https://www.facebook.com/702234620110867/

The Ceylon Entrepreneur, Hokandara North (2025)

15/07/2025

✅ Deepseek AI tool එකට ඔබට නොමිලේ access කරන්න පුලුවන්

✅ Facebook, Instagram, Tiktok වැනි සමාජ මාධ්‍ය ඔබට නොමිලේ access කරන්න පුලුවන්

✅ Youtube ඔබට නොමිලේ භාවිතා කරන්න පුලුවන්

✅ Google Gemini, Chat GPT, Perplexity, Claude වැනි AI tools වල නොමිලේ ලබා දීලා තියෙන options වලින් ඔබට සෑහෙන්න වැඩක් ගන්න පුලුවන්

ඔබට අවශ්‍ය වන්නේ smart ජංගම දුරකථනයක් සහ හොඳ data connection එක්ක පමණයි.

ඒ නිසා ඔබට ඉගෙන ගන්න ක්‍රමයක් නැහැ කියලා complain කරන එක නවත්වන්න.

අන්තරජාලය කියන්නේ නවතම නිදහස් අධ්‍යාපනයට. ඒ තුලින් ඉගෙන ගන්න. දැනුම, හැකියාවන් ගොඩ නගා ගන්න.

අවසානයේ එය මුදල් එන ආදායම් මාර්ගයක් බවට පරිවර්තනය කර ගන්න.

ජයවේවා!
මධුර අමරසිංහ

Follow Our Whats App Channel :

https://whatsapp.com/channel/0029Va5sWZe7Noa8cBxzws3T

13/07/2025

රටක ව්‍යවසායකයින් බිහිවීම ඒ රටේ දියුණුවට විශාල ධනාත්මක බලපෑමක් ඇති කරන දෙයක්. ඒ වගේම ව්‍යාපාර කලමණාකරණය ගැන දැනුම ඇති, හැකියාවන්ගෙන් පිරුණු තරුණ පිරිසක් ව්‍යවසායකයින් බවට පත්වෙනවා නම් එය සාර්ථක ව්‍යාපාර බිහිවීමට බලපාන ප්‍රධාන සාධකයක්.

මෙහි දැක්වෙන්නේ අන්තර්ජාලය ඇසුරෙන් ලබාගත් දත්තයන්ට අනුව ශ්‍රී ලංකාවේ හා ගෝලීයව විශ්ව විද්‍යාල අධ්‍යාපනය අවසන් කිරීමෙන් පසු ව්‍යවසායකයින් බවට පත්වෙන සිසුන් ප්‍රතිශතය දැක්වෙන රූප සටහනක්.

ඒ අනුව අපිට පෙනී යන දෙයක් තමයි ශ්‍රී ලංකාව තුල විශ්ව විද්‍යාල අධ්‍යාපනය අවසන් කිරීමෙන් පසු ව්‍යවසායකයින් බවට පත්වීම අනෙකුත් රටවලට සාප්ක්ෂව පහත මට්ටමක පවතින බව.

✳️ ශ්‍රී ලංකාව - 10% අඩු

✳️ ඇමරිකාව : 16.5%

✳️ යුරෝපය : 21%

මෙයට බලපාන ප්‍රධාන හේතු ලෙස :

⛔ රැකියාවක් කිරීම වඩා හොඳ සහ සුරක්ෂිත බවට ඇති සමාජයීය මතය

⛔ අසාර්ථක වීමට ඇති බය හා දෙමාපියන් විසින් අවධානම් දැරීමට දරුවන්ව අධෛර්යමත් කිරීම

⛔ රට තුල ව්‍යාපාර කිරීම සඳහා හිතකර පරිසරයක් නොතිබීම. ව්‍යවසායකත්වයට හිතකර echosystem එකක් නොතිබීම

⛔ අධ්‍යාපන ක්‍රමය ව්‍යවසායකයින් බිහිකිරීමට අවශ්‍ය නිපුණතා හා ආකල්ප වර්ධනය කිරීමට අවශ්‍ය පරිදි යාවත්කාලීන නොවීම

