The Ceylon Entrepreneur

09/11/2025

ඉරිදා – ඊළඟ සතියේ ආරම්භය වෙනුවෙන් සුදානම් වෙන දිනය

ඉරිදා දිනය තුළ ඊළඟ සතිය සාර්ථකව ආරම්භ කරන්න සූදානම් වෙන්න මම සාමාන්‍යයෙන් පැය දෙකක විතර කාලයක් timebolck කරගෙන වෙන් කරගෙන තියෙනවා. එහිදී මම කරන දේවල් තමයි

1. Reflect – පසුගිය සතිය ගැන සිතන්න. හොඳින් කළ දේවල්, සහ improve කළ යුතු දේවල් හඳුනා ගන්න.

2. Plan – අලුත් සතිය සඳහා ඔබේ අරමුණු, කාර්යයන්, සහ ප්‍රමුඛතා තීරණය කරන්න.

3. Organise – අළුත් සතිය සාර්ථක කර ගන්න අවශ්‍ය විදිහට schedule එක හදා ගන්න. Time block කරන්න.

4. Reset – මනස සන්සුන් කරගන්න ඉරිදා හවස්වරුව විවේකයෙන් ගත කරන්න. එවිට සඳුදා දිනය උද්‍යෝගයෙන් ආරම්භ කරන්න පුලුවන්.

උදාහරණයක් විදිහට ගත්තොත් පසුගිය සතිය තුල මගේ diet plan එක සහ ව්‍යායාම නිසි ආකාරයෙන් සිදු කරන්න බැරි වුණා. එයට හේතු තේරුම් අරන් ඒවා මග හැර ගන්න පුලුවන් විදිහට මේ සතියේ schedule එක හදා ගත්තා. ඊට අමතරව මේ සතියේ ලියන්න තියෙන පුවත්පත් articles හා සහභාගීවෙන්න තියෙන programmes වෙනුවෙන් first cut plan එකත් හැදුවා. සතියේ ප්‍රධානතම කාර්‍යයන් කරලා අවසන් කරන්න Goole Calender එක මාර්ගයෙන් time block කලා.

මේ පියවර ටික අනුගමනය කරලා ඔබටත් පුලුවන් හෙටින් පටන් ගන්න සතිය සාර්ථක කරගන්න පෙර සුදානමක් ඇති කර ගන්න.

සුබ සන්ද්‍යාවක්!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

09/11/2025

සමහර තැන් තියෙනවා කියවන්න perfectම 💙

07/11/2025

ඔබේ ජීවිතය දියුණු කර ගන්න උදව් වෙන Youtube නාලිකා කිහිපයක්

1. Ali Abdaal

වැඩ සාර්ථකව කළමනාකරණය කිරීමට හා සතුටින් ජීවත්වීමට උපකාරී ක්‍රමවේද හෙළිදරව් කරයි.

https://www.youtube.com/

2. Brendon Burchard

ලෝකයේ ප්‍රධාන “High Performance Coach” ලෙස සැලකෙන Brendon Burchard, ව්‍යාපාරික සහ පුද්ගලික ජීවිතයේ “ඉහළ කාර්ය සාධනය” ලබා ගැනීමට අවශ්‍ය මනසික පිළිවෙත් හෙළිදරව් කරයි.

https://www.youtube.com/

හරි 👍 මෙන්න ඔබ ඉල්ලූවට අනුව — 3 සිට ඉදිරියට (3–20) යූටියුබ් චැනල් ලැයිස්තුව සිංහල විස්තර සහ ලින්ක් එක්ක👇

3. Mel Robbins

ප්‍රසිද්ධ කතුවරියක් වන ඇය Second Rule” වැනි ක්‍රම මගින් අත්‍යවශ්‍ය ක්‍රියාත්මක වීමේ ශක්තිය උදෙසා මග පෙන්වයි.

https://www.youtube.com/

4. Benjamin Hardy

මානසික ශක්තිය, පුරුදු, සහ දිගුකාලීන ව්‍යවහාරික වෙනස්කම් පිළිබඳව විද්‍යාත්මක පදනමකින් උපදෙස් දෙන මනෝවිද්‍යාඥයෙකි.

https://www.youtube.com/

5. Amy Landino

ඔබේ දෛනික ජීවිතය සැලසුම් කිරීම, කාල කළමනාකරණය හා කාර්‍යක්ෂම ජීවිතයක් ගොඩනඟා ගැනීම සඳහා උපදෙස් ලබා දෙන චැනල් එකකි.

