31/07/2025
'කොළඹ යුගයේ දාර්ශනික කවියා' යන අභිධානයෙන් හඳුන්වාදෙනු ලබන විමලරත්න කුමාරගම කවියාගේ, කවි පිළිබඳව කතිකාවතක් සිදුකිරීමට මෙයයි කාලය යැයි හැඳින්වීම නොපෑහේ වාගේම සෑම කලකම අප කියවිය යුතු, කියවා නිවිය යුතු කවි ඉපැද්දූ මොහු සිය කවි අතරින් 'නොපළ කවි' බොහෝමයක් මෙහි ඉතිරි කොට වසර හතළිස් හතරක් වැනි ඉතා කෙටි කාලයකින් සිය ජීවිතය අවසන් කිරීමට සිදුවීම ඉතාමත් කණගාටුදායක සිදුවීමකි.
මෙම හදිසි වියෝව සඳහා හේතු වූ රෝගී තත්ත්වය අසාද්‍යවන්නට පැය දෙකකට පෙර,
'අලුත් එළියක ලකුණු මතු වෙයි
එදෙස තරු රැස් අනුව යන්නම්
මගේ අදහස මැරෙන්නේ නෑ
ඔබට එය අඩු නැතිව දෙන්නම්
උදෑසන මල් වී පිපෙන්නම්
රෑට හඳ එළියකින් එන්නම්
ඔබේ සුවඳත් මගේ සුවඳත්
එකට කැටි කළ හුළඟ වෙන්නම්
මට දැන් අමාරුයි හදවතෙහි දිය රතු
නික්මී කටින් ගෑමෙන් දැනෙයි ඇඟ ලතු
සොහොයුර ලොවේ ඉර හඳ අතට ගෙන මතු
මගෙ නිදහසට ඔබෙ නිදහස ද දිය යුතු'
ලෙස සිය මිතුරා වන පී.බී අල්විස් පෙරේරා හට ලියූ මෙම කවි කාර්යාල සේවයකු අතට දී පී.බී අල්විස් පෙරේරා නැමැති සිය කවි මිතුරා හට තැපැල් කරන්නැ'යි කීවද මෙය මොහු අතට පත්වන්නේ විමලරත්න කුමාරගමයානන් මියැදී දින එකොළහකටත් පසුවයි.
පෙර-පර දෙදිග කවීන්ගේ චින්තනය ද ඔහුගේ කවි සිතට මඟ පෙන්වූයේ වීය.
'වැරහැලි දැරූ දරුවකු මගදි හමුවුණි
තෙරුවන දනිත්දැයි ඇසුවිට දි වැනි වැනි
දුන් පිළිතුරෙන් මා මහපාරෙ තනිවුණි
තාත්තගේ පය - මහපාර - බඩගිනි'
දරුවා දන්නා තෙරුවන නම් ඒ ය. තාත්තාගේ පය පළමුවැන්නයි.එය කැඩී බිඳී ගියේ වන. එහෙයිනි, ඔහුට මහපාර හිමි වූයේ. ඒ නිසා ඔහු හඳුනන අවසන් රුවන බඩගින්නයි
🔖 විමලරත්න කුමාරගම (සන්ථව කාව්‍ය රත්නාවලී - 03)
🔖 රත්න ශ්‍රී විජේසිංහ
🔖 ප්‍රකාශනය - සන්ථව ප්‍රකාශන
🏷️ ඔබට අවශ්‍ය ඕනෑම නවකතා, කෙටිකතා, පරිවර්තන,චරිතාපදාන, ශාස්ත්‍රීය, පාසල් ළමුන් සඳහා අවශ්‍ය පොත් මෙන්ම සියලුම පාසල් උපකරණද ඉතාම පහසු මිලකට අප වෙතින් මිලදීගත හැකියි..
ඒ සඳහා අදම පිවිසෙන්න
▪️Whatsapp - 0777 587301
▪️Youtube - Santhawa kavi TV
▪️Tiktok - Santhawa
▪️www.santhawa.lk
▪️No 112/4, Gampaha Road, Miriswaththa