⛔ ප්‍රාග්ධනය සපයා ගැනීම අසීරු වීම

⛔ නිතරම වෙනස් වෙන ආර්ථික තත්වය හා සීමිත වෙලඳපල අවස්ථාවන්

⛔ ව්‍යාපාර කිරීමට අවශ්‍ය හැකියාවන් විශ්ව විද්‍යාල අධ්‍යාපනය තුලින් අවශ්‍ය ප්‍රමාණයට දියුණු නොකිරීම

උදා : Negotiation, Leadership, Digital Markerting

⛔ ගෝලීය ව්‍යවසායකත්වය පිලිබඳ දැනුවත් භාවය අඩුවීම

⛔ රට තුල ඇති අයහපත් ප්‍රතිපත්ති හා යටිතල පහසුකම්
උදා : ඉහල අගයක බදු, ව්‍යාපාර කිරීමේදී සපුරාලිය යුතු නීතිමය අවශ්‍යතා සංකීර්ණ වීම, ඩිජිටල් ව්‍යාපාර සදහා අවශ්‍ය යටිතල පහසුකම් දියුණු මට්ටමක නොපැවතීම (High internet charges, poor internet signal)

හදුනා ගන්න පුලුවන්.

ශ්‍රී ලංකාව රටක් විදිහට ඉදිරියට යාමට නම් එහි ව්‍යවසායකත්වය දියුණු වීම අනිවාර්‍යයෙන්ම සිදුවිය යුතුයි. ඒ වගේම නව අදහස් හා හැකියාවන්ගෙන් සන්නද්ධ තරුණ පරපුර ව්‍යවසායකයින් බවට පත්විය යුතුයි. විශ්ව විද්‍යාල අධ්‍යාපනයෙන් පසුව රැකියාවක් කරනවා වෙනුවට රැකියා නිර්මාණය කල හැකි අයුරින් තමන්ගේ ව්‍යාපාර ගොඩ නගන උපාධිදාරීන් ප්‍රමාණයත් වැඩි වියයුතුයි. ඒ සඳහා අවශ්‍ය මැදිහත් වීම රජය විසින් අනිවාර්‍යයෙන්ම සිදුකල යුතුයි.

මේ ගැන ඔබේ අදහස අපිත් එක්ක බෙදා ගන්න කැමති නම් පහලින් comment කරන්න. ඒ වගේම විශ්ව විද්‍යාල අධ්‍යාපනයෙන් පසුව ඔබ කරන්නේ තමන්ගේම ව්‍යාපාරයක් නම් ඒ ගැන අපිට කියන්න. එය තව කෙනෙක් inspire කරන දෙයක් වෙන්න පුලුවන්.

ජයවේවා!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

13/07/2025

Joe Burns කියන්නේ ඕස්ට්‍රේලියාව වෙනුවෙන් ටෙස්ට් ක්‍රිකට් තරඟ 26 කට වගේම එක්දින ක්‍රිකට් තරඟ 06 කට නියෝජනය කරපු ක්‍රීඩකයෙක්. නමුත් ඔහුට ඕස්ට්‍රේලියා කණ්ඩායම නියෝජනය කරමින් ලෝක කුසලානයකට සහභාගී වෙන්න අවස්ථාවක් ලැබෙන්නේ නැහැ.

ඉතාලි ක්‍රිකට් කණ්ඩායම වෙනුවෙන් ක්‍රීඩා කිරීමේ සිහිනයක් සහිතව මිය ගිය ඔහුගේ සහෝදරයාට උපහාරයක් ලෙස Joe Burns තීරණය කරනවා 2024 දී ඉතාලිය වෙනුවෙන් ක්‍රිකට් ක්‍රීඩා කිරීමට. ඔහුගේ මව ඉතාලි ජාතික කාන්තාවක් වීම නිසා ඔහුට ඉතාලි ජාතික ක්‍රිකට් කණ්ඩායම නියෝජනය කිරීමට අවස්ථාව ලැබෙනවා.

