06/12/2025
මේ අස්සෙ නොකියාම බැරි කතාත් තියෙනවා.
අපි මිනිස්සුන්ට අරගෙන ගිය බඩු ටික බෙදලා දෙද්දි, මිනිස්සු පොරකනවා, පෝලිම් පනිනවා, කෑගහනවා, එක්කෙනා දෙතුන් වතාවෙ පෝලිමට එනවා, අම්මා , දූ දෙන්නම වෙන වෙනම එනවා. සමහරු බයි ෆෝස් එකෙනුත් එනවා.
ඒ අතරෙදි ගෑනු කෙනෙක් අපි එක්ක කතාවට සෙට් උනා. එයා කිව්වෙ "මගේ ගම වැලිගම. ඔයාල දකුණෙ කට්ටියක් කියල ආරංචි උනා. ඒකයි මෙතනට ආවෙ, දකුණෙන් මෙහේ ඇවිත් මෙහෙම කරද්දි මට හරි සතුටුයි, ආඩම්බරයි" කියල. ඒ ගමට ගිය පළවෙනි කණ්ඩායම තමා අපි.එහෙම කියල එතනින් ගිය එයා අපෙන් කිසිම දෙයක් ඉල්ලුවෙ නෑ.
ඒ කෙනා අපි එක්ක කතා කරලා යන්න ගියාම ඒක දිහා බලාගෙන හිටපු ගමේ මනුස්සයෙක් කියනවා.
"ඔයාල එක්ක ඒ කතා කල ගෑනු කෙනාගෙ ගෙදර සම්පූර්ණයෙන්ම වතුරට ගියා. එයාට ඉතිරි උණේ ඇඳිවත විතරයි" 😢
සටහන - Sameera Tharindu Bopage