https://www.youtube.com/

---

6. Tom Bilyeu (Impact Theory)

ප්‍රබල නායකයින් හා මනෝභාවිකයන් සමඟ සාකච්ඡා කරමින්, ඔබේ සිතුවිලි පද්ධතිය සහ මනෝභාවය සාර්ථක මට්ටමකට ගෙන යාමට මග පෙන්වයි.

https://www.youtube.com/

7. MuchelleB

උත්සාහය, විශ්වාසය සහ ආරක්ෂාව වැඩිදියුණු කරගැනීමට උපකාරී සිදුකිරීම් හා දෛනික උපදෙස් ලබාදෙන අන්තර්ගත නිර්මාණකරුවියකි

https://www.youtube.com/

8. Lavendaire

ස්වයං වර්ධනය, සන්සුන් ජීවිතයක් ගොඩනගා ගැනීම, සහ අරමුණක් සහිත ජීවිතයක් ගත කිරීම ගැන සාමකාමී පණිවිඩ ලබාදෙන චැනල් එකකි.

https://www.youtube.com/

9. Rowena Tsai

ඵලදායීතාවය, ස්වයංඅවබෝධය සහ සතුට ලබාගැනීම පිළිබඳව සැබෑ ජීවිත උපදෙස් සහ අත්දැකීම් බෙදාගනී.

https://www.youtube.com/

10. Kayln Nicholson (Coffee Talks)

ආදරය, සහ ජීවිතයේ අභියෝග ජය ගැනීම පිළිබඳව සාමකාමී වීඩියෝවන් පෙන්වයි.

https://www.youtube.com/

---

11. Katie Callaway

ආත්ම විශ්වාසය සහ සෞඛ්‍යය පදනම් කරගෙන සතුටින් හා ඉතා සාර්ථකව ජීවත්වීම ගැන කෙටි වීඩියෝවන් පෙන්වයි.

https://www.youtube.com/

12. Lewis Howes (School of Greatness)

ලෝකයේ ප්‍රබලම පුද්ගලයන් සමඟ සාකච්ඡා කරමින්, විශිෂ්ටත්වය හා ජීවිතයේ අරුත ගැන කතා කරයි

https://www.youtube.com/

13. Jim Kwik

ඔබේ මතකය, ඉගෙනුම් වේගය සහ මනෝභාවික ශක්තිය වැඩිදියුණු කිරීමට ප්‍රායෝගික ක්‍රම උගන්වන පුහුණුකරු.

https://www.youtube.com/

14. Valuetainment (Patrick Bet-David)

ව්‍යාපාරික නායකත්වය, ව්‍යාපාරික සිතුවිලි හා ආර්ථික ස්වයංපෝෂිත බව ගැන බලවත් ඉගැන්වීම් සපයයි.

https://www.youtube.com/

15. Matt D’Avella

Minimalist ජීවිතය, පුරුදු, සහ සරල නිෂ්පාදනශීලී ජීවිතයක මඟපෙන්වීම පිළිබඳව කතා කරයි.

https://www.youtube.com/

16. Robin Sharma

නායකත්වය, අරමුණ සහ ජීවිතයේ උසස් මට්ටමක් ලබා ගැනීමට සිත්ගන්නාසුළු පණිවිඩ ලබාදෙන ලෝකප්‍රසිද්ධ ලේඛකයෙකි.

https://youtube.com/?si=AjZKqOvO3ULex3EX

17. Escaping Ordinary

ප්‍රසිද්ධ පොත්වල (උදාහරණ: Atomic Habits, Rich Dad Poor Dad) සාරාංශ හා ජීවිතයේ යෙදිය හැකි පාඩම් විවරණාත්මකව ඉදිරිපත් කරයි.

https://www.youtube.com/

18. Lana Blakely

අන්තර්මනෝභාවික සංවාද, සරල ජීවිතය, සහ අභ්‍යන්තර සමාධිය ගැන කතා කරන මෘදු හා සාමකාමී චැනල් එකකි.

https://www.youtube.com/

19. Thomas Frank

ඉගෙනුම්, නිෂ්පාදනශීලීත්වය, සහ පුද්ගලික සංවිධානය පිළිබඳව යාවත්කාලීන, පරිසර හිතකාමී උපදෙස් ලබාදෙයි.
චැනල් ලින්ක්: https://www.youtube.com/

20. Improvement Pill

“Improvement Pill” යනු පුද්ගලික වර්ධනය, මනෝභාවය, සහ ජීවිතයේ අරමුණු සාර්ථකව ඉටු කර ගැනීම ගැන ඉතාමත් ප්‍රයෝජනවත් වීඩියෝ ලබා දෙන චැනල් එකක්. ඔවුන්ගේ වීඩියෝ බොහොම සරලව, ගැඹුරු අදහස් පැහැදිලි ලෙස විස්තර කරන නිසා අධ්‍යයනයට ඉතා හොඳ ය.

