https://www.facebook.com/702234620110867/

The Ceylon Entrepreneur, Hokandara North (2025)

02/12/2025

1945 එක් අවසනාවන්ත දිනයක ජපානයේ හිරෝෂිමා සහ නාගසාකි නගර දෙක සම්පූර්ණයෙන් විනාශයට පත්වුණා. ඒ පරමාණු බෝම්බ හෙළීම නිසා. නමුත් අද වෙද්දී එම නගර දෙකම තිබුණාටත් වඩා වැඩි දියුණුවක් හිමිකර ගත් නගර බවට පත්වෙලා. අපි අද කතා කරන්නේ ඔවුන් කොහොමද ඒ විදිහට කටයුතු කරේ කියන එක.

✅ එකමුතුව දැඩි මානසික ශක්තියකින් වැඩ කිරීම

බෝම්බ ප්‍රහාරයෙන් දිවිබේර ගත්ත අය නැවත ප්‍රාතිහාරයකින් තමන්ගේ ජීවිත තිබුණ තත්ත්වයට පත්වේවි යැයි සිතමින් කල් ගත කරේ නැහැ. ඔවුන් හැමදෙනාම එකතු වෙලා තමන්ගේ අත් වලින් සුන් බුන් ඉවත් කරන්න පටන් ගත්තා. ලෝකය මුලින්ම දැක්කේ නැවත ඉදිවන ඉදිකිරීම් හා ගොඩනැගිලි නෙමෙයි. විශාල ලෙස ගොඩ නැංවෙන එම ජනතාවගේ ධෛර්‍යය.

✅ අධ්‍යාපනය ඔවුන්ගේ දිගුකාලීන ආයුධය බවට පත් කර ගැනීම

හිරෝෂිමා වල ගුරුවරුන් විනාශ වෙලා ගිය පාසල් වල සිට නැවත දරුවන්ට ඉගැන්වීම ආරම්භ කලා. නාගසාකි වල ඔවුන් මුලින්ම නැවත ඉදිකිරීම ආරම්භ කලේ විනාශ වුණ විශ්ව විද්‍යාල. ඒ වගේම ඔවුන් විද්‍යාව, සෞඛ්‍යය හා සාමය පිළිබඳ අධ්‍යාපනය වෙනුවෙන් විශාල වශයෙන් මුදල් ආයෝජනය කරන්න පටන් ගත්තා.

ශක්තිමත් දැනුමැති අනාගත පරපුරක් බිහිකිරීම ශක්තිමත් දියුණු නගරයක් බිහිකිරීමේ පළවෙනි පියවර බව ඔවුන් දැනගෙන හිටියා.

✅ ඔවුන් තමන් විදපු වේදනාව ජීවිතයේ අරමුණ බවට පත් කර ගත්තා.

ලෝක සාමයේ සංකේත බවට පත්වීම මේ නගර දෙකේම ප්‍රධාන අරමුණ බවට පත් කර ගත්තා. ජනතාවගේ වේදනාවෙන් බර වෙලා තිබුණ සිත් ආදරය හා සාමය ඔවුන්ගේ අරමුණ බවට පත් කර ගැනීමෙන් සුවපත් වෙන්න පටන් ගත්තා.

✅ එකිනෙකා අතර ඇති බැඳීම ඔවුන්ගේ ප්‍රධානතම ශක්තිය බවට පත්වුණා .

ඔවුන් ආහාර, නිවාස එකිනෙකා අතර හුවමාරු කර ගත්තා. කෙනෙක් දුක්වෙද්දී ඔහුව තනි නොකර අනිත් අයත් ඔහුගේ දුක බෙදා ගත්තා. ඔවුන් අතරින් බිහිවුණ විවිධ Community Clubs, ශිෂ්‍ය සංගම්, වෘත්තීය සංගම් මේ සඳහා නායකත්වය ලබා දුන්නා.

එකමුතුව සිටින සමාජයක් කිසිම ව්‍යසනයකට බිමට ඇද දාන්න බැහැ කියලා ඔවුන් ඒ වෙනකොට තේරුම් අරගෙන හිටියේ.

✅ හෙමිහිට,අඛණ්ඩව සිදුවෙන දියුණුවක් වෙනුවෙන් ඔවුන් වැඩ කරන්න පටන් ගත්තා.

නැවත වරක් තිබූ තත්ත්වයට පත්වීම (Back to Normal) වෙනුවට ඔවුන් නව අනන්‍යතාවයකින් (New Identity) නැගිටින්න උත්සාහ කලා. නාගසාකී නගරයේ වරාය ඔවුන් නැවත ශක්තිමත් ලෙස ගොඩ නැගුවා. හිරෝෂිමා නගරය කර්මාන්ත හා තාක්ෂණික මධ්‍යස්ථානයක් (Modern Industrial and Technoligical Hub) බවට පත්වුණා.

අද මේ නගර දෙක දකින කොට විනාශය වෙනුවට අපිට පෙනෙන්නේ ඕනේම කෙනෙකුට නැවත නැගී සිටින්න පූලුවන් බව.

පසුගිය සතිය අපේ රටේ බොහෝ ප්‍රදේශ වලට ඉතාම අඳුරු සහගත කාලසීමාවක්. දැන් සෙමින් සෙමෙන් ජලය බැසගෙන යනවා. විනාශ වුණ ව්‍යාපාර, නිවාස හා ජන ජීවිතය දැන් තමයි අපිට හරියටම පෙනෙන්න පටන් අරන් තියෙන්නේ.

මට ඔබට කියන්න අවශ්‍ය වුණේ හිරෝෂිමා සහ නාගසාකි නගර වලටත් නැවත අළු මතින් නැගී සිටින්න පූලුවන් නම් අපිටත් එසේ කරන්න පූලුවන් බවයි. අපි ඒ වෙනුවෙන් අපේ වගකීම ඉටුකරමු ❤️💪💐

මධුර අමරසිංහ

Follow our WhatsApp Channel : https://whatsapp.com/channel/0029Va5sWZe7Noa8cBxzws3T
ඡායාරූපය : විනාශයට පත්වුණ හිරෝෂිමා නගරය එදා සහ අද

30/11/2025

අමාරු අවස්ථාවලදී මිනිස්සු එක්ක ඉන්න. දිර්ඝ කාලීනව ඔවුන්ගේ හිත් දිනා ගන්න.

අපේ රට මේ මොහොතේ ගතකරමින් ඉන්නේ ඉතාම දුෂ්කර කාලසීමාවක්. ගංවතුර සහ නායයෑම් වලින් ජීවිත වගේම දේපළ වලටත් විශාල හානියක් සිදුකර අවසන්. මේ මොහොතේ බොහෝ දෙනෙකුට උදව් අවශ්‍ය මොහොතක්.