පසුගියදා පැවති 2026 T20 ලෝක කුසලානය සඳහා සුදුසුකම් ලැබීමේ තරඟාවලියේදී ස්කොට්ලන්ත කණ්ඩායම පවා පරාජය කරමින් ඉතාලි ක්‍රිකට් කණ්ඩායම 2026 T20 ලෝක කුසලානය සඳහා සුදුසුකම් ලබනවා. එහි නායකත්වය දරන්නේත් Joe Burns.

කෙටිකාලයක් ඕස්ට්‍රේලියානු ක්‍රිකට් කණ්ඩායම නියෝජනය කල, consitent performance නැති නිසා එහි ස්ථීර සාමාජිකයෙක් නොවුණ Joe Burns දැන් නැවතත් ඉතාලි කණ්ඩායමට නායකත්වය ලබා දෙමින් ලෝක කුසලාන තරඟාවලියකට තරඟ වදින්න සූදානම් වෙනවා. එය ඇත්තෙන්ම roller coaster ride එකක්.

අපේ ජීව්තත් හැමදාම එකම විදිහට තියෙන්නේ නැහැ. ඉහල නැගීම්,පහල නැගීම් ඕනෑ තරම් තියෙනවා. නමුත් වඩා වැදගත් වෙන්නේ කඩා වැටීම් හමුවේ නැවත නැගී සිටිමින් තමන්ට නැවත ලැබෙන අවස්ථා ශක්තිමත්ව ග්‍රහණය කර ගැනීමයි. 💪🔥❤

මධුර අමරසිංහ

13/07/2025

හැකි සෑම විටම මෙවන් පුද්ගලයින්ගෙන් ඈත්ව සිටීම සහ ඔවුන් සමග ප්‍රවේශමෙන් ගණුදෙනු කිරීම ඔබේ දියුණුවටත්, මානසික සාමයටත් විශාල පිටුවහලක්.

12/07/2025

Garbage In Garbage Out (GIGO Theory)

ඔබ හැම වෙලේම ඔබේ මනස පෝෂණය කරන්නේ ඍණාත්මක දේවල් වලින් නම්, අනිත් අය ගැන gossips වලින් නම්, ඔබ ඇසුරු කරන්නේ toxic මිනිස්සු නම් ඔබේ අදහස්, තීරණ ගැනීම හා හැසිරීමත් හැඩගැසෙන්නේ ඒ විදිහටමයි.

ඒ වගේම ඔබ ආහාරයට ගන්නේ junk food නම්, ඔබ active life style එකක් ගත කරන්නේ නැතිනම් ඔබේ සෞඛ්‍යය මට්ටම තීරණය වන්නේත් එම පුරුදු වලට අනුකූලවයි.

ඒ නිසා හැමවෙලේම ධනාත්මක තොරතුරු, යහපත් අදහස්, හොඳ පුරුදු ඔබේ ජීවිතයට input විදිහට ලබා දෙන්න. එවිට ඉතාම ඉක්මනින් එහි හොඳ ප්‍රථිපල output එක විදිහට ඔබටම අත් විදින්න පුලුවන්.

මම පුරුද්දක් විදිහට travel කරද්දී ආර්ථිකය, ව්‍යාපාර, ව්‍යවසායකත්වය, කලාව, තාක්ෂණය, ඉතිහාසය ආදී මම කැමති කේෂ්ත්‍රයක podcast එකකට ඇහුම්කන් දෙන එක කරනවා. මේ විදිහේ සරල පුරුදු වලින් පුලුවන් ඔබේ ජීවිතයටත් යහපත් බලපෑමක් ඇති කර ගන්න.

සුබ මධ්‍යහනයක්!
මධුර අමරසිංහ

09/07/2025

බොහෝදෙනෙක් තමන් සතුව හොඳ නිර්මාණශීලි හැකියාවක් තියාගෙන ඉන් වැඩක් නොගෙන තමන් අකමැති දේ කරමින් අසතුටෙන් ජීවත් වෙන්න ප්‍රධානතම හේතුවක් තමයි තමන්ගේ නිර්මාණශීලීත්වය එලියට දාන්න තමන් සතුව මුදල් නැතැයි self barrier එකක් ගොඩ නගා ගෙන තිබීම.

