பயிற்சித் திட்டங்கள் குறித்து விளக்கமளிக்கப்பட்டது. இவற்றுக்கு ஊடகத்துறை அமைச்சினதும், அரசாங்க தகவல் திணைக்களத்தினதும் முழுமையான ஒத்துழைப்பை வழங்குவதாக பிரதி அமைச்சர் உறுதியளித்தார்.

6. செயற்கை நுண்ணறிவு (AI) பயன்பாட்டு நெறிமுறைகள்: அதிகரித்து வரும் செயற்கை நுண்ணறிவுப் பயன்பாட்டின் போது, நெறிமுறைகளுடன் கூடிய (Ethical AI Use) பயன்பாட்டை ஊடகவியலாளர்கள் மத்தியில் ஊக்குவிப்பதற்கான வேலைத்திட்டங்களை அமைச்சு முன்னெடுக்க வேண்டும் என வேண்டுகோள் விடுக்கப்பட்டது. இது குறித்து அமைச்சு கண்டிப்பாகக் கவனம் செலுத்தும் என பிரதி அமைச்சர் கூறினார்.

7. பாடசாலைகளில் ஊடகக் கழகங்கள்: தமிழ் மொழிமூலப் பாடசாலைகளில் ஊடகக் கழகங்களை (Media Clubs) உருவாக்குவதற்கு அரசாங்க தகவல் திணைக்களத்துடன் இணைந்து பணியாற்ற முஸ்லிம் மீடியா போரம் தயாராக இருப்பதை பிரதிநிதிகள் சுட்டிக்காட்டினர்.

8. அசிதிசி (Asidisi) புலமைப்பரிசில் திட்டம்: அமைச்சினால் வழங்கப்படும் அசிதிசி புலமைப்பரிசில் திட்டத்தின் கீழ் கற்கைநெறிகளுக்கான கொடுப்பனவுகள் அதிகரிக்கப்பட்டுள்ள போதிலும், போதுமான விண்ணப்பங்கள் கிடைக்கப் பெறாமை குறித்து கவலை வெளியிட்ட பிரதி அமைச்சர், தகுதிவாய்ந்த ஊடகவியலாளர்களை இதற்கு விண்ணப்பிக்க ஊக்குவிக்குமாறு கேட்டுக்கொண்டார்.

9. ஊடகவியலாளர் நலன்புரித் திட்டங்கள்: ஊடகவியலாளர்களுக்கான வீடமைப்புத் திட்டம், வாகனக் கொள்வனவுக் கடன் வசதிகள் மற்றும் ஏனைய நலன்புரித் திட்டங்களை அமைச்சு நடைமுறைப்படுத்த வேண்டும் என்றும் வலியுறுத்தப்பட்டது.

இறுதியாக, ஊடக விவகாரங்கள் குறித்து நேரடியாகத் தன் கவனத்திற்குக் கொண்டு வந்தமைக்காக ஸ்ரீலங்கா முஸ்லிம் மீடியா போரத்திற்கு நன்றி தெரிவித்த பிரதியமைச்சர் கலாநிதி கௌசல்யா ஆரியரத்தின, எதிர்காலத்தில் ஊடக அமைச்சுடன் இணைந்து போரமும் ஏனைய ஊடக அமைப்புகளும் செயலாற்றுவதை வரவேற்பதாகக் குறிப்பிட்டார். அத்துடன், ஊடகத்துறை சார்ந்த கரிசனைகளை தனக்கு நேரடியாகத் தெரியப்படுத்தும் பட்சத்தில், அவற்றுக்குரிய உரிய தீர்வுகளைப் பெற்றுத்தர தான் தயாராக இருப்பதாகவும் பிரதி அமைச்சர் மேலும் உறுதியளித்தார்.