https://www.youtube.com/

අද තාක්ෂණයේ දියුණුවත් එක්ක ඔබට නොමිලේ විශාල දැනුම් සම්භාරයකට access කරන්න පුලුවන්. ඒය ඔබේ දියුණුව සඳහා යොදා ගන්න. ✅❤

මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

07/11/2025

මම කලින් දවසක කිව්වා වගේ මීට වසර කිහිපයකට කලින් මගේ පෞද්ගලික මූල්‍ය කළමනාකරණය එතරම් හොඳ තත්ත්වයක තිබුණේ නැහැ. මාසයට අදාළ ආදායම ලැබුණාට පස්සේ සති දෙක තුනක් යනකොට ඒ සියලුම මුදල් ප්‍රමාණය ඉවර වෙලා Credit Card එකත් භාවිතා කරමින් ඉතාම අමාරුවෙන් මාසික වියදම් කළමනාකරණය කරපු කාලයක් තමයි ගතකළේ. කොහොම හරි සියලුම මාසික වියදම් track කරන්න පටන් අරගෙන මාස තුනක් විතර ඇතුළත මමත් බිරිඳත් තවත් ඉතාම වටිනා පුරුද්දක් ඇතිකරගත්තා. පෞද්ගලික මූල්‍ය කළමනාකරණය සාර්ථක කරගන්න හේතුවුණු ඒ පුරුද්ද තමයි මාසය මුල අපේ පවුලේ අයවැයක් (Monthly Budget) හදන එක සහ මාසය මැදදී සහ අවසානයේදී ඒ පිළිබඳව සමාලෝචනයක් (Financial Reviews) පවත්වන එක. අද මම ඔබත් එක්ක බෙදාගන්න යන්නේ අපි කොහොමද ඒක කරන්නේ කියන එක ගැන.
හැම මාසයකම මුල දවස් දෙක ඇතුළත අපි අනිවාර්යයෙන්ම පැයක විතර කාලයක් මේ සඳහා වෙන් කරගන්නවා. ඊට පස්සේ පහත පියවර අනුගමනය කරලා මාසික අයවැය හදාගන්නවා.

පියවර 01 : මාසික ආදායම පුරෝකථනය කිරීම (Income Forecast)
මෙහිදී අපි කරන්නේ මාසය තුළ අපිට ලැබෙන බව දන්නා සියලුම ආදායම් සටහන් කරගන්නවා.
උදාහරණ :
- වැටුප්
- ව්‍යාපාර ආදායම
- ආයෝජන ආදායම
- කුලී ආදායම
- පොලී ආදායම
- ලාභාංශ ආදායම