මේ අවස්ථාවේදී ජනතාවට සහනයක් වෙන්න, උදව් කරන්න සමහර දේශීය හා විදේශීය සන්නාම ඉතාම ඉක්මනින් කටයුතු කරනවා අපි දැක්කා.

✅ ඔවුන්ට අවශ්‍ය ද්‍රව්‍යමය ආහාර ලබා දීම

✅ තම ආයතන වලින් නොමිලේම සේවා සැපයීම

✅ප්‍රවාහන පහසුකම් ලබා දීම

✅සනිපාරක්ෂක පහසුකම් ලබා දීම

✅ සන්නිවේදනය සඳහා පහසුකම් ලබා දීම

වගේ ක්‍රියා මාර්ග එක්ක ඔවුන් පිඩාවට පත් ජනතාව වෙනුවෙන් තමන්ගේ කාර්‍යභාර්‍ය තවමත් ඉටු කරමින් ඉන්නවා.

මෙවැනි දේ කිරීමෙන් කිසිම මූල්‍යමය වාසියක් එම සන්නාම වෙත නොලැබුනත් ඒ තුලින් ඔවුන්ගේ Brand Equity එක වර්ධනය වීම සිදුවෙනවා. Brand Equity කියන්නේ යම් කිසි සන්නාමයක් මිනිසුන්ගේ හදවත් තුළ හිමිකරගෙන වටිනාකම.යම් සන්නාමයක් වටා Brand Loyalty ගොඩ නැගීමට හේතුවක් වෙන්නේත් මෙයයි.

අනෙක් අතට ආයතනයක් තමන්ගේ සන්නාම ජනතාව අතරට රැගෙන යන්නේ හුදු ලාභ ඉපයීමේ පරමාර්ථයෙන්ම පමණක් නම් මෙවැනි අවස්ථා එවැනි සන්නාම හැම දෙනෙකුටම නිරාවරණය වෙන එක වළක්වන්න බැහැ. තවමත් තමන්ගේ Black Firday Sale එක drive කරන්න උත්සාහ කිරීම එයට එක් උදාහරණයක්.

කොහොමහරි මට කියන්න අවශ්‍ය වුණේ ඔබ සන්නාමයක් ගොඩ නංවන ව්‍යවසායකයෙක් නම් මේ මොහොතේ මිනිස්සු එක්ක හිට ගන්න. ඔවුන්ට උදව් වෙන්න. එය ඔබේ සන්නාමයේ දීර්ඝකාලීන සාර්ථකත්වයට හේතුවක් වනු ඇති.

අපි අපේම මිනිස්සුන්ට ශක්තියක් වෙමු!
මධුර අමරසිංහ

Note : Facebook එක තුළ මම දැකපු උදාහරණ කිහිපයක් මෙහි ජායාරූප වශයෙන් එකතු කරනවා.

28/11/2025

මිනිස් ජීවිතය හැරෙන්න අනිත් සියලුම දේවල් නැවත ගොඩ නගා ගන්න පූලුවන්. ඒ නිසා මුලින්ම ජීවිතය ආරක්ෂා කර ගමු 🙏🙂

28/11/2025

මීට අවුරුදු කිහිපයකට කලින් මම ඉතාම කැමැත්තෙන් පෙරමඟ බලාගෙන හිටපු මාසයක් තමයි දෙසැම්බර්. ඇඳුම්, පාවහන්, විවිධ ඉලෙක්ට්‍රොනික් උපකරණ ආදී විවිධ භාණ්ඩ මිලට ගැනීම, මිතුරන් සමඟ සාදයන්ට සහභාගී වීම වගේම විනෝද චාරිකා යෑම විශාල වශයෙන් මේ මාසය තුළ සිදුවුණා. මාසික වැටුප වගේම දෙසැම්බර් බෝනස් එකත් ලැබෙන නිසා මේ විදියට වියදම් කරන එක එතරම් ප්‍රශ්නයක් වුණේ නැහැ.
මම ළඟින්ම ආශ්‍රය කරන මිතුරන් සමඟ දෙසැම්බර් 31ත් ඉතාම උත්සවශ්‍රීයෙන් සමරලා ගෙදර එන්නේ සාමාන්‍යයෙන් ජනවාරි පළවැනිදා අලුයම. කොහොමහරි ඊටපස්සේ බැංකු ගිණුම දිහා බැලුවාම ඉතිරි වෙලා තියෙන මුදල, ඉදිරි වැටුප ලැබෙනකල් කළමනාකරණය කරගන්න අමාරුයි කියලා තේරුම් ගිය විට තමයි ටිකෙන් ටික සතුට නැතිවෙලා දුක හිතෙන්න පටන්ගන්නේ. ඊටත් වඩා හිතට අමාරු වෙන්නේ credit card එකත් සම්පූර්ණයෙන්ම බැංකුව විසින් ලබාදීලා තියෙන ණය සීමාවට ළංවෙලා තියෙන බව දකින විටයි.
මම හිතනවා මේ වගේම නැති වුණත් බහුතරයක් දෙනෙකුට උත්සව සමය කියලා කියන්නේ තමන්ගේ අතේ තියෙන සියලුම මුදල් වියදම් වෙන, ඊට අමතරව පරිභෝජනය සඳහා ණය අත්තිකාරම් ගන්න වෙන, credit cards වලට හිරවෙන කාලයක් බව. ඒ නිසා අද අපි කතා කරන්නේ ඉදිරියේදී එන උත්සව සමය තුළ අපි කොහොමද සාර්ථකව අපේ පෞද්ගලික මූල්‍ය කළමනාකරණය හොඳින් පවත්වාගන්නේ කියන එක.

01. උත්සව සමය සඳහා වෙනම අයවැය ලේඛනයක් හදාගන්න
මුලින්ම ඔබට මේ උත්සව සමය සඳහා වියදම් කරන්න පුළුවන් ආදායම තීරණය කරන්න. ඉන්පසුව එම ආදායම ඉක්මවා නොයන පරිදි ඔබේ වියදම සැලසුම් කරන්න.

වියදම්වලට උදාහරණ:
*අලුත් ඇඳුම්
*තෑගිභෝග
*සාදයන් සඳහා
*පරිත්‍යාග සඳහා
*විනෝද ගමන් සඳහා

ඔබට බෝනස්, උත්සව දීමනා ආදී වැඩිපුර ආදායමක් මේ කාලසීමාව තුළ ලැබෙනවා. කිසිම විටක එම සම්පූර්ණ ආදායමම වියදම් කරන්න එපා. එම ආදායමෙන් 50% ක උපරිමයක් ඇතුළත ඔබේ වියදම් පාලනය කරන්න. ඉතිරි මුදල ඉතුරුම් හෝ ආයෝජනය සඳහා යොදවන්න.

