12/09/2025
"අපේ ලොකුම සතුරා අපියි"
ජීවිතයේදී අපි හැමෝම යම්කිසි දෙයක් සාර්ථක කරගන්න හීන දකිනවා. ලොකු දේවල් කරන්න හීන දකිනවා. ඒත් ඒ හීන බොහොමයක් හීන විතරක් වෙලා නැවතිලා යනවා. ඇයි එහෙම වෙන්නේ? මොකක්ද ඒකට හේතුව?
අපි හැමෝම අහලා තියෙනවා "අපේ ලොකුම සතුරා අපියි" කියලා. ඒක ඇත්ත. සමහර වෙලාවට අපිව නවත්තන්නේ අපිමයි! අපි සාර්ථක වෙන්න තියෙන අවස්ථා වලදි පවා ඒයින් පසුබහිනවා..
1. අසාර්ථක වෙන්න බය වෙන්න එපා!
අපි පොඩි කාලේ ඉඳන්ම ඉගෙන ගන්නේ අසාර්ථකත්වය කියන්නේ නරක දෙයක් කියලයි. ඒකෙන් අපිව මානසිකව වැට්ටුවා. ඒත් ඇත්තටම අසාර්ථකත්වය කියන්නේ සාර්ථකත්වයේ කොටසක්.
ලෝකයේ දියුණුම මිනිස්සුන්ගේ කතා දිහා බලන්න. ඔවුන් හැමෝම එකවර සාර්ථක වුණ අය නෙවෙයි. ඔවුන් ගොඩක් වතාවක් වැටුණා, අසාර්ථක වුණා, ඒත් ඒ හැම වැටීමකින්ම නැගිට්ටා..
අපේ ජීවිතේ හැමදේම පළමු වතාවට සාර්ථක වෙන්නේ නැහැ. උත්සාහයන් දහස් ගණනක් අසාර්ථක වෙන්න පුළුවන්..
ඒත් ඒ සෑම අසාර්ථක උත්සාහයක්ම අපිට අලුත් පාඩමක් උගන්වනවා. ඒ පාඩම් වලින් අපි ශක්තිමත් වෙනවා. ඒ නිසා අසාර්ථක වෙන්න බය වෙන්න එපා. ඒක සාර්ථකත්වයේ මඟ.
තෝමස් එඩිසන් විදුලි බල්බය නිපදවීමට පෙර දහස් ගණනක් අසාර්ථක උත්සාහයන් දැරූ බව ප්රකට කතාවක්. ඔහුගෙන් "ඔබ අසමත් නේද?" යනුවෙන් විමසූ විට, ඔහු ප්රසිද්ධියේ මෙසේ පිළිතුරු දුන්නා.
"මම අසමත් වූයේ නැහැ. මම විදුලි බුබුලක් ක්රියා නොකරන ක්රම 10,000ක් සොයා ගත්තා.."
එඩිසන් අසාර්ථකත්වය දුටුවේ අවසානයක් ලෙස නොව, ඉගෙනීමේ ක්රියාවලියේ කොටසක් ලෙස. ඔහුගේ නොපසුබට උත්සාහය සහ අසාර්ථකත්වයන්ගෙන් ඉගෙනීමට තිබූ කැමැත්ත නිසා, අද අප ලෝකය දකින ආකාරය වෙනස් කිරීමට ඔහුට හැකි විය.
2. විවේචනයට ලක්වෙන්න කැමති වෙන්න.
අපි සමාජයක ජීවත් වෙන අය නිසා, අපි හැමෝම කැමති අපිව අගය කරනවාට, අපිට ආදරය කරනවාට. ඒත් ඇත්තටම අපේ අදහස් හැමෝම පිළිගන්නේ නැහැ. අපේ වැඩ හැමෝම අගය කරන්නේ නැහැ..
ඔබ යම්කිසි විශිෂ්ට දෙයක් කරන කොට සමහර අය ඔබව අගය නොකර ඉන්න පුළුවන්, සමහර විට ඔබ ඔවුන්ගේ වෛරයට ලක් වෙන්නත් පුළුවන්. ඒකට හේතුව ඔබ සාමාන්ය මිනිසුන්ගේ සීමාවෙන් එහාට ගිය නිසා. සාමාන්ය මනුෂ්යයන්ට වඩා වෙනස් විදියට හිතන නිසා. ඒත් ඔබ සමාජයේ හැමෝම කැමති විදියට ජීවත් වෙන්න ගියොත් ඔබව කවදාවත් ඔබගේ හීන වලට යන්න හම්බවෙන්නේ නැහැ..
