12/10/2025
අපේ ජිවිතයේ අරමුණක් ඉලක්කයක් තියෙනව නම් පැහැදිලිවම, හැමදේම වෙන්නේ අපේ හොදටයි.
අවසානයේ අපි අරමුණට ගියාට පස්සේ ඒක හොදටම තේරෙනවා. ඒක නිසා ඔයාට දේවල් වෙද්දි "ඇයි මටම වෙන්නේ" කියලාහිතන්න එපා. මේක වුනේ මගේ හොදටයි හිතන්න. එතකොට ඔයාට හැමදේම වැටහෙයි. මේ පුංචි මාලුවාගේ කතාව කියවන්නකො..
පුංචි මාළුවෙක් මාළු ටැංකියක ඉඳන් මුහුද දිහා බලාගෙන හිටියලු. හැමදාමත් එයාගේ හදවත දුකෙන් පිරුණලු, මාළු ටැංකියක හිරවෙලා කියලා..
ඔය අතරේ පුංචි ගෑණු ළමයෙක් අර පුංචි මාළු පැටියට පෙන්නුවාලු එක මනුස්සයෙක් මුහුදෙ ඉන්න පුංචි පුංචි මාළු අල්ලගෙන යන හැටි..
අර මාළු ටැංකියේ ඉන්න පුංචි මාළු පැටියා , එදා ඉඳන් සතුටු උනාලු. එයා පුංචි මාළු ටැංකියක හිරවෙලා හිටියත් එයා ආරක්ෂිතයිනෙ කියලා !
සමහර වෙලාවට අපිට දුකෙන් ඉන්න හේතු කෝටියක් තිබ්බත් , සතුටෙන් ඉන්න එක හේතුවක් හරි තියෙනවනම් අපි අපේ අවධානය දෙන්න ඕනේ අර සතුටෙන් ඉන්න හේතුවට !
නරක ගොඩක් තිබ්බත් අපි ෆෝකස් කරන්න ඕනේ හොඳ දේට ! අපි දුකෙන් ඉන්නම තියෙන හේතු ගැන විතරක් හිතුවොත් , අපිට හැමදාම ඉන්න වෙන්නේ දුකෙන්. අපිට හැමදාම පේන්නේ දුක හිතට දේවල් විතරයි. අපිට හැමදාම , දුකෙන් බයෙන් සැකෙන් ජීවත් වෙන්නට සිද්ධ වෙනවා. ඒත් අපිට පුළුවන් නම් , සතුටු වෙන්න තියෙන පුංචි හේතුව ගැන හිතලා සතුටු වෙන්න...
' විශ්වාස කරන්න දුකට තියෙන හේතු කෝටියම එකින් එක අතුරුදහන් වෙන්න පටන් ගන්නවා...
Copy