පියවර 02 : මාසික වියදම පුරෝකථනය කිරීම (Expenses Forecast)
මාසය තුළ දරන්න බලාපොරොත්තු වෙන වියදම අපි මෙහිදී කොටස් හතරක් යටතේ පුරෝකථනය කරනවා. ඒ අත්‍යාවශ්‍ය වියදම් (Essentials), අත්‍යාවශ්‍ය නොවන වියදම්(Non Essentials), අපේ දියුණුව වෙනුවෙන් කරන වියදම් (For The Future) හා අමතර වියදම් (Additional Expenses) යන කොටස් හතරට යටතේයි.
මෙහිදී අත්‍යාවශ්‍ය වියදම් කියන්නේ මාසය තුළ අපිට අනිවාර්යයෙන්ම දරන්න වෙන වියදමයි.
උදාහරණ :
- ආහාර
- සිල්ලර භාණ්ඩ (Groceries)
- බෙහෙත් සහ වෛද්‍ය පහසුකම් වෙනුවෙන් දරන වියදම
- උපයෝගිතා බිල්පත් (ජලය, විදුලිය, දුරකතන)
- ණය වාරික හා ණයපත් වෙනුවෙන් කරන ගෙවීම්
- දරුවන්ගේ අධ්‍යාපනය වෙනුවෙන් දරන වියදම
- ප්‍රවාහන හා ඉන්ධන වියදම්
- නිවාස කුලිය
- Personal Care වියදම
යම් වියදමක් දරන්නේ නැතිව වුණත් අපිට අපේ එදිනෙදා ජීවිතය පවත්වා ගන්න පුළුවන් නම් එම වියදම් අත්‍යාවශ්‍ය නොවන වියදම් යටතට ගන්න පුළුවන්.
උදාහරණ :
- අවන්හල්වලින් ආහාර ගන්න දරන වියදම
- විත්‍රපට බලන්න දරන වියදම
- විනෝද චාරිකාවක් යෑමට දරන වියදම
- අලුත් ඇඳුම් මෝස්තරයකින් ඇඳුමක් මිලට ගැනීමට දරන වියදම
- අමතර රූපලාවණ්‍ය නිෂ්පාදන මිලට ගන්න දරන වියදම
- ශරීරයට අහිතකර කෑම සඳහා දරන වියදම
තුන්වැනි වියදම් වර්ගය තමයි අපේ දියුණුව වෙනුවෙන් දරන වියදම්.
උදාහරණ
- අලුත් දේ ඉගෙනගන්න දරණ වියදම
- Emergency Fund එකක් හදන්න දරන වියදම
- ඔබේ කායික හා මානසික සෞඛ්‍යය දියුණු කරගන්න දරන වියදම (Gym, යෝගා, උපදේශනය)
- ඔබ කරන ඉතුරුම් හා ආයෝජන
- ආදායම් උපයන වත්කම් ගොඩ නගන්න ඔබ දරන වියදම
මාසය තුළ හදිසියේම දරන්න වෙන වියදම්, ඒ වගේම එක වරක් පමණක් දරන්න සිදුවෙන වියදම් අපි අමතර වියදම් යටතේ පුරෝකථනය කර ගන්නවා.
උදාහරණ
- මංගල උත්සව සඳහා දරන වියදම
- පරිත්‍යාග
- සැලසුම් නොකළ වියදම්
මේ විදියට මාසය තුළ දරන්න සිදුවෙන වියදම අපි මාසය මුලදීම පුරෝකථනය කරගන්නවා. අපි මේ විදියට මාසික අයවැය හදන්න කලින් මාස තුනක් අපේ මාසික වියදම සම්පූර්ණයෙන්ම monitor කිරීමෙන් අපේ මාසික පරිභෝජනය පිළිබඳ දත්ත තියෙන නිසා ඉතාම පහසුවෙන් අපේ මාසික වියදම පුරෝකථනය කරන්න පුළුවන්.
උදාහරණයක් විදියට අපි දැන් දන්නවා මාසිකව අවශ්‍ය සහල් ප්‍රමාණය. එය සහල් කිලෝවක මිලෙන් වැඩි කරලා අපි මාසික සහල් සඳහා දරන වියදම ගණනය කරනවා. ඒ වගේම අපේ පුංචි පුතාට මාසිකව අවශ්‍ය කරන diapers ප්‍රමාණය අපි දැන් හරියටම දන්නවා. ඒ තුළින් අපි ඔහුට යන diapers වියදම නිවැරදිව ගණනය කරනවා. ඊට අමතරව අපිට මාසය තුළ මංගල උත්සවයකට, සාදයකට සහභාගී වෙන්න තියෙනවා නම් එයට යන වියදමත් අපි අපේ අමතර වියදම් කොටස යටතේ සටහන් කරගන්නවා.
මේ විදියට අපේ මාසික ආදායම සහ වියදම පුරෝකථනය කරගත්විට හැම මාසයකම මුලදීම අපිට ඒ මාසය තුළ අපේ මූල්‍යමය තත්ත්වය තේරුම්ගන්න පුළුවන් වෙනවා. සමහර මාසවල දැඩි මූල්‍ය විනයකින් කටයුතු කරන්නත් සමහර මාස සාමාන්‍ය මූල්‍ය කළමනාකරණයකින් කටයුතු කරන්නත් ඒ නිසා අපිට පුළුවන් වෙලා තියෙනවා.
මාසික අයවැය හදලා, ඊටපස්සේ මාසිකව ඇත්තටම දරන වියදම monitor කරලා විතරක් අපි ඉන්නේ නැහැ. මාසය මැදදී සහ මාසය අවසානයේ අපි හදපු මාසික අයවැය ලේඛනය හා ඇත්තටම දරපු වියදම හා ලැබුණු ආදායම් විශ්ලේෂණය කරමින් පොඩි reviews දෙකක් කරනවා.
මාසය මැද කරන මූල්‍ය ඇගයීම (Mid Month Financial Check-in)
හැම මාසෙකම මැදදී, ඒ කියන්නේ මුල් සති දෙක පහුවුණාම අපි පැයක් විතර අරගෙන මාසයේ ඒ වෙනකොට තියන මූල්‍ය තත්ත්වය evaluate කරනවා. එතැනදී අපි කරන්නේ
- ඒ වෙනකොට දරලා තියෙන සම්පූර්ණ වියදම විශ්ලේෂණය කරලා බලනවා.
- ඒ දවස් ටික ඇතුළත ලැබුණ ආදයම් ගැනත් විශ්ලේෂණය කරනවා
- මාසයේ ඉතිරි සති දෙක තුළ අපි සැලසුම් කරලා තියෙන වියදම් මොනවාද කියන එකත් බලනවා
- මාසය මුල සැලසුම් නොකරපු වියදම් තිබේනම්, ඒවා ඇතුළත් කරගෙන මාසය මුල හදපු budget එක නැවත update කරගැනීමත් සිදුකරනවා
- පළවැනි සති දෙක තුළ දරපු වියදම, මාසය මුල සැලසුම් කරපු budget එකට අනුකූලව යනවාද? ඊට වඩා වැඩියෙන් ගිහින් තියෙනවාද? කියන එකත් බලනවා
මාසයේ වියදම් හා ආදායම් හැමදාම track කරලා, ඒ මාසය ඉවර වුණවිට ඔබ හදපු අයවැය සමඟ සන්සන්දනය කරන්න හිටියොත් ඔබට ඔබේ වියදම් පාලනය කරගන්න තියෙන හැකියාව අඩුයි. නමුත් මාසේ මැදදීත් ඔබ මේ විදියට ඔබේ මූල්‍ය තත්ත්වය ගැන review එකක් කරනකොට ඔබට පුළුවන් වඩා හොඳ පුද්ගලික මූල්‍ය කළමනාකරණයක් ඇති කරගන්න.
උදාහරණයක් විදියට අපි යම් මාසයක් සඳහා අවන්හල්වලට ගිහින් කෑම ගන්න වෙන්කරපු මුදල් ප්‍රමාණය පළවැනි සති දෙක ඉවර වෙනකොට සම්පූර්ණයෙන්ම ඉවර වුණොත් ඉදිරි සති දෙක තුළ අපි කෑම ගන්න අවන්හල්වලට යන්නේ නැහැ. අපිට පවුලක් විදියට හොඳ මූල්‍ය කළමනාකරණයක් ඇති කරගන්න මාසය මැදදී අපි කරන මේ check-in එක අපිට උදව් වෙනවා. ඒ තුලින් මාසික ආදායම අභිබවා මාසික වියදම් සිදුකිරීම වළක්වා ගන්න පුළුවන්.