සමහරු ඔබට වෛර කරන්නේ ඔබගේ සාර්ථකත්වය දැකලා. ඒ නිසා ඒක හොඳ දෙයක්. ඔබ නිවැරදි මාවතේ යන බවට ඒක ලකුණක්.
"හැරී පොටර්" කතා මාලාව ලොව පුරා ප්රසිද්ධියට පත් වීමට පෙර, ජේ.කේ. රෝලිං බොහෝ ප්රකාශකයන් විසින් ප්රතික්ෂේප කරනු ලැබුවා..
ඇය ලියූ පොත ගැන ඔවුන් විවිධ විවේචන එල්ල කළා. සමහරු ඇගේ කතාව දරුවන්ට සංකීර්ණ වැඩි බව පැවසූ අතර, තවත් සමහරු එයට වෙළෙඳපොළක් නොමැති බව කිව්වා. එහෙත් ඇය එම විවේචන නිසා අධෛර්යමත් නොවී, තම නිර්මාණය කෙරෙහි විශ්වාසය තබා ඉදිරියට ගියා. ඇය එසේ විවේචන නොසලකා හැරීම නිසා, ලෝකය වඩාත්ම ආදරය කරන ලද සහ සාර්ථකම නවකතා මාලාවක් බිහිවුණා.
3. මෝඩයෙක් ලෙස පෙනී සිටින්නට කැමති වෙන්න.
අපි කවුරුත් කැමති නැහැ අනිත් අයට මෝඩයෙක් වගේ පෙනී ඉන්න. අපි හැමෝම කැමතියි අපි බුද්ධිමත්, දක්ෂ, දන්නා මිනිස්සු කියලා පෙන්නන්න.
ඒත් ඇත්තටම ලෝකයේ සාර්ථක මිනිසුන් ගොඩක් දෙනෙක් නිතරම ප්රශ්න අහනවා. දැනගන්න ඕනී දේවල් ප්රශ්න කරලා අහනවා. තමන්ට නොදන්නා දෙයක් තිබුණොත් ඒක පිළිගන්නවා. ඒක බුද්ධිමත්කමේ ලක්ෂණයක්.
ඔබට යමක් නොදන්නවා නම් ඒක අහන්න බය වෙන්න එපා. ඒක ඔබට අලුත් දැනුමක් ලබාගන්න තියෙන හොඳම අවස්ථාව. ඒකෙන් ඔබට ඔබගේ අරමුණට යන්න පහසු වෙයි.
උදාහරණයට ඇල්බට් අයින්ස්ටයින්ට කුඩා කල සිටම විවිධ ගැටලු තිබුණි. පාසලේදී ඔහු ඉගෙනීමට මන්දගාමී බවත්, වෙනත් සිසුන් හා සමානව ඉගෙනීමට නොහැකි බවත් බොහෝ ගුරුවරු පැවසුහ.
ඇතැම් විට ඔහු කළ විවිධ අමුතු ප්රශ්න කිරිම් නිසා, ඔහුව මෝඩ පුද්ගලයකු ලෙසද ඔවුන්ට පෙනෙන්නට ඇත. නමුත් ඔහු ඒ ගැන කනස්සල්ලට පත් නොවීය. ඔහු තමාට ඇති කුතුහලය නිසා අදහස් ගැන ප්රශ්න කිරීමට බිය නොවී සිටියේය.
ඒ හේතුවෙන් සාපේක්ෂතාවාදය වැනි සංකීර්ණ න්යායන් නිර්මාණය කිරීමට ඔහුට හැකි විය. ඔහුගේ අදහස් මුලින්ම සමාජය විහිළුවට ලක් කළත්, පසුව ඒවා ලෝකය වෙනස් කළේය.
අවසන් වශයෙන්,
Be willing to fail.
Be willing to be hated.
Be willing to look stupid.
Be willing to be criticized.
It's the only way to do something great.
ජය!
Copied From
____________✍️ © සාගර දියගම
