22/05/2025
අනුදිට ඔබෙ සහයෝගය අවශ්‍ය මොහොතයි මේ 🇱🇰🙏🏼
අපේ කෙල්ල ව Miss World කරවන්න ඔයාලාගෙ සහයෝගය අවශ්‍යවෙන පළවෙනි අභියෝගය ඔන්න කට ලඟටම ඇවිත් තියෙන්නෙ. අනුදිගෙ social media engagement එක පරික්ෂාවට ලක්වෙන Multimedia Challenge වටය බොහෝදුරට හෙට නැත්නම් අනිද්දා ආරම්භ වේවි. Miss World තරඟකාරිනියන්ට තමන්ගෙ සමාජ මාධ්‍ය පිටු සහ Miss World App එක තුළ ඇති ජනප්‍රියත්වය සලකා බැලීමයි මේකෙදි වෙන්නෙ. මේ තරඟවටයේ ජයග්‍රාහිකාව කෙළින්ම Top 40 අතරට සුදුසුකම් ලබනවා. අපේ අනුදිව කෙළින්ම Top 40 යවන්න මේක තමයි පළවෙනි චාන්ස් එක....
හැබැයි මේ වැඩේ චැලෙන්ජ් එකක් තියෙනවා 🧐🧐
මේ පාර තරඟකාරිනියන්ගෙ ජනප්‍රියත්වය බලන්නෙ නිකන්ම ලයික්ස් වලින්, කමෙන්ට්ස් වලින්, ශෙයාස් වලින් විතරක් නෙමෙයි. Miss World තරඟය පැවැත්වෙන තෙළඟානා ප්‍රාන්තය, තෙළිඟු සිනමාව සහ හයිද්‍රාබාද් නගරය ප්‍රවර්ධනය වෙන්න මොනතරම් බලපෑමක් මේ තරඟකාරිනියන්ගෙ සමාජ මාධ්‍ය තුළින් ලැබෙනවද කියන එකත් බලනවා.
🚩ඒ කියන්නෙ අනුදි වෙනුවෙන් අපි දාන හැම කමෙන්ට් එකක්ම තෙළඟානා ප්‍රාන්තයට සම්බන්ධයක් තිබෙන්න ඕනි..
🔹ඔන්න ඕකයි චැලෙන්ජ් එක. මේ අභියෝගයට අපි බොහොම නිර්මාණශීලීව මුහුණදෙන්න ඕනි !!
ඒ කොහොමද? 🤔🤔
1️⃣ ඉදිරියේදි අනුදිගෙ සමාජ මාධ්‍ය පිටුවලින් මේ වටය අරමුණ කරගෙන පෝස්ට් කිහිපයක් වැටේවි (ඔයාලාට ඒ පෝස්ට් දැක්කාම තේරුම්යයි ඒ මේ වැඩේටම හදපුවා කියලා) අන්න ඒ පෝස්ට්වල අපි කමෙන්ට් කරන්න, ශෙයා කරන්න ඕනි තෙළඟානා ප්‍රාන්තය මොනම විදිහකින් හරි ප්‍රමෝට් වෙන විදිහටයි. උදාහරණයකට “අනුදි නිසා තෙළඟානා ප්‍රාන්තය ගැන කැමැත්තක් ඇතිවුණා, අනාගතයේදී යන්න බලාපොරොත්තු වෙනවා, තෙළිඟු සංස්කෘතියට, තෙළිඟු සිනමාවට ලංකාවෙ අපි ආදරෙයි, අනුදි තෙළිඟු නිළියක් වගේ.... “ මේ වගේ නිර්මාණාත්මක කමෙන්ට්ස් දාන්න ඔයාලාට පුළුවන්. ඔයාලා හයිද්‍රාබාද් පැත්තෙ ගිහින් තියෙනවා නම් ඒ ෆොටෝස් උනත් පෝස්ට්වලට කමෙන්ට් කරන්න. හැබැයි මතක තියාගන්න තෙළඟානා ප්‍රාන්තය ප්‍රමෝට් වෙන විදිහෙ Telangana, Telugu, Hyderabad, India වගේ Tollywood අනිවාර්යයෙන් භාවිතා කරන්න වෙනවා. 🇮🇳 ඉන්දියාවෙ කොඩියත් භාවිතා කරන්න. ඒවගේම මේ පාර Miss World Slogan එක වෙන Telangana Zarur Aana කියන වාක්‍යයත් ඔයාලාට භාවිතා කරන්න පුළුවන්. මේ වැඩේ ලෝකෙ වෙන කිසිම රටකට වඩා හොඳට ලංකාවෙ අපිට කරන්න පුළුවන් වෙයි කියලා මම හිතනවා. මොකද තෙළිඟු සංස්කෘතිය ගැන අපේ රටේ අය හොඳටම දන්නවා. ඔයාලා බලපු ෆිල්ම් එකක චරිතයක් හරි අනුදිට සම්බන්ධ කරලා මේ කමෙන්ට්ස් දාන්න පුළුවන්. හැබැයි අමතක කරන්න එපා අපි පුළුවන් තරම් කමෙන්ට් කරන්න ඕනි ඉංග්‍රීසි භාෂාවෙන් ( ඉංග්‍රීසි දැනුම ප්‍රශ්නයක් කරගන්න එපා, අදහස එන විදිහට මොකක්හරි ජෙනුවින් කමෙන්ට් එකක් අටවලා දාන්න).