02/07/2026

📢 SLMMF வழங்கும் புதிய தலைமுறை ஊடகவியலாளர்களுக்கான பயிற்சித் திட்டம்

🚨நீங்களும் ஒரு திறமையான, சமூகப் பொறுப்புள்ள ஊடகவியலாளராக மாற வேண்டுமா?

ஸ்ரீலங்கா முஸ்லிம் மீடியா போரம் (SLMMF) நடத்தும் 6 மாத கால ‘புதிய தலைமுறை ஊடகவியல் பயிற்சித் திட்டத்திற்கு’்இன்றே விண்ணப்பியுங்கள்.

✨திட்டத்தின் சிறப்பம்சங்கள்:

✅ நாடு தழுவிய ரீதியில் 50 பேர் மட்டுமே தெரிவு செய்யப்படுவர் (ஒவ்வொரு மாவட்டத்திலிருந்தும் இருவர்)
✅ நேரடி மற்றும் இணையவழி (Online) வகுப்புகள்.
✅ சிரேஷ்ட ஊடகவியலாளர்கள் மற்றும் துறைசார் நிபுணர்களின் வழிகாட்டல்.

📚 நீங்கள் கற்றுக்கொள்ளும் முக்கிய பாடங்கள்:

✍️ அடிப்படை அறிக்கையிடல் , புலனாய்வு ஊடகவியல் மற்றும் ஊடக நெறிமுறைகள்
📸 டிஜிட்டல் ஊடகம், வீடியோகிராபி & மொபைல் ஊடகவியல் (MoJo).
🤖 தரவு ஊடகவியல் (Data Journalism), இணையப் பாதுகாப்பு & செயற்கை நுண்ணறிவு (AI) பயன்பாடு.
⚖️ ஊடகச் சட்டம் & தகவல் அறியும் உரிமை (RTI).

🎓 தகைமைகள்:

✔️ வயது எல்லை: 18 முதல் 22 வயதுக்குள்.
கல்வித் தகைமை: A/L அல்லது அதற்கு இணையான கல்வி.
✔️மொழித் தேர்ச்சி: தமிழ், சிங்களம், ஆங்கிலம் ஆகியவற்றில் ஏதேனும் இரண்டு மொழிகளில் தேர்ச்சி.
✔️முன்னுரிமை: எழுத்தாற்றல், நடுநிலைமை மற்றும் சமூகப் பொறுப்புணர்வு கொண்டவர்கள்.

🎯 தெரிவு முறை:

சுயவிபரம் (CV), நுழைவுத் தேர்வு, நேர்காணல்

📝 விண்ணப்பிக்க:
கீழுள்ள Google Form லிங்க்கை கிளிக் செய்து உங்கள் விபரங்களை உடனே சமர்ப்பிக்கவும்:
👉 https://forms.gle/zt5WZiLdm5w2W4vq8

📞 மேலதிக விபரங்களுக்கு:
ஷிஹார் அனீஸ் (தலைமை பயிற்றுவிப்பாளர்)
WhatsApp: 0773763577
Email: [email protected]

18/06/2026

முஸ்லிம் ஊடகங்கள் தொடர்பான பாராளுமன்ற உரைக்கு அதிருப்தி!

பிரதியமைச்சர் முனீர் முளப்பருக்கு ஶ்ரீ லங்கா முஸ்லிம் மீடியா போரம் கடிதம்!

முஸ்லிம் ஊடகங்களைப் பிரதிநிதித்துவம் செய்வோர் இனவாத சக்திகளுக்குத் துணை போவதாக சமய விவகார மற்றும் கலாசார அலுவல்கள் பிரதியமைச்சர் முனீர் முளப்பர் அண்மையில் பாராளுமன்றத்தில் முன்வைத்த குற்றச்சாட்டு தொடர்பில் ஸ்ரீ லங்கா முஸ்லிம் மீடியா போரம் தனது அதிருப்தியை வெளியிட்டுள்ளது.