Apple Phone එකක් භාවිතා කරලා shoot කරලා තියෙන ගයාන් පෙරේරාගේ (Gayya) "කවුරුත් ලොකු නෑ" ගීතයේ music video එක දැක්කාම මට හිතුනේ නිර්මාණශීලීත්වයට මුදල් නැතිකම බාධාවක් කරගන්නේ නැතිව තමන් සතු සම්පත් වලින් වුණත් සෑහෙන්න ලොකු ගේමක් ගන්න පුලුවන් කියන එක.

ඒ නිසා ඔබ සතු නිර්මාණශීලීත්වයට කොහොම හරි පණ දෙන්න. ඉන් වැඩක් ගන්න. 🙂❤️

08/07/2025

හැම දෙනෙකුටම තියෙන ප්‍රශ්නයක් තමයි තමන්ගේ රැකියාව, ව්‍යාපාරය, පවුල හා තමන් වෙනුවෙන් නිසි පරිදි කාලය බෙදාගෙන වැඩ කරන එක. ඒ නිසාම තමයි ගොඩක් දෙනෙක් " මට මේ දේ කරන්න කාලය නැහැ" කියන excuse එක දෙන්න පුරුදු වෙලා ඉන්නේ.

මේ ප්‍රශ්නයට විසඳුමක් ලබා ගන්න පුලුවන් framework එක ගැන තමයි අද ඔබත් එක්ක share කර ගන්නේ.

මේ framework එක තමයි The Ideal Week කියන framework එක.

මෙහිදී ඔබට කරන්න තියෙන්නේ

1️⃣ Google Calender වෙත ගිහින් ඔබ බලාපොරොත්තු වෙන විදිහට සතිය ගත කලයුතු ආකාරය වෙනුවෙන් වෙන වෙනම time slots වෙන් කර ගැනීම

2️⃣ ඔබ උදෑසන අවදි වීම, gym එකට යාම, පොතක් කියවීම,රාජකාරී සඳහා පිටව යාම වගේ දෛනික කාර්‍යයන්, මිතුරන් සමග dinner out එකකට යාම, පවුලේ අය සමග movie එකක් බලන්න යාම වගේ සතිය තුල ඔබ කරන්න බලාපොරොත්තු වෙන අනෙකුත් විශේෂිත කාර්‍ය්යයන් ඇතුලත් වන පරිදි timeslots reserve කර ගන්න. කොහොම හරි ඔබේ සතිය තුල ඔබ කරන සියලුම කාර්‍ය්යන් වලට timeslots වෙන් කර ගැනීම මෙහිදී සිදුකල යුතුයි.

මේ ආකාරයට ඔබ ඔබේ Ideal Week එක google calender එක මත නිර්මාණය කර ගැනීමෙන්

✅ ඔබට ඔබ හිතනවාට වඩා කාලයක් තියෙන බව තේරුම් ගන්න පුලුවන් වෙනවා

✅ අනෙක් අතට ඔබට සමහර කාර්‍යයන් කරන්න කාලයක් නැති බවත් තේරුම් යනවා

දැන් ඔබට පුලුවන් ඔබේ කාර්‍යයන් prioratize කරගෙන ඔබ කරන්න බලාපොරොත්තු වෙන non value adding හෝ low impactful කාර්‍යයන් කිහිපයක් හදුනා ගන්න.

ඒම කාර්‍ය්යන් ඔබට පුලුවන්, ඔබට කරන්න කාලය නැති ඒත් වැදගත්කම අතින් ඉතා වැඩි කාර්‍යයන් වලින් replace කරන්න.

මෙහි අවසාන ප්‍රථිපලය තමයි ඔබ බලාපොරොත්තු වෙන විදිහේ සතියක් ගත කල හැකි කාලසටහනක් නිර්මාණය වීම.

සඳුදා සිට ඉරිදා දක්වා දවස් හතක කාලය Ideal Week එකක් විදිහට plan කරගෙන වැඩ කිරීමෙන් ඔබට පුලුවන් ඔබේ ඵලදායීතාවය ඉහල නංවා ගන්න.

ඉතින් මේ framework එක tryout කරලා එහි සාර්ථකත්වය ඔබම experience කරන්න.