මාසය අවසානයේ කරන පෞද්ගලික මූල්‍ය ඇගයීම (Month End Personal Finance Review)
හැම මාසයක් අවසානයේදීම අපි මාසය මුල හදපු අයවැය එක්ක අපේ මාසය තුළ ලැබුණු ඇත්තම ආදායම හා දරපු වියදම සන්සන්දනය කරමින් විශ්ලේෂණය කරනවා. එහිදී යම් වියදමක් අපි මාසය මුල සැලසුම් කළ අගයට වඩා වැඩිපුර දරලා තියෙනවා නම්, ඒකට හේතු තේරුම් ගැනීම සහ ඊළඟ මාසය තුළ එය නැවත සිදුනොවීමට ගත යුතු ක්‍රියාමාර්ග ගැනීම අපි කරනවා.
ඒ වගේම හැකිතරම් අත්‍යාවශ්‍ය නොවන වියදම් මාසිකව අඩු කරගනිමින් එයින් ඉතුරු වෙන මුදල් ප්‍රමාණය අපේ දියුණුව වෙනුවෙන් දරන වියදම් (For The Future) කොටසට යෙදවීම සිදු කරනවා.
ඉතින් මම ඔබට යෝජනා කරන්නේ අදම මේ මාසය සඳහා ඔබේ පුද්ගලික හෝ පවුලේ අයවැයක් හදන්න. ඊටපස්සේ එය ඔබට ඇත්තටම ලැබෙන ආදායම හා දරන වියදම එක්ක සන්සන්දනය කරමින් හොඳ පෞද්ගලික මූල්‍ය කළමනාකරණ පද්ධතියක් නිර්මාණය කරගන්න. මාසය තුළ ඔබට ලැබෙන ආදායමට වඩා වියදම වැඩිවීමෙන් සිදුවන මානසික ආතතිය හා මූල්‍යමය අපහසුව නැති කරගන්න මේ ක්‍රමය ඔබට අනිවාර්යයෙන්ම උදව්වක් කරගන්න පුළුවන්.

