Che tv

10/10/2022

27/06/2021

වසර 63ක් බලාසිටි ප්‍රේමයක් ❤

ටෙක්සාස් සිට ලොස් ඇන්ලිස් දක්වා දිවෙන දුම්රියක් තුල මුණගැසෙන තරුණ යුවලක්.
ඇය ක්ලාරා.ඔහු ජෝසෆ්.
දෙදෙනා පෙම්වතුන් වෙනවා.පෙම්වතුන් වී විවාහ වෙනවා.
ඒත් ඒ ප්‍රේමයට දළුලා වැඩෙන්න තරම් සෞභාග්‍යමත් කාලයක නෙමෙයි.ඒ ප්‍රේමයේ හිරු කිරණ ලෝකෙ අගිස්සෙන් මුහුදෙ ගිලෙමින් තිබුනු,යුද්ධයක ශේෂ වූ දුම්‍ රොටු අඳුරු වළාවන් සේ අහස වසාගෙන සිටි කාලයක්.ඒ දෙවන ලෝක සංග්‍රාමයේ වේදනාත්මක මතකයන්ගෙන් මිදීමේ මගක් සොයමින් සිටි කාලයක්.ඒ 1948 ජූනි මාසයයි. ජෝසෆ් ක්ලාරා යුවල විවාහප්‍රාප්ත වූ මාසයයි.
විවාහයේ උණුසුම හදවතින් බැහැරව යන්නටත් මත්තෙන් හමුදා සෙබලෙක් වූ ජෝසෆ් ගෑන්ට් හට වහාම සේවයට වාර්තා කිරීමේ නියෝගයක් ලැබෙනවා.ඒ කොරියානු යුධ බිමට.

නික්ම යන්නට මත්තෙන් ඔහු සිය බිරිඳගෙන් එක් අවසන් ඉල්ලීමක් සිදුකරනවා;

"මා නැවත නොපැමිණියහොත් ඔබ මා අමතක කර නැවත විවාහ වෙන්න"

"නැහැ! මම ඔබ එනතෙක් බලාසිටිනවා.." ඒ ඇයගේ ප්‍රතිචාරයයි.

කාලය ගෙවී යනවා.ඔහුගෙන් ඇයට අවසන් වරට ලිපියක් ලැබී සෑහෙන කාලයක් ගතවෙලා.ඔහුගේ ඉරණම අඳුරු වීද..ඈ එසේ සිතන්නට ඇති.සිය පෙම්වතාගේ හදිසි නිහඬවීම කුමක්දැයි සොයාබැලූ ඇයට ,1950 නොවැම්බර් 30 වෙනිදා ක්‍රියාන්විත සේවයේදී සාජන්ට් ජෝසෆ් ගෑන්ට් අතුරුදන් වූ බවට ආරංචි ලැබෙනවා.ඇයට කල හැකිව තිබුනේ එකම දෙයක් පමණයි.ඒ දෙවියන් යැදීම පමණයි.
තවත් වසර තුනක් ගෙවුනු තැන,1953දී ඇමරිකානු චීන සිරකරුවන් හුවමාරුවකින් යළි ඇමරිකාවට පැමණි සෙබළුන් කීපදෙනෙක් සාජන්ට් ගෑන්ට් පිළිබඳ මතකයක් අවදිකරනවා.ඔහු තමන් සමග චීන අත්අඩංගුවේ සිටි බවත් 1951 දී සාගතයෙන් මියගිය බව‍ත් ඔවුන් පවසා සිටියා.

නමුත් ක්ලාරා විශ්වාස කලේ කෙදිනක හෝ තම ප්‍රේමවන්තයා තමා සොයා එනු ඇති බවයි.ඒ නිසා ඇය නිකඩවා දෙවියන් යදිමින් සිටියා.ඇය ඔහුගේ නිර්පද්‍රිත පැමිණීම වෙනුවෙන් යාඥා කලා.ඔහු පැමිණි පසු දෙදෙනා එක්ව ගතකරන ආලෙන් පිරුනු සන්ද්‍යාවන් වෙනුවෙන් යාඥාකලා.