02. සියලුම වියදම් track කරන්න
උත්සව සමය තුළ තියෙන කලබලකාරීබව නිසාම ඔබ කරන වියදම් පොතක සටහන් කරගන්න. App එකක් හෝ excel sheet එකක් භාවිතයෙන් සටහන් කරගැනීම මග හැරෙන්න පුළුවන්. ඒ තුළින් ඔබ දන්නේම නැතිව සීමාව ඉක්මවා මුදල් වියදම් කරන්න පෙළඹෙන්න පුළුවන්. ඒ නිසා කිසිම විදියකින් මේ කාලසීමාව තුළ ඔබේ වියදම් track කරන එක මගහැරගන්න එපා.

03. ත්‍යාග සඳහා මුදල් වියදම් කිරීමේදී උපක්‍රමශීලී වෙන්න
උත්සව සමයේ ඔබේ ආදරණීයයන්ට හා හිත මිතුරන්ට තෑගි ලබාදීම සඳහාත් සැලකිය යුතු මුදලක් වැයවෙනවා. නමුත් මෙහිදී ඔබ මෙවර ඒ විදියට තෑගි ලබාදෙන්න බලාපොරොත්තු වෙන අයව ලැයිස්තුගත කරන්න. ඒ එකිනෙකා වෙනුවෙන් වියදම් කිරීමට බලාපොරොත්තු වෙන මුදල් ප්‍රමාණයත් සටහන් කරගන්න. උත්සව සමයේ ආයතන විසින් ලබාදෙන වට්ටම් භාවිතා කරමින් මිලදීගැනීම් සිදු කරන්න උත්සාහ කරන්න. ඒ වගේම මුදල්මය වටිනාකමට වඩා කෙනෙකුට වටිනාකමක් ලබාදෙන තෑගි ලබාදෙන්න සැලසුම් කරන්න. මේ පියවර තුළින් ඔබට පුළුවන් ත්‍යාග ලබාදීම වෙනුවෙන් වැයවෙන මුදල් හොඳින් කළමනාකරණය කරගන්න.

04. විනෝදාස්වාදය සඳහා දරන වියදම් පාලනය කරන්න
විනෝද වීමට දරන වියදම සඳහා සීමාවන් පනවා ගන්න. කෙටිකාලීන සතුටට වඩා මුදල් අරපිරිමැස්මෙන් භාවිතා කරලා ඒවා ආයෝජනය කිරීමෙන් දිගුකාලිනව නිදහස ලබාගන්න පුළුවන් බව මතක තියාගන්න. ඔබගේ නිවසේ සාදයක් පවත්වනවා නම් ඒ සඳහා අවශ්‍ය කරන කල්තබාගන්න පුළුවන් groceries කලින්ම මිලදී ගන්න. ඒ තුළින් උත්සව සමය ආසන්න වනවිට ඇතිවන උද්ධමනය නිසා වැඩිපුර මුදල් වියදම් වීම වළක්වාගන්න පුළුවන්.

05. උත්සව සමය තුළ වෙළඳ ආයතන හා බැංකු මගින් ලබාදෙන වට්ටම් ගැන අධ්‍යනය කරන්න. ඒවා භාවිතා කරලා මිලදීගැනීම් සිදු කරන්න
උදාහරණයක් විදියට ඔබට අවශ්‍ය ඇඳුම් පැළඳුම් මිලට ගන්නා විට ඔබ සතුව තියෙන credit card එකට වට්ටම් ලබාදෙන දින සහ එම වට්ටම් ලබාදෙන වෙළඳ ආයතන ගැන දැනුවත් වෙලා මිලට ගැනීම් සිදු කරන්න. ඔබට එම දිනයන් අමතකවෙන එක නවත්වා ගන්න ඔබේ ජංගම දුරකතනයේ calendar app එක භාවිතයෙන් reminder එකක් තබාගන්න. නමුත් මතක තියාගන්න credit card එක මගින් කරන සියලුම වියදම් එම මාසය තුළම settle කරන්න.

06. ණය උගුල්වල සිරවීමෙන් වළකින්න
අතේ මුදල් නොමැති වුණත් credit card භාවිතයෙන් මුදල් ගෙවලා මිලදී ගැනීම් කරන්න, ඒ වගේම මේ දිනවල ඉතාමත් ජනප්‍රිය ‘දැන් මිලදීගන්න පසුව ගෙවන්න - Buy Now Pay Later (BNPL)’ සේවාවන් භාවිතයෙන් මිලදී ගැනීම් කරන්න මේ උත්සව සමය තුළ ඔබව පොළඹවන්න ව්‍යාපාරික ආයතන උත්සාහ කරන්න පුළුවන්. ඒ නිසා කිසිම විටෙක ඔබට දරාගන්න බැරි පාරිභෝජන වියදම්, ණය භාවිතයෙන් සිදුකරන්න එපා.

07. උත්සව සමයේ පාරිභෝජන වියදම් සඳහා ඔබේ ඉතුරුම් හා emergency fund එක භාවිතා කරන්න එපා
උත්සව සමයේ වියදමට යම් මුදලක් අඩු වූ විට තමන්ගේ ඉතුරුම් තුළින් ඒ මුදල් සපයාගැනීමට බොහෝදෙනෙක් පෙළැඹිලා ඉන්නවා. කිසිම විටක එය සිදු කරන්න එපා. හැමවිටම ඔබේ කෙටිකාලීන සතුටට වඩා ඔබේ දිගුකාලීන සාර්ථකත්වය ගැන හිතන්න.

මේ විදියට පසුගිය අවුරුදු දෙක තුළ වැඩ කරන්න පටන්ගත්ත නිසා උත්සව සමය තුළ හිතට බරක් නැතිව මගේ මුදල් කළමනාකරණය කරගන්න මට පුළුවන් වෙලා තියෙනවා. ඒ වගේම උත්සව සමය අවසන් වූ පසුවත් මානසික පීඩනයකින් තොරව එදිනෙදා වැඩකටයුතු සාර්ථකව කරගන්නත් මට පුළුවන් වෙලා තියෙනවා. ඒ වගේම උත්සව සමය අවසන් වුණු විගස මම උත්සව සමය තුළ ආදායම් සහ වියදම විශ්ලේෂණය කිරීම පුරුද්දක් විදියට කරනවා. ඒ තුළින් උත්සව සමයට කලින් පිළියෙළ කරපු අයවැය ලේඛනය හරියටම follow කරලා තියෙනවා ද කියන එක මට අවබෝධ කරගන්න පුළුවන්. යම් අංශයකින් වැඩිපුර වියදම් වෙලා තියෙනවා නම් ඉදිරි උත්සව සමයකදී එය නිවැරදි කරගන්න ඒ තුළින් මට අවස්ථාව ලැබී තියෙනවා. ඉතින් මම ඔබට යෝජනා කරන්නේත් මේ පියවර අනුගමනය කරලා මේ උත්සව සමය තුළ ඔබේ පෞද්ගලික මූල්‍ය කළමනාකරණය හොඳින් පවත්වාගන්න කියන එක.
ඔබට ජයග්‍රාහී සතියක්!
මම, මධුර අමරසිංහ
[email protected]
ඔබේ අදහස්, ගැටලු අප වෙත ලියා එවන්න.
ධරණී Financial Guide, ධරණී පුවත්පත, නො.91, විජේරාම මාවත, කොළඹ 07.