ඔබට සාර්ථකත්වය පිරුණු සතියක්!
මම, මධුර අමරසිංහ
[email protected]

05/11/2025

2 Mins Before Sleep

තමන්ගේ ප්‍රේම සම්බන්ධතාවය බිඳ වැටීම නිසා සති දෙකක විතර නිවාඩුවක් ලබා ගන්න තීරණය කරපු Gen Z එකට අයත් සේවකයකු විසින් තම කලමණාකරණාකරුට එවපු email පණිවිඩයක් සමාජ මාධ්‍ය වල දැඩි කතාබහකට ලක්වෙලා තියෙනවා දැක්කා.

කෙනෙකුගේ මානසික සෞඛ්‍ය බිඳ වැටුණු මොහොතක එය නැවත යථා තත්ත්වයට පත්කර ගැනීම වෙනුවෙන් කටයුතු කිරීම ඉතාම හොඳ දෙයක්.

මම දැකලා තියෙනවා පෞද්ගලික ජීවිතයේ විවිධ ප්‍රශ්න නිසා දැඩි මානසික පීඩනයකින් කාර්‍යාල වල වැඩ කරන අය.ඒ වගේම රැකියාව තුළ ඇතිවන පීඩනය නිසා එක්වර රෝගී වෙන අය,ආයතන තුළ තම හැඟීම් පාලනය කර ගන්න බැරිව හැසිරෙන අය.

මේ හැමදේටම හේතුව තමයි තමන්ගේ මානසික සෞඛ්‍යයට ලබා දිය යුතු නිසි අවධානය ලබා නොදීම. ඒ වගේම සාම්ප්‍රදායික චින්තනය නිසා තමන්ගේ මානසික සෞඛ්‍ය වෙනුවෙන් රැකියාවෙන් ඈත්වෙලා විවේකයක් ලබා ගැනීමට ඇති බිය.

ඉතින් මම නැවතත් ඔබට කියන්නේ ඔබේ මානසික සෞඛ්‍යයට වඩා කිසිම දෙයක් විශාල නැහැ. එයට ලබා දිය යුතු ප්‍රමුඛතාවය ලබා දෙන්න කියන එක.

සුබ රාත්‍රියක්!
මධුර අමරසිංහ

05/11/2025

-Hustleday- 🔥

අද පෝය දිනය. ගොඩක් දෙනෙක් විවේකීව ගෙදරට වෙලා ඉන්න දවසක් තමයි අද.

ඒත් තමන්ගේම දෙයක් ගොඩ නගා ගන්න උත්සාහ කරන කෙනෙකුට අද වගේ දවසක් කියන්නේ ඉතාම වැදගත් දවසක්.

ඒ ඇයි කිව්වොත් තමන්ගේ part time business එක, side hustle එක වෙනුවෙන් 100% වැඩ කරන්න පුලුවන් දවසක් තමයි අද.

8-5 job එකක් කරගෙන, නිවාඩු දවස් වලත් සමහර විට රැකියාවෙම දේවල් කරලා, සති අන්තයේ ටිකක් දවල් වෙනකම් නිදාගෙන ආයෙමත් සඳුදා ඉඳන් සතිය ඉවර වෙනකම් එක විදිහට අනිත් අයගේ විධාන වලට යටත් වෙලා හැල්මේ දුවන ජීවිතයක් නම් ඔබටත් තියෙන්නේ ඒ ගැන complain කර කර ඉන්නේ නැතිව රැකියාවෙන් පසුව කාලය, නිවාඩු දවස් ඔබේම දෙයක් ගොඩ නගා ගන්න යොදා ගන්න.

නිවාඩු දවසක වුණත් ඔබ කැමති දෙයක් වෙනුවෙන් වැඩ කරන කොට ඇත්තටම ඔබට වෙහෙසක් දැනෙන්නේ නැහැ. ඇත්තෙන්ම දවස අවසානයේ ඔබට ඇත්තෙන්ම දැනෙනේ තෘප්තිමත්බවක්.

සමහර වෙලාවට ඔබ මේ post එක දකින කොටත් ඔබත් මම වගේම අද පෝය දිනය තුකත් ඔබේ සිහින වෙනුවෙන් වැඩ කරමින් ඉන්න කෙනෙක් වෙන්න පූලුවන්. මට ඔබට කියන්න තියෙන්නේ ඔය විදිහටම වැඩ කරගෙන යන්න ඉතාම ඉක්මනින් ඔබට ඔබේ සිහින සැබෑ කර ගන්න පුලුවන්.

Happy Hustleday!

මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

05/11/2025

04/11/2025

විනාඩි දෙකක් අරගෙන පොඩ්ඩක් කල්පනා කරලා බලන්න ඔබේ දියුණුව වෙනුවෙන් කරන්න අවශ්‍ය දේවල් කොපමණ ප්‍රමාණයක් තාම Thinking and Planning Stage එකේ තියෙනවාද කියලා. ඒ නිසා තමයි තාම ඔබේ ජීවිතයේ ඔබ බලාපොරොත්තු වෙන progress එක ලැබිලා නැත්තේ. උදාහරණ විදිහට

- මූල්‍ය කලමණාකරණය ගැන ඔබ කොතරම් පොත් කියෙව්වත්, podcast ඇහුවත් ඊට වඩා වැදගත් වන්නේ ඔබ අද දවසේ ඉතුරු කරන රුපියල් 100

- ශරීර සෞඛ්‍ය වර්ධනය කර ගන්න ඔබ කොතරම් meal plans, exercise plans හැදුවත් ඊට වඩා වැදගත් ඔබ අද වැඩි පුර ඇවිදින steps 1000

- තාම හිත හිතා ඉන්න ව්‍යාපාර අදහසට වඩා වැදගත් ඔබ අද ඒ වෙනුවෙන් facebook පිටුවක් හදලා, survey monkey හරහා ප්‍රශ්නාවලියක් හදලා market research එකකට තියන පලවෙනි පියවර

සිතමින්, සැලසුම් කරමින් කලගත කරන්න එපා. අදම ක්‍රියාත්මක වෙන්න.

ජයවේවා!
මධුර අමරසිංහ

02/11/2025

Live Green 💚

අපි මොනදේ කලත් අපේ පරිසරය හා සම්පත් රැක ගන්න කැපවෙන්න අවශ්‍යයි කියන එක මම තදින් විශ්වාස කරනවා.

ඒ මොකද අපි වගේ අනාගත පරපුරට හා අනෙකුත් සියලුම ජීවින්ට ජීවත් වෙන්න මේ මිහිතලය පැවතිය යුතු නිසා.

මමත් පෞද්ගලිකව පුලුවන් වෙලාවට එක්වරක් පමණක් භාවිතා කරන ප්ලාස්ටික් හා පොලිතීන් භාවිතය අවම කරන්න කටයුතු කරනවා. මේ සති අන්තය තුළ මම කල්පනා කලේ ඒක පුරුද්දක් විදිහට අඛණ්ඩවම ජීවිතයට එකතු කර ගන්න.

02/11/2025

60 Days To Greatness 🔥❤️

තව මේ අවුරුද්ද ඉවර වෙන්න දවස් 60ක් තමයි හරියටම තියෙන්නේ. මේ අවුරුද්ද මුල ඔබ සැලසුම් කරපු ඉලක්ක වෙනුවෙන් මේ වෙද්දී 75% ක විතර වැඩ කොටසක් ඔබ කරගෙන යනවා නම් එහෙම කෙනෙකුට මේ පෝස්ට් එක skip කරන්න පුලුවන්.

නමුත් ඔබ සැලසුම් කරපු දේවල් වලින් කිසිම දෙයක් තාම හරියටම කරගන්න බැරි වෙලා නම් මුලින්ම තේරුම් ගන්න, මේ දවස් 60න් ඔබට ඒ සියල්ලම වෙනුවෙන් වැඩ කරලා ප්‍රාතිහාර්යයක් කරන්න අමාරුයි.

ඒත් ඔබට පුලුවන් 2026 වසර සාර්ථක වර්ෂයක් කරගන්න මේ දවස් 60 තුළ ශක්තිමත් පදනමක් ගොඩ නගා ගන්න. ඒ සඳහා ඔබට කරන්න තියෙන්නේ

✅ Step 01 : එක් ඉලක්කයක් තෝරා ගන්න

වර්ෂය මුල ඔබ තීරණය කරපු ඉලක්ක අතරින් ඔබට වැඩි බලපෑමක් කරන්න පුලුවන් සහ achievable ඉලක්කයක් තෝරා ගන්න.

උදාහරණ :

✴️සෞඛ්‍යය තත්ත්වය දියුණු කර ගැනීම වෙනුවෙන් කිලෝ 3 කින් බර අඩු කර ගැනීම

✴️ දෙසැම්බර් 31 වෙද්දී අළුත් skill එකක් ඉගෙන ගැනීම

✴️ පෞද්ගලික මූල්‍ය කලමණාකරණය වර්ධනය කර ගැනීම. දෙසැම්බර් 31 වෙනකොට රුපියල් 15,000 ක savings fund එකක් නිර්මාණය කර ගැනීම

✅ Step 02 : ඒ සඳහා දිනකට කලයුතු කාර්‍යයන් ඇතුළත් action plan එකක් හදා ගන්න.