අවසානයේ වසර 63කට පසුව දෙවියන් වහන්සේට ඇයගේ යාඥාවන් ඇසෙන්නට ඇති.නමුත් දෙවියන් වහන්සේ ඇය වෙනුවෙන් එවා තිබුනේ ජාතික ධජයෙන් ආවරණය කරන ලද සීල් තැබූ මිනී පෙට්ටියක්.ඒ තුල තැන්පත් කර තිබුනේ වසර 63කට පසුව කොරියාවෙන් සොයාගත් දිරාගිය අස්ථි කැබලි කීපයක්.පරීක්ෂණ අනුව ඒ සාජන්ට් ජෝසෆ් ගෑන්ට්ගේ අස්ථි කොටස්.

වසර 63කට පසුව තමා සොයා ආ නිහඬව නිදන තම පෙම්වතා ඉදිරියේ එතෙක් කල් සඟවාගෙන සිටි කඳුළු කැට වස්සන වයස අවුරුදු 94 වූ ක්ලාරා ගෑන්ට් සිය පෙම්වතා පිළිබඳ මතකයන් සමග තනිවන මේ ආත්මීය මොහොත කැමරා කාචයේ සටහන් වී තීබුනා

අවශේෂ ලැබුනු දිනට පසුදිනම පූර්ව හමුදා ගෞරව සහිතව සාජන්ට් ජෝසෆ් ගෑන්ට්ව සිය මව්‍ රටේ පස තුල සදාකාලික නින්දක සතපවනු ලැබුවා.

ප්‍රේමය සදාකාලික දැයි නොදන්නා මුත් සදාකාලික වූ ප්‍රේමයන් ඇති බව දනිමි.
ප්‍රේමය අමරණීය දැයි නොදන්න මුත් අමරණීය වූ ප්‍රේමයන් ඇති බව දනිමි.
"වසර 63ක් බලාසිටි ප්‍රේමය" ඒ පාඩම කියාදී ඇත.

උපුටාගැනීම.. සංකල්ප ගුණතිලක

චායාරූප #අරුන්දතී_පිටුවෙන්

26/06/2021

චමීර 💯🇱🇰❤

25/06/2021

අම්බෝ ඉතින්

අන්තිම එක යසයි යසයි 🤣🤣🤣

25/06/2021

" මහේල ජයවර්ධන එක්ක එක විනාඩියක් ක්‍රිකට් ගැන කතා කළත් ඒක ක්‍රිකට් ආයෝජනයක්..."

ඔහොම කියන්නේ වෙන කවුරුත් නෙමෙයි, ලෝක පූජිත කුමාර් සංගක්කාර... මේ කියන්න යන්නේ මහේල ජයවර්ධනගේ ඒ ක්‍රිකට් දැක්ම ගැන..

මැද පෙළ පිතිකරුවෙක් විදියට තිලකරත්න ඩිල්ශාන් එක තැන පල් වෙනවා... 99 ඉඳන් 2009 වෙනකන්ම ඩිල්ශාන්ට තියෙන්නේ එකම එක ශතකයයි... ඔහොම යන ඩිල්ශාන් අසාර්ථක වෙලා එලියට විසි වෙනවා... ආයෙ කණ්ඩායමට එන්න පවා තැනක් නැති වෙනකොට හැමෝම කියන්නෙ ඩිල්ශාන්ගෙ ක්‍රිකට් Career එක ඉවරයි කියලා... හැබැයි ඩිල්ශාන් ලෑස්ති උනේ නෑ පරදින්න... ඩිල්ශාන්ට Open කරන්න අදහසක් තියෙනවා... මහේල ජයවර්ධන ඩිල්ශාන්ට යෝජනා කරනවා...

" ඔයා ඇවිත් Open කරන්න... ඉස්සෙල්ලාම Domestic එකක් කරලා බලන්න... සාර්ථකයි නම් අපි ඒක කරමු..."