28/11/2025

මහ වැසි මැද ජනතාව මුදවා ගැනීමේ මෙහෙයුම් කරන ත්‍රිවිධ හමුදාවට අපේ ගෞරවය සහ ආදරය. 🙏💐

27/11/2025

අද මම වාහනය drive කරගෙන නිවසට එනවිට මම දැක්කා පුද්ගලික පන්තියක් ඉවර වෙලා තම මව සමග පාර අයිනේ කුඩයක් ඉහලගෙන ඇවිදගෙන එන කුඩා දරුවෙක්. ඒ වනවිට පාරේ සැලකිය යුතු වතුර ප්‍රමාණයක් රැඳී තිබුණා. මට කලින් ගිය වාහනය ඉතා වේගයෙන් ගමන් කල නිසා ඒ මව සහ දරුවා සම්පූර්ණයෙන්ම ජලයෙන් නැහැවුණා. ඒ නිසාම තමයි මම මේ දේ ගැන පොඩි සටහනක් ලියන්න හිතුවේ.

රට පුරාම මහ වැස්සක් ඇද හැලෙමින් පවතින මොහොතක් මේක.ඔබට එයින් අපදාවක් සිදු නොවුනත් මේ වෙලාවේ ඔබ සහකම්පනයකින් යුතු මනුස්සයෙක් විදිහට කටයුතු කිරීම ඉතා වැදගත්.

✅ ජලය සහිත පාරක ඔබ වාහනයක් drive කරගෙන යනවා නම් ඒ දෙපස පයින් ගමන් කරන අයගේ ඇඳුම් වලට ජලය විසිනොවන සේ අඩු වේගයකින් ඔබට වාහනය drive කරන්න පුලුවන්

✅ යතුරුපැදි හා පාපැදි ධාවනය කරගෙන තෙමෙන්නේ නැතිව ඉක්මනින් යන්න හදන අයට ඉඩ ලබා දෙන්න පුලුවන්

✅ වැස්සේ තෙමෙමින් ඔබේ නිවසේ ආළින්දයට පැමිණෙන සතුන්ව එලවන්නේ නැතිව ඔවුන්ට නොතෙමී ඉන්න ඉඩ ලබා දෙන්න පුලුවන්

✅ ගංවතුර හා නායයෑම් වලින් ඔබ දන්නා කෙනෙකුට හානියක් සිදුවී ඇත්නම් ඔවුන්ට ඔබට හැකි පරිදි උදව් කරන්න පුලුවන්

මේ විදිහට ඔබ කරන සුලු ක්‍රියාකාරකමක් අනිත් කෙනෙකුට විශාල වටිනාකමක් ලැබෙන දෙයක් වෙන්න පුලුවන්. ඒ නිසා මේ මොහොතේ සහකම්පනයෙන් යුතුව වැඩ කරන්න.

පරිස්සමෙන් ඉන්න!
මධුර අමරසිංහ

27/11/2025

රැකියා කරන, ව්‍යාපාර කටයුතු කරන හැමෝම පවතින අයහපත් කාලගුණ තත්ත්වය හමුවේ පරිස්සම් වෙන්න. 🙂🙏

24/11/2025

සාමාන්‍යයෙන් හැමවෙලේම අපි කියන්නේ සාර්ථක වෙන්න නම් කිසිම දෙයක් කල් දාන්නේ නැතිව දැන්ම පටන් ගන්න කියලා. හැබැයි සාර්ථක පෞද්ගලික මූල්‍ය කලමණාකරණයක් වෙනුවෙන් අද කියන්නේ ඊට වඩා හාත්පසින්ම වෙනස් කතාවක්. ඒක තමයි

✅ පුලුවන් තරම් කල් දාන්න

ඔබ දැන් මාසිකව වියදම් monitor කරනවා නම් ඔබටම තේරිලා ඇති හැම මාසෙකම super market එකට ගිය විට, online shopping mall එකකට log වුණාම ඔබ සැලසුම් කරපු දේවල් වලට අමතරව තවත් දේවල් මිලට ගන්න පෙලඹිලා තියෙනවා කියන එක. මේකට ප්‍රධානතම හේතුව තමයි Impulse Buying කියන එක. ආයතන විසින් විවිධ අලවිකරණ උපක්‍රම ඔස්සේ ඔබව පොලඹවනවා නිරායාසයෙන්ම යම් යම් භාණ්ඩ හා සේවා මිලට ගන්න.

ඉතින් මේකෙන් ගැලවෙන්න ඔබට අනුගමනය කරන්න පුලුවන් උපක්‍රම දෙකක් තමයි

✳️ 24 Hour Rule

යම් භාණ්ඩයක් මිලට ගන්න එක පැය විසිහතරකින් ප්‍රමාද කරන්න. සාමාන්‍යයෙන් මේ සඳහා යම්කිසි මිල සීමාවක් තීරණය කරන්න. හැබැයි මේ දේ ඔබ apply කරන්න ඔනේ ඔබේ අත්‍යාවශ්‍ය නොවන වියදම් වලටයි. උදාහරණයක් විදිහට මම රුපියල් 5000 ට වඩා වැඩි අත්‍යාවශ්‍ය නොවන භාණ්ඩයක් මිලට ගන්න හිතුණාම පැය විසිහතරක් අරන් නැවත් කල්පනා කරලා බලනවා මේක ඇත්තටම මිලට ගන්න අවශ්‍ය දෙයක්ද කියන එක. ඒ තුලින් මට පුලුවන් වෙලා තියෙනවා සමහර අනවශ්‍ය වියදම් වළක්වා ගන්න.

✳️ Seven Days Rule

සාමාන්‍යයෙන් රුපියල් පනස් දහසකට වඩා වැඩි වියදමක් කරනවා නම් මම දවස් හතක් විතර ඒ ගැන research එකක් කරනවා, reviews බලනවා, ඒක ඇත්තටම මට අවශ්‍යද කියලා බලනවා. ඒ වගේම ඒක මගේ ජීවිතයේ දියුණුවට හා ඵලදායීතාවයට හේතුවෙනවාද කියන එකත් බලනවා. ගොඩක් වෙලාවට electrinic gadgets, සුඛෝපභෝගී භාණ්ඩ, විනෝදය සඳහා කරන වියදම් තමයි මේ කාණ්ඩයට වැටෙන්නේ.

නැවතත් මම ඔබට මතක් කරනවා අත්‍යාවශ්‍ය වියදම් වලට මේක apply කරන්න එපා කියලා. හිතන්න ඔබට කිසියම් ලෙඩ රෝගයක් නිසා රුපියල් 100,000 ක විතර වියදමක් දරන්න වෙනවා කියලා. ඒක කල් දාන්නේ නැතිව ඉක්මනින්ම කරන්න.