இது தொடர்பில் ஸ்ரீ லங்கா முஸ்லிம் மீடியா போரம் பிரதியமைச்சருக்கு 18.06.2026 திகதியிட்டு அனுப்பியுள்ள கடிதத்தில் மேலும் குறிப்பிடப்பட்டுள்ளதாவது,

கடந்த 11.06.2026 அன்று
பாராளுமன்றத்தில் தாங்கள் உரை நிகழ்த்திய போது, "முஸ்லிம் சமூக விவகாரங்களை அறிக்கையிடும் முஸ்லிம் ஊடகங்கள், தமது செய்தி அறிக்கையிடல்கள் மூலம் இனவாத சக்திகளுக்குத் துணைபோகும் வகையில் நடந்து கொள்கின்றன" எனக் குற்றம்சாட்டியிருந்தீர்கள். இந்த ஆதாரமற்ற பாரதூரமான குற்றச்சாட்டு தொடர்பில் எமது பலத்த அதிருப்தியையும் கவலையையும் தங்களுக்குத் தெரியப்படுத்தும் பொருட்டே இக்கடிதத்தை அனுப்புகிறோம்.

முஸ்லிம் சமூகத்தை மையப்படுத்தி இயங்குகின்ற ஏதேனும் ஊடகங்களோ அல்லது ஊடகவியலாளர்களோ அவ்வாறான பக்கச்சார்பான பின்னணிகளைக் கொண்டிருப்பின் அல்லது தமது செய்தி அறிக்கையிடல்களில் உண்மைக்குப் புறம்பான விடயங்களை உள்ளடக்கியிருப்பின், அவற்றை ஆதாரபூர்வமாக, உரிய தரப்பினரின் பெயரை குறிப்பிட்டுச் சுட்டிக்காட்டுவதே முறையானதும் பொருத்தமானதுமாகும். அதனை விடுத்து, முஸ்லிம் சமூக மற்றும் சமய விவகாரங்கள் தொடர்பில் ஊடக நெறிமுறைகளைப் பேணி, நடுநிலையாக அறிக்கையிட்டு வரும் ஒட்டுமொத்த ஊடகங்களையும் உள்ளடக்கும் வகையில் தாங்கள் முன்வைத்துள்ள இக்குற்றச்சாட்டு எவ்வகையிலும் ஏற்றுக்கொள்ளப்பட முடியாததொன்றாகும்.

அண்மைக்காலங்களில் இலங்கை முஸ்லிம்கள் எதிர்கொண்ட பல்வேறு முக்கியத்துவம் வாய்ந்த விவகாரங்கள் குறித்து முஸ்லிம் ஊடகங்களும் ஊடகவியலாளர்களும் சமூகப் பொறுப்புணர்வுடன் மக்களை விழிப்பூட்டும் வகையில் செய்திகளை வெளியிட்டிருந்தனர். இது ஜனநாயகத்தின் நான்காவது தூணாக விளங்கும் ஊடகங்களின் இன்றியமையாத கடமையுமாகும். இவ்வாறானதொரு பின்னணியில், எவ்வித சான்றுகளுமின்றி பொதுப்படையாகத் தாங்கள் முன்வைத்த குற்றச்சாட்டு, அர்ப்பணிப்புடன் பணியாற்றும் முஸ்லிம் ஊடகவியலாளர்கள் மத்தியில் பெரும் மனவேதனையையும் ஏமாற்றத்தையும் ஏற்படுத்தியுள்ளது.

இவ்விடயம் அமைப்பின் அங்கத்தவர்களால் எமது கவனத்திற்குக் கொண்டுவரப்பட்டதை அடுத்து, கடந்த 15.06.2026 அன்று நடைபெற்ற எமது செயற்குழுக் கூட்டத்தில் இது குறித்து விரிவாக ஆராயப்பட்டு எடுக்கப்பட்ட தீர்மானத்தின் அடிப்படையிலேயே இக்கடிதம் தங்களுக்கு அனுப்பி வைக்கப்படுகிறது.