ඔබේ ඉලක්කය achieve කරන්න හැම දිනකම කරන්න අවශ්‍ය කාර්‍ය්යන් තීරණය කරන්න. ඒම කාර්‍යයන් කිරීමට නිශ්චිත වෙලාවක් වෙන් කර ගන්න.

උදාහරණ :

✴️ සතියට දින හතරක් හවස 6 ට gym එකට යාම

✴️ සෑම දිනකම රාත්‍රී 8 සිට 9 වෙනකම් අළුත් skill එක ගැන ඉගෙන ගන්න වෙන් කිරීම

✅ Step 03 : ක්‍රියාත්මක වීම හා නිශ්චිත කාලසීමාවකට වරක් ප්‍රගතිය මැනීම

මෙහිදී ඔබ හදා ගත්ත action plan එකට අනුව 100% ක් ක්‍රියාත්මක වෙන්න. නිදහසට කරුණු නිර්මාණය කර ගනිමින් කිසිම වෙලාවක ක්‍රියාත්මක වීම නතර කරන්න එපා. මේ දින 60 තුළ ඔබ තෝරාගත් ඉලක්කය වෙනුවෙන් වැඩ කර ගැනීම ඔබේ ජීවිතයේ ප්‍රමුඛතාවය බවට පත් කර ගන්න.

මේ විදිහට ඔබ මේ දින 60 තුළ එක් ඉලක්කයක් වෙනුවෙන් වැඩ කිරීමෙන් ගොඩ නගා ගන්නා අඛණ්ඩතාවය හා ස්වයං විනය තුලින් 2026 වසර සාර්ථක කර ගන්න පදනම නිර්මාණය කර ගන්න පුලුවන්.

එහෙනම් මේ දින 60 ඔබ විශිෂ්ටත්වය කරා ගමන් කරන දින 60 බවට පත් කර ගන්න.

All the best!

ජයවේවා!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

01/11/2025

10% Saving Challenge

අද තමයි මම ඔක්තෝම්බර් මාසය සඳහා මගේ සම්පූර්ණ වියදම Monthly Expense Tracker එකට update කරලා ඉවර කලේ. අන්තිම දවස් තුන් තුළ දරපු වියදම තමයි අද add කලේ. Upload කරලා ඉවර වෙලා මම කරපු දේ තමයි

✅ මාසය මුල මම හදපු අයවැයත් එක්ක සංසන්දනය කරලා බලපු එක. මාසය මැදදීත් මම Mid Month Financial Review එකක් කරපු නිසා ඒක එතරම් වෙලාවක් ගතවෙන කාර්‍යයක් වුනේ නැහැ. මාසය මුල හදපු අයවැයත් එක්ක මම මුදල් save කරලා තියෙන අංශ සහ over-spend කරලා තියෙන අංශත් මම මේ සමගම identify කර ගත්තා.

✅ අත්‍යාවශ්‍ය නොවන වියදම් ටික හොඳට analyse කරලා මට නොවැම්බර් මාසය තුල කපා හරින්න පුලුවන් වියදම් ටික සටහන් කර ගත්තා.

මම හිතනවා ඔබත් දැන් පුරුද්දක් විදිහට මාසික වියදම අනිවාර්යයෙන්ම track කරනවා ඇති කියලා.

ඉතින් මම කැමතියි ඔබට පොඩි challange එකක් ලබා දෙන්න. ඒ තමයි ඔක්තෝම්බර් මාසය තුළ ඔබ කරපු අත්‍යාවශ්‍ය නොවන වියදමෙන් 10%ක් නොවැම්බර් මාසය තුළ අඩු කර ගන්න.

උදාහරණයක් විදිහට ඔක්තෝම්බර් මාසයේ ඔබ අත්‍යාවශ්‍ය නොවන දේවල් සඳහා රුපියල් 10,000ක් වියදම් කරලා තියෙනවා නම් මේ මාසය තුළ ඒ වියදම රුපියල් 9000ට අඩුවෙන් තියගන්න.

මේ activity එක ඔබට Financial Discipline හදා ගන්න උදව් කර ගන්න පුලුවන්. එහෙනම් අද ඉඳන්ම හැමෝම ගේමට බහින්න.

Happy November!
මධුර අමරසිංහ

අපේ Whats App Channel එක Follow කරන්න : https://whatsapp.com/channel/0029Va5sWZe7Noa8cBxzws3T

පුද්ගලික මූල්‍ය කලමණාකරණය, ව්‍යවසායකත්වය, පුද්ගල සංවර්ධනය ගැන කතා කරන The Six - එක්ව ඉදිරියට Group එක හා සම්බන්ධ වෙන්න : https://chat.whatsapp.com/IQDJ4BLHcUwGrZDQMFqI0K?mode=wwt