අවසාන වශයෙන් මම ඔබට යෝජනා කරන්නේ ඔබත් මේ විදිහට කල්දැමීම උපායමාර්ගයක් විදිහට ඔබේ පුද්ගලික මූල්‍ය කලමණාකරණය improve කර ගන්න භාවිතා කරන්න කියලා.

ජයවේවා!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

23/11/2025

හිතන්න ඔබට දැන් ඉන්න තැනින් ඉස්සරහට යන්න කිසිම අදහසක් ඔළුවට එන්නේ නැහැ කියලා. එදිනෙදා ජීවිතයේ අපිට තියෙන struggle එකට මුහුණ දීලා හෙම්බත්වෙලා නිසා ඒක සාමාන්‍ය දෙයෙක්.

නමුත් එය වෙනස් කර ගන්න නම් ඔබ කලයුත්තේ ඒ සඳහා අවශ්‍ය inputs ටිකෙන් ටික ඔබේ මොළයට feed කරන එක. එතකොට ටික කාලයකින් ඔබට පුලුවන් නැවත හරි track එකට එන්න.

එවිට ඔබට දැන් හිතෙන්නේ නැති අළුත් ව්‍යාපාරික අවස්ථාවන්, ඔබේ දියුණුව කරන්න අවශ්‍ය නිර්මාණශීලි සිතුවිලි ඉබේම හිතට එන්න පටන් ගනිවි.

අද විවේකි ඉරිදා දවසේ මෙවර වරලත් ගණකාධිකාරිවරුන් අතරින් හොඳම ව්‍යවසායකාව බවට පත්වුන නිලූකා ජයසිංහ මහත්මිය සහභාගී වුණ වැඩ සටහනකට ඇහුම්කන් දුන්නා.

ඇගේ කතාව මට වැඩිපුරම inspiration එකක් වුණේ ඇයත් මම අධ්‍යාපනය ලබපු ශ්‍රී ජයවර්ධනපුර විශ්වවිද්‍යාලයේ ආදී විද්‍යාර්ථයෙක් වීම නිසා.

අනුරාධපුරයේ සිට ජපුරට ඇවිත්, එහි අලවිකරණය පිළිබඳ උපාධියක් හදාරලා වයස අවුරුදු 29 වගේ ඉඳන් නැවත Chartered (Institute of Chartered Accountants of Sri Lanka) කරන්න පටන් අරන් වරලත් ගණකාධිකාරි කෙනෙක් වෙලා ඊට පස්සේ ඇගේම Global Bookkeeping Solutions ආයතනය ආරම්භ කරලා ඇය අද වෙනකම් ආපු ගමන තුලින් හැමකෙනෙකුටම ඉගෙන ගන්න දෙයක් තියෙනවා. එහි link එක මම පළවෙනි comment එකේ දාන්නම්. එය අනිවාර්යයෙන්ම නරඹන්න.

නැවත ඔබට මතක් කරන්නේ ඔබේ ජීවිතය වෙනස් කරගන්න අවශ්‍ය නම් ඒ සඳහා අවශ්‍ය දැනුම තුලින් ඔබවම පෝෂණය කර ගන්න පටන් ගන්න කියන එක.

සුබ සන්ද්‍යාවක්!
මධුර අමරසිංහ

මේ වගේ ඔබේ ජීවිතය,ව්‍යාපාරය improve කර ගන්න වැදගත් ලිපි ඔබේ ජංගම දුරකථනයට ගෙන්වා ගන්න අපේ Whats App Channel එක follow කරන්න.

https://whatsapp.com/channel/0029Va5sWZe7Noa8cBxzws3T

23/11/2025

තවමත් ඔබ අවුරුදු 19ත් 25ත් අතර නම් මේ ඔබ ගත කරන්නේ ජීවිතයේ ස්වර්ණමය කාලයයි.

🟢 මේ කාලය තුළ බොහෝ දුරට ඔබට බිරිඳක් සහ දරුවන් ඉන්න විදිහක් නැහැ

🟢 ඔබ තවම ණය ලබාගෙන ණය බරින් මිරිකිලා ඉන්න විදිහක් නැහැ

🟢 ඔබ මනසින් හා ශාරීරිකව ශක්තිමත්

🟢 ඔබට අවදානම් ගන්න, අළුත් දේ try කරන්න නිදහස තියෙනවා

ඒ නිසා මේ කාලය තුලදී,

✅ පැය 7-8 හොඳ නින්දක් ලබා ගන්න

✅ Gym එකට යන්න. ඔබේ සෞඛ්‍යයට ප්‍රමුඛතාවය දෙන්න

✅ උපරිම ලෙස මහන්සි වෙලා වැඩ කරන්න

✅ අළුත් හැකියාවන් වර්ධනය කර ගන්න

✅ රැකියා මාරු කරන්න, ව්‍යාපාර ආරම්භ කරන්න බය වෙන්න එපා. අවදානම් සහිත තීරණ ගන්න

✅ සමාජය කියන දේ හැමවිටම නිවරදි නොවන බව තේරුම් ගන්න

✅ අනිත් අයගේ framework වල හිරවෙන්න එපා

✅ මුදල් ඉපයීමේ මාර්ග කිහිපයක් නිර්මාණය කර ගන්න

✅ අනවශ්‍ය distractions වලින් ඈත් වෙන්න

ඔබ මේ කාලසීමාව හරි විදිහට භාවිතා කලොත් අවුරුදු 30 වෙනකොට අනිත් අයට සාපේක්ෂව ඔබට විශාල සාර්ථකත්වයක් ලබන්න පුලුවන්.

නමුත් කණගාටුවට කරුණ බොහෝදෙනෙක් මේ කාලය තුලින් ප්‍රයෝජනයක් නොගැනීමයි.

අපිට ඒ කාලය තුළ මේ දේවල් කියාදෙන්න කවුරුත් හිටියේ නැති වුණත් පෞද්ගලික අත්දැකීම් මත ඔබත් සමග මේ දේවල් share කරගන්නේ ඔබ සාර්ථකත්වයට පත්වෙනවා දකින්න ඇති ආශාව නිසාමයි.

ඔබට සුබ දවසක්!
මධුර අමරසිංහ

22/11/2025

2025 අවුරුද්ද ඉවර වෙන්න තව හරියටම දවස් 40 කටත් අඩු කාලයක් තියෙන්නේ. 2025 වසර මුල ඔබ සැලසුම් කර ගත්ත ඉලක්ක මේ වෙද්දී බහුතරයක් ඔබ සපුරා ගෙන නම් ඉන්නේ ඔබ දැන් ඉතාම උද්‍යෝගයෙන් 2026 වසරට සූදානම් වෙලා ඉන්නවා ඇති.