ජයවේවා!
Success. Happiness. Action.
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

07/07/2025

මට හැමදාම තිබුණ ප්‍රශ්නයක් තමයි අපි දකින බහුතරයක් දෙනා සාමාන්‍ය ජීවිතයක් ගත කරන කොට ඉතාම සුලු පිරිසක් පමණක් ව්‍යාපාර අංශයෙන්, දේශපාලනයෙන්, ක්‍රිඩාවෙන්, කලාවෙන් ආදී විවිධ අංශ වලින් ඉදිරියට ගිහින් අද්විතීය ජීවිත ගතකරන්නේ ඇයි කියන එක?

පහුගිය දවස් කිහිපය තුල මම ඒ ගැන කරපු කියවීම් එක්ක එයට හේතුවෙලා තියෙන ප්‍රධානතම කරුණු විදිහට මේ points ටික summarise කර ගන්න පුලුවන් වුණා.

✳️ සමාජ මතය (Social Conditioning)

කුඩාකාලයේ ඉදන්ම අපි හැමෝටම උගන්වන්නේ

- හොඳින් ඉගෙන ගන්න

- රැකියාවක් කරන්න

- වගකීම් බාර ගන්න

- හැකි තරම් අවම ලෙස අවදානම් දරමින් ජීවත්වෙන්න

කියන සාම්ප්‍රදායික මතවාදයන්. එයට අනුගතව ජීවිතය සකසා ගන්නා බොහෝමයක් දෙනෙකුට සිදුවන්නේ අනුන්ගේ හීන වෙනුවෙන් තමන්ගේ කාලය කැපකරමින් මාසික bill cycle එකෙන් cycle එකට ඒකාකාරී ජීවිතයක් ගත කිරීමට.

✳️ අවධානම් දැරීමට හා අසාර්ථක වීමට ඇති බිය (Fear of Risk And Failiure)

කෙනෙක් තමන්ගේම ව්‍යාපාරයක් ආරම්භ කරන කොට, දේශපාලනයට පිවිසෙන විට, කලාවෙන් ඉදිරියට යන්න තෝරා ගැනීමක් කරන විට ඔහුට හෝ ඇයට අනිවාර්‍යයෙන්ම

- අවිනිශ්චිතතාව

- මූල්‍යමය වශයෙන් ඇතිවෙන අවධානම

- අසාර්ථක වීමේ සම්භාවිතාවය

- අනිත් අයගේ විවේචන වලට පත්වීම

වගේ දේවල් වලට මුහුණ දීමට සිදුවීම සාමාන්‍ය දෙයක්. නමුත් මේ දේවල් වලට මුහුණ දෙනවාට වඩා බොහෝ දෙනෙක් කැමති තමන්ගේ comfort zone එක තුල ජීවත් වීමටයි.

✳️ අත්දැකීම් අඩු බව (Lack of exposure)

තමන් ගත කරන ජීවිතයට වඩා වෙනස් ජීවිතයක් ගත කරන්න පුලුවන් බව බොහෝමයක් දෙනා තමන් ඉන්න පරිසරය නිසාම දකින්නේ නැහැ. ඔවුන් ගොඩක් වෙලාවට ජීවත්වෙන්නේ

- තමන්ගේ වටපිටාව තුල ව්‍යාපාරයක් ආරම්භ කරපු කිසිම කෙනෙක් නැති

- තමන්ගේ personal brand එකක් නිර්මාණය කරපු කිසි කෙනෙක් නැති

- සමහර කේෂේත්‍රයන්ට පිවිසීම අපිවගේ අයට කරන්න බැරි දෙයක් යන විශ්වාසයන් ගොඩ නැගුණු

වටපිටාවක් තුල. ඉතින් ඔවුන් නිරායාසයෙන්ම තමන්ට උරුම වුණ සාමාන්‍ය ජීවිතය ඒ විදිහටම continue කරන්න පෙලඹෙනවා.

මෙන්න මේ හේතු නිසා තමයි බොහෝමයක් දෙනා මිය යන තුරුම සාමාන්‍ය ජීවිතය ගත කරමින් සිටින්නේ.