ඩිල්ශාන් මහේලගේ යෝජනාවයි එයාගේ අදහසයි හිතේ දරාන ආරම්භක පිතිකරු විදියට ක්‍රියාත්මක වෙන පළවෙනි Domestic මැච් එකේම ශතකයක් වාර්තා කරනවා... ඩිල්ශාන් එදා ඉඳන් ලංකාවෙ තරඟ දිනවන ලකුණු මැෂිම බවට පත් වෙනවා... එකම එක ශතකයක් එක්ක හිර වෙලා හිටපු ඩිල්ශාන් නවතින්නෙ ශතක 22 ක් තමන්ගේ මල්ලට පුරවන්...

මහේල ජයවර්ධනට ඕනෙ උනා 2007 ඉඳන් ආරම්භක පිතිකරු වෙන්න. මහේල Open කරපු දවසට ලංකාවෙ ක්‍රිකට් වලට මල් හතයි කියලා එයා ඕනෑවටත් වඩා ඔප්පු කරා... හැබැයි මහේල ඩිල්ශාන් වෙනුවෙන් තමන්ගෙ අදහස පැත්තකට දැම්මා... හරියට නොම්බර 03 ගහපු මහේල සංගක්කාර අසාර්ථක වෙනකොට එයාට දීලා අඩියක් පස්සට ගත්තා වගේ...

මහේල ජයවර්ධන කියන චරිතයේ මෑන් මැනේජ්මන්ට් කියන දේ තියෙන්නේ ඔතන...

දවසක් මාලිංග අපූරු කතාවක් කියනවා... එයා 2011 ටෙස්ට් ක්‍රිකට් වලින් අයින් වෙන්නෙ ලංකාවෙ ක්‍රිකට් වෙනුවෙන් තව දුරටත් ඉන්න ඕනේ නිසා කියලා... ඒක කරන්න අවශ්‍ය ශක්තිය දුන්නෙ මහේල ජයවර්ධන බවත් ඔහුට තමන් ස්තූති කරන බවත්...

ඒ තමා මහේල ජයවර්ධනගේ මෑන් මැනේජ්මන්ට්...!

මහේල, දෝණි, පොන්ටින් කියන්නේ සමකාලීන නායකයෝ තුන් දෙනෙක්... පොන්ටින්ට හිටියෙ හැම පැත්තෙන්ම සමබර කණ්ඩායමක්... දෝණිට හිටියෙ ඕන ලකුණු ගාණක් ගහන්න පුළුවන් ප්‍රභල පිතිකරුවන් ටිකක්.. හැබැයි මහේලට හිටියෙ හැමදාම එකම එක තුරුම්පුවක් නැත්නම් දෙකක්... ඒ ඉන්න දෙන්නගෙන් නැත්නම් එක්කෙනාගෙන් මහේල ජයවර්ධන උපරිමය අරන් අර දෝණිලා පොන්ටින්ලා එක්කලා කරට කර හිටියෙ මහේලගෙ තියෙන ඒ මෑන් මැනේජ්මන්ට් කියන අවියෙ හයියෙන්... මහේල දන්නවා තමන් ගාව ඉන්න කෙනාගෙන් උපරිමය ගන්න හැටි...

ඕන නවකයෙක් සාර්ථක වෙනකොට අනෙක් අන්තයේ මහේල ජයවර්ධන හිටියේ අන්න ඒ නිසයි...!

එහෙව් මහේල ජයවර්ධනගෙන් උපරිමය ගන්න ලංකාවෙ ක්‍රිකට් වලට පින නැති උනාට අම්බානිලා වගේ සල්ලිකාරයෝ මහේල වෙනුවෙන් තමන්ගේ සල්ලි මලු හොල්ලන්නේ මහේල කියන්නේ ක්‍රිකට් ආයෝජනයක් කියලා දන්න නිසයි...