නමුත් මාත් එක්ක කතා කරන ගොඩක් දෙනෙක් මේ වෙද්දී 2025 වසර තුළ තමන් හිතපු සාර්ථකත්වය ළඟා කර ගන්න බැරුව යම් කිසි මානසික පීඩනයකින් ඉන්න බව මට තේරුම් ගන්න පුලුවන් වුණ නිසා අද ඉඳන් ඉදිරි සති කිහිපය තුළම 2026 වසර සාර්ථක කර ගන්න අවශ්‍ය දේවල් ගැන කතා කරන්න තීරණය කලා.

✅ පියවර 01

බොහෝ දෙනෙකුට තියෙන පළවෙනිම ප්‍රශ්නය තමයි තමන්ගේ ජීවිතයට හරි ඉලක්කයක් නොමැති වීම. ඒ නිසා මම ඔබට මුලින්ම යෝජනා කරන්නේ නිදහසේ යම්කිසි කාලයක් වෙන් කරගෙන ඔබට ඇත්තටම අවශ්‍ය කුමක්ද කියන එක තීරණය කරන්න. අඩුම තරමේ නොවැම්බර් මාසය අවසන් වෙද්දීවත් ඔබේ ජීවිතයේ අරමුණ හරියටම තීරණය කර ගන්න.

උදාහරණ විදිහට

✳️ තමන්ගේ පවුලට ශක්තියක් වීම - නිවසක් ඉදිකිරීම, දරුවන්ට හොඳ අධ්‍යාපනයක් ලබා දීම, ඔවුන්ට සුඛෝපභෝගී ජීවිතයක් උදාකර දීම

✳️ මූල්‍ය නිදහස ලබා ගැනීම

✳️ සමාජය බලගැන්වීම

✳️ ඔබේම පුරාවෘතයක් ගොඩ නැගීම

මේ විදිහට හරියටම ඔබේ ජීවිතයේ අරමුණ පැහැදිලිව අවබෝධ කර ගැනීමෙන් පසුව ඔබට ඒ වෙනුවෙන් හරි direction එකකට වැඩ කරන්න පුලුවන්. නැතිනම් ඔබ කරන්නේ පැහැදිලි අරමුණක් නැති නිසා විවිධ directions වලට යාමට උත්සාහ කරමින් නිකරුණේ කාලය නාස්ති කිරීම.

✅ පියවර 02

ඔබේ ජීවිතයේ අරමුණට අදාළව තව අවුරුදු තුනකින් සපුරා ගත යුතු ඉලක්ක නිර්මාණය කර ගන්න. එහිදී

✴️ ඔබේ සෞඛ්‍යය

✴️ ඔබේ මූල්‍ය තත්ත්වය

✴️ වෘත්තීය

✴️ ව්‍යාපාරය

✴️ පුද්ගල දියුණුව

✴️ සතුට

✴️ පවුල හා ආදරණීයන්

වගේ මූලිකම අංශ ඇතුළත් වෙන විදිහට ඉලක්ක නිර්මාණය කර ගන්න. ඔබේ ජීවිතයේ අරමුණ දැන් ඔබ හරියටම දන්න නිසා එය achieve කරන්න උදව් වෙන විදිහට නිවැරදි direction එකට ඔබට පුලුවන් ඉහත අංශ ආවරණය වන පරිදි ඉලක්ක හදා ගන්න. මෙය අනිවාර්යයෙන්ම අවුරුදු තුනකින් achieve කරන්න පුලුවන් විදිහට හදා ගන්න.

✅ පියවර 03

දැන් ඔබට කරන්න තියෙන්නේ ඔබේ තුන් අවුරුදු සැලැස්මෙන් 2026 වසරට අදාළව සපුරා ගන්න අවශ්‍ය ඉලක්ක නිර්මාණය කර ගන්න. මෙහිදී අපි කලිනුත් කතා කරලා තියෙන විදිහට SMART ගති ලක්ෂණ වලින් යුක්තව ඉලක්ක නිර්මාණය කර ගැනීම.

උදාහරණ

1️⃣ ජීවිතයේ අරමුණ තමන්ගේ පවුලට ශක්තියක් වීම

2️⃣ ඒ සඳහා ඉදිරි වසර තුනට අදාල එක් ඉලක්කයක් වනුයේ තමන්ගේම වාහනයක් මිලට ගැනීම

3️⃣ ඔබ රැකියාවක් කරන කෙනෙක්නම් 2026 වසරේ ඔබේ ඉලක්ක විය යුත්තේ

✴️ රැකියාවේ ඉහලට යාමට අවශ්‍ය හැකියාවන් වර්ධනය කර ගැනීම හා ඔබට ලබා ගන්න පුලුවන් ඊළඟ උසස් වීම ලබා ගැනීම
✴️තව වසර තුනකින් වාහනයක් මිලට ගන්න අවශ්‍ය විදිහට තමන්ගේ පෞද්ගලික මූල්‍ය කලමණාකරණය සිදු කිරීම

මේ විදිහට ඔබට පුලුවන් ඔබේ දිගුකාලීන ඉලක්ක සඳහා පළවෙනි පියවර 2026 දී තියන්න.සති අන්තයේ යම් කිසි කාලයක් ඒ වෙනුවෙන් වෙන් කරගෙන වැඩේට බහින්න.

2026 වසර සාර්ථක කර ගන්න අවශ්‍ය කෙරෙන දේවල් ගැන කතා කරන්න විශේෂ online සැසි කිහිපයක් 2025 දෙසැම්බර් මාසයේ අවසාන සති කිහිපය තුළ පවත්වන්න අපි තීරණය කරලා තියෙනවා. එහි විස්තර අපේ Whats App Channel එක හරහා ඔබට ලබා දෙන්නම්. පහත link එකෙන් ඔබට පුලුවන් එය follow කරන්න.

එහෙමනම් Enjoy Your Satuday Evening! 💐❤️

මධුර අමරසිංහ

Follow the Madura Amarasinghe channel on WhatsApp: https://whatsapp.com/channel/0029Va5sWZe7Noa8cBxzws3T