අනෙක් අතට ඉතාම සුලු පිරිසක් පමණක් වෙනස් ආකාරයේ mindset එකකින් සහ drive එකකින් කටයුතු කරනවා.

✅ ඔවුන් හැමවෙලේම පවතින system එක ප්‍රශ්න කරනවා

✅ තමන්ගේ දියුණුව වෙනුවෙන් ඔවුන් සුවපහසු කලාපයෙන් එලියට ඇවිත් වැඩ කරනවා

✅ ඔවුන්ගේ background එක මොකක් වුණත් ඔවුන් සතුව විශාල හීන(Strong Ambitions) තියෙනවා

✅ අනිත් අය සිහින දකින විට ඔවුන් ක්‍රියාත්මක වෙනවා

ඒ තුලින් ඔවුන් සමාජයට බලපෑමක් කරන්න පුලුවන් පුද්ගලයින් බවට පත්වෙන්න උත්සාහ කරනවා, තමන්ගේ නිදහස සොයා ගන්න උත්සාහ කරනවා. අවසාන වශයෙන් තමන්ගේම පුරාවෘතයක්(Legacy) එකක් නිර්මාණය කර ගන්නවා.

ඉතින් ඔබත් අද්විතීය පුද්ගලයෙක් වෙන්න කැමති නම් ඔබට ඉහත සඳහන් කල barriers ටික බිඳගෙන ඔබේ නිදහස සොයා ගමන් කරන්න තරම් නිර්භීත පුද්ගලයෙක් වෙන්න සිදුවෙනවා. 💪🔥🙂

ජයවේවා!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

07/07/2025

මෙතරම් කාලයක් අනිත් අය ඔබව දැකපු විදිහ වෙනස් කර ගන්න. අලුත් විදිහට වෙනස් වෙන්න. 💪🔥

06/07/2025

දුප්පත් කෙනාට ලෝකය සලකන්නේ කෘර විදිහට. ඒ නිසා ඔබේ Financial Life එක ගැන serious විදිහට හිතන්න. 🏧🔝🔥

06/07/2025

ඔබේ හෙට දිනයේ සාර්ථකත්වය තීරණය කරන්නේ අද රාත්‍රී කාලයේ කියලා මම කිව්වොත් ඔබ එය පිලිගන්නවාද?

පෙර සූදානමකින් අපිට හෙට දවස පටන් ගන්න පුලුවන් නම් හෙට දිනය සාර්ථකව අවසන් කරන්න තියෙන හැකියාව සෑහෙන්න වැඩියි. ඒ සඳහා ඔබට මේ පියවර අනුගමනය කරන්න පුලුවන්.

1. අද දවස review කරන්න (5 Mins)

✳️ අද දවස ඇතුලත ඔබ ඉගෙන ගත්ත දේවල්, ඔබ සාර්ථක වුණ දේවල් හා ඔබේ failures මේ කාලය තුල reflect කරන්න

2. හෙට දිනයේ ඔබට කරන්න තියෙන වැදගත්ම ප්‍රමුඛතා 3 (Top 3 Priorities) note down කර ගන්න (5 Mins)

✳️ එම කාර්‍යයන් කිරීමට බලාපොරොත්තු වන timeslots ටිකත් calender app එක භාවිතයෙන් block කර ගන්න.

3. හෙට දිනය සඳහා ඔබට අවශ්‍ය tools සූදානම් කර ගන්න (15 Mins)

✳️ ඔබේ බෑගය සූදානම් කර ගැනීම, ඇඳුම් iron කිරීම, විද්‍යුත් උපාංග charge වෙන්න plug කීරීම වගේ කාර්‍යයන්

4. ඔබේ හිතට එන අදහස්, හෙට දිනයේ "To Do List" එක, ඔබට තියෙන ප්‍රශ්න පොතක හරි ඔබේ ජංගම දුරකථනයේ note app එක තුල ලියන්න (5 Mins)

✳️ මේ තුලින් ඔබේ හිස තුල තියෙන පීඩනය අඩු කර ගන්න පුලුවන්. එය සුවබර නින්දක් ලබා ගැනීමට හේතුවක්.