2️⃣ මේ වටය ආරම්භ වෙනකන් ඔයාලාට පුළුවන් මේ වගේම කමෙන්ට්ස් අනුදිගෙ පරණ පෝස්ට් වලට දාන්න. තෙළඟනාව වෙනුවෙන්ම අනුදි කරපු ෆොටෝශූට්, වීඩියෝස් අනුදිගෙ පේජ් එකේ තියෙනවා. මේ සටහනේ පහතින් ඒවාගෙ ලින්ක්ස් අමුණලා තියෙනවා. ඉතින් ඔයාලාට පුළුවන් ඒවගෙත් මම කියපු විදිහෙ කමෙන්ට්ස් දාන්න. Multimedia Challenge වටය ආරම්භ වෙනකන්ම ඉන්න එපා. දැන් ඉඳන්ම කමෙන්ට් කරමු !!
ඒ වගේම මේ කමෙන්ට්ස් අපි අනුදිගෙ page එකේ විතරක් නෙමෙයි, Instagram සහ Miss World App එකෙත් දාන්න ඕනි. අනුදිගෙ social media pages වල ලින්ක් ඔයාලා ගාව නැත්නම් පහත කමෙන්ට් තීරුවේ තියෙනවා අනිවාර්‍යෙන්ම Anudi Gunasekara ම් මතක තියාගන්න, Miss World සහ Miss World Sri Lanka කියන forums දෙකේම අනුදිගෙ පෝස්ට් එක්ක එන්ගේජ් වෙන්න අමතක කරන්න එපා (ඒක වෙනස්කරන විදිහ ගැන මේ සටහනේ මම කමෙන්ට් එකක් දාලා තියෙනවා, ඒකෙන් අවබෝධයක් ලැබෙයි).
එහෙනම්, ඔයාලා හැමෝම මේ වැඩේට වචනයකින් හරි දායකවෙලා අපේ කෙල්ලව Top 40 ගෙනියන්න උදව්කරයි කියලා හිතනවා. මොකද මතක තියාගන්න අනුදිට තරඟකරන්න වෙන්නෙ අපිට වඩා සෑහෙන විශාල ජනගහනයක් ඉන්න රටවල් එක්කයි. එයාලාට පුංචි අපේ රටෙ එකමුතුකම සහ ශක්තිය පෙන්වන්න හොඳම අවස්ථාවක් මේක. Beauty pageant එකක් ජයග්‍රහණය කරවන්න මුළු රටක්ම මේ වගේ එකතුවුණු, ප්‍රාර්ථනා කරපු, සහයෝගය දුන්නු අවස්ථාවක් අපේ රටේ ඉතිහාසයටම වෙන නැතුව ඇති. ඒ නිසා ඒ සහයෝගය අපි අනුදිට දිගටම දීලා අපේ රටේ ශක්තිය මුළු ලෝකෙටම මේ පාර පෙන්වමු !! 🇱🇰❤️
ඒ වගේම මේ පණිවිඩය පුළුවන් තරම් කට්ටිය අතර ශෙයා කරන්න….
(උපුටාගැනීමකි).