21/11/2025

අපි හැමකෙනෙක්ම අහලා තියෙන නමක් තමයි Warren Buffett කියන්නේ. ඔහු අමෙරිකානු ජාතික ප්‍රසිද්ධ ආයෝජකයෙක්. මේ වෙද්දී ඔහුගේ වත්කම අමෙරිකානු ඩොලර් බිලියන 150කට ආසන්නයි. හැබැයි Theresia Gauw, Kristen Green, Nisa Leung වගේ නම් කිහිපයක් මම ඔබට කිව්වොත් ඔබ බොහෝදුරට ඔවුන් ගැන අහලා නැති වෙන්න පුළුවන්.
Theresia Gouw කියන්නේ ඉන්දුනීසියානු සම්භවයක් තියෙන අමෙරිකානු ජාතික සමාගම් ගණනක තමන්ගේ මුදල් ආයෝජනය කරලා තියෙන බිලියනපතිනියක්. ඇය Facebook අයත් මව් සමාගම වන Meta සමාගමේත් ආයෝජනය කර තිබෙනවා. ඒ වගේම Kristen Green දිහා අපි බැලුවොත් ඇය විද්‍යුත් වාණිජ්‍යය, සංචාරක හා මෝස්තර නිර්මාණය ආදි අංශවලට අයත් ආයතනවල තමන්ගේ මුදල් ආයෝජනය කරලා තියෙනවා. Nisa Leung ප්‍රධාන වශයෙන්ම තමන්ගේ ආයෝජන පවත්වාගෙන යන්නේ සෞඛ්‍ය අංශයට අයත් ව්‍යාපාර ක්ෂේත්‍රවලයි.
මේ කාන්තාවන් උදාහරණ විදියට අරගෙන මට කියන්න අවශ්‍ය වුණේ කාන්තාවක් විදියට ඔබටත් පුළුවන් ඔබ තනිවම උපයන මුදල්, ඔබ පවුලක් විදියට උපයන මුදල්, ඔබට ප්‍රතිලාභ ලැබෙන විදියට ආයෝජනය කරන්න. බොහෝමයක් කාන්තාවන් ඉන්නවා ඔවුන්ගේ සැමියන් ඔවුන්ට මාසික වියදම සඳහා මුදල් ලබා දුන් විට ඔවුන් එය අරපරිස්සමෙන් භාවිතා කරලා ඉන් සැලකිය යුතු මුදලක් ඉතුරු කරගන්නවා. නමුත් බොහෝවිට ඔවුන් එය තබා ගන්නේ අල්මාරියේ ලාච්චුවක. එයින් ඔවුන්ට කිසිම ප්‍රතිලාභයක් ලැබෙන්නේ නැහැ. ඒ වගේම රැකියාවක් කරන සමහර කාන්තාවන් ඉන්නවා ඔවුන් තමන් උපයන සම්පූර්ණ මුදලම කිසිම ඉතුරුවක් නැතිව වියදම් කරන. ඇඳුම්, රූපලාවණ්‍ය කටයුතු, අවන්හල්වලින් ආහාර ගැනීම වගේ දේවල්වලට ඔවුන් සීමාවක් නැතිව මුදල් වියදම් කරනවා. නමුත් එම වියදම් යම් ප්‍රමාණයකින් අඩු කරගෙන එම මුදල් ආයෝජනය කරන්න පුළුවන් නම් ඔවුන්ටත් මූල්‍යමය වශයෙන් ශක්තිමත් පදනමක් නිර්මාණය කරගැනීම ආරම්භ කරන්න පුළුවන්.
කොහොමහරි අද මම ඔබ වෙත ගෙන එන්නේ කාන්තාවක් විදියට ඔබ ඉතුරු කරන මුදල් සාපේක්ෂව වැඩි ප්‍රතිලාභයක් ලැබෙන විදියට ප්‍රායෝගිකව ආයෝජනය කරන්න පුළුවන් මාර්ග කිහිපයක් ගැන.

01. කාන්තාවන්ට විශේෂයෙන්ම වෙන්වුණු ඉතුරුම් ගිණුම්
සාමාන්‍ය ඉතුරුම් ගිණුමක ලැබෙන පොලියට වඩා වැඩි පොලී ප්‍රතිශතයක් ලැබෙන කාන්තාවන්ට පමණක් වෙන්වුණු ගිණුම් ලංකාවේ බැංකු කිහිපයකින් හදුන්වලා දීලා තියෙනවා. සාමාන්‍යයෙන් 5% ඉඳන් 6.75% වගේ පොලී ප්‍රතිශතයක් ඔබට මෙම ගිණුම්වල මුදල් ඉතුරු කිරීමෙන් ලබාගන්න පුළුවන්.

02. ස්ථාවර තැන්පතුවක් ආරම්භ කිරීම
සැලකිය යුතු මුදලක් ඔබේ ඉතුරුම් ගිණුම තුළ එකතු වුණාට පසුව ඔබට පුළුවන් එම මුදල් ප්‍රමාණය සාපේක්ෂව වැඩි පොලී ප්‍රතිශතයක් ලබාදෙන ස්ථාවර තැන්පතුවක් වෙත මාරු කරන්න. අද වෙද්දී 7% ඉඳන් 9% වගේ ප්‍රමාණයක පොලී ප්‍රතිශතයක් ඔබට මේ තුළන් ලබාගන්න පුළුවන්. මෙහිදී ඔබ තැන්පත් කරන මුදල් ප්‍රමාණය හා කාලය මත ඔබට ලැබෙන පොලී ප්‍රතිශතය වෙනස් වෙනවා.

03. Unit Trust වල මුදල් ආයෝජනය කිරීම
Unit Trust Fund එකක් කියන්නේ ආයෝජකයින් පිරිසක් එකතු වෙලා නිර්මාණය කරගන්නා ආයෝජන අරමුදලක්. බලයලත් මූල්‍ය සමාගමක් මගින් එම ආයෝජන අරමුදල කළමනාකරණය කරනු ලබනවා. ඔවුන් කරන්නේ එය භාණ්ඩාගාර බැඳුම්කර, බිල්පත්, කොටස් වෙළඳපොළ වැනි ආයෝජන මාර්ගවල ආයෝජනය කරලා එහි ප්‍රතිලාභය ඔබට පොලියක් වශයෙන් ලබාදීමයි. මෙහිදී ඔබට ලැබෙන ප්‍රධානතම වාසියක් තමයි ස්ථාවර තැන්පතුවලට වඩා වැඩි ද්‍රවශීලතාවය. ඒ කියන්නේ ඔබ ස්ථාවර තැන්පතුවක මුදල් තැන්පත් කරලා එය කල්පිරීමට පෙර මුදල් ලබාගත්තොත් ඔබට ගිවිසුම්ගත පොලිය ලැබෙන්නේ නැහැ. නමුත් Unit Trust එකකදී ඔබට ඕනෑම වෙලාවක මුදල් නැවත ලබාගන්න පුළුවන්. එවිට ඒ වෙනකම් ඔබට ලැබුණු පොලියත් සමඟම එය ලබාගන්න පුළුවන්.

04. ළමුන් සඳහා වෙන්වුණු ආයෝජන සැලසුම්වල මුදල් ආයෝජනය කිරීම
ඔබට දරුවන් ඉන්නවා නම් ඔබට පුළුවන් ඔවුන් සඳහා බැංකු හා මූල්‍ය ආයතනවලින් නිර්මාණය කරලා තියෙන ආයෝජන සැලසුම්වල ආයෝජනය කරන්න. මෙහිදී යම් කිසි නිශ්චිත කාලසීමාවක් තුළ ඔබ මේ තුළ මුදල් ආයෝජනය කිරීම සිදුකළ යුතුයි. ඉන් පසුව එවා කල්පිරීමෙන් පසුව පොලිය ඇතුළු ප්‍රතිලාභ දරුවන්ට ලබාගන්න පුළුවන්.

05. රත්තරන්වල මුදල් ආයෝජනය කිරීම
කාන්තාවන් කොහොමත් රත්තරන් ආභාරණ මිලට ගන්න කැමතියි. රත්තරන්වල මිල කෙටිකාලීනව ඉහළ පහළ ගියත් දිගුකාලීනව මිල ඉහළ යන බව පසුගිය දත්ත දිහා බැලුවොත් අපිට තේරුම්ගන්න පුළුවන්. මෙහිදී ඔබ රත්තරන් මිලදී ගැනීම සිදුකළ යුත්තේ කෙටිකාලීනව එහි මිල අඩුවෙන විටයි. ඒ වගේම හැකිතරම් රත්තරන් කාසි මිලට ගැනීම මෙහිදී සිදුකළ යුතුයි. රත්තරන් ආභරණ මිලදී ගැනීමේදී වැඩ කුලිය, ආයතනයේ ලාභාන්තිකයත් එහි ඇතුළත් වෙන නිසා මිල ඉහළ යාමකදී රත්තරන් කාසිවලට සාපේක්ෂව එහිදී ඔබට ලැබෙන ප්‍රතිලාභය අඩුයි.

06. කොටස් වෙළඳපොළ මුදල් ආයෝජනය
ඔබට පුළුවන් බලපත්‍රලාභී තැරැව්කාර සමාගමක් හරහා පොදු සමාගම්වල කොටස් මිලදී ගන්න මුදල් ආයෝජනය කරන්න. අද වෙද්දී ජංගම දුරකතනය භාවිතයෙන් කොටස් වෙළඳපොළ (CSE) mobile app එක භාවිතා කරලා, පහසුවෙන්ම CDS ගිණුමක් ආරම්භ කරගෙන ඔබට කොටස් වෙළඳපොළ ආයෝජනය පටන්ගන්න පුළුවන්. මෙහිදී සමාගම්වලින් ඔබට වාර්ෂිකව ලබාදෙන ලාභාංශත්, කොටස් මිල ඉහල යෑමෙන් ලැබෙන ප්‍රාග්ධන ලාභයත් ප්‍රධානතම ප්‍රතිලාභ විදියට ලබාගන්න පුළුවන්.

07. ඔබේම ව්‍යාපාරයක් ආරම්භ කිරීමට මුදල් ආයෝජනය කිරීම
ඔබේ හැකියාවන් හා කැමත්ත භාවිතා කරලා අලෙවි කරන්න පුළුවන් නිෂ්පාදිතයක් නිර්මාණය කරලා එය ව්‍යාපාරයක් විදියට කරන්න මුදල් ආයෝජනය කරන්නත් පුළුවන්. ඒ තුළින් ඔබට ලාභ උපයන්න පුළුවන්.

08. ඔබේ හැකියාවන් සහ දැනුම වර්ධනය කරගන්න මුදල් ආයෝජනය කිරීම
ඔබේ හැකියාවන් සහ දැනුම වර්ධනය කරගැනීමෙන් පසුව ඔබට පුළුවන් ඒවා අලෙවි කිරීම සහ සේවාවක් විදියට සැපයීම මගින් මුදල් උපයන්න.

09. කෘෂිකර්මාන්තය සම්බන්ධ ආයෝජන
විශාල ඉල්ලුමක් තියෙන, අඩු ඉඩකඩක පහසුවෙන් වගා කරන්න පුළුවන් භෝග වගා කිරීමට මුදල් ආයෝජනය කිරීම. මගේ මිතුරෙක් ඉන්නවා ඔහුගේ නිවසේ slab එක මත උරවල කොච්චි මිරිස් වගා කරලා සැලකිය යුතු ආදායමක් මාසිකව උපයන.

10. ඉඩම්, දේපළ හා නිවාසවල ආයෝජනය
ඔබේ නිවස තට්ටු දෙකකට සැලසුම් කරලා තවමත් තනි තට්ටුවක විතරක් වැඩ නිමකරලා ඔබ එහි ජීවත්වෙනවා නම් ඔබේ ඉතුරුම් භාවිතා කරලා අනිත් තට්ටුවේ වැඩ නිම කරලා එය කුලියට දෙන්න. එයින් ඔබට පුළුවන් මාසිකව ආදායමක් උපයන්න. මේ එක් උදාහරණයක්. ඒ වගේම ඔබට පුළුවන් ඉඩමක් මිලට ගන්න. ඉඩම්වල මිල ගණන් කොහොමත් ඉහළ යන නිසා එය ඉතාමත් අඩු අවදානමක් තියෙන ආයෝජනයක්.

ඔබට පුළුවන් ටිකෙන් ටික මුදල් ඉතුරු කරමින්, ඒවා නිවැරදි ලෙස ආයෝජනය කරමින් ඔබ සතුව ඇති මුදල් ප්‍රමාණය වැඩි කරගන්න. අලුත් වත්කම් අත්පත් කරගන්න. ඒ සඳහා මුලින්ම ආයෝජකයකුගේ මනසක් (Investor Mindset) නිර්මාණය කරගන්න. ඒ කියන්නේ ඔබ උපයන මුදල් tool එකක් විදියට භාවිතා කරලා තවත් මුදල් නිර්මාණය කරගැනීම වෙනුවෙන් වැඩ කරන මනසක් ගොඩනගාගැනීම.
ඒ වගේම මතක තියාගන්න අවශ්‍ය කාරණය තමයි ඕනෑම ආයෝජනයක් හා බැඳුණු අවදානමක් තියෙනවා. ඒ නිසා ඔබ ආයෝජනය කරන්න තෝරාගන්නා ආයෝජන මාර්ග ගැන හොඳින් ඉගෙනගන්න. Youtube, TikTok වගේ platforms වලින් ඔබට ඒ ගැන නොමිලේම ඉගෙනගන්න පුළුවන්. එක් මාර්ගයක ඔබ සතු සම්පූර්ණ මුදලම ආයෝජනය කරන්නේ නැතිව ආයෝජන කළඹක් (Investment Portfolio) නිර්මාණය කරගන්න.
එහෙමනම් හැමෝටම Happy investing!
මම, මධුර අමරසිංහ
[email protected]
ඔබේ අදහස්, ගැටලු අප වෙත ලියා එවන්න.
ධරණී Financial Guide, ධරණී පුවත්පත, නො.91, විජේරාම මාවත, කොළඹ 07.

The Ceylon Entrepreneur

02/12/2025

30/11/2025

28/11/2025

28/11/2025

28/11/2025

27/11/2025

27/11/2025

24/11/2025

23/11/2025

23/11/2025

22/11/2025

21/11/2025

Address

Telephone

Website

Alerts

Contact The Business

Shortcuts

Share

Category