5. Wind Down Ritual ( 30 Mins)

ජංගම දුරකථන භාවිතය නවත්වන්න. Blue light screens වලින් ඈත්වෙලා පොතක් කියවන්න ගන්න. මනසට සැහැල්ලුව ලබා දෙන සංගීතයට ඇහුම් කන් දෙන්න. මේ තුලින් ඔබට ඉක්මනින්ම නින්දට යන්න පුලුවන්. එය ඔබේ ඊලඟ දිනය උද්‍යෝගීමත්ව නව ජවයකින් ආරම්භ කරන්න විශාල බලපෑමක් ඇති කරන දෙයක්.

ඔබට පුලුවන් අද ඉදන්ම මේ සරල steps ටික follow කරන්න. ඒ තුලින් හෙට දිනය වැඩි සාර්ථකත්වයකින් යුතුව අවසන් කරන්න. ඒ නිස නැවත වරක් මම ඔබට මතක් කරන්නේ "Tomorrow Starts Tonight" බවයි.

සුබ සන්ද්‍යාවක්!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

05/07/2025

One Focused Week

ගොඩක් දෙනෙකුට තියෙන ප්‍රශ්නයක් තමයි කොච්චර podcasts ඇහුවත්, පොත් කියෙව්වත්, දේශන වලට සහභාගී වුණත් ඔවුන්ට එයින් ලබා ගන්නා දේවල් පුරුදු විදිහට තමන්ගේ ජීවන රටාවට එකතු කර ගන්න බැරි වීම. ඒ සඳහා ඔබට භාවිතා කරන්න පුලුවන් සරල වැඩපිලිවලක් තමයි "One Focused Week".

මෙහිදී ඔබට අනුගමනය කරන්න තියෙන පියවර තමයි

01- එක පුරුද්දක් තෝරා ගැනිම

උදාහරණ : දිනපතා ව්‍යායාම කිරීම, දිනපතා පොතක් කියවීම, දිනපතා උදෑසන අවදි වීම

02- එම පුරුද්දට අදාලව ඉලක්කයක් නිර්මාණය කර ගැනීම

උදාහරණ : හැමදාම උදෑසන 6.30 සිට පැය භාගයක් ව්‍යායාම කිරීම, දිනපතා රාත්‍රී හතට පැය භාගයක් පොතක් කියවීම, දිනපතා උදෑසන 5 ට අවදි වීම

03. දිනපතා ඔබේ සාර්ථකත්වය මැනීමට tracker එකක් භාවිතා කිරීම

උදාහරණ : Note book එකක්, Calender App එකක්, එම කාර්‍ය්යය සාර්ථකව අවසන් කෙරූ පසු tick කරන්න පුලුවන් Goole Task වගේ App එකක්

04- ඔබේ ඉලක්කය සපුරා ගැනීමට ඇති බාධාවන් ඉවත් කර ගැනීම

උදාහරණ : උදෑසන අවදි වීමට කලින් දිනයේ ඉක්මනින් නින්දට යාම, මත්පැන් මත්ද්‍රව්‍ය භාවිතය සීමා කිරීම

05- දින හත අවසානයේ ඔබේ සාර්ථකත්වය මැන බැලීම හා තවත් පුරුදු එකින් එක එකතු කර ගනිමින් මෙය දිගටම ක්‍රියාත්මක කිරීම

මේ විදිහට සති හත අටක් වැඩ කිරීමෙන් පස්සේ ඔබට පුලුවන් ඔබේ focus එක හදාගෙන ඔබේ ඉලක්ක වෙත යන්න සාර්ථකව වැඩ කරන්න පටන් ගන්න.

ඒ නිසා හෙට ඉදන් දවස් හතක් "One Focused Week" වැඩ පිලිවෙල කියාත්මක කරන්න.

ජයවේවා!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

The Ceylon Entrepreneur

15/07/2025

13/07/2025

13/07/2025

13/07/2025

12/07/2025

09/07/2025

08/07/2025

07/07/2025

07/07/2025

06/07/2025

06/07/2025

05/07/2025

Address

Telephone

Website

Alerts

Contact The Business

Shortcuts

Share

Category