මහේල කියපු ප්‍රකාශය බුද්ධියෙන් තේරුම් ගත්තු මිනිස්සු මහේලගෙ පැත්තෙ ඉන්නවා... ඒක තේරුම් ගන්න බැරි උනු මිනිස්සු අද මහේලට බනිනවා...

ඕන කෙනෙකුට ලකුණු ගහන්න පුළුවන්... හැබැයි හැමෝටම බෑ වටිනාම ක්‍රීඩකයා වෙන්න... මහේල ඒක කරලා පෙන්නුවා...

#මෙසී
සම්පූර්ණ ගෞරවය මුල් අයිතිකරු සතුයි

උපුටා ගැනීම පිටුවෙන්

25/06/2021

Lion 🇱🇰

25/06/2021

[විසිතුන් හැවිරිදි කාන්තා මලසිරුර සැකසීමට නොහැකි යැයි කියා එම්බාම්කරු මල් ශාලාවෙන් පිටතට පැමිණේ]

මහා වැහි දවසක
වැහිලිහිණියන්ටත් අඬන්න අමතක වුන හවසක

එදිනෙදා වැඩ ඉවර වී මිනිස්සු යෙනෙන මොහොතක
දවසෙ වැඩ අැරඹුම ආවේ කාකි ඇඳුමක කරමත

නාඳුනන මරණයක් කිව්වාම පළමුව
හිත හැමදාම මෙන් සෙලවුනා හුරුව⁣ට

අැසිඩ් හලාගෙන බං
පුච්චගෙන හොඳටම
වයස, ස්ත්‍රී පුරුෂ
කියද්දි සාජන් විස්තර

කාගෙ හරි දරුවෙක්නෙ කියා
බර සුසුමකි හදවතෙන් පිට වුන..!
___________________________________

කඩාගමි සසර පුරුද්දට කාල එක උගුර⁣ට
කෙල ගසා විසි කරමි දුක,බිය හනික ඉවතට

ගනිමි සැත, ෆෝමලීන් පොලිතීන් ලඟටම
බාල පෙට්⁣ටියක දිග අරිමි ජීවිතේ නිරුවත

මැරුණට පස්සෙ මොකටද කොහොමත්
දැම්මාට නොයෙකූත් කැටයම

දෙන වැසූ ඉටිකොලය ඉවත දා හනිකට
පටන් ගමි ජීවිතේ මෙනෙහි කරන්නට අනිත්‍ය

ගෙලට උඩ සිට අඟුරු කැබැල්ලකි උවනෙත
හිතකින් කරන්න පුළුවන් ද
මෙහෙම දෙයක් කිසිදින

අනික,
සියදිවි නසාගන්නත් වෙන ක්‍රම නැතිවද
________________

කාරලා කෙල සමඟ ඉවත දා යලි දුක
ඉවත් කරලමි ඇය ඇඳන් සිටි අැඳිවත

එක වරට දුටු දෙයින් නතර වූ හදවත
ප්‍රාණවත් කරගමි දුම්වැටියක් දල්වා හනිකට

කව්රුත් නැද්ද මහත්තයෝ අයිතිකාරයෙක් මේකිට
__________________________

කවුරුත් නෑ බං සිරිල් අඳුනගත්තෙ ඕකිව
කොහොම අඳුනගන්නද බං ඉතිං
අඟුරු වුනාම මුහුණත
_________________

පෙරලා දා පිට පැත්ත හනිකට
සැක හැර ගනිමි
වෙවලමින් අත් දෙක
________________________

ගෙදරින් ගියේ තරහ වීලයි ප්‍රේමෙකට ඉස්සර
අඳුනගනු බැරිද මට ආදරෙන් හදපු අත් දෙක

කපන්නෙ කොහොමද මහත්තයෝ පිහියකින් හදවත
ඔය ඉන්නෙ මගේ කෙල්ලයි
පිච්චුනාට සඳවන් උවනෙත

|අවිශ්ක බී.එල්.ටී.

උපුටා ගැනීම #ගම්පොළයා පිටුවෙන්