எனவே, எதிர்காலத்தில் இவ்வாறான பாரதூரமான மற்றும் பொதுப்படையான குற்றச்சாட்டுக்களை பாராளுமன்றம் உள்ளிட்ட உயரிய சபைகளில் முன்வைப்பதைத் தவிர்த்துக் கொள்ளுமாறும், தாங்கள் சபையில் முன்வைத்த மேற்படி கருத்தை திருத்திக் கொள்வதுடன், ஜனநாயகத்தின் தூண்களாக விளங்கும் ஊடகங்களின் சுயாதீன செயற்பாடுகளுக்கு மதிப்பளித்து, ஊடகவியலாளர்களின் கருத்துச் சுதந்திரத்தை உறுதிப்படுத்துமாறும் மிகவும் பணிவுடன் வேண்டிக் கொள்கிறோம் என்றும் அக் கடிதத்தில் மேலும் குறிப்பிடப்பட்டுள்ளது.

19/05/2026

📱 Empowering the next generation of Sri Lankan storytelling! 🇱🇰🇹🇷

Here is a quick look at the "Sri Lanka New Generation Journalism Training Programme" held in Türkiye from April 20–24, 2026.

Organized by TRT Academy with the invaluable support of TİKA, this intensive program brought together 10 Sri Lankan journalists.

Over five dynamic days, they dived deep into:
📱 Mobile Journalism (MoJo) & Digital Media
⚠️ Crisis Reporting under pressure
🎬 Video Storytelling & emerging media technologies

A heartfelt thank you to the Türkiye in Sri Lanka Government of Türkiye, Türk İşbirliği ve Koordinasyon Ajansı Başkanlığı - TİKA, TRTAkademi and all the incredible trainers for providing this invaluable learning experience and such warm hospitality.

Video Production: Roomy Haris

18/05/2026

Sri Lanka Muslim Media Forum Expresses Deep Condolences on the Passing of Veteran Journalist D. B. S. Jeyaraj

The Sri Lanka Muslim Media Forum expresses its profound sorrow and heartfelt condolences on the passing of veteran Sri Lankan journalist and political analyst D. B. S. Jeyaraj, who passed away in Canada at the age of 72.

Widely regarded as one of Sri Lanka’s most distinguished journalists and political commentators, Mr. Jeyaraj dedicated decades to chronicling the country’s ethnic conflict, civil war, and contemporary political landscape.

Through his writing, he offered profound insights into complex national issues. His courageous journalism, combined with his sharp, nuanced political analyses, earned him immense respect and recognition both locally and internationally.

Even while living in exile in Canada, Mr. Jeyaraj remained deeply connected to his homeland, closely monitoring and reporting on developments in Sri Lanka. His unwavering commitment to truth and fearless journalism came at a heavy cost; he faced severe threats and survived a brutal physical assault. Undeterred by intimidation, he upheld the highest standards of journalistic integrity until the very end.

The Sri Lanka Muslim Media Forum particularly remembers his deep concern and insightful engagement with the social and political issues impacting the Muslim community. Through his regular columns, he played a pivotal role in spotlighting the unique challenges faced by Sri Lankan Muslims. He brought global attention to critical issues, including the forced expulsion of Muslims from the Northern Province, political dynamics in the Eastern Province, and the rising tide of Islamophobia during difficult periods in the country's history. His steadfast commitment to amplifying the voices of oppressed and marginalized communities will always be remembered with deep gratitude.

Beyond his professional brilliance, Mr. Jeyaraj was a generous mentor and a trusted friend to many in the fraternity, especially young media professionals entering the field. The guidance, encouragement, and camaraderie he extended to colleagues will leave an indelible mark on the media industry.

At this time of immense grief, the Sri Lanka Muslim Media Forum extends its deepest sympathies to his wife, family members, friends, fellow journalists, and his vast readership around the world.

May his legacy of fearless journalism continue to inspire.

2026